為食火鍋公司

營業中

休息中

晚市堂食解放! 放工急急腳同朋友黎左呢間哥基主題既火鍋店，晚上有為食套餐同豪食套餐可以揀，為左慶祝下一定食豪D!豪食套餐真係豪，包小食任食，刺身同燉湯，之後雞煲或酸菜魚二揀一，食完仲可以轉湯底打邊爐，最緊要係無限時!!小食任食，但揀左煲之後就唔可以再點，想食既要食到夠先! 其中沙律同雞腳最吸引。剌身都唔錯，帶子大粒又鮮甜，三文魚油脂十足夠香口! 可惜無得encore!同朋友encore左幾份。之後就落雞煲了~雞煲揀左小辣，上台後每隔3-5分鐘炒一炒╴炒4次就食得，仲可以加埋配送既豬皮同魷魚，幾惹味! 唔夠仲可以無限refill，食力大挑戰!雞煲無refill，唔想食飽左打邊爐無胃口。轉左芫茜皮蛋湯底。上左湯底後先黎左一堆海鮮! 海蝦、蜆夠鮮甜、蠔同扇貝夠肥美，最正係巨型蟶子，又甜又無渣!手打黑白滑都唔錯，兩款同樣出色，其中白滑粒粒蝦肉，爽口彈牙。超正!主角一定係牛肉拼盤，一共有八款肉，好多我都未食過。潮汕五花趾、吊龍伴、手切牛頸脊、熊本雪花一口牛、美國SRF和牛三角肉、美國SRF和牛板腱肉、 澳洲M5和牛肩胛肉、澳洲封門柳其中最鍾意一定係封門柳，肉味夠濃，油脂又香!

好耐未試過晚市堂食啦，今次再同朋友過嚟為食火鍋公司打邊爐😋 星期二平日過嚟食原來都多人，好彩一早book咗枱👍🏻個Menu都冇轉到，仍然係冇限時火鍋盛宴。食完小食，再食刺身，再食頭盤，最後打邊爐🥰 一次過滿足晒四個願望。食小食前梗係去攞幾款飲品，有汽水之餘又有滋補飲品👍🏻今次小食淨係叫蟹籽沙律，開下胃，留返個肚打邊爐~ 刺身方面有三文魚、油甘魚、牡丹蝦，保持鮮味同埋水準👍🏻 頭盤方面，上次試咗任食雞煲，今次就試吓為食酸菜魚(一次性)。辣到有得揀小辣同埋大辣，我挑選左小辣。酸菜魚辣到適中，好淋。原來佢哋亦都有薯粉配搭，更加滋味😋食完酸菜魚，就係打邊爐環節！今次叫個黃金皮蛋芫荽湯底，清清地幾健康。打邊爐食物款式眾多，而且質量好高。自己特別喜歡佢牛肉拼盤嘅黃喉，真爽真好食！牛肉丸又多汁又濃郁、鍾意食芋頭嘅你哋都會喜歡食流心芋茸貢丸🥰服務態度好，又坐得舒適，食物質量又高，最重要係冇限時，同朋友坐幾耐傾幾耐都冇問題！讚呀！

以「哥基」為主題，日式木系風格裝飾，值得一試👍為食火鍋公司。母親節將至預先同媽咪食無限時《為食套餐》。首先嘆吓小食包括炸瘋薯條，鮑汁雞腳，蟹子沙律，酸甜炸大腸和唐揚脆炸雞。開開胃接着就可以食酸菜魚或者竉竉雞煲（可辣或者不辣）。因為要留肚食火鍋所以我哋選擇咗酸菜魚。再來過三點刺身盛合包括三文魚，北寄貝和大蝦，味道新鮮。湯底選擇咗高湯牛尾,而豪食海鮮拼盤則有元貝，蜆，蠔和海蝦，眼見海鮮極其新鮮。而見到為食牛肉拼盤真是不得了， 內有黃喉，熊本雪花一口牛，手切牛頸脊，美國SRF和牛板腱肉和潮汕吊龍伴，都係上等嘅食材。還有美國Prime肥牛片,紐西蘭羊卷肉，鹿兒島茶美豚美食仼叫最緊要係媽咪食得滿意，覺得刺身鮮甜,海鮮新鮮，肉類嫩滑，地點又方便嚟地鐵站5分鐘路途,真係值得一試。

疫情之後，難得與友人相聚當時沒有留意地點，由觀塘地鐵站行去好遠最快捷梗喺牛頭角站。餐廳空間感寬敞，没有壓迫感，好舒服！沒有限時食飯，開心暢談食物資素，選擇唔錯！唯一不足不足：明明訂佐$338，俾佐$268食物.喺刺身及海鮮有出錯還有當晚，洗手間廁所壞佐，地下有摊水還有祇可以收：信用卡及現金希望日後會提供，多些付款方式吧！我會推薦給身邊的朋友

終於開返晚市堂食，當然要第一時間約朋友出嚟聚一聚。今次就揀咗觀塘呢間以「冇限時火鍋盛宴」作招徠嘅「為食火鍋公司」。餐廳嘅裝潢好吸睛，以哥基為主題，牆身上繪滿了不同毛孩嘅可愛動作，表情嬌嗔，令人印象深刻！揀咗個 $338《豪食套餐》，個套餐陣容好豐富，包括有時令燉湯、小食、五點刺身、頭盤、火鍋湯底，海鮮及牛肉拼盤各一，另外仲有好多款可供任食嘅火鍋配料及飲品，Like FB 或 IG 更可獲賞自家製時令甜品 1 客。是日燉湯為蟲草花瘦肉雞腳湯，每人一盅，湯水燉得火喉十足，而且絕對係真材實料，飲得出無落味精。小食有炸大腸、炸瘋薯條、唐揚脆炸雞、鮑汁雞腳同蟹籽沙律。蟹籽沙律清新爽甜，入口卜卜脆。炸大腸肥而不膩，雞腳用上鮑汁炆煮，入味又軟腍。前菜五色刺身盛合有三文魚、北寄貝、帶子、牡丹蝦等。幾款刺身都好新鮮，三文魚甘香肥美；北寄貝肉厚爽脆；而帶子亦鮮味十足。頭盤可以揀雞煲或酸菜魚，選了前者。雞煲用上三黃雞炮製，肉質非常嫩滑，肥美又少碎骨，連啲配料魷魚、牛柏葉、豬皮都好入味，食完仲可以無限追加。輪到食火鍋，揀咗黃金皮蛋芫茜鍋，湯底用料不賴，芫茜味非常香濃，皮蛋晶瑩通透，蛋白外層滑嘟嘟，清熱又下火。

對上一次黎食，已經係21年9月，第五波疫情放緩又有返晚市堂食，決定再黎到呢間相距牛頭角站10分鐘腳程的火鍋店！人要進步之餘，食肆都要進步，鋪頭係價錢、食法及質素都同21年大大不同。為食套餐價錢：$268(成人) ，$218(小童) 食法：小食＋前菜(刺身) ＋頭盤(酸菜魚/雞煲*) ＋海鮮拼盤＋牛肉拼盤＋配料＋非酒精飲品任點嘅包括：小食、頭盤(*雞煲) 及非酒精飲品……小食：炸薯條、蕃薯條、炸雞、蟹籽沙律、甜酸炸大腸及鮑汁雞腳當天炸雞賣晒，所以無食到。其實只要每樣小食食少少，已經足夠召喚肚內的食神……最推薦蕃薯條、炸大腸及雞腳，因為夠晒香口及開胃😜刺身：soFarsoGood，厚身及份量足夠頭盤：揀咗可以無限refill的雞煲，辣度任君選擇，雞肉唔會係比埋d頭頭尾尾我，食晒岩食仲可以瘋狂encore海鮮拼盤： 蝦、蠔、蜆、元貝，4款海鮮左至右，上而下整整齊齊洗乾淨咁準備好，一滾就熟！蝦身大小為一般海蝦，其他海鮮則正常發揮，滾水時間要適當拿捏，咁就食到海鮮們的鮮味😁牛肉拼盤：吊龍伴(較硬身🐃) 、黃喉(小數鋪頭供應🙇‍♂️) 、手切牛頸脊(入口腍身🐂) 、一口牛(肉質結實💪) 及牛板腱肉(

🐶歌基主題火鍋餐廳店舖佔地6000尺 空間感夠闊到處都能夠睇到歌基嘅可愛身影 晚市設有冇限時火鍋 為食套餐 $268/位 先揀咗蟹籽沙律、炸大腸、鮑汁雞腳做小食小食係可以任點 直到上刺身為止其後嘅刺身拼盤都係正常發揮赤蝦幾夠大隻 鮮甜爽身頭盤二選一 今晚想食魚 一於嚟個酸菜魚 一次性絕對份量足夠 魚片啖啖肉冇骨 大大片冇碎濕濕湯底仲有大量薯粉 兩個女仔冇辦法食得晒 為咗之後嘅火鍋 都係食淨咗唔少要換煲而如果揀雞煲 係可以無限次加雞件嘅清清哋一試牛尾湯火鍋火鍋指定配料有海鮮拼盤及牛肉拼盤是日4款海鮮有大蝦、大蜆、生蠔同扇貝大蜆肉肥 好乾淨又冇沙 牛肉方面切得比較碎身 食落口感爭少少當中以吊龍伴及牛柳粒嘅肉味比較重仲有30多款配料可以任叫 佢個鹿兒島茶美豚肉都幾好食 叫咗三盤都咁正鵝腸、珍寶蟹柳、黑柏葉都幾唔錯新鮮蔬菜及飲品都係自助區自取多樣化食物 其實都食到值回票價但要記住邊樣食完 就唔可以再叫呀😆😂

係附近返工，早餐午餐食得多，晚餐係第一次試，真係多得大家報復式晚食堂食，旺角book唔到位😂黎到先知係任食，total得兩個套餐揀，怕食唔曬我地揀平d果個，$268/位先食刺身，幾新鮮，唔錯。然後，酸菜魚，用皖魚，份量都多，有薯粉墊底，食完都飽左一半😂😂食完換鍋打邊爐，我地order牛尾湯，唔記得影個鍋😂固定set既海鮮&肉類，非常高質！潮汕吊龍伴係我第一次見，仲特登search係咩部位😂菜就自己去雪櫃拎，建議一定要拎腐竹，好鮮嫩。另外有餃子、丸子、腸…可以自己手機order但我地已經太飽，只點左魚皮同蟹柳。呢個蟹柳size完全睇得出店家誠意！飲品選擇都好多，鴻福堂飲品都有幾款可以揀。唔知係我太耐冇食「任食」係依家競爭大質素高曬定係點，原來任食火鍋都可以咁高質？！超級抵食環境乾淨寬敞，而且冇限時！下次多人黎的話我想食埋雞煲！

🐶為食火鍋公司🐶晚市開返，火鍋lover 既我急不及待約左好友們食餐好！對於我來講，如果好食嘅我就一定會encore，仲call埋朋友試添！想搵一啲坐得舒服又可以食到高質食物嘅嘢，好多人都以為牛頭角都是工廠區為主，所以「為食火鍋公司」就趁着近年大熱嘅雞煲做主，繼而再做放題，採用高質海鮮材料刺身，令到係附近收工嘅你都可以食一餐滿足嘅！豪氣啲食個$338 「無限時」，係呀，係「無限時」既超豐富套餐，完全係可以用物超所值去形容：🐶時令燉湯：鮮淮山雞腳湯，清甜鮮味，營養豐富。飲落去唔會肥！🐶小食：蟹子沙律，炸大腸，鮑汁炆雞腳，炸薯條，炸番薯條，款款出色仲係熱辣辣，絕不馬虎！🐶五點刺身盛合：即叫即切嘅五款新鮮刺身，三文魚腩，北寄貝，帆立貝，大蝦等等… 新鮮美味！🐶 雞煲用三黃雞，配了豬皮，魷魚和牛柏葉落去炒，加入多種香料配搭而成醬汁，服務員教我地炒焗4次，即場炒至熟透，我地就開動吃雞煲。醬汁滲透每一件雞，豬皮索晒味，正到尖叫👏🏼🐶食完雞煲就開始打邊爐，我哋清清地揀咗個芫荽湯底，因為仲有一大盆海鮮要食，海鮮拼盤有：扇貝，大蝦，龍躉，鱔片，沙白，聖子，生蠔… 超新鮮，豐富到一個點！🐶 牛肉拼盤：潮汕

好耐無幾個人一齊出去食晚飯啦！幾個人火鍋就最正，特別今次食既這間火鍋店，無限時走，一個價錢，住你食，超正啊😃👛每位$338 ，首先有小食：炸甜薯、酥炸薯條、炸大腸、鮑汁雞腳、蟹籽沙拉等！推薦炸甜薯，外脆內軟😀之後有五款刺身，帶子刺身好大粒好鮮甜，其他也不錯😍😍己經 ready 入主食雞煲😉點了小辣寵寵雞煲，正到無朋友，香味撲鼻，加埋豬皮、牛柏葉、水魷係勁真，個雞煲醬汁好惹味，任食任加😍😍😍我都追加左😝已經開啟了瘋狂食野mode, 再來一個豪食海鮮併盤，有蟶子、蠔、元貝、龍躉片、大蝦、大蜆等，勁豐富😉唔止量多，品質也有保證，新鮮海鮮😽再有一個豪食牛肉併盤：8款靚牛，潮汕五花趾、吊龍伴、手切牛頸脊、熊本雪花一口牛、美國SRF和牛三角肉、澳洲封門柳，澳洲M5和牛肩胛肉、美國SRF和牛板腱肉🐮🐮以上兩個火鍋併盤都只係一部分，再有任點其他火鍋料，勁推薦超多肉汁既牛丸、雲吞墨魚滑，鮮蝦滑等等✌️✌️✌️飽到飛起，早一天預訂還送燉湯😀任飲非酒精飲品🥤🧃店員很友善，上菜也很快！冇得輸😚😚😚為食火鍋公司地址：觀塘創業街13號

今次係第二次再嚟食lu，之前朋友試過下午荼，今日陪佢再食晚市放題。今次食為食套餐($268/1)，小食可以揀炸薯條、甜薯條、唐揚炸雞、蟹籽沙律、酸甜炸大腸、鮑汁雞腳，除咗雞腳唔鍾意食同炸雞今日無之外，其他小食都試過，最鍾意炸薯條同炸大腸😋😋之後頭盤可以揀酸菜魚或雞煲，我地揀咗雞煲😋😋刺身到火鍋揀咗櫻桃鮮茄薯仔，不過略嫌個湯底唔夠濃味，如果再濃味啲就更加正！海鮮拼盤配料之面都比上年增加咗，特別欣賞有鴨血、黑柏葉、鵝腸，其他邊爐店都比較少見！整體而言，超級抵食火鍋店！又有小食、刺身、海鮮拼盤、雞煲同火鍋🍲

難得開返晚市，立即約返老友記去打個靚邊爐！為咗就朋友放工，最後我哋揀咗去觀塘創紀3期後面嘅為食火鍋開心食一晚。難得放寛夜市，雖然三舊水一位，見佢無限時可以任食一晚，攤返鐘時都OK，所以不妨試下啦~ 結果又估唔到食出個驚喜！同其他同價位的火鍋一樣，喺食火鍋之前，都有包前菜、刺身同雞煲。前菜試咗大腸、雞腳，味道還可以。而刺身方面，因為以前曾經有過火鍋店刺身不潔嘅陰影，所以我通常刺身都少食嘅。但呢個場，入到去都算好光鮮，好乾淨。刺身仲係喺開放式廚房即場切出嚟，而唔係隨便喺廚房遞出嚟。今次刺身好新鮮，刺身蝦亦夠大隻，睇得出份刺身係有誠意嘅！結果我都放低咗戒心去食，而份刺身算係抵食大份。喺食完刺身同等食雞煲之間，因為預先訂位，餐廳送咗燉湯，真心冇期望。但又估唔到個湯，火喉又夠喎！我好少飲蟲草花湯，估唔到呢個湯蟲草花味好出，值得一讚！飲完湯，有得揀雞煲或者酸菜魚。任食火鍋有酸菜魚，都唔多餐廳有得食，本來想試吓，但有朋友唔食得辣，所以揀咗雞煲。雞煲即整，伙記有教學，結果跟佢方法去整，個雞煲醬好香！我都食咗幾碗，俾friend 提醒我個火鍋未上㗎，咪咁快食飽！哈哈！之後上火鍋，我哋揀咗個唔辣但濃味嘅牛

終於恢復晚市堂食，同班friend出嚟聚下舊；為咗大家收工方便就揀咗觀塘區嘅【為食火鍋公司】。餐廳安排咗卡位，坐得舒服亦有私密度，牆身有兩隻戴住口罩嘅哥基犬嘅圖像，周圍都有好多同哥基犬有關嘅裝潢，kawaii~今次係食【冇限時火鍋盛宴】嘅【豪食套餐】，首先係小食任食，刺身同燉湯；之後到雞煲或酸菜魚(二揀一)，最後就係任食無限時打邊爐﹗小食方面選擇貴精不貴多，樣樣都幾好食。個人推介【酸甜炸大腸】同埋【甜蕃薯條】，一般任食火鍋都比較少見。 炸大腸啲皮夠脆身，點埋啲甜酸汁相當唔錯。【甜蕃薯條】香甜得嚟冇普通薯條咁熱氣。呢兩樣我地試完即刻encore，因為一上雞煲就冇得再落單叫小食，大家記住呀。食完小食就到刺身同燉湯。 刺身有五款，切得大大塊又夠新鮮，蝦刺身肉質爽甜。食完刺身飲返碗燉湯暖暖胃，有豬肉、蟲草花同埋雞腳，夠晒足料。雞煲嚟到，侍應細心咁提我哋點樣去煮個雞煲，每焗兩分鐘翻一下啲雞，重覆兩次之後再落埋啲豬皮魷魚落去再翻一最後一次，前後唔駛10分鐘就食得。夠鐘開蓋，啲芫茜加埋雞煲醬嘅香味散發出嚟，香到爆！啲雞煮得啱啱好，又鮮又滑；味道方面因為同行有朋友唔係好食得辣，所以揀咗BB辣，但都足夠

平時好少寫食評但呢間本人覺得值得寫個食評不論服務、食物同環境都對得住個價錢雖然個餐牌就有啲難睇，不過食完之後就會明佢哋會跟着個餐牌排位次序去服務你，而且會發現佢哋有好多嘅小心思位，所以都唔錯。說實話，雞煲嘅雞略嫌有d肥，但刺身同海鮮🦞令我眼前一亮～好鮮甜。除此之外，驚喜嘅係我哋食完雞煲之後，唔係就咁倒水落個煲到，而係另外換一個新湯底煲俾你打邊爐，咁樣唔會令到啲味撈埋一齊。最正嘅係，冇限時～同埋位同位之間有一定嘅距離，唔會好壓迫。而且樓面肉眼見到嘅地方都好乾淨企理！服務態度亦非常之好！所以，將來都會再黎過支持支持～💛

呢度嘅火鍋放題最好就係冇限時任食，可以慢慢食到飽飽，唔使急；而且同朋友仲可以慢慢傾偈、慢慢坐！我地揀咗$338/位嘅餐！超豐富！首先會有小食：炸瘋薯條、甜蕃薯條、唐揚脆炸雞、蟹籽沙律、酸甜炸大腸、鮑汁雞腳。我哋就揀咗幾款自己想食嘅。炸瘋薯條熱辣辣好香脆。蟹子沙律有沙律醬幾新鮮，炸大腸好好食，點埋個酸甜汁正！好想食炸雞，但咁啱今日冇～之後就會上燉湯、呢個燉湯非常之足料，好夠味，真材實料好飲！另外前菜係五點刺身；有牡丹蝦、帶子、三文魚、油甘魚、北寄貝。都好新鮮！頭盤雞煲或酸菜魚二選一、我哋揀咗酸菜魚BB辣。酸菜魚夠滑，有麻香，入邊仲有薯粉。食完呢個基本上我都有啲飽😝之後到火鍋湯底揀咗牛尾湯。打邊爐有海鮮拼盤及牛肉拼盤。海鮮有蟶子、扇貝、蠔、蝦、蜆。牛肉拼盤好豐富有多款唔同嘅牛肉。潮汕五花趾、吊龍伴、手切牛頸脊、熊本雪花一口牛、美國SRF和牛三角肉、美國SRF和牛板腱肉、澳洲M5和牛肩胛肉、澳洲封門柳。款款牛嘅牛味都相當之重。有多款火鍋配料任食。肥牛、鹿兒島豚肉、丸、滑類、蔬菜🥬，多到數唔晒。飲品都係任飲。呢個唔限時任食真係超抵食、大胃王嚟都一定食到飽飽！