燒味滷師 (安發大廈)

營業中

休息中

燒味滷師👻今晚屋企有親戚黎食飯又唔得閒煮咁多收工即刻去斬料加餸都幾多人等緊燒味不過好快就買完拎得真係好快手😆😆.🔅至尊燒鵝(半隻) HKD 180勁新鮮即叫即斬帶到返屋企都仲係熱既皮夠脆又多肉啲肉汁仲有keep住流出黎好好食既燒鵝😚🔅原味手撕雞(半隻) HKD 60估唔到佢地都有手撕雞好彩最後一盒都比我買到🤣雖然半隻雞不過個份量一啲都唔少佢地仲有連埋半隻雞既雞殼係到鍾意損骨既會好開心🥰🔅燒味佬叉燒 HKD 50買咗50蚊叉燒大約係半斤半肥瘦非常適中啖啖肉既滿足🥳.整體黎講：燒味滷味 好有水準😚.🎈燒味滷師 (安發大廈) (長沙灣)長沙灣長發街28號安發大廈地下D號舖

屋企人無肉不歡燒味就啱曬大家口味有朋友試過燒味滷師大推：性價比好，一定要試門口櫥櫃已經見到烤得好上色既燒雞亦同叉燒/燒排骨真係流曬口水今次見佢d燒鵝好大隻！一於慰勞下自己，獎勵下個胃街坊價好吸引$59一隻雞仲有三款口味選擇，食一星期都唔悶燒味佬叉燒 $50烤得剛剛好，既有焦香味又夠甜度，送飯一流！叉燒用上半肥瘦豬肉，特別香口不會過瘦，有肥肉的香氣本人最愛食燶邊叉燒焦香味很誘人呢！至尊燒鵝半隻 $180平時外邊$180絕對無半隻燒鵝比你燒味滷師真係比街坊價先做到性價比超級高師傅另外包了一小袋燒鵝汁靈魂醬汁將燒鵝肉味昇華更香濃燒鵝皮仲有小小脆，充滿鵝油香大大隻燒鵝脾豉油雞 $59超多肉，超大份量啊！雞肉質地不錯，都幾滑熟度剛剛好，所以夠曬嫩口調味都剛好，食完無好口渴食肉獸家庭超滿足啊！

尋日放學經過長沙灣，之前嚟過燒味滷師買啲燒味好好食😋今次又想買啲返屋企加餸～原味手撕雞今次想試吓手撕雞～有原味同埋辣味，因為我唔食得辣，所以就揀咗原味～佢係一大盒撕好咗嘅手撕雞，食落幾有質感～調味好香，鹹鹹地，送飯一流～燒鵝半隻每次嚟到都會揀燒鵝，因為佢嘅燒鵝真係好好味😋食過返尋味～香脆嘅燒鵝皮配上juicy嘅燒鵝，一食啲肉汁就流出來～而且好多肉，幾正叉燒一斤上次食過叉燒都覺得幾好味😋今次當然又想買～佢嘅醬汁幾香甜，肉質幾滑，半肥瘦嘅叉燒，食落幾有口感，唔錯～

返屋企食飯加個餸。半斤叉燒半隻燒鵝，大家都食得好滿足。燒味舖黃色嘅招牌都好顯眼，感覺上鋪面成個環境好乾淨，而且都有唔少人買。依度嘅叉燒比較瘦，不過佢完全唔會靭或者非常鞋颯颯。個人偏好半肥瘦叉，但唔靭的瘦叉其實都好好食，而且可以食多幾嚿，唔使就住就住。呢度個叉燒味道唔會有好多蜜汁，而且燒得好燶，所以我覺得整體都幾好。呢隻燒鵝都好正，醬汁係分開包裝的，一返到屋企偷食嘅時候外皮仲有少少脆。另外，隻鵝唔會好肥，肉都算幾多。

今晚同屋企人提早慶祝父親節 daddy一向鍾意食燒味 見完客經過見到呢間新開張既燒味鋪 做緊新張優惠咁就買左返去試一試我買左燒鵝 叉燒 同埋豉油雞燒鵝味道非常濃郁 外皮燒到好脆口 咬落去肉質鮮嫩 另外店家都好好 特登將鵝汁分開 食果時先煮熱倒返落去 令我地可以食得更加滋味 依家佢做緊特價 建議大家必試燒鵝叉燒就比較乾身少少 不過可能係我地鍾意食開半肥瘦關係 但食落口都唔會話乾爭爭果隻 蜜味十足 但下次我會同佢講要半肥瘦至於豉油雞色水十足 浸透既時間亦岩岩好 入哂味又無過左火 豉油雞都係好嫩滑 而且隻雞唔係好肥 最怕就係有果層肥膏如果大家想食燒味 呢間都可以一試

買燒味番屋企加餸，今日係長沙灣落堂後黎到見到間外賣燒味檔，見門外都有唔少人排緊隊，雖然人多，但係店員都好快手可以整好一盒盒嘅燒味。燒味佬叉燒好有咬口，切得夠薄又大片，肥瘦均勻，外皮燒得好有光澤，仲有啖啖蜜汁味，甜而不膩，一般燒味檔好容易將叉燒味道整得太鹹，但係呢一間相對唔會太濃味，唔一定要連飯就咁食都好正。胡麻醬手撕雞配海蜇，呢個相當美味，半隻裝滿一盒好足料。雞肉嫩滑每舊雞肉既大少都剛好，拆好肉仲連骨上埋，海哲爽口彈牙，真係十分開胃。至尊燒鵝半隻， 皮薄又脆身，真係好大盒，燒鵝嘅肥膏唔多，但肉質軟熟唔難咬，仲有成袋酸梅醬，加埋落去更加惹味。果然係做開街坊生意好多人嚟賣客人嚟買，盒盒都足料又抵食。

今日正日生日想在家裏簡單的吃，就決定買外賣返屋企慶祝⭐️之前試過呢一間燒味舖頭，價錢平，質素高，又多唔同選擇 就一於再買燒味回家吃～呢度太耐冇黎已經變成街坊小店，人頭湧湧，幸好姐姐辦事率奇高，等了一會兒就已經可以拿回家 😛今次就叫咗半隻至尊燒鵝，再加半斤叉燒同埋半隻原味手撕雞至尊燒鵝分量十足，都只係$180，燒得好香，油脂充足，肉質鮮嫩，附上大量酸梅漿和燒鵝汁，更添美味叉燒半肥瘦，切得大細剛剛好，不會過鹹，調味非常好第一次嘗試這兒的手撕雞，去了骨😍進食非常方便！灑上大量芝麻和一絲絲雞肉混合，夠晒清爽！ 夏天必食😋簡簡單單的生日飯吃得非常滿足❤️

今日喺長沙灣探個fd🏡走嗰時經過見到有間燒味店幾多人排隊店名仲要咁幽默😹作為最鍾意排隊嘅香港人 我即刻打俾呀媽“Bello 我今日斬料加餸呀😎”-我total嗌咗三樣野最impressive嘅一定係燒味佬叉燒😳$98/斤 我嗌咗$50都已經好大盒叉燒瘦得黎好淋身 一啲都唔鞋 仲幾爽口添再加上秘製蜜糖 真心非常出色🍯🍯-發覺呢間燒味店都幾照顧卡路里關注組人士😼除咗叉燒瘦之外 燒鵝($110/上莊)亦都皮脆少肥點埋甜醬油同酸梅醬 送飯一流😆-Bellofood好鍾意食手撕雞但好多時喺街邊買嘅都有啲硬兼鞋口呢度嘅手撕雞($65/半隻)就完全無呢個問題配埋我另一favorite麻醬海蜇 大滿足😋

屋企人很喜歡吃燒味，知道最近長沙灣有一間燒味店成為人氣排隊店，所以特意驅車前往去買和一家人享用。未行到店已經遠遠看到有一大堆人圍住燒味店， 櫥窗掛滿 大大隻 燒鵝和 油雞. 聽到個個街坊都點燒鵝所以我都唔執輸叫了半隻燒鵝，燒味鹵叉燒半斤和原味手撕雞半隻。燒鵝皮脆肉香， 色澤均勻, 鵝脾肥厚又嫩滑， 還一啲都唔吝嗇有跟上兩大包燒鵝汁和八包 酸梅醬. 食燒味又點可以唔預老少咸宜的叉燒呢！ 唔算太肥的叉燒瘦但肉味濃，原汁原味. 除了傳統的燒味外見還發現有最適合炎夏吃的手撕雞.好大盒呀！原來雞肉下跟返原隻雞殼，一啲都唔馬虎， 手撕雞上面有芝麻，味道帶點鹹 ,配飯或煮一個冷麵配搭最適合。今晚一家人都吃得津津有味

疫情之下，雖有「疫苗氣泡」放寬部份社交距離措施，但要三代同堂坐埋一齊做節外出食飯，簡直是奢望，唯有上長輩家煮食。不擅於烹飪的我，一定只能負責斬料加餸。燒味滷師在長沙灣一向有口碑，成日都有街坊排隊，皆因佢啲燒鵝是現場烤製，隻隻新鮮熱辣，所以吸引不少街坊支持。今日見佢啲燒鵝隻隻脹卜卜肥嘟嘟，鵝身豐滿油光十足，要咗半隻。燒鵝外皮甘脆，鵝肉甘香多汁，正呀！另外，我個人喜歡瘦叉燒，尤其是這裏的叉燒瘦得來鬆軟，很合我個人胃口。麻辣手撕雞，麻辣味剛好不會太辣，而且雞肉亦撕得很仔細，最喜歡就是面層灑上很多很多芝麻，令到整個手撕雞非常香口。

因為想買啲嘢食送下酒，又咁岩喺附近，就嚟呢間成日都咁多人嘅燒味店買啲外賣。佢大部份嘅燒味我都已經試過，除咗滷水鵝，因為佢嘅滷水鵝係比燒鵝更加貴，所以我通常都會寧願食燒鵝。今次買咗半隻燒鵝$180 半隻鹽焗雞$30 叉燒$30 同埋海蜇牛展（唔記得幾$）今次食完好口渴，唔知邊樣野有味精。三百幾蚊兩個人食，又唔可以話平，其實雞係特別平，其他嘢就正常價錢，燒鵝呢，味道同燒鵝專門店嗰啲有啲差距，個皮就一定唔脆，都多肉同埋有鵝油香，價錢就算係平，但係因為唔係好好食，所以又唔可以講佢係抵食，佢嘅燒鴨性價比就好高（今次冇買）。海蜇牛展整得太過甜，唔係我杯茶。最平嘅雞反而係最好食嘅。叉燒就真係好普通，叫咗話要肥叉但係都好瘦，而且都真係太甜。結論：住附近斬料都可以，特登去買就唔需要。

依家無得一大班出去食🍴最中意就係買熟食燒味翻去、再煮⼀兩個菜吾洗煩💯.今次見到人排我又排下！點知呢間燒味「滷師」選擇多，有驚喜😋見到佢新開優惠！買咗半隻燒鵝嘆下！外皮燒得香口、油香十足！大大盒肉質吾老～偏甜口味啱我心意💯仲要酸梅醬絕對吾吝嗇，勁多包！👍🏻👍🏻見到佢有燶邊叉燒😋要咗偏瘦既，但入口都幾鬆化又無渣！醃得都幾入味！下次試下半肥瘦先😋😋要多個冷盤麻辣手撕雞🐔估佢吾到咁高水準！大大盒不在話下💯雞肉嫩口，調味啱好、勁開胃、吾會太麻太辣👍🏻灑上芝麻好香😋下次買多盒海蜇撈埋不得了！買咁多300都吾洗！食到大家勁滿足💯

鍾意食燒味嘅我突然間燒味引起左🤤一於唔煮飯！！買晒啲想食嘅返屋企食 kekeke ~燒鵝、叉燒、 豉油雞、燒腩仔🤤🤤樣樣都咁吸引🤩一於就每樣要啲啦🥢🥢至尊燒鵝 (上庄)燒鵝鵝肉嫩滑甘美，肉汁齒頰留香🤤🤤而且最勁既是燒鵝既油脂，食落支唔會覺得油膩！真係又香又好味😋老師傅燒腩仔燒腩表皮烤到略焦酥酥的！咬落去卡滋～卡滋～脆卜卜🙌🏻🙌🏻 最重要係肥瘦比例層層相間🤤🤤玫瑰豉油雞雞肉入口很鬆軟！而且豉油味中帶點焦糖香🤤🤤真係好好味😋送飯一流啊🍚🍚燒味佬叉燒叉燒一啖咬落去又多汁又大塊🥰肉味亦十分香濃~最驚喜係叉燒帶翻屋企入口仍帶微溫，又富麥芽糖香🤤加分加分~

生日要加餸，決定斬料，快靚正。之後係長沙灣工作買過 燒味滷師既飯盒，覺得燒味都幾好味😋今日拎蛋糕經過長沙灣，一於去斬返幾味。首先必叫嘅係麻辣手撕雞（$60）半隻。同事話呢度手撕雞真係好好食。麻辣香辣好味，絕對開胃，加上手撕雞無骨又啖啖肉，雞肉嫩滑無比。我見佢仲有原味可以揀，驚原味太dry仲可以叫海蜇胡麻手撕雞。我哋仲叫咗招牌至尊燒鵝半隻$180。呢度半隻燒鵝真係好大盒，皮脆肉嫩，又juicy。買燒味最怕勁肥勁多肥膏， 但太瘦又會好韌好難咬。但係我覺得佢哋啲燒鵝就恰到好處。店舖仲好闊綽比多左好多酸梅醬，（以前買過其他鋪頭攞多一包都話要收錢，又有微言），佢哋即刻好感大增下次都要再幫襯。我仲買咗半斤叉燒，一斤$98，見到櫥窗內放係度嘅叉燒笑得好似幾靚，好吸引。所以就買少少反正兩個小朋友鍾意食。一切開嘅時候見到啲叉燒都唔算好肥，有啲偏瘦，都有少少擔心唔好食。但係一咬落去發覺蜜汁味濃，而叉燒好軟冧，的確唔錯。

超超超抵食燒味真係好平好抵食，第一次見時嚇襯，估唔到今時今日仲有咁平燒味飯見咁抵食，就叫幾味返屋企加餸，叫左半只燒鵝，燒鵝好大只，肥瘦適中，少偏肥，但肉質好滑嫩，鵝味濃，附送左好多包酸梅醬，其實都未有需要用到，本身鵝肉已好入味，抵食👍🏻原味手撕雞，肉質好滑嫩，雞肉唔柴唔乾，配酒配飯都好合適，而且好大份，半只都夠幾個人食，抵食👍🏻半斤叉燒，肥瘦適中，食落入口有密糖味甜而不膩，餸飯配酒都可以，高質抵食👍🏻整體來講份量大又好抵食👍🏻👍🏻👍🏻 斬料加餸之選