炳記茶檔

營業中

休息中

炳記茶檔價錢: $38/ $38/ $22好味程度: 3.7/5服務🍴: 3/5環境🗾: 3/5性價比🥢: 5/5回頭率😚: 3/5-大坑炳記都是遊客名物，咩陳奕迅最愛，超有人氣！位於大坑的一條小巷，不過夏天去竟然唔會太熱，因為有超多風扇吹住！開二至日至三點，有時仲要排下隊。最出名當然係豬扒/ 雞翼麵同各類多士啦！-🆗雞翼餐肉麵。雞翼好大隻，其實就係豉油雞翼🤣但因為太大隻，所以唔係好入味… 不過都冇雪藏味嘅。餐肉炸過，厚薄正常，加$6變雙拼有兩塊都合理。最好食係個麵‼️超爽，一散開就夾起嘅質地😌啱晒我唔鍾意食軟pat pat嘅麵。-✅豬扒紅腸麵。豬扒係佢地另一個招牌，切成一條條嘅豬扒，放落醬油汁裏面煮，每一條豬扒都入味的，呢個比雞翼好食🤓 不過豬扒嘅肉質唔係好嫩，都係偏嚡，但係唔會咬唔入好韌嗰啲。紅腸有四片，仲要係厚切煎過，加工肉當然幸福🤪-順帶一提，叫汽水會有埋冰杯，$10抵！凍咖啡都係好飲的，入口好滑，啡同奶嘅比例適中，飲到咖啡嘅烘焙味。個麵冇想像中咁出色，但都係食風味啦，試一次都要！

点了茶餐厅常用餐食 双拼面选了鸡蛋 餐肉出前一丁 即餐蛋面 还点了奶油多 冻奶茶 吃的很饱 MDHK期间来吃饭 碰到了一同排队的wmls 收到了物料 结账以后也收到店家的明信片 很好吃 服务也很到位 下次还会再来餐肉口感很好 软硬适度 味道适中 煎蛋蛋黄比较嫩 属于我喜欢的口感 奶油多士口感脆爽 奶油味浓郁 奶茶也很棒 5.11那天天气不是很热 还有微风 喝起来特别舒爽 中午人比较多 需要排队 但不是特别费时间 基本上十多分钟就排到了 上菜也比较快 比较愉快的用餐体验

奶醬多烘底同豬扒米粉係呢間大排檔最出名既食物，奶醬同烘烤過既多士味道配合得好好，一入口好香甜又香脆，可以再encore。豬排米粉我覺得麻麻地，啲豬扒有啲硬。奶茶就好香濃幼滑，可以再試。呢間大排檔日日都排哂長龍，唔早啲排隊會有排等的，夏天食都會比較熱。

大坑馳名嘅茶檔，假日嚟通常都會排曬長龍，記住早啲嚟。粉麵有多種配料可以選擇，特別推介係豬扒同雞翼。豬扒醃得好入味，肉質鬆化，而雞翼鹵水味都好好。如果食得辣，一定要加秘製辣油同埋辣魚露，再加少少麻油，湯底非常惹味。此外，亦都推介麥多。 有別於一般用白麵包，用麥包嚟做多士，多士比較有質感同咬口，而且會有麥包嘅香味。加奶油，奶醬都好得。奶茶亦都非常有水準，茶味香濃。至於環境，露天茶檔，坐得豪華舒適就一定唔會啦，但起碼都乾淨企理。

以為星期五來12點午餐要排隊，但是出奇地今天一個人排隊都冇。我們兩個人首先要搭枱，但是好快就自己坐一張了。首先每人點了豬扒蛋湯米和一杯熱奶茶。豬扒是黑椒汁的，都幾軟熟，但是我還是覺得以前(兩年前來過）比較好食。好像黑椒汁沒有以前那麼入味。湯底和米粉也好食，但是冇以前那麼有驚喜。杯奶茶睇落好滑，但是飲落發現太濃，有點太老了。沒有絲襪奶茶果種感覺。講起多士，以前好似比較厚啲，現在就用了普通的包。我記得以前還會有raisin，但是而家沒有了。這個會不會令到沒有了人來排隊吃呢？

非常認同樓主wai457wai  嘅見解，唔知點解咁多人食。今早，去房協辦事，在附近搵早餐吃。純粹路過，見到有間大排檔，又見有人排隊，又有唔同國籍人士在打卡，最緊要見到唔少香港人食，我估應該都唔會差得去邊。點知⋯⋯ 一個字，伏！我哋叫咗豬扒麵，餐肉蛋麵，加2杯奶茶。麵～冇特別order 爽麵，但麵在半熟之間，麵的質地比福麵還差。奶茶有「澀」味+鞋口！張枱細過張麻雀枱，已經坐左兩個人，食食吓仲安排加多一位客人搭枱，體驗比較差。

最近喺IG見到呢間街邊茶檔被吹捧得好似好好食咁，心癢癢特登過海去試吓。點知一試，失望到想即刻走人，真心奉勸唔好浪費時間去試。我同朋友叫咗豬扒火腿蛋公仔麵同雞翼公仔麵，點知啲公仔麵口感似足福字麵，軟淋淋完全唔係出前一丁嘅爽口質感。滷水雞翼更加係災難，滷水味完全欠奉，食落同普通蒸雞翼分別唔大。枱面只得筷子，連匙羹都無，食湯麵點樣搞？筷子夾麵，湯底想連麵食又食唔到，體驗差到爆。飲品方面，我哋叫咗一杯凍奶茶同熱奶茶。凍奶茶淡到好似水，茶味奶味雙雙失蹤。熱奶茶就更離譜，茶底苦得嚟似隔夜茶，仲有面皮話自己係「四大奶茶王」？真係拆晒招牌，影衰香港美食，呃遊客錢咁款。服務更加係趕客走。我哋兩個人去到，落單後順手叫佢俾三杯水（兩杯飲，一杯浸筷子），點知等咗一陣都未有。跟住再問一個阿姐，佢態唔耐煩，語氣怪我哋咁問返：「三杯水你哋三個人咩？」心諗：我哋兩個人拎三杯水有咩問題？多一杯浸筷子唔得咩？結果問咗兩次，最後都係冇水。喂，如果唔提供水，麻煩寫清楚啦，連拎杯水都要計人頭、阿吱阿咗咁同人講嘢，真係令人火滾。價錢就更加唔使講，兩碗麵、兩個多士再加兩杯飲品，埋單$140，完全唔值呢個價。呢啲質素同服務，街邊車仔

被稱為銅鑼灣後花園嘅大坑，中、日、西、泰、越、星馬菜等等嘅特色食店都有。雖然依家嘅大坑比以前失色唔少，但都有唔少人氣排隊熱店，例如呢間喺街邊嘅炳記茶檔，賣點係鐵皮屋大排檔風味，每次weekend經過，都會大排長龍，所以我特登平日嚟，試吓佢嘅嘢食同埋奶茶啦！豬扒煎蛋麵呢度嘅食物款式貴精不貴多，而作為大排檔又點少得公仔麵呢！老闆用自家秘方將豬扒醃過夜，所以豬扒帶有濃郁嘅黑椒味，夠晒juicy惹味。而為咗食得方便，所以細心切件上枱。至於雞蛋就略為過熟，想食蛋黃嘅，記住轉做太陽蛋喇！A姐就話欣賞佢加上幾條菜，感覺健康少少喎。最後，記住加埋枱面嘅麻油，即刻味道層次double up！

最近中意左飲奶茶，聽講大坑有間老字號奶茶好正，當然要黎試下。炳記茶檔係幾特別既，竟然無鋪位，坐既地方係條路邊。。衛生好一般。。野食算貴。。一個公仔麵賣緊42數麵係幾好食既，煮得剛好，但無附上麻油，有啲可惜。敗北係豬扒唔太好食，份量夠既但肉質比較鞋，而且隻汁係好普通既鼓油汁only..亦都叫左杯奶茶，但都係麻麻，茶味係出既，但唔知用左咩茶葉，唔係平時飲開既紅茶味，有啲唔係好夾。奶味都唔出，感覺只係一杯茶水加d 奶就甘，整體有d 失望，應該唔會再黎了。希望餐廳可以做好番d 食物，衛生。

炳記茶檔成日聽炳記茶檔 去開大坑就試一試啦呢度係懷舊嘅鐵皮茶檔 冇冷氣 得一個強勁嘅風扇 （會吹到好頭痛嗰隻） 一行幾人都食咗豬扒米粉 豬扒係有啲黑椒醬汁煮過嘅 再放入湯 好普通 米粉係茶餐廳嗰隻 好嚡身 唔索湯ummm 大坑有更多更好食嘅餐廳

真係冇鬼用嗰頭先講完咁快又心思思點啊？因為我個人容易心軟囉去銅鑼灣搵啲嘢食吓先去睇戲真係諗唔到有乜嘢好hea 而家呢啲天氣坐大排檔一啲都冇問題我有曾經嘗試去附近另一間茶餐廳㗎，可惜佢坐出邊嘅位置full晒囉！ 藉口就一大堆 都係姣婆守唔到寡。不過今次佢哋食物質素又反而有啲另眼相看！雖然我都係叫奶醬多 不過又竟然做到外脆內軟喎 定係我唔可以一刀切又或者對人唔對事呢？唉😮‍💨

之前未下定決心，今次真係要堅定啲除咗下定決心回復單身之外，重要下定決心唔好再去炳記。有印象嘅話之前都提過以前又勤奮又熟手嘅姐姐全部走晒 而家全部都係有鄉音嘅內地姐姐 唔係話要歧視佢哋，而係真係唔掂囉 而家埋單仲要有張集數紙（以前全部心算都攪得掂）真係好唏噓其實我都只係想放假，搵個自己鍾意嘅地方hea 下啫 點解咁難㗎？都係一件好事嚟嘅 去少啲以前記憶嘅地方，費事觸景傷情 💔

小心！這裡是遊客容易被坑的地方。我花費了 $82，用 $100 紙幣付款，應該找回 $18。然而，收銀員堅稱我花了 $83，算了，我接受。那麼，應找回 $17 的零錢（$10 + $5 + $2）。但我看到收銀員在拿好零錢後，將 $5 硬幣換成了 $1，最後只找回了 $13。這是雙重錯誤！當我指出少找了錢時，收銀員毫不猶豫地馬上補回，甚至不需要重新計算。提醒大家務必小心！

炳記茶餐廳，曾經奪得2019年米芝蓮，今年國內大眾點評推介， 同時好多香港網紅和傳媒界亦讚好。今天早上路經大坑，順便去了炳記茶餐廳，叫了大眾推介的豬扒麵和奶茶。豬扒是切片上， 唔知用了什麼醬料，公仔麵的麵質赤差，個人覺得好難食 和麵味道一般，差坐唔想食，奶茶普通。環境一般，沒有冷氣，價錢不平，可能貴過茶餐廳的早餐?

喜歡炳記的奶茶，雖然貴了很多，不久去一次還是覺得值得。今天早上吃了餐肉蛋米，凍奶茶，承惠五十六元。雖然他們家最有名氣是豬扒跟雞翼，但我還是喜歡餐肉蛋米，因為這些才是茶餐廳應該有的。