燒味滷師 (安發大廈)

營業中

休息中

燒味滷師 上次試過佢啲燒味好好味，今次慶祝仔女考完試，專程出去長沙灣買幾款燒味慶祝吓。小朋友指明想食叉燒及紅腸，其他就由我話事，我另外再加咗滷水鴨及冷盤海蜇手撕雞。食飯期間我只係傾咗2分鐘電話，全部餸已經冇咗半碟，連相都差d影唔切。和田滷水鴨半隻$60鴨肉好嫩滑又入味，一向食肉唔「噒」骨嘅小朋友都食到嘴舐舐，連骨都「噒」埋。配埋個白醋好有打冷風味。胡麻海蜇手撕雞半隻$65食過好多間都落咗好多調味料，呢間手撕雞冇味精，而且好有雞味，另外配上胡麻醬，似日式芝麻醬，配上這個醬更開胃。海蜇都好爽口，師傅還加了一些芝麻，食落更香。燒味佬叉燒  $50小朋友最愛，指定要買這個叉燒，飯都食多咗。禾味紅腸  $20紅腸配滷水汁都好好味，食到停唔到口。

最近行過見到好多人排隊買燒味，而且香噴噴的燒味好吸引，燒味賣完即燒即出，夠哂新鮮，跟其他人排隊試買了幾款燒味及涼伴小食返屋企晚餐加餸！ 禾田滷水鴨（半隻）滷味食材同樣好夠水準，鹵水鴨好大隻，肥瘦比例剛好，皮下沒有過厚脂肪，肉質非常厚實大片唔會好鞋，仲有脾，滷水嘅味道非常之香濃，細心加分位是滷水汁及醋汁分開袋！燒味老叉燒（半斤）我比較怕肥肉，所以特別Order了瘦叉燒，沒有太多肥膏，叉燒蜜汁好香，叉燒外層微脆，成品色澤亮麗，蜜汁味唔算好甜，鹹甜適中，肉質非常軟腍好吃，配飯一流！燒雞翼（4隻）燒雞翼燒得好香，表面有蜜汁食落好惹味，連埋有雞翼尖，岩哂鐘意食雞翼尖人士！麻辣手撕雞（半隻）最鍾意食呢個涼伴小食，雞骨起晒，食落啖啖肉沒有太多雞皮，雞肉好嫩滑，辣度剛好是小辣，好大盒，性價比高！

長沙灣超抵食燒味～不過今次食既係滷水鴨麻醬海蜇手撕雞燒雞翼同埋叉燒呢盒海蜇手撕雞係半隻雞絲好有鹹香海蜇就好有麻油香味面頭仲有芝麻粒粒配埋麻醬食一流燒雞翼同埋叉燒蜜糖味好重嗜甜人士岩晒叉燒肥瘦適中食落口唔會乾爭爭滷水鴨就超入味好濃既五香味呢度係半隻咁多樣野真係要6個人先食得晒點左咁多樣嘢$200都唔洗CP值超高😍係我最鍾意既橙色燒雞翼其實呢度既種類好多之前食過燒鵝都好正燒肉個腩位都好吸引呀😍堅係抵！

💁🏻‍♀️ 燒味滷師 (長沙灣) 🍴-終於試到呢間區內都幾出名嘅新開燒味舖，果然名不虛傳10分高質啊！唔怪之得咁多人排隊，因為真係又平又好食OMG🤩和田滷水鴨（半隻）$60兩老食完都一致讚好，鴨肉10分嫩滑，而且秘製醃法好特別，唔知配方係咩，但係食到少少藥材味，唔錯唔錯😇燒味佬叉燒（$50/斤）呢個係細佬摯愛，叉燒半肥瘦，而且醬汁好甜，飲質一啲都唔鞋，食到停唔到口燒雞翼（$20/4隻）雞翼燒到好香，份量亦都好大客家鹽焗雞（$50/隻）$50大大隻鹽焗雞真係抵到爛，而且真係真材實料，雞肉好滑， 食落有少少鹽味，而且會送埋沙薑醬，點落去食超級惹味 -📍 燒味滷師 (長沙灣)#長沙灣 長發街28號安發大廈地下D號舖#小丸子搵食記 #小丸子長沙灣-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #燒味

斬大嚿叉燒！幾時都話加料最方便就緊係燒味，今日又經開長沙灣又點可以錯過呀！櫥窗掛滿琳瑯滿目燒味，一時間都好難決定，而且價錢都非常經濟實惠！咁抵食，當然每樣都要買番屋企慢慢歎。禾田滷水鴨(半隻) /燒味佬叉燒(約半斤)/ 蜜汁燒雞亦(4隻)/ 海蜇胡麻手撕雞(半隻)海蜇胡麻手撕雞(半隻) - $65涼拌嘅海蜇胡麻手撕雞真係無得頂！胡麻手撕雞已撕成一片片方便進食，雞肉清涼而鮮味，海蜇皮脆嫩爽口，配上香濃的芝麻醬，真係越食越開胃。禾田滷水鴨(半隻) - $60滷水鴨用了秘制滷水汁及多種香料調味浸製，看到其色澤已非常吸引，滷水味香濃，且肉質肥美有肉甘香，真係想開番罐啤酒，啤一啤佢。燒味佬叉燒(約半斤) - $50 / 蜜汁燒雞亦(4隻) - $20燒味佬叉燒(約半斤)叉燒又點可以缺少呀？叉燒肉質鬆軟多汁，有點後悔只買了半斤這麼少🥲。蜜汁燒雞亦(4隻)燒雞亦中沾滿的香濃的蜜汁，燒雞微脆香甜，有著傳統燒味店的風味，抵食。

去長沙灣蘇屋邨幫小朋友補習嘅時候見到有間乾淨同裝修幾新嘅燒味店往往都排長龍， 今日屋企人無煮飯，我就建議買啲燒味同鹵水返去試。禾田滷水鴨 （半隻） $60打開覺得好靚，排得靚之餘，鴨皮嘅色水都靚，唔太深色，剛剛好，食落唔太咸，肉質厚得嚟唔太實肉，肉質帶點鬆化。原味手撕雞 （半隻） $60見到雪櫃有$60一大盒手撕雞好抵,依度用左白羽雞種做手撕雞，白羽雞出名厚肉，而且肉瘦，無乜肥膏，而且依度無落太多麻油，唔會油淋淋！燒味佬叉燒 $50望住廚窗叉燒好吸引，食落有種甜蜜蜜嘅味道之餓，外層仲係脆口嘅！知唔知重點係乜嘢， 重點係呢個係半肥瘦，好多時叫半肥瘦啲舖頭都唔會畀到你， 番到屋企往往失望，依度得，少少肥膏加上入味嘅叉燒肉，一流！禾味紅腸 $20媽咪自己煮咗個齋米粉，加幾片紅腸為米粉增添不少味道 媽咪話第日去開，都要買返一兩款加餸，試多幾款！

屋企人一向都鐘意食燒味，香港雖然有好多間燒味店，但真正好食嘅並唔多。已經連續幾日經開長沙灣，都見到呢間店大排長龍，價錢仲要幾抵，忍唔住買啲返屋企同屋企人品嚐。店鋪乾淨企理，大大個黃色招牌，非常易認，所有燒味整齊排列，感覺非常衛生。禾田滷水鴨滷水味香濃而且入味，鴨肉非常鮮嫩，沾上蘸料仲可以消除肥膩感。 蜜汁燒一字骨食一字骨最怕得骨無肉，呢度嘅一字骨啖啖肉，而且燒得夠香甜。禾味紅腸紅腸肉質結實彈牙，醃得夠味，小朋友最鐘意食。麻辣手撕雞必試菜式，屬於4小辣嘅程度，辣味有層次，配上超多芝麻，超超超惹味！佢地採用白羽雞種，雞肉非常香滑！總括黎講，呢個價錢非常抵食，係斬料嘅好選擇，可以encore！

之前食過而間既燒味真係念念不忘😋一直想搵日再試下🤤🤤 今日專登叫屋企人唔煮飯！等我斬料翻去食胡麻醬海蜇手撕雞🍴天氣越來越悶熱，食個凍冰冰既冷盤真係夠曬開胃🤩海蜇十分爽口，手撕雞肉質嫩滑😋禾味紅腸&蜜汁叉燒😋紅腸每次見到都好想食，是小時候看家必備的！非常下飯啊🥳而蜜汁叉燒紅彤彤外皮，味道甜甜的😍咬下去肉味夠囇香濃~禾田滷水鴨 🍴滷水鴨真係不得不試喔👍🏻👍🏻鴨肉肉質軟軟嫩嫩！鴨肉完全冇‘So’味🥰味道滷得啱啱好😋非常入味~一家人食真係超級飽！！ 屋企人都大讚好好食啊👍🏻👍🏻

今晚唔想煮飯， 媽媽係附近買左d燒味同滷水翻黎🥳🥳 簡單方便好味既一餐~~禾味紅腸 - 紅腸簡直係屋企雪櫃必定！！ 我地全家都好中意食👍🏻👍🏻 外皮夠脆！！ 蜜汁叉燒 - 叉燒肉甜絲絲的~~肉質甘香又不膩！送飯一流！胡麻海蜇手撕雞 - 這道冷盤開胃又好食😋再拌入胡麻醬連小朋友都中意食啊！！禾田滷水鴨 - 鹵水鴨這是潮州馳名的美食！！鴨肉不會偏瘦有少少肥膏，包保不會鞋🤤點埋酸醋汁令鴨肉昇華更好味😋五個人四個餸🤤 好飽啊！！

朋友介紹長沙灣有一間好正嘅燒味店，於是就去買返屋企試吓。都有好多推介食物，屋企人比較鍾意食雞，所以就叫兩款唔同嘅雞，再加多少少滷水鴨同埋叉燒。其實都真係好多人買，喺出面都要排一排隊先有得食。禾田滷水鴨（半隻） $60滷水味道鹹香十足，而且好有鴨香。比想像中滑得多。燒味佬叉燒（斤） $50叉燒唔會太瘦，肥瘦適中，而且燒得蜜汁香味濃，配搭任何粉面飯都非常match。燒雞翼（四隻） $20燒雞翼，我自細鍾意食，佢呢度嘅雞翼價錢唔貴，而且大隻，燒得香，肉質仍然保持嫩滑。胡麻海蜇手撕雞（半隻）$65手撕雞都算係我最鍾意食嘅一款，半隻嘅手撕雞質感比想像中滑很多，我配搭公仔麵食，係非常match，亦都可以自行添加胡麻醬，海蜇都比較爽口。

前幾日放學經過長沙灣呢邊，諗起上次喺燒味滷師買嘅燒味，屋企人話好好味！今次難得經過呢邊，順便嚟再買～每次嚟到都好多人排隊！睇嚟真係好好味😋燒味佬叉燒一斤$50半肥瘦嘅叉燒好新鮮，幾鍾意佢嘅調味，幾香甜～而且燒得幾香，邊邊仲會脆脆地，咬落仲有好多肉汁添～食得好滋味🥰老師傅燒腩仔一斤$69新鮮嘅燒腩仔，外皮十分之香脆！食落脆卜卜～半肥瘦嘅豬肉，食落啖啖肉😆客家鹽焗雞一隻$59好大隻鹽焗雞切件！醃製得好香，鹹鹹地，肉質幾滑～食落幾爽口，咬落好厚肉，佢嘅薑蔥配埋鹽焗雞，呢個配搭好正👍🏻至尊燒鵝上庄$110好Juicy嘅燒鵝，一食啲肉汁就流晒出嚟～燒鵝皮好香脆，食落幾香，幾有咬口～配埋佢嘅酸梅醬，食得好滿足☺️

長沙灣新開左間燒味舖排晒長龍，埋去一望，原來價錢超級吸引，難怪引晒一班街坊埋去，望落去都好吸引決定買啲返屋企加餸！至尊燒鵝上庄個皮燒得幾脆，再配大大包滷水汁自己加落去，有淨仲可以送飯，一流！老師傅燒腩仔燒腩仔有肉有脂肪，拎到返屋企唔係好脆，用airfryer加熱即刻脆返晒好似啱啱出爐咁！客家鹽焗雞鹽焗雞真係抵食之選，出邊買一隻雞都幾十蚊，呢度$59包埋幫你整仲要切埋，好難搵到呢個價錢啊燒味佬叉燒叉燒半肥瘦啱啱好，加埋蜜汁一流配搭，食多幾嚿都唔怕滯！

當日同老公打完排球經過長沙灣好想食真正燒臘。經過這間餐廳我哋都覺得唔錯因為見到門口已經覺得好吸引。首先我同佢揀咗佢哋最出名嘅至尊燒鵝。皮薄餡靚肉汁完全保留鎖住在燒鵝肉裏邊。食落口淡淡似香可以感受到鵝肉嘅香味。在舌頭與牙齒之間內反動令我覺得好有初戀嘅感覺，男朋友就比較鍾意食佢哋最為特別燒肉滷叉燒同埋燒腩仔原因因為燒腩肉真係好脆皮薄餡靚其他酒店食唔到。我自己女仔就比較鍾意食佢哋客家人整嘅鹽焗雞。隻雞好大隻我覺得有三磅重真係唔錯。你返價錢位置個嘢都好適中希望有時間同媽咪幫襯。

今日仲喺長沙灣做嘢🤪🤪🤪🤪之前已經聽聞有間燒味外賣店叫燒味滷師好正過黎買下先✌🏻✌🏻✌🏻✌🏻一嚟到見到門口排曬長龍佢啲燒味睇落真係流晒口水旁邊仲有啲已經斬好咗嘅可以就咁買走我都想試吓叉燒➡️都幾大份吓蜜汁味好香😈偏瘦肉多啱我因為我唔鍾意肥膩感燒鵝➡外賣拎到返去成個幾鐘之後先食另外會有包燒鵝汁返到去自己淋落去燒鵝皮好脆好惹味本人最愛食帶骨既部位食到醃料既香味燒肉➡️大大舊好脆皮雞➡️佢另外有盒沙茶醬比我地

超抵食燒味外賣店呢間店近排做緊優惠，無論係單拼定係雙拼飯都只係$22 ，相當抵食。就等小編幫大家試吓佢嘅燒味得唔得啦！禾田滷水鴨（半隻）好味指數：👍🏻👍🏻👍🏻👍🏻皮薄，皮下唔會有太多脂肪，咬落去啲肉都唔會好鞋，仲會有好濃嘅藥材味，唔會係好單調嘅咸味。師傅手勢好，唔會有碎骨。燒味老叉燒（一斤）好味指數：👍🏻👍🏻👍🏻👍🏻叉燒肉質偏瘦，但小編比較怕肥肉，所以就好鍾意食。叉燒蜜汁好香，撈飯一流。翻到屋企再用泥整叉燒炒蛋都好正。燒雞翼（4隻）好味指數：👍🏻👍🏻👍🏻👍🏻雞肉嫩滑，表面有蜜汁。連埋有雞翼尖，岩哂鐘意「損」骨嘅朋友仔。胡麻海蜇手撕雞（半隻）好味指數：👍🏻👍🏻👍🏻👍🏻👍🏻小編最鍾意食呢個，因為啲雞肉都起晒，食起嚟好方便。雞肉都好嫩滑，而且唔會有太多雞皮，面頭有好多芝麻。旁邊嘅海蜇調味相當香濃，口感爽口。再配上特別嘅胡麻醬汁，無論係撈飯定係配冷麵食，都非常夾。以下係餐牌俾大家參考一下：