炳記茶檔

營業中

休息中

今天刻意過來小時候經常路經的地方!!!!!!!!!!!!（在尋人記第5集所講的學校下面）其實大坑炳記經常都有人來品嘗佢杯奶茶!!!!!!!!!!!!說實在，杯奶茶真的唔錯!!!!!茶和奶的比例唔錯，茶味亦足，賣$18真抵，很親民!!!!!!!!!!!!!!除了奶茶外，其他食品都有茶記的價錢親民但味道頗佳的水準！ 所以假日的下午一定十分多人！只是一提， 炳記假日會在下午3時截單，所以要食就不能太夜才到。

趁住天氣未係好熱，就入黎大坑呢個既近鬧市又遠離煩囂嘅地方嘆個午餐。週末訓晏d。差唔多1點先黎到炳記，已經見到長長嘅人龍轉左彎。由於排隊嘅位置冇瓦遮頭，所以如果天雨去食炳記要留意～食物比較出名嘅係豬扒同雞翼麵同多士，加埋必點嘅奶茶。通常都係叫個combo 麵+多士+奶茶。炳記以懷舊茶檔嘅形式營業，喺香港已經買少見少，員工同老闆見到熟客會好友善地傾幾句寒暄一下炳記牆身貼滿茶檔嘅介紹，包括Eason嘅簽名同提字============================== 奶油麥多 $11提子麥多已經喺茶餐廳比較少見，好好奇究竟炳記用咩多士爐去烘，麥多烘到金黃色非常鬆脆，加埋奶油好吸引！ 豬扒麵 $25豬扒用黑椒醃，有啲屋企嘅味道，食落黑椒味非常濃郁。生菜嘅份量非常多，好似屋企人驚仔女冇菜食，麵底用上出前一丁麵，落埋麻油，正！  凍奶茶 $17奶茶都係炳記另一個特色，茶味非常香濃，叫少甜仲更加可以飲到茶底嘅濃，就連CNN都報導過呢～ 炳記茶檔📍大坑施弼街5號側

難得今日放大假 我依個新界仔梗係試吓係大坑依間出左名奶茶的炳記茶檔啦！可能係平日去啦 一點幾去排左十分鐘都無就入得啦👍🏻平日黎講都算多人喎鎮店之寶 奶茶係無得輸既！一飲就知茶底濃 基本上不用加糖見到d留言話難飲 都唔係呀！都有叫左其他嘢食 都ok啦 個豬扒蛋麵都幾好味 個奶油多煎得岩岩好 食就食依d特色原有香港茶檔風昧嘛如果個餐單可以多啲野叫會好好多囉 下次會再黎架 現在依d茶檔仔真係賣少見少 真係有得食好食啦 遲啲都唔知仲有無！

路過大坑，就諗起炳記😋雖則要減緊肥係要減碳，但呢d懷舊風味真係買少見少啦點都要食啦🤭因為要食個big breakfast， 叫左三樣野⭐️豬扒公仔麵 ($25) 送到黎係熱辣辣咬落去就有濃濃嘅黑椒味，醬汁同出前一丁既湯底係混為一體，豬扒鬆軟得來又唔柴口，一丁麵底煮得幾爽口！剛剛好。⭐️奶茶 ($16) 夠晒香滑，港式味道！⭐️油占士 ($11) 簡單嘅組合, 烘得夠脆又唔燶再加上牛油同JAM... 外脆內軟

🇭🇰炳記茶檔·呢間我成日都見人推介 好似好正咁 所以一路都好想試 不過我地上次2點幾黎佢差唔多時間閂門 所以食唔到😭今次我地早左黎終於食到 雖然佢人龍好長 但係佢上菜超快 所以我地都係等左15分鐘就有位😎😎·奶醬多$11 l 豬扒雞蛋出前一丁$30 l 淨菜$14佢個奶醬多真係唔錯既 個底烘到好脆 一啖咬落去好幸福 不過因為都係個個味 所以就無咩驚喜😂😂之後個豬扒麵就正常發揮啦 個豬扒有D黑椒汁都惹味既 不過個麵底就唔係一丁 麵質麻麻 要加D辣椒油先得😂·凍奶茶$17之後我地見好多人推介佢既奶茶 所以我地都嗌左 但係就算我地嗌左少甜 我覺得佢都太甜啦 係完全飲到個糖漿味 而且茶味都無好濃😭😭·#rbyeat#rby港式#rby大坑 #rby天后·📍大坑施弼街5號側

上open rice 睇到啲食評咁高分，所以想嚟排隊試吓🤭排咗陣好快入到去，都係一般茶檔嘅後巷位，坐低5秒都冇個叔叔就即刻問我地食乜嘢，枱面連餐牌都冇我鬼知有咩食咩🤷🏻‍♂️最後淨係叫我哋攞部電話影牆上邊嗰個餐牌睇就算😅最後我叫咗個豬扒麵加杯好出名嘅奶茶試下🤤豬扒麵有黑椒味都唔錯，但味道都比較平凡，似乎未至於好似食評入邊講嘅咁好味，而杯奶茶都真係唔錯嘅，有濃濃嘅茶香，身為奶茶控嘅我表示滿意😌總括嚟講，我覺得呢度嘅奶茶試吓真係無妨，但係咪真係值得咁多正評呢？我會有少少保留，可能大部份都係俾咗杯奶茶，同埋其他茶檔小食好似奶醬多個啲啦，但週末嚟試下我覺得都可以嘅👍🏼

適逢星期日，未夠12點到達，前面大約等6,7枱，等了約25分鐘，天氣熱又曬，本來想放棄，但一場黎到，都係想試下！凍奶茶甜味大過茶味，口感幾滑，但食完個麵冰溶後就唔掂，變左奶水，又稀又淡！熱奶茶比凍奶茶好飲，茶味出d，口感都順滑，呢道既奶茶唔係濃厚果款比起出面茶餐廳，份量算大杯豬扒餐肉麵豬扒係呢餐最好味既黑椒汁惹味豬扒夠淋生菜亦都爽口，份量都唔吝嗇！午餐肉係淋身果種口感，我個人就一般，麵底好一般，唔爽彈！奶醬多，係幾脆，但我覺得好乾下價錢唔貴，四樣野先$69，唔洗排為個豬扒可以再來，要排就免，唔值！同埋天氣熱應該會食得好辛苦

老實說，我當然算不上一個食評家，只係鍾意食好食嘅嘢而再同人家Share。不過一間餐廳好唔好食都仲識得分。其實呢個茶檔次次經過都係要排長龍，而今日有幸地行過得兩個人排隊，仲要聽到伙記大叫有冇一位，真係行過路過唔好錯過呢個唔使排隊嘅機會啦！坐低點咗個豬扒雞翼炒蛋麵加杯茶走。食完總結嘅係，我真係想訪問一下，覺得呢間好食&為佢而排隊嘅人究竟係為咗咩而排隊？！如果鍾意香港大排檔的特色就可以一試，因為以銅鑼灣的地區來說，食一個晏都只係幾十蚊，這個價錢已經是好化算。但如果要大排長龍而食的話，就不值得浪費時間。豬排好咸，雞翼都好咸。出前一丁煮過火。只得一杯奶茶比較像樣。

之前跟過大坑見到排哂長龍嘅鐵皮屋茶餐廳再加上社交平台又乘勢追擊 係到介紹大坑駛名茶餐廳今次就特登黎到一試鋪頭就收3點半嘅 我同友人就2點半去到應該比較晏 所以就無乜人排隊 前面只有一part人排咁我地都有利用排隊時間睇定食咩嘅有位嘅時候 店員都即刻問我地諗好未 順便可以落埋單.我地被安排到鋪頭邊位置 對面就車房一坐低飲野就有的士停左落黎換車軚換都唔係問題 個的士司機同車房人係旁邊唔戴口罩咁keep住係隔離...疫程期間就覺得咁唔大好 避到客人避唔到路人.黎傳統茶餐廳 一定試飲奶茶🥤我地果日天氣都比較熱 真係叫唔落熱奶茶🤣不過茶味都好濃 並且好香滑. 吐司方面叫左奶醬多都係有烘過嘅 但完全無見到燶邊 醬汁都好足料.最後主角 我地就叫左一個豬扒麵，一個雞翼麵兩碗麵都有配生菜🥬 湯底只係味精湯底咁店員都有另外比你辣椒油，麻油客人可以自行決定落唔落嘅豬扒就好冧身 完成唔韌 一咬就分開鹵水雞翼就係另上 都係好冧身但就係偏涼 似係一早整好左之後就一直放係室溫 無翻熱就拎出嚟建議大家浸下麵個熱湯再食 比較好感覺就比較普通 如果好似平日排哂長龍我就覺得唔值得 但經過當普通茶記食就差唔多啦

去到大坑你會諗起咩？可能好多人都會想搵啲文青打卡cafe chill吓，但係呢間特色茶檔都絕對值得關注，甚至吸引你一再回頭。對於附近嘅學生同居民嚟講，炳記一定唔陌生，又平又好食嘅茶記係醫肚首選。「冇食過炳記即係冇嚟過大坑」，店家嘅豪氣確實真係擔當得起。就連陳奕迅都係炳記常客，上次去食，老闆話e神啱啱走咗咋😫😫。🍜 餐蛋出前一丁 $20餐蛋麵係茶記必備，炳記嘅蛋🍳係煎到啱啱好，有脆邊但又好流心，睇相都睇得出未熟透嘅蛋黃汁準備爆出嚟。麵體唔會煮到冧晒，而係保持到出前一丁最好食嘅口感。不過味道較淡，食唔出麻油味，不過枱面有麻油可以自己落幾多都得。我估應該係有啲人唔食麻油，所以店家索性俾客人自己落。食開重口味嘅我有落埋辣椒油，熱辣辣🌶咁食真係超級爽。👅評分：8.5/10🍜 豬扒出前一丁 $25
相比起餐蛋麵，男朋友叫嘅豬扒麵仲正。🐖豬扒嘅黑椒汁完美咁融入落一丁嘅湯底，湯底唔會淡茂茂之餘，但又唔會覺得黑椒好重口味，麻油都可以唔使落。豬扒好鬆軟好嫩😋，唔會好似出面嘅豬扒咁柴或者乾身，但係軟嫩得嚟又唔會食到成口油淋淋，又唔會有好多肥肉邊邊，整得咁好食真係好考功夫，仲要平到咁，搞到條隊越排越多人啦！👅

大牌檔在香港真係越來越少，雖然衛生環境一般，但那份歷史印記和懷舊氣息是完全不能被取代的。食物選擇不算多，只有餐牌上的粉麵、三文治及飲品等。牆上掛了些懷舊的街道相及一些四十至八十年代的名星相，你又認得幾多呢？豬扒煎蛋出前一丁～$25招牌豬扒切成長方形小件上，以黑椒醬汁醃製過，肉質軟嫩鬆軟，啖啖肉、一口一件剛剛好，枱面上有大大支麻油；出前一丁的好拍檔，落多落少悉隨尊便。茶走～$16很多客叫茶走時都強調要「少甜」，但我又想知，正常的是否太甜呢？一於叫杯正常的茶走吧，果然見到杯底有層厚厚的煉奶，拌勻後一啖入口，帶濃郁的茶香味，又不失香滑的口感，但就真係甜過龍，果然少甜才是正道。價錢適中水準不差，難怪平日的早上到來也要排隊。炳記茶檔地址: 大坑施弼街5號側電話: 25773117

上次weekend黎，條人龍長到唔見尾，今次閒日嚟，合理好多，直接可以坐低。為咗杯熱奶茶嚟，但真心失望，唔知係咪撞手神嘅呢，茶底一啲都唔濃，偏奶，得個滑字。方包係厚身多士，搽咗滿滿的煉奶用花生醬，熱辣辣，好香脆，好味，不過花生醬無粒粒咬。蛋牛治就真心普通，蛋好熟，而且好薄，一d蛋汁都無，而且餡料份量好少。呢到係有懷舊情懷，但如果weekend要排哂隊先有得食，我就覺得唔係咁值得。試過一次就可以了。

成日都聽人講炳記係大坑嘅生招牌，基本上冇食過炳記等於冇嚟過大坑。今次專程到訪先發現其實有啲名過於實...一嚟到就見到一條好長嘅人龍，但係等位時間唔算耐，因為大家都係食完就即走🤣-我哋分別叫咗最出名嘅豬扒公仔麵再加多個奶醬多！奶醬多係幾好食嘅，食落夠晒脆口而且花生醬同煉奶都俾得好足🤩反而豬扒麵我就覺得其實好一般。啲面唔知係咪浸得太耐所以上枱一食嘅時候已經太過淋無晒口感😞豬扒食食得出係用咗好多醬料嚟醃嘅都算入味，但係口感我就覺得太過鞋，唔係我鍾意食嘅嗰款豬扒，食完之後都有少少失望覺得個豬扒麵太過名過於實😕

星期六中午，等左大約十五分鐘。呢度要等就一定要㗎啦。兩碗豬扒米加蛋，奶醬多烘底，熱茶走，熱奶茶收我$63。下？咁平？其實唔知單叫幾錢。亦唔知阿姐係咪收少左？豬扒米我最欣賞係隻蛋同埋有兩條菜（出去食粉面有兩條菜其實都好難得㗎啦），下次要食雙蛋！而且成碗野食完唔覺口渴就更加難得。唔係好鍾意肉嘅我覺得啲豬扒一般啦，有少少韌，好重胡椒味，對於唔係好鍾意食胡椒嘅人就可能覺得麻麻。奶醬多鬆脆，奶醬同麵包個比例我覺得剛剛好，同朋友share一半唔係好夠喉😅我最欣賞係個熱奶茶，茶味依然好重，唔加糖都好味。朋友都好欣賞佢個茶走。👍🏼另外見到佢啲冰就咁倒落一個大膠箱裏邊，朋友話好似衛生麻麻地，但係其實出邊好多餐廳見唔到唔代表好啲嘅。

香港舊有特式既茶記真係買少見少，炳記雖然成日都有條人龍，但因為食客一般食完就走，所以等候既時間好快😏.食物黎講，廿幾蚊一碗豬扒麵🍜好抵食，但唔知係咪好趕時間，公仔麵上枱時好似未係好熟🙈咁... 不過浸住湯係會慢慢淋既。奶醬多似乎都係必試之一，係脆口唔錯，不過無一食好難忘想再食既感覺🙈.佢所有食物都無套餐，全部單點，但一場黎到點都要試下杯☕️奶茶，茶味濃同算滑。個人覺得凍奶茶好飲過熱奶茶。價錢配番食物質素係抵，配合正爆風味，係值得再黎👍🏻..