為食火鍋公司

營業中

休息中

平時好少寫食評但呢間本人覺得值得寫個食評不論服務、食物同環境都對得住個價錢雖然個餐牌就有啲難睇，不過食完之後就會明佢哋會跟着個餐牌排位次序去服務你，而且會發現佢哋有好多嘅小心思位，所以都唔錯。說實話，雞煲嘅雞略嫌有d肥，但刺身同海鮮🦞令我眼前一亮～好鮮甜。除此之外，驚喜嘅係我哋食完雞煲之後，唔係就咁倒水落個煲到，而係另外換一個新湯底煲俾你打邊爐，咁樣唔會令到啲味撈埋一齊。最正嘅係，冇限時～同埋位同位之間有一定嘅距離，唔會好壓迫。而且樓面肉眼見到嘅地方都好乾淨企理！服務態度亦非常之好！所以，將來都會再黎過支持支持～💛

呢度嘅火鍋放題最好就係冇限時任食，可以慢慢食到飽飽，唔使急；而且同朋友仲可以慢慢傾偈、慢慢坐！我地揀咗$338/位嘅餐！超豐富！首先會有小食：炸瘋薯條、甜蕃薯條、唐揚脆炸雞、蟹籽沙律、酸甜炸大腸、鮑汁雞腳。我哋就揀咗幾款自己想食嘅。炸瘋薯條熱辣辣好香脆。蟹子沙律有沙律醬幾新鮮，炸大腸好好食，點埋個酸甜汁正！好想食炸雞，但咁啱今日冇～之後就會上燉湯、呢個燉湯非常之足料，好夠味，真材實料好飲！另外前菜係五點刺身；有牡丹蝦、帶子、三文魚、油甘魚、北寄貝。都好新鮮！頭盤雞煲或酸菜魚二選一、我哋揀咗酸菜魚BB辣。酸菜魚夠滑，有麻香，入邊仲有薯粉。食完呢個基本上我都有啲飽😝之後到火鍋湯底揀咗牛尾湯。打邊爐有海鮮拼盤及牛肉拼盤。海鮮有蟶子、扇貝、蠔、蝦、蜆。牛肉拼盤好豐富有多款唔同嘅牛肉。潮汕五花趾、吊龍伴、手切牛頸脊、熊本雪花一口牛、美國SRF和牛三角肉、美國SRF和牛板腱肉、澳洲M5和牛肩胛肉、澳洲封門柳。款款牛嘅牛味都相當之重。有多款火鍋配料任食。肥牛、鹿兒島豚肉、丸、滑類、蔬菜🥬，多到數唔晒。飲品都係任飲。呢個唔限時任食真係超抵食、大胃王嚟都一定食到飽飽！

身為柯基迷既我🐶一見到依間以柯基為主題既火鍋店就忍唔住9秒9黎朝聖一下😎位於觀塘 #為食火鍋公司 。店內裝潢採用左日式木系風格，仲貼滿哥基牆紙，營造出舒適既打邊爐空間🥰🥰佢地有2款套餐可以，分別有為食套餐同豪食套餐，仲要係無限時🤩🤩可以坐低同朋友仔吹下水慢慢食😙今次我地揀左$338豪食套餐，可選擇酸菜魚(一次性)或雞煲(任食)😆首先有個五點刺身，分別有三文魚、蝦、帶子、北寄貝同生魚片。每款都幾新鮮，蝦大隻得黎又鮮甜彈牙，帶子都唔錯，幾厚實仲帶點清甜😋😋輪到主菜雞煲啦，有得揀辣同唔辣，小妹食唔到辣既關係就叫左個唔辣雞煲會有職員幫手炒，炒到差唔多就加入魷魚、豬皮同牛栢葉，大概10分鐘左右就食得啦🤤🤤D雞好嫩又多汁，仲好入味，最愛佢地既醬汁，唔咸之餘仲好惹味😋😋點少得打邊爐🍲湯底有4款，蕃茄薯仔、皮蛋莞茜、高湯牛尾同麻辣。高湯牛尾好少有，梗係要試一試，湯底都幾鮮甜又濃厚，值得一試👍🏻👍🏻豪食海鮮拼盤(是日6 - 8款)有聖子、元貝、蜆、蝦、蠔同魚片的確豪食，好滿足🥰🥰款款都好新鮮，特別中意聖子同元貝又大隻仲好鮮甜，而蜆一D沙都冇，整體黎講都唔錯👍🏻👍🏻豪食牛肉拼盤有手切牛頸脊、美國SRF和牛

今日同朋友喺觀塘放工，呢排天氣咁凍就諗住搵間餐廳打邊爐，所以就黎到呢度啦。喺呢度個Menu都幾豐富下，一開始點左薯條、沙律、炸大腸做小食，之後佢再有三文魚甜蝦希靈魚刺身做前菜，小菜選擇都幾多。睇到重點啦，我就揀咗雞煲，雖然我哋叫咗小辣，但係個辣到都係好好。但係我幾欣賞佢哋個雞煲，因為啲雞肉真係啖啖肉，每一舊雞肉都好大件，而且都好入味夠晒麻辣，雞煲入邊有好多辣椒，啱晒鍾意食辣嘅我。之後就換咗個煲打邊爐啦，我哋揀咗皮蛋芫荽做火鍋湯底，打邊爐嘅食物都好豐富，佢哋提供左海鮮拼盤，氣管入邊有鮮蝦、蜆、蠔、元貝、同埋脆肉鯇。佢哋嘅元配都好大隻，而且啲蝦都好彈牙。我最期待嘅係佢嘅牛肉拼盤，佢哋嘅牛頸脊、同埋牛板腱肉真係好好食，啲牛肉味好重啱晒打邊爐，同埋佢個一口牛嘅脂肪分布好平均，食落去入口即溶嘅感覺，鍾意食牛嘅應該好啱啦。值得一提嘅係呢度嘅烏冬係非常之推薦，因為呢度嘅烏冬口感好有口感，夠晒彈牙。另外我哋都有叫咗啲打邊爐嘅丸類，佢呢度嘅牛丸真係好好食咬落去有好多肉汁夠晒Juicy，同埋呢度嘅一口雲吞都好好食，大大粒蝦係入邊嘅。最後佢有送燉蛋比我哋，係即做即蒸嘅食落去都幾滑。整體來講呢度一個價錢有晒雞

今次book咗觀塘呢間火鍋放題 揀咗六點放工即刻食 佢間店都幾大 都有好多位佢嘅食法都幾與眾不同 分成幾部份順住咁食 去咗下一part就冇得食返上一part嘅嘢 我地先食咗幾款小食 跟住前菜 頭盤 之後就火鍋盛宴小食我覺得唐掦炸雞薯條同酸甜炸大腸比較出色之後前菜嘅刺身正正常常不過不失 係份量比較少之後頭盤揀咗任食寵寵雞煲 幾足料 雞煮得幾入味 佢地仲有啲新鮮嘅特色嘢可以加入去 想知係咩就嚟試吓啦🤣 同出面食到嘅幾唔同 仲要可以無限加雞 幾正最後火鍋就揀咗豪食海鮮牛肉拼盤配高湯牛尾湯底 先上咗無得添加嘅八款唔同部位牛同六款海鮮 感覺份量都比較細少 之後就瘋狂點咗啲例牌肥牛羊肉片等等 即刻飽晒 另外想提一提佢地個寵寵濃汁牛肉丸好好食 係真點爆汁 好濃牛味 好彈牙

想食雞煲，已特登搵吓附近有邊度可以食！今次有兩個套餐，有兩個價錢238同318，而我哋就揀咗318套餐。首先一入到去舖頭好闊落，跟住已經勁快好多人！好彩早去到，一嚟到就俾咗鮮鮑魚，一人一隻好大隻好彈牙，好想再食！另外俾咗一盤刺身，刺身都好新鮮，賣相又靚，我自己最鍾意食三文魚，夠厚。跟住就要自己炒雞煲，每2分鐘抄一次，非常香口，而且非常多雞，亦都好滑，加埋牛柏葉同魷魚一齊炒，入晒味好好食，食唔夠仲可以添加雞，如果食完雞煲就可以轉打邊爐，不過一轉左打邊爐就唔可以轉返雞煲，呢個就要留意番！我哋叫咗麻辣湯底打邊爐，湯底夠辣，啲嘢食入晒味，出面有唔同嘅菜盤同埋飲品可以自己拎，一嚟就有海鮮拼盤俾我哋，海鮮嘅類型非常多，有帶子海蝦魚聖子蠔，全部海鮮都冇沙值得一讚，最後仲俾咗兩款牛我哋食，好重牛味，而且有一定嘅厚度另外仲俾咗一盤嘅丸類同鴨血，自己非常鍾意食鴨血，推介，雖然冇得追加牛，其實講真兩個人嘅份量已經非常多！我覺得以呢個價錢來講有得雞煲任食同埋打邊爐已經非常推薦，大家經過觀塘可以去食下！

好鐘意寵物嘅朋友介紹我去觀塘一間寵物主題嘅火鍋雞煲任食餐廳，今晚就即刻去試，餐廳位置方便，就在創業街13號萬泰利廣場地舖，餐廳內有十分可愛的寵物照打卡一流，餐廳內更設有導盲犬專座，好細心。店員介紹豪食套餐，成人$338，小童$278，星期五、六、日、公眾假期及前夕+$10。餐廳還有田園自助吧、自助飲品櫃、醬料自助吧等等。先上每位時令燉湯，小食就有自選任食炸瘋薯條/甜蕃薯條/唐楊脆炸雞/蟹籽沙律/鮑汁雞腳/酸甜炸大腸。跟住就係五點刺身盛合，有蝦/希靈魚/三文魚/帶子/北寄貝。食完刺身就到任食雞煲，隨雞煲付上一碟魷魚豬皮，店員教煮食時間等，雞肉嫩滑，汁香味濃。食完雞煲就到火鍋，有幾款湯底，最後選擇黃金皮蛋芫茜鍋底。店員先送上海鮮拼盤有6-8款海鮮，有鮑魚/元貝/龍躉片/脆肉鯇/蠔/蜆/鮮蝦。真係好豐富，店員再送上牛肉拼盤8款，好細心，每款牛上面都有名，有潮汕五花趾/吊龍伴/手切牛頸脊/熊本雪花一口牛/美國SRF和牛三角肉/美國SRF和牛板腱肉/澳洲M5和牛肩胛肉/澳洲封門柳，每款牛肉口感味道都各有特色。其實都已經飽飽地，另外還有鹿兒島茶美豚、手打黑白滑，黑滑好彈牙，有口感，味道香濃。其實食

知道今晚係最後一日堂食所以同朋友食盡佢今晚去到為食火鍋公司七點半食到夜晚十點馬拉松式冇停過咁食食物都幾豐富小食拼盤有六款 最喜歡係鮑汁雞腳 甜蕃薯條 同炸瘋薯條食物熱辣辣 薯條新鮮炸起食完小食後仲可以encore 直到你食下一輪為止三點刺身盛盒有三文魚赤蝦同北寄貝 材料新鮮份量適當頭盤有酸菜魚或者雞煲酸菜魚只可以食一次但其實兩個人食完個酸菜魚後 已有飽感 因為份量都唔少酸菜魚建議滾一滾先食 咁酸辣味就好出魚肉好滑 酸菜亦好多嚟到正肉 打邊爐嗌咗牛骨湯底同麻辣湯底麻辣湯底叫咗少辣 算係幾辣牛骨湯底就好清甜 我個人就比較偏好牛骨湯底  因可將食材鮮味帶出一次過上晒食材 為食牛肉拼盤同為食海鮮拼盤兩款都多選擇而且份量都ok牛肉肉質好靚 海蝦好鮮甜其實食完佢上嘅食材之後我哋已經好飽喇但係如果打卡嘅話仲有甜品飲品方面基本上涼茶汽水包羅萬有

今次係encore第二次為食火鍋公司，今次轉左豪食套餐，真係有好多野食，大食嘅我啱曬。成人$338/1位，小童$278/1位，星期五、六、日、公眾假期及前夕+$10/位。今日有奉送時令燉湯，係蟲草花雞腳好滋潤。小食：炸瘋薯條、甜蕃薯條、唐楊脆炸雞、蟹籽沙律、鮑汁雞腳，今日冇酸甜炸大腸。今日有奉送時令燉湯，係蟲草花雞腳好滋潤。前菜：五點刺身盛合，有蝦、希靈魚、三文魚、帶子、北寄貝，刺身十分新鮮。頭盤二揀一： 為食酸菜魚(一次性) / 任食寵寵雞煲我選雞煲，記得上次佢嘅雞煲都好好食，水準保持到，味道夠香濃惹味，雞肉十分嫩滑。食完雞煲就轉火鍋：我哋清清地揀左黃金皮蛋芫茜鍋底。豪食海鮮拼盤是日有6-8款海鮮，有鮑魚、元貝、龍躉片、脆肉鯇、蠔、蜆、鮮蝦。鮑魚、鮮蝦新鮮爽彈；元貝厚身；龍躉片厚切。再來豪食牛肉拼盤8款：有潮汕五花趾、吊龍伴、手切牛頸脊、熊本雪花一口牛、美國SRF和牛三角肉、美國SRF和牛板腱肉、 澳洲M5和牛肩胛肉、澳洲封門柳，款式多樣又豐富，每款牛都各有特色，十分喜歡。另外仲送上鹿兒島茶美豚、手打黑 / 白滑，好欣賞手打黑 / 白滑，黑滑好彈牙，好有口感，味道也很好。我不是配角：

之前喺朋友IG睇到介紹已經好想試吓！因為呢間火鍋店寵物主題好cute！入到店已經見到牆上好多可愛狗狗，門口仲有figure義賣，善款將不扣除成本捐給香港拯救貓狗動物協會，所以未食已經覺得呢度好有愛。個放題都好好食，所以呢間係值得save低去食嘅！我哋食嘅係 $318 任食火鍋套餐，有高質嘅小食、刺身、雞煲、火鍋海鮮拼盤、豪華牛肉拼盤，同埋其他火鍋配料任食、飲品任飲。唔只雞煲非常惹味， 海鮮拼盤及牛肉拼盤都非常有質素，尤其澳洲M5和牛肩甲肉、封門柳，油香濃郁入口即化，鮑魚、元貝、虎蝦新鮮仲好巨型㖭！不過我哋覺得最驚喜一開頭嘅小食部份，因為刺身、雞煲、火鍋都預咗好食，估唔到比較少人提嘅酸甜炸大腸、鮑汁雞腳、唐陽脆炸雞、甜番薯條都咁正，搞到我哋唔小心食多咗，差啲食唔落個火鍋。湯底選擇有櫻桃蕃茄薯仔、黃金皮蛋芫荽、高湯牛尾、麻辣鍋，可以揀鴛鴦鍋（+$20)

記得剛開業既時候黎過都唔錯=］最近見涼返咁多，凍凍地就約埋朋友再黎食返餐先xpp我地要左成人每位$338呢個套餐～先有每人一盎足料燉湯～跟住可以食下小食過下口癮；）之後有一盤大既魚生刺身然後就食酸菜魚，上次黎都無架，今次可以試下先！！！個調味都幾好，仲有索曬精華既薯粉添～跟住我地要左牛尾湯打邊爐～有5-6舊牛尾係湯鍋，又係超足料：）呢盤夠曬睇頭既海鮮拼盤好豐富！！！既有大蝦、扇貝、魚片、生蠔同大蜆，仲要有我既最愛既鮑魚~嫩彈鮮味既鮑魚真係無得輸xDD然後仲要有八款靚牛既拼盤～～～和牛同手切牛都好正呀！！！當中部份打邊爐既配料可以無限追加，保證可以食到好滿足xpp自己都幾中意食呢度既羊肉，所以都encore左兩三次～其他可以追加火鍋配料都幾高質，彈牙多料既手打滑都可以追加食到夠呢度仲有平日放題任食都好少見既黑栢葉同葛粉添！！！今次再黎都仍然覺得唔錯，款式食材既選擇都多咗，下次約齊腳都可以再encore encore~

前兩晚跟好朋友去到呢間“為食公司”食火鍋~~~呢度既裝修好可愛，四處都可以見到可愛既小哥基^_^晚市主要係食火鍋放題，當中有幾款套餐可選~店員同我地耐心介紹後，我地決定要呢款豪華餐HKD$ 338+10%既火鍋套餐：)呢款套餐非常豐富，首先就有 打頭陣有多款小食！！！意外驚喜有極邪惡既酥炸豬大腸，食完仲有得refill，正～接住落黎就可以食刺身，整體刺身都新鮮，特別係個蝦，好鮮甜！！！然後仲有雞煲或者酸菜魚二揀一：）我地食完惹味開胃既酸菜魚已經飽左一半，但好戲在後頭！！！因為之後就到火鍋環節～我地呢款套餐有埋豐富既海鮮拼盤同牛肉拼盤！！！當中有我最愛既龍躉魚片，正呀～啲牛肉既質素都好有水準，特別係入口即溶既和牛，諗返都回味！！！就算係可以任食既肥牛都唔係cheap cheap貨，我地叫encore左～其他可以任食既火鍋配料都有好多選擇，真係黑洞都未必可以一次過試晒XDDDDD食火鍋點少得飲品，呢度既飲品都係以自取形式提供~基本既盒裝同罐裝飲品都齊備：）食住肥牛咁飲冰凍可樂特別爽，大滿足呢！！！

觀塘多嘢食就係人都知架啦，今日咁啱經過呢間咁得意嘅餐廳，凍凍地又想打邊爐就試吓啦。一入門口就睇得出呢間餐廳嘅老闆非常喜歡寵物，而且宣傳要愛護寵物呢個訊息💛 而且餐廳好寬躺，坐二人位嘅空間都足夠侍應姐姐好有心，同我哋講解餐單嘅次序，先由前菜食起、刺身、酸菜魚或者雞煲，然後再打邊爐😋真係豐富呀，飲品種類又多先嚟一碟隨機三款嘅刺身，都幾驚喜㗎，刺身來講都算新鮮，我今次有三文魚，希靈魚同埋蝦😛雞煲仲有分唔辣同埋辣，我揀咗BB辣，侍應哥哥仲好好幫我哋炒雞，而且提醒我哋趁熱食😋仲有呀，餐廳仲提供魷魚豬皮同牛柏葉俾我哋配搭雞煲🥰真係好好講個打邊爐方面，我揀咗高湯牛尾，清清地又入味，佢啲牛肉同海鮮非常出色而且好新鮮🥰，另外非常推薦大家食嘅就係寵寵濃汁牛肉丸，我自己都返兜咗幾次啊🤣🥰總括嚟講今次嘅體驗簡直係100分啦🥰💛 充滿愛心又好食嘅餐廳大家仲唔嚟試吓😛

天氣凍，收工突然想打邊爐，去到先知轉左menu，所以同大家分享下新menu有咩唔同啦。新menu同之前一樣都係部分食物任食，但新menu多咗啲小食同肉類選擇。價錢方面就係$268無限時火鍋。🆕小食：打邊爐前多左小食揀，有6款選擇，店員建議全部上一round，啱食再加。但如果一叫店員上雞煲，就唔可以再encore小食。咁多款中，最啱食係蟹籽沙律，夠fresh又唔怕之後食唔落打邊爐🍴三點刺身盛盒：刺身正常🍴雞煲（任食）：唔食雞煲可以揀酸菜魚，雞煲可以任加雞，而酸菜魚就唔可以。雞煲上台後要自己炒下先食得，雞件本身唔係全熟，自己控制就唔怕雞肉太老。食完一輪雞就叫店員換煲開始打邊爐。🍴鮮茄薯仔湯底湯底都多左幾款可以揀，雙拼加$30。湯底偏清，唔算濃味，幾岩係雞煲之後食。🍴海鮮拼盤：每日有4款🆕牛肉拼盤：應該係店家聽到意見反映唔夠牛肉而新增，仲要一加就加好幾款。可惜當日我個盤牛切得比較碎，口感欠奉。🍴肥牛/羊肉/豚肉(任食)：豚肉好食，另外兩款就太飽無試到🍴火鍋配料(任食)：好多選擇，店員都會上啲精選配料，唔夠再用QR CODE落單濃汁牛丸同手打烏冬係must order！而蔬菜同飲品就係出面自取

一入到去明明無乜人，依到唔比坐個到唔比坐限制多多都算，一坐低餐都未揀問都唔問就埋黎收餐牌，之後問你要乜小食…同佢講話未揀餐仲要一副唔耐煩怪我地仲未揀餐，以後都唔會再幫襯