燒味滷師 (安發大廈)

營業中

休息中

燒味滷師嘅選擇越嚟越多，前兩日經過見到有手撕雞呀！可惜嗰日得返辣味無買到今晚買咗燻蹄、叉燒同埋燒雞翼，其實本身都夠食，但豉油雞先至$59一隻，好抵食，咁又買埋燻蹄真係幾好味，味道唔會好鹹，肉質好爽，點埋酸甜嘅調味料非常開胃！仲有，佢肥膏嘅部份唔算好厚，成片食晒都唔會覺得好邪惡！豉油雞味道稍為淡啲，一隻嘅份量好多，豉油雞汁嘅色澤均勻，雞肉都做得幾嫩滑。如果雞皮更加爽脆就好啦燒雞翼$5隻，又係抵食。佢啲燒雞翼搽咗好厚嘅蜜糖，味道偏甜，小朋友好鍾意食！