炳記茶檔

營業中

休息中

剛巧早上經過大坑有公事要做所以特意和同事去試一試呢間懷舊茶檔，約早上8:30到達等了大約三四個字便坐低一般蒞臨嘅客人看似熟客都唔使睇餐牌就可以點餐，餐牌要行出去店面度睇.叫了一個西多士兩份食，一個兩餸（五香肉丁煎蛋）米粉，一個三餸（餐肉吾香肉丁煎蛋）出前一丁多士烘得剛剛好，麵食方面不過不失(朋友投訴明明標名出前一丁但係唔係出前一丁)，奶茶茶味重，水準好價格是重點能夠體驗到懷舊風味絕對物有所值雖然錯位比較迫但係你見到好多客人同餐廳侍應其實都好熟好有人情味嘅感覺.沒有太多評分因為這間店重點係懷舊同人情味，回頭率唔算超級高但係絕對會定期回來

這家茶檔外形懷舊，單併三文治 13元，雙併 16元，以這店之名氣算便宜益街方了，点了"蛋牛烘"，蛋滑，牛也 ok，蛋牛只算中上水平，但烘的麵包烘的超好，色澤好，鬆及軟的比例剛剛好，而且全塊麵包都有烘，這点比較出色，熱央偏茶那邊，啡味低些，各有所好吧，嫌排隊太久，等外賣，很快的，算必試之列。

難得入大坑，立即search下附近有咩好食⋯見到呢間炳記茶檔好評如潮，決定一試。一個人，叫咗豬扒米（$25）+熱奶茶（$16）。首先到嘅係奶茶，茶香奶滑，怪不得被評為四大奶茶王之一！至於豬扒米，豬扒唔會醃先過龍而失去豬味同質感，配以黑椒汁，都幾惹味。而家呢種舊式茶鐺喺香港真係少之有少，大家經過可以嚟一試。

今天早上，到了大坑的炳記茶鐺吃早餐，只是九時許，也已經有數人排隊。雖然是大排檔，也有店員安排座位。等了大約5分鐘，就可以入座，要搭枱坐一張四人枱。點了熱奶茶和奶醬多。熱奶茶的奶味和茶味適中，有點偏淡，如果喜歡濃茶的朋友，就未必太喜歡，但我就覺得不錯。奶醬多是厚多士，很鬆脆。整體食物質素不錯，只是座位比較狹窄，但不失為一個不錯的早餐體驗。臨走前已看到有超過10個人排隊，所以如果要去那裏進食，最好是早一點，或者要等一陣。

嚟到大坑，行到嚟內街呢道，基本上都好易揾到。每次嚟都必定要排隊，仲要唔齊人係唔比入座，超受歡迎！呢道係街邊，冇任何冷氣，又唔係坐得舒服，但每一位客人都必定會叫一杯奶茶，原因呢道被評選為四大奶茶王之一！ 🍴雞翼麵+茶走 ($41) ⭐️⭐️⭐️⭐️ 雞翼分開上，醬汁唔會比湯底沖淡，而且色水唔錯。食落味道啱啱好，唔會好鹹，有d似瑞士雞翼。至於茶走，真係冇得輸，好清楚見到煉奶同奶茶，煉奶分量啱啱好，唔會令到杯奶茶太甜，茶味香濃，大推！ .............................. 炳記茶檔 地址📍: 大坑施弼街5號側 總評分: 6.4/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️ 服務👨🏻‍🍳: ⭐️⭐️⭐️ 衛生🧹: ⭐️⭐️⭐️ 抵食💰: ⭐️⭐️⭐️

搬咗嚟大坑，一直都好想食茶餐廳，環顧四周的茶餐廳，我覺得最好味嘅係炳記茶餐廳。我最鍾意飲佢杯凍奶茶，奶茶好滑好香龍，但係就記住要少甜如果唔係真係好甜。另外一個一大特色就係佢嘅烤多士好好味，佢嘅多士烤得特別鬆脆，推介奶醬多或者奶油多，或者係傳統嘅三文治烘底。例如餐肉蛋三文治。其他食客都有食佢嘅一碗碗嘅面，我個人就覺得公仔麵偏林，黑椒豬扒味道一般，不過如果食餐肉炒蛋或者五香肉丁都OK，肚餓嘅時候嗌碗麵都唔錯。見附近有食客食雞翼，下次有機會都想試一試。不過大家要記住，炳記茶餐廳唔優做，平時星期日開，但係逢星期一休息，例如一啲公眾假期佢未必開。同埋營業時間係去到下午2:45至三點到。大家唔好摸門釘。

題目講得嚴重咗😅只係九個月後我終於抹走咗以前一貫嘅行徑，踏出左一步響炳記食一啲我九個月從來冇叫過嘅嘢。其實一直以來我自己一個人去炳記都係食返我最愛嘅奶油多同埋餐肉煎一隻荷包蛋，其實一直都好想食佢嘅三文治，餐蛋烘呀、芝士旦烘，旦牛烘等等，只係我唔想放棄唔食奶油多，一條友真係唔可以兩樣都叫晒。終於今日因為自己個胃有啲唔太舒服，其實諗咗好耐第一究竟食唔食嘢，但一場嚟到大坑冇理由就咁就走㗎！心諗個胃唔舒服咁不如就試吓唔好飲奶茶，飲啲酸酸地嘅檸檬茶啦！（自我感覺良好其實茶對個胃都唔係咁好，仲要飲凍野😅）另外仲叫咗一直好想叫嘅蛋牛烘。其實個胃都頂頂下，響唔係好有胃口嘅狀態底下我仍然覺得個蛋牛烘好好食，炒蛋同碎牛中間仲有少少流心狀態😋仲好似有啲唔夠喉添，不過我冇理由再格硬塞多件奶油多落個唔舒服嘅胃度😖雖然烘底麵包唔夠多士來得咁外脆內軟，可能佢做三文治嘅包比較薄身啲。雖然食完個胃都仲係有啲怪怪地，不過又好滿足喎以後有多個選擇

今日去炳記食Tea，三個人，先點了一杯熱奶茶，一茶走，一凍檸茶，一件油醬麥多，一件奶油多。跟住比人串”每人”要食$20。真係唔明佢點分邊個人食乜嘢，代表唔可以share食？以上加埋已經超過$60。其他地方只限人均消費，這樣規矩唔知點定。服務態度係一個字”串”。未入坐必須先諗好食咩，因為佢問你食乜要即答，否則擰轉頭走。落單要快唔準諗，唔準講錯，有佢講無你講。去過D人應該有同感吧！講真，食物係好食，奶茶好飲，服務態度就不敢恭維。

舊日茶檔真係買少見少、星期日訓唔著咪去歎杯奶茶⋯⋯大約早上8:00左右到達，巳經好多人，剛回復四人限聚令四人撘枱。我呢d生面口既，唯有自己見位就坐⋯⋯最後係後行搵到個位⋯⋯但對熟客黎講大概有種「賓至如歸」既感覺吧坐低未諗到食咩，求奇order都係奶茶旦治加多碗餐旦丁麵，食物無話好唔好味，standard普普通通，丁麵湯底自家製，麵應該都唔係丁麵⋯⋯奶茶無乜特別，食完就走，只可以話到茶檔食左個快餐，完全歎唔出茶檔既情懷⋯⋯

特別推薦大家✅凍奶茶《凍奶茶》非常香滑❗️奶同茶嘅比例恰到好處，奶味香濃同時有濃郁茶香，飲一啖就會愛上❤️係咁熱嘅天氣，飲杯凍奶茶，好爽😌💰hot $16💰cold $17💰take away $18*長期都要排隊🚶🏻‍♂️🚶🏻‍♀️，唔想等可以外賣😈**聽聞嚟大坑一定要飲😂

『大坑馳名凍奶茶・香港餘數不多的茶檔』☕︎炳記茶檔, 𝑻𝒂𝒊 𝑯𝒂𝒏𝒈⠀⠀那天跟朋友一起來這裡試試這裡的凍奶茶，不過因為留肚吃其他東西的關係並沒有吃麵呀多士呀，只點了個豬扒雞翼淨餸來share(⊃｡•́‿•̀｡)⊃⠀⠀꧁豬扒雞翼淨餸꧂ ⠀有大概一塊已斬件的豬扒和兩隻雞翼，兩者都被濃厚的黑椒汁包裹著，好惹味呢。豬扒鬆化之餘帶點咬口，不會說被鬆肉粉醃製到毫無口感，雞翼很滑嫩，不錯的| (• ◡•)|⠀𝑅𝑎𝑡𝑖𝑛𝑔: 7.45/10⠀𝑃𝑟𝑖𝑐𝑒: $40⠀⠀⠀꧁凍奶茶꧂⠀終於試到這杯馳名的凍奶茶啦！點了少甜的確沒有很甜，剛剛好的甜度呢，茶底不會苦澀，也不好太淡，各方面都平衡得不錯，是一杯好喝的奶茶，不過確實沒有到非常驚豔的程度呢(つ .•́ _ʖ •̀.)つ⠀𝑅𝑎𝑡𝑖𝑛𝑔: 7.55/10⠀𝑃𝑟𝑖𝑐𝑒: $17⠀⠀總結來說，食物和奶茶雖然都很不錯，但味道上不會有任何驚喜的，就別抱太大期望了。不過現在香港剩下的這類型茶檔已經為數不多，偶爾去吃一下感受一下還是不錯的哦( ˘ ³˘)♥︎⠀⠀——————————————————⠀🌟推薦 ʀᴇᴄᴏᴍᴍᴇɴᴅᴀᴛɪᴏɴ⠀⠀⠀凍奶茶⠀🤰🏻回訪 ʙᴀᴄᴋ ᴀɢᴀɪɴ?

見到食評唔錯，又以為可以尋回昔日老香港的大排檔風味，便專程去試試看吧。但是服務不周，有空枱都故意唔安排，而且豬扒重口味，米粉是銀絲米粉湯包，比較適合同聲同氣的遊客，完全唔係那回事，一次夠晒。連水也要自己取。

前日黎左個大坑半日遊，一朝早跟住導賞員參觀左虎豹別墅之後，一路行返出去途經勵德邨、融苑等地，行到黎大坑最出名嘅炳記茶檔醫肚🤗😻地方容易搵，大坑啲路都係井字型咁排，沿住浣紗街行，到施弼街左轉入去就見到，排隊等左10分鐘咁上下，一坐低點左個豬扒雞翼麵配凍奶茶😻我啊媽同我講佢以前住銅鑼灣，呢間老闆係佢鄉里，以前成日去食，今日終於食到😻🤗又真係好好食，豬扒同雞翼都配上黑椒醬汁，鋪頭仲好貼心幫我將豬扒同麵分開放，不會減淡醬汁嘅味道👍👍來大坑一定要食啊！！！

今日去大坑趁熱鬧 因為今日大坑有搞市集 去市集前要醫左個肚仔先 肥仔帶我去食正野 佢話炳記出哂名 不過就痞街邊無冷氣 咁有好野食就無所謂啦 我地行到去就已經見到排緊隊 不過都唔係等左好耐 食客們都好合作 快快手食完 所以我地等左10零分鐘就有得入座 好好彩地我地雖然痞街邊但就對正個大風扇 上面又有簷篷 簡直係「綠洲」非常幸運🍀🍀我同肥仔都好快手有共識食咩 我地叫左 一碟豬扒 一碗雞翼麵 一個奶醬多 2杯凍奶茶 咁就叫做可以大包圍試哂佢地D野 🥳先上既係豬扒 一上枱肥仔以為佢係牛腩 因為無諗過佢切開哂碎上 都好既 唔食我地切 佢係好濃郁嘅黑椒汁包住塊豬扒 醃得好入味 食落口塊豬扒好林身 係略嫌偏多汁左 有點咸 不過唔使自己落手切真係好 啖啖肉再上係凍奶茶 佢個色水好深色 望落似乎好正 本身我係想叫凍檸茶但係俾肥仔喝止左 肥仔話「人地出名奶茶架😂」肥仔講到咁正 等我飲番啖解下渴先 嘩 我覺得呢間野應該係主張重味少少嘅 杯奶茶係沖得好香濃好滑 不過好甜囉😂 我後悔唔叫少甜 我係要溝D水先飲得因爲我等唔切冰溶😂 肥仔就等冰溶先再飲 如果唔係今日咁熱我諗我都會試熱奶茶 因為飲得出佢個茶底係OK👍

炳記茶檔 is one of the few remaining dai pai dongs in Hong Kong as people now would much rather eat in more hygenic environments with plenty of air conditioning. But boyfriend always wanted to eat here. However, every time we came, there was either a ridiculously long line, they were closed or they simply had run out of food. However, on this sweltering hot day, we arrived and it was open! With food and no line! So, we promptly sat down.Located in an alley way, this place has been in opertion for 60