炳記茶檔

營業中

休息中

大坑美食天堂, 當然唔少得炳記茶檔.傳統的大排檔, 是舊式的街檔形式的檔口.星期6中午到坊, 排左大約10分鐘. 點餐上菜的速度十分快。招牌豬扒麵：豬扒非常好食，有豬味，份量多。面底比較普通。奶油多： 烘得岩岩好，趁熱食超正。凍奶茶： 無得頂！平時唔中意飲奶茶既我，唯獨係呢間我必飲，茶味有別於其他餐廳都，雖然坐喺露天但係飲一杯凍奶茶非常舒適😉特別推介: 招牌豬排麵, 鹵水雞翼, 奶油多, 凍奶茶

朋友介紹都這間大排檔食早餐，他位於銅鑼灣的大坑，若不是朋友帶路根本不是很容易找到，因為在小巷內。這間餐廳很有風味，吃的是懷舊的味道，若果希望有冷氣，就別想了。我們叫了以下的食物：凍奶茶在炎熱的天氣來，我一杯冰涼的奶茶，簡直是心曠神怡。奶和茶的比例剛剛好，也不是太甜，我很喜歡。黑椒豬排我們叫了一份黑椒豬扒，想來的時候細心地把它剪開了小小的，讓客人容易吃。黑椒味辣，配上豬扒，好吃。奶油麥多多士被烤得很脆，麵包用的是提子包，本身也有甜甜的味道，加上奶油的香味，簡直是人間美味。雞翼餐肉面他用的是出前一丁麵，麻油也是出前一丁的麻油，，但比起其他食物就不是太有特別了。

大坑出名多好嘢食 今次介紹呢間茶檔 即使係夏天坐室外每次去都見到大排長龍😌 記得小弟中學放lunch都會去食個麵 歎返杯奶茶🤪~~🍜豬扒蛋麵 $30🐷豬扒可以話係呢間嘅招牌👍🏻 係黑胡椒豬扒 醃得好入味 而且食落唔鞋 味道好惹味😋加$5就有隻煎蛋🍳 係流心嘅荷包蛋🤤麵底可以揀米粉或者公仔麵 枱面上有支麻油 加左令碗麵更加香🤩.🥤凍奶茶 $17茶記就當然出名奶茶啦😛 夏天飲番杯凍野涼下🧊 茶底濃 唔會淨係飲到奶味 怕甜嘅朋友就記住嗌少甜啦~~總結1）簡單又好食嘅一餐 不過夏天坐露天就真係幾熱2）星期一唔開呀~~評分📈味道 7.5/10環境 5/10性價比 8/10

一向是炳記的忠粉，為嘅係你地嘅食物同人味。但經過呢一次我以後就吾會再去幫襯。我同朋友去到，有張枱，我地兩個坐低左，有個人埋黎搭枱，由於實在太近距離，張枱又細，大家放喺枱面的食物又會貼到好近，耷底頭向住同一枱面食野又可能有湯汁彈出黎，平日嘅大牌檔當然就冇問題啦，但疫情下，真係吾係咁想飛沫交叉。我地並冇諗住走， 只係行番出去， 諗住排隊等路邊嘅細枱，諗住兩人枱會好些。點知，個呀叔好惡咁鬧我地一餐。話我地吾好以為呢到就吾洗搭枱，問我地係咪到時有人黎搭又再起身。我呆一呆。先吾講佢冇帶口罩，冇幫我地探熱，我都吾介意；我地只係以為坐細枱可以吾洗搭枱。 其實如果你好聲好氣講，我地會明白， 或者選擇去第到食， 下次先黎。但點解要鬧我地， 我轉頭走左仲聽到佢喺我背面嘈，我覺得超級難受。其實疫情下吾係應該互相體諒嗎？ 我保護自己都係保護大家，萬一有食客感染， 佢仲要吾要做生意呢？ 我真心堅難過，點解會有咁嘅對待，我以前風雨不改去食野，但以後都吾會再去。

很喜歡黎炳記食早餐，幾乎次次都要等位的！講下我黎呢度必食嘅兩樣野先！ 豬扒蛋麵，豬扒醃得相當入味，咬落去唔會太硬，食落有質感，配上太陽蛋一齊食簡直是絕配！油占蜜多，係我另一至愛，多士唔會烘得太燶，烘得剛剛好！多士食落是甜甜的，因為是用麥包的關係，加上牛油🧈和果jam, 食落有重幸福的感覺🥰🥰🥰

響呢個疫情底下，我發覺我有一樣野改變左嘅，就係唔再食公仔麵啊！🤪以前有人share可以食到一碗三餸面再加一件多士，而家獨力難支啦😖。不過都好嘅，始終公仔麵唔太健康（雖然好味）😛相反有一樣野係改變唔到嘅，就係對炳記嘅情意結啦！以前一個禮拜最少要去一次，而家仲越嚟越過份，隨時身痕都會心思思想去下，一個人嘆杯奶茶食件多士 ，成個大叔咁😌真係好希望我可以喺大坑住，可能到時日日都要落去坐吓添啊！響第二度飲唔番嘅奶茶，食唔返嘅多士😋😋💭💭💭💭唔知會唔會有一日真係願望成真🤔🤔

好喜歡到一些仍舊保留香港懷舊風味既餐廳去大坑 一定唔少得幫襯下炳記茶檔保留了傳統鐵皮茶檔特色既大牌檔已經好少炳記老子號，供應即食麵、多士奶茶等港式美食我當然叫番碗懷舊餐蛋紅腸公仔麵食下 ($20)餐蛋同紅腸都有有特別煎香到枱面仲有麻油自己加，麵底又夠爽，唔會太軟身以簡單一碗餐蛋碗，呢到確實唔錯最緊要叫埋個奶油多 ($11)香口既奶油多真係好好食夠晒多煉奶同牛油，力推簡單午餐，仲有杯香滑靚奶茶，好滿足，值得一到

「冇食過等於冇嚟過香港大坑」？炳記走懷舊路線，香港這種街邊既大排檔漸漸少了😖😖為何平日下午這麼多人喔？大家也喜歡吃情懷吧？餐牌好簡單，絕對無選擇困難😏即刻嗌左碗豬扒＋ 雞翼+紅腸的三拼麵😝豬肉切成一塊塊，肉質真係好扎實，令到豬扒既肉汁好惹味，味道都好夠😜濃濃的黑胡椒味道😘奶油厚片土司，一定要趁熱食😙CNN稱炳記為四大奶茶王？因為我都不加糖，但喝下覺得茶味不重，不夠茶味，但奶茶茶温好夠熱是真的🤩

🧚🏻‍♀日日吽喺屋企就黎發霉 又怕出街食坐室內好多菌 所以揀咗呢間可以坐室外既老店茶餐廳 次次嚟到都要排一輪 但係佢咁好味又真係值得一等嘅.🔶 黑椒豬扒雞翅出前一丁💰30👅8/10豬扒好入味 但有時會少少韌雞翼係鹵水雞翼 入味又淋身再加小小辣椒油醬會更惹味🤤 麵身都算彈牙🔶 奶油多🚦必食🚦💰11👅9/10外脆內軟到一個點！夠厚身 夠多醬 正到爆 ！！簡單既美食已經made my day💓💓✨要早小小去呀🤫下午三時就關門ga la

今日係正苦實施限制食肆四人以上要分枱/枱與枱之間要有至少1.5米距離/客人數量唔可以超出可容納一半/要提供消毒搓手液/要同客人量體溫⋯⋯⋯⋯⋯種種對食肆嘅限制當然有好多聲音啦😞宣佈要實施嘅時候我先擔心緊我嚟緊最想去嘅炳記會唔會因為太麻煩而決定唔開門算數呢？因為我見唔到佢響IG 有咩update消息，忍咗兩日唔出街終於今日頂唔順要出去行吓🤣終於飲到我好想飲嘅奶茶啦！好開心😃唔知點解食極都唔厭，反而貴嘢賣相好精緻食一次就唔會再去食！從來都未見過既境象-有消毒搓手液提供，重要喺度量體溫🤒️其實最想係黎飲杯絲䌩奶茶，食件多士，其實唔清楚實際呢啲措施有冇用，不過我可以好肯定對於炳記來講應該冇乜大影響，如常有人排隊。食物質素方面,仍然保持喺我既standard以上,多士仍然內脆外軟，冇一次失手。奶茶當然係大愛嘅原因啦！

真係搵唔到第二度嘅多士好食過炳記，冇辦法！雖然而家每次都要自己搭車專登過海只係為求食到我想食嘅嘢(要對自己好啲丫嘛）之前有對腳，會叫碗三餸面加件多士share, 而家一個人邊食得哂一碗面丫，多士就必食既，所以唯有忍痛叫d自己都handle 到既-奶油多+餐肉煎一隻旦或者紅腸煎一隻旦😙😋真係唔明點解呢度既多士好食到一個點，外脆內軟，試過晒唔同combination e.g 奶醬/占醬/油醬/奶占/油占⋯都係奶油最match 👍🏻其實之前打孖去老闆都認得我地架，而家孤單一人去自覺都有啲樣衰，老闆又好似唔多認得我咁。查實每次去都戰戰兢兢，把聲唔夠響怕潮哥聽唔到，唔知點解好想可以同你講打成一片🤪放心我一定會繼續黎嘅！嚟到你哋認得我為止😅何況一個人都有一個人的浪漫💕

要食炳記早餐，大家都知要排隊，在這小巷鐵皮的大排檔食早餐，多添一份香港昔日情懷。哈哈，這種有名氣的大排檔，老闆當然有佢嘅風格，帶點指揮官咁啦😂，但整個流程安排得唔錯，一坐低就有得食，因為喺排隊嗰陣就已經幫你落咗單。餐牌款式不多，咁多年，老闆專一佢嘅招牌貨，秘製醬汁醃製佢嘅豬扒同雞翼，可能咁，所以能夠保持水準，幾時嚟，味道依然如一。熱辣辣嘅豬扒公仔麵🍜，豬扒有厚度有咬口，不是用鬆肉粉醃到淋啤啤嗰種，醬汁帶點黑椒及醬油香味。即叫即整嘅奶油多，脆卜卜🤪，剛溶化的牛油配上香甜嘅煉奶，加埋我杯港式奶茶☕️，滿足而回😋。

今天同男友來到大坑一遊，周圍逛逛，見到有間懷舊車仔麵檔，車門玻璃貼着陳奕迅到此一遊的親筆簽名，又見到有長長的人龍，原來每日下午3點半就會收檔截人龍 ，點都要排隊試一試。好彩等左大約15分鐘就有位，哈哈，餐牌都是單一式的，當然選擇都不多，而價錢都沒有列明出來，這就是車仔檔的小小特色之處吧！我們點了豬扒麵、豬扒米、咖咉多、奶茶，豬扒充滿濃濃的黑椒味，反而豬味不多腌制味較重。咖咉多的確無得輸，烤至金黃色，面鋪滿花生🥜醬，同格仔餅配料一樣。奶茶茶味較重，我自己喜歡奶味重點就更好。雖然食物好普通，但勝在車仔檔已經買少見少有一份懷舊特色，而且性價比高，難怪總見長長的人龍。

一直想食好耐，每次唔係準備收檔，就係休息。今次咁啱係港島個邊，於是啲起心肝再去一次。.我地好快就等到位，由於排隊個時已經點好左食咩，一坐低就食得。呢幾日天氣都熱熱地，點番杯凍奶茶解下涼，奶茶茶味香濃，沒有茶澀味，沖得啱好。之然未食麵之前我地先食左奶醬多士，好脆，奶醬啱好，食完都唔覺得膩。.主角要登場：我地都點左豬扒兩餸，一個豬扒肉丁，一個就豬扒煎蛋。豬扒是用黑椒腌製，味道啱好，肉丁帶有點辣，啱晒鐘意食辣嘅我。.p.s 有嘢飲有麵食又有奶醬多，價廉物美👏🏻一定會番嚟再食。

常常忘記自己吃過的地方到底好不好吃, 之後又去試, 之後又忘記.. 年紀大了, 還是開始記錄下來吧.巧合經過炳記, 看見不少人在吃, 總是記得吃過但忘記什麼味道, 給它的氣氛環境吸引下, 於是又光顧了.叫了個人氣黑椒豬扒加蛋麵凍奶茶. 豬扒吃落不是我喜歡的類型, 但辣椒油果然把麵起死回生, 謝謝網友提點, 凍奶茶也算OK. 對面枱一對情侶也叫凍奶茶, 可能因為想環保叫他們走飲管, 服務員說ok, 但結果來到時還是有飲管, 情侶們和我相視苦笑...埋單$42大元. 會不會再吃? 有緣再經過這𥚃再算吧...