177
52
16
港鐵天后站 A2 出口, 步行約9分鐘 繼續閱讀
電話號碼
25773117
開飯介紹
保留傳統風味的鐵皮茶檔,供應即食麵、多士、奶茶等港式美食,以豬扒麵最馳名。 繼續閱讀
附加資料
星期一至日: 7:00 - 15:30
營業時間
今日營業
07:00 - 15:30
星期一
全日休息
星期二至日
07:00 - 15:30
付款方式
現金
其他資料
支持減塑 詳細介紹
電話訂座
室外座位
食評 (288)
入大坑,無理由唔飲返杯炳記奶茶,正如上白雲山,無理由唔食返碗山水豆腐花一樣。無錯,呢間係大坑開左好多年嘅鐵皮屋大排檔,最出名兩樣野-豬扒麵同奶茶,更被CNN評選為香港四大奶茶之一,更有唔少明星幫襯過,今次就專程入嚟試試佢!.奶油多($11)配熱奶茶($16)個日十度都唔夠🥶但仍然好多人排隊,為嘅就係一嘗佢奶茶,個人認為要試奶茶一定要叫熱嘅,因為味道更香,亦唔會被冰沖淡味道(除非好似蘭芳園係用奶茶冰喇🤣)先嚟一啖唔加糖嘅,茶底非常濃郁,的確同其他出面一般茶記唔同,加少少糖再飲,香甜之餘茶味依然香濃,澀味仍在,而呢陣澀味,正正就係香港奶茶嘅特色👍🏻配返件奶油多,烘得恰到好處,好香脆,一咬已經成身麵包碎🤣牛油塗得好均勻,一啲都唔hea嘅多士😁.茶檔另一招牌-豬扒麵($25)豬扒預先剪成一條條方便食,並用黑椒醃好好入味,肉質都好腍,麵就係一般公仔麵偏硬身喇,食時重點可以加入佢嘅配料魚露同辣椒🌶️(好有食pho嘅風味🤤)辣辣地好惹味,再配返啖奶茶,坐住紅色膠櫈係路面un un腳吹下水,係大排檔獨有嘅情懷🤗.總括嚟講奶茶的確出色,豬扒麵亦唔錯,但如果要排成一個半粒鐘食個茶記就真係有啲誇張(情況有啲似當年啲人排華嫂一樣😅雖然小弟有份排)但慶幸嘅係茶檔冇因為出名而坐地起價,價錢仍然相當平民,呢點值得欣賞👍🏻 ❗️留意茶檔開得早收得早,開朝早七點收三點半,去到三點就會截單,同星期一休息,所以去朝聖最好早啲同揀啱時間啊👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-31
0 瀏覽
大坑的大排檔,營業時間由早上7 am至3:30 pm,最後落單時間為3 pm。逢星期一休息,每位最低消費$20。記住營業時間,因為如果你想來歎下午茶就要提早些。曾經幾次來到,一係無開、一係關咗門。今次雖也要排長龍,但終於排隊成功坐低了。出名奶茶必叫,茶色較深,茶味亦較一般為濃淳,無澀味,雖奶味是淡淡的,但飲落仍是很醇滑的。凍檸茶,有茶味。多士是走邊的,烘得非常鬆脆,配奶醬的話,甜味太多且較濕,令即烘的多士有些失色。配奶油的多士很香,不過想下次油多便可,更為突出多士的味道和口感。不過覺得想下次油多便可,更為突出多士的味道和口感。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-12-22
158 瀏覽
炳記茶檔❤️🙋‍♀️事緣係有次經過大坑見到呢間茶檔大排長龍,🙊心諗究竟有咩咁特別?咁我就上網check下先發現原來係明星最愛茶檔,🎤陳奕迅都成日黎幫襯嫁,但重重重重點係佢地既奶茶係四大奶茶之一,🏃‍♂️所以我呢日一早黎朝聖,所以都唔使點排隊,👩‍🌾同埋佢地既裝修好有以前懷舊的特色,仲係沿用緊鐵皮屋同搭篷的設計喔!💁‍♀️雞翼炒蛋麵/豬扒餐肉($30)👍"正常茶檔發揮 公仔麵係偏爽既 黑椒豬扒醃得好夠味 黑椒味超香濃""雞翼係瑞士汁雞翼所以會分開上 不過不失"💁‍♀️熱奶茶/凍奶茶($16/$17)👍"凍熱奶茶一樣都係超超超好飲 茶味夠 奶味又好香 夠哂滑" 繼續閱讀
(以上食評乃用戶個人意見 , 並不代表OpenRice之觀點。)
今次介紹係一間位於大坑嘅露天鐵皮茶檔,雖然露天但係人流不絕,而且仲係好多明星鍾意黎既茶檔,連EASON都話無食過等如無黎過大坑。茶檔野食種類唔多,淨係賣麵、三文治/多士同野食,但淨係專心做好一兩樣野食已經客似雲來。-排隊🧍🧍‍♀️🧍‍♂️當日係星期六,大概一點鐘,排隊前面大概有10個人,不過人流去得快,大概等咗10分鐘就可以坐低。-環境🪑鐵皮屋大牌檔,姐係要坐係街邊度食,所以夏天黎食可能係一個考驗,每張枱有3/4個位,目測大概開左6張枱,基本上唔係3/4個人去食都需要搭枱。-1️⃣ 豬扒麵💰25(👅: 7.5/10)豬扒用黑椒醬汁醃制,入味但唔會好重味,會食到黑椒同蜜糖既甜味,相當惹味,不失肉香,肉質鬆軟,保持到彈性。豬扒切成小件,方便進食,份量非常多,呢個價錢來講非常抵食。麵就係普通公仔麵,湯係用豬骨湯熬制,因為無人工鮮味調料,淨係靠食材,所以味首有啲淡。所以枱面有自家製辣椒魚露、日本麻油,可以自己按喜好添加。-2️⃣ 奶醬多💰11(👅: 8/10)質素絕對完勝大部份嘅茶餐廳。烘得金黃色,非常脆,咬落去會聽到聲,溫度非常夠。醬非常之飽滿,絕對唔會馬虎,牛油基本上已經溶哂落多士入面,唔會食到特別一個位烘得唔夠或者醬唔夠多。-3️⃣⃣ 熱奶茶💰16(👅: 8/10)通常奶茶我都會叫熱奶茶,因為茶味會更出,不負所望,茶香奶滑,入口絲滑,色澤均勻,有掛杯,不過唔係用傳統瓦杯。茶味會比較重,大概64/73嘅比例。不愧係四大奶茶王,會有少少苦澀味,回甘個下茶味好香。個人覺得好飲嘅奶茶係唔需要落糖,而嘅杯係唔需要。-🌟總括嚟講係比一般茶餐廳嘅質素好食同埋抵食,性價比非常高,但我覺得呢兩個原因都唔足以令大家山長水遠嚟試,反而如果你鍾意茶味重嘅奶茶,咁佢絕對係香港入邊好嘅奶茶佔一席位。注意茶檔星期一休息,平時只做早市同午市,無睇時間好易摸門釘。-👅味道: 8/10🍴環境: 7/10💰消費: 52 (服務費: NA) 繼續閱讀
(以上食評乃用戶個人意見 , 並不代表OpenRice之觀點。)
等級2 2020-12-20
105 瀏覽
每次經過都見到好多人排長龍,難得今日係閑日路過唔算太多人等,於是決定一試,仲等咗唔使20分鐘就有得食!茶檔環境尚算企理,感覺衛生,亦有一種忙中有序嘅感覺,從坐低到落單到食物到咗,都發生得好快,可見員工們非常專業,效率甚高,而且態度都好親切。叫咗五款嘢食,包括豬扒公仔麵、雞翼米粉、奶醬多、凍奶茶同凍檸茶(少甜少冰)。雖然價錢便宜,但係豬扒公仔麵同雞翼米粉嘅份量都算唔錯,食得飽人。食物品質方面則算普通,唔算話好好味或者令人難忘,反而係識到一種真同人情味嘅感覺。值得一讚嘅係佢嘅奶醬多,個多士叮得好好,非常鬆脆,加上有少少燶,啱啱好,而且奶醬份量亦非常足夠,好好味。飲品方面,佢嘅凍奶茶同凍檸茶都好好味,可見茶底非常有心機,唔會過苦/澀,好有自己特色,亦唔會太甜,飲起嚟好舒服。整體來講,係食得開心嘅一餐,咁樣已經足夠😊 繼續閱讀
(以上食評乃用戶個人意見 , 並不代表OpenRice之觀點。)