火鍋隨意門

營業中

休息中

天氣好熱，熱到唔想出去買餸，順便慰勞一下即將考試嘅你哋😄🌟招牌花膠雞湯鍋～見到巨大嘅花膠已經開心到不得了，大人小朋友都啱食，花膠先擺落去煮，湯滾左之後，再放埋半熟嘅雞件，3分鐘左右就食得，每一啖都係充滿膠原，食完覺得自己滋潤咗，皮膚好咗添😍飲完湯就可以開始打邊爐啦🌟煙燻蘋果木牛頸脊～原來呢一款係期間限定，見個名咁得意，就叫黎試吓。原來係即場煙燻，我都係第一次見！牛味好夠，肉質爽滑，而且擺落去滾完，都仲食到煙燻香味，好吃又特別。🌟桂花蚌～爽脆嘅桂花蚌係Toby姐姐嘅至愛，真係識食😆，每次打邊爐都係必叫嘅，呢度嘅都好新鮮，冇雪藏味👍🌟日本拉麵～當然不會放過餘下嘅靚湯，最後擺埋個日式拉麵，吸晒湯嘅精華，特別好食👍

又黎到港島區打邊爐啦，今次嘅位置係銅鑼灣鵝頸橋果邊嘅，叫做火鍋隨意門，唔知道同叮噹既隨意門有冇關係呢。呢間餐廳好有格調，有啲土耳其燈做裝飾，一坐低店員都俾左醬料盤俾我地調製醬料。今次揀左卜卜蜆湯底，最估唔到啲蜆嘅份量多到不得了，店員比左個大碗我地去裝蜆殼，點知食完係擺滿哂成個碗，好誇張。蘋果木煙燻牛頸脊社真係好有蘋果木嘅煙熏味，特別係煮熟左之後，果陣木味係非常之濃郁，而牛肉味亦都唔會俾佢搶走反而成件事提升咗。之後叫左個手打芝心牛肉丸，牛肉汁同芝士味夾到呢，勁好味。黃金雙拼係黃金炸響鈴同炸魚皮，呢種咸蛋黃組合係一絕，即叫即炸先至正，記得要趁熱食。仲嗌左三滑，包括墨魚滑，瑤柱乾貝滑，蟹子蝦滑，材料新鮮先整到呢個質素，煮完之後好彈牙。最有特色係佢自家製嘅竹蔗茅根，佢係用個地球儀去裝住啲飲品，成件事好型，同埋飲得出係足料煲出黎，有料。

一道隨意門帶你離開香港，飛到土耳其🤣🤣🤣火鍋隨意門都算係我食過咁多間火鍋店入面最有特色嘅一間。店舖裝修好靚，喺門口就有充滿土耳其特色嘅角落俾我哋打卡👍🏻👍🏻👍🏻呢度唔係剩係得外表靚，食物一樣充滿質素。首先有精緻嘅九宮格醬料，最右上角就蒜油真係超好味，勁香口。湯底有超足料嘅麻辣鴨血蘋果木煙燻手切牛頸脊依款肉真係誠意推介，師傅會喺你面前直接用蘋果目煙燻，視覺效果一流。經過煙燻嘅牛頸脊有淡淡的蘋果木味道，同牛肉味相交，一流👍🏻👍🏻👍🏻花雕雞件蟹皇豚肉餃誠意推介之一黑松露墨魚丸墨魚丸好彈牙厚切即炸午餐肉薏米水呢個波波薏米水好得意火鍋隨意門唔單止照顧到舌頭上嘅享受，視覺上都令人非常之滿足，真係一間幾又醒啲嘅餐廳。

好耐無去過旅行🧳 心癢癢嘅話可以嚟「火鍋隨意門」走返轉，入面有4個area：土耳其、日本、法國、中國，佈置得好有feel，當晚我就喺土耳其打咗個靚邊爐，食物同環境都好高質😋消暑冬瓜瑤柱脯湯 $198 好足料！有蝦、有蟹柳、有素翅！個湯底煲出嚟好清甜，食到尾熬到更加濃郁，兩款口味都好正，飲完又飲😋 平價湯底都咁掂，下次嚟會試吓貴啲嘅湯底～蘋果木煙燻手切牛頸脊(細) $298 本身諗住打邊爐都要煙燻🤣 應該都係gimmick，點知淥完嘅牛肉都仲有好香煙燻味🤯 有驚喜😳 另外牛味同肉質都好正，打卡同味道都一流！花雕雞件 $88 夠入味，雞肉嫩滑，煮完仲食到酒香，味道有層次🤗蟹籽鮮蝦丸(4粒) $68 最鍾意食蝦丸，呢到嘅蝦丸鮮美彈牙，蟹籽提鮮😋黑松露蟹肉餃(4粒) $68 成隻餃入面係滿滿蟹肉😍 原本以為會溝啲豬肉之類，但佢好似純蟹肉撈黑松露，估佢唔到咁足料，不過咁多蟹肉，自然味道會淡少少～即炸響鈴 $68 正常水平，無咩特別～足料竹蔗茅根 $68 超值！平時打邊爐嘢飲最貴，呢到$68有一大壺，2人share都夠，真材實料，清甜解渴😛如果你鍾意睇我嘅食評，不妨關注我，支持吓我，謝謝你☺️💕

火鍋隨意門銅鑼灣打邊爐😳好似去左土耳其旅行咁呀😹佢哋嘅裝修風格✨完全令我好想去土耳其旅行🥰由牆壁、用餐嘅餐具🍴再到外面門口打卡位💕都充滿土耳其風情✨！蘋果木煙燻手切牛頸脊（$298)😎我要用一個係一個表演嚟形容呢度食物！😎因為店員係會喺你面前直接煙燻一次個肉俾你睇！過程裏面你已經聞到好香嘅蘋果木味！！！！！😈😋牛肉6下就熟，估唔到錄咗麻辣湯底仍然能夠食到蘋果木嘅味道！ 大力推介😻🤩鴨血麻辣湯底（$188）麻辣得來鴨血亦都好多嘅湯底！花雕雞件（$88）花雕雞件上枱嘅時候有乾冰😳做陪襯，成件事好似仙境到出嚟嘅雞件咁，雞肉滑溜😋🤗而且你仲可以到埋啲紹興酒汁落你個麻辣鍋度繼續食實行雙倍滋味！鹿兒島日本黑豚肉（$168）厚薄啱啱好，豬配埋麻辣湯真係一流！佢哋呢間野嘅肉質都非常高質！桂花蚌（$138）桂花蚌都好新鮮爽口！蟹黃豚肉餃（$78）黑松露墨魚丸🦑（$68）嚮黃搞直頭以為自己食緊蟹粉小籠包咁重味正😻😈黑松露墨魚丸嗰浸煤氣味🤩加埋入邊真係有墨魚粒粒！鹹蛋黃炒炸魚皮（$78）邪惡感超重嘅黃金炸魚皮，就咁食又得落麻辣鍋度滾3秒得咗！😋😋！厚切即炸午餐肉（$68）成支波板糖咁嘅設計，唔係一般午餐肉

好耐無出銅鑼灣行街，行到攰攰地打返個靚邊爐嘆下先。醬料用九宮格上檯排場一流，主要嘅醬料有六款，另外有三款係飯前小食。湯底揀咗麻辣鴨血湯鍋，湯底幾濃味，唔算太辣，啱啱好。第一次見湯底都咁足料，鴨血厚切嫩滑多汁，有成八至十舊，好好味。湯料仲有豆卜同芽菜等，十分抵食。手切牛頸脊上檯時先用一個玻璃罩住，跟住侍應駁喉灌輸蘋果木煙去煙燻牛肉，成個畫面好似仙境咁特別。牛肉肥瘦均勻，肉質好腍又嫩滑，牛味又重，再加上煙燻完更加添一陣清香味。水蓮菜喺香港比較少見，上檯時係一大束卷成一大圈，可以按自己喜好用鉸剪剪斷唔同長度。每條同米線差唔多粗幼，咬落好爽脆，好有口感。鮮蝦雲吞包得好結實，餡料用蝦肉整成，爽口彈牙好好食！午餐肉厚切食落有口感，先炸過令外層香脆之餘更迫出油香味，更加好食。翡翠螺每隻都大過手指公，螺肉煙韌好有嚼口。食落味道好鮮甜，大大粒啖啖肉好正！

有日OT完話想打邊爐，見到哩間餐廳8點半後有68折所以吸引左我地去。去到門口見到土耳其種熱氣球背景，但又有中式櫃檯，睇完餐牌就知應該係因為提供多國湯底，例如：土耳其香草羊肉湯，北海道3.6牛乳櫻花湯，麻辣鴨血等...其中一款醬料係蔥油勁香，不過味道好強所以唔好落咁多，其中2小碟係小食：辣雲耳，辣青瓜。有好多湯底暫時都唔提供，不過主打的招牌花膠雞湯就一定有！花膠雞湯食得多，不過咁足料同咁濃郁的都係第一次見。半隻雞已經煮成半生熟，所以輕煮3分鐘就食得，雞肉仲好嫩滑😋叫左個手切A4和牛，上菜時店員話可以生食所以附上刺身豉油，一聽到生食就好興奮因為好耐都冇得去日本食！入口即溶，2個人唔洗2分鐘食晒，除左有一片唔小心跌左落枱面所以煮熟食之外，其他全部生食，完全覺得唔生食會浪費左片肉🙈黃金響鈴申請做會員送黃金響鈴。勁多黃金醬淋上面，超足料，新鮮炸脆卜卜，不過好膩，要多d人食先好。三拼滑（黑松露墨魚滑，瑤柱乾貝滑，手打蟹子蝦滑）全部滑都好特別，乾貝滑好少有，口感唔錯，亦係最好味。第二次8人食lunch, 4人限聚令所以中間隔左塊版。當然推介朋友食返手切A4和牛啦。今次仲要有2款唔同擺盤，仲要有埋乾冰

係旅行嘅幸福感啊！～～～自從冇得去旅行之後 就成日喺香港尋找旅行嘅氣息 咩叫做旅行嘅氣息？ Staycation係一種，買日本衫係一種，黎呢一間火鍋隨意門食飯都係其中一種。😊～～～呢間餐廳入面有四款唔同國家特色嘅風味湯底，裝修亦都好獨特，以唔同國家為主題，每一次黎都有種眼睛同舌頭一起去旅行嘅感覺。😚～～～揀好湯底之後我哋就揀嘢食，最後就揀咗煙蘋果木煙燻手切本地牛頸脊，特盛海鮮拼盤，手打蟹子鮮蝦丸，水魷，脆肉鯇魚兩碟。😝～～～之所以叫煙蘋果木煙燻手切本地牛頸脊，唔係因為佢個名好特別，作為多年嘅牛魔王，食食一定係食牛頸脊，呢個位置油花適量，肉質柔嫩，爽滑有口感，麻辣湯底輕輕一洽，已是人間極品。😍～～～特盛海鮮拼盤裡面有鮑魚，螺，蠔，蜆，帶子等，款款都非常新鮮，好鮮甜無腥味，又係高質之作。除咗海鮮拼盤裏面嘅海鮮之外， 水魷同脆肉鯇亦好唔錯，後者非常脆口，一向中意脆肉鯇嘅我地索性叫咗兩碟慢慢享用，非常爽皮。☺️～～～最後手打蟹子鮮蝦丸，亦一食就知真係手打，質感同平時喺超級市場買返嚟嗰啲一包包嘅丸，係完全兩回事，爽、彈、鮮並存，加上粒粒蟹子添加口感，好吃。😁～～～推薦度：🔥🔥🔥🔥🔥🔥🔥🔥火鍋隨意門

母親節，森仔和母親大人到銅鑼灣食好西慶祝🤫🤫🤫精挑細選了一間網上大受好評的高級火鍋店🥸叫:火鍋隨意門。餐廳🍴位置於銅鑼灣鵝頸橋底附近。由地鐵站行過去，只需5分鐘，便利非常👍🏻👍🏻餐廳環境優美舒服😌，裝修時尚新淨。有種去左毆洲小國的感覺😋😋當中嘅熱氣球場景 和土耳其色彩嘅特式燈，配搭得非常襯😍😍😍座位方面很舒服，有足夠1.5米隔離。最重要，可以讓我同媽媽👩放心談天🤓食物方面，餐廳更係用心。首先，森仔選左麻辣卜卜蜆鍋，鍋底有大量沙白蜆，份量十足！而沙白蜆十分新鮮，亦洗得乾淨，沒有沙，欣賞👍🏻👍🏻麻辣火鍋🍲味道十足，夠晒味道，惹味！食完個身熱辣辣，爽😊餐廳仲要落了乾冰，上枱時有陣陣煙，迷幻非常，十分吸引目光😋😋😋蘋果木煙燻手切牛頸脊（細)e個煙燻牛頸脊係森仔食過嘅最有特色，又美味的😍😍😍用蘋果木來煙燻手切牛頸脊係我第一次試。煙燻味道很濃烈，帶有陣陣蘋果木的香味。特別係那一陣蘋果木香味滿佈了牛頸脊，更凸顯了牛嘅味道，強化了牛的口感和質感🤩🤩🤩🤩而油脂分布良好，既有咬口，也有一點入口即溶的感覺😌😌😌食落口，真係好正！森仔食到停唔口😂鹹蛋黃炒響鈴🔔鹹蛋黃味道濃烈，滿佈整條響鈴🔔。同時炒得十分鬆化爽

好閨蜜熱愛影相，次次一見到靚靚餐廳就捉住我陪佢黎😆。佢話上網見到呢一間火鍋店嘅背景好有特色，所以收工就dress up曬逼我黎陪佢影港女相。 .對影相毫無興趣嘅我，淨係對食物有興趣，雖然餐廳好靚，但係我嘅Focus從來只有食物。好在呢度嘅食物質素幾有驚喜，總算不枉我收工好攰過嚟陪佢影相😂。.特色卜卜蜆湯鍋 $198這個湯底一送上檯便令我們垂涎欲滴，一大個鍋滿滿都是蜆，非常吸睛，看著卜卜蜆越開越大，我們的筷子🥢亦ready好曬，數十隻蜆，三五兩下便被我們掃過清光。滾完蜆之後湯底非常鮮甜，加上薯粉（$32），索盡湯汁就最適合不過。.煙蘋果木煙燻手切本地牛頸脊🐮牛食得多，牛頸脊真係比較少食，但上網見到好多人都叫就跟住叫咗一個，結果真係冇失望，牛頸脊位於牛頸與肩胛之間，係牛運動量比較多的部位，低脂肪，肉質爽口，肉味濃得黎，食落感覺都比較健康。加上蘋果木煙熏過，令牛味多咗一份獨特香氣，使整體更為吸引。.新鮮菜苗帶子餃 六粒 $108🥟飽滿大粒嘅帶子餃，皮薄餡鮮。帶子彈牙，菜苗翠綠，食落清新飽肚，雖然價錢唔平，但一分錢一分貨，確實係幾高質，偶爾對自己好啲都唔係好過分啫😛。.PS：醬油茶介 每位$2

趁着星期四又係阿媽放假嘅大日子，繼續嚟返個火鍋家庭日。今次呢間店舖好正，咁啱呢次食店做緊個同音字嘅推廣優惠，可以一蚊享用花膠雞窩，咁抵梗係要試一試啦。九宮格醬料今次都要特別寫一寫，坊間比嘅醬料其實都好一式一樣，但係呢間食店好有心，除咗白芝麻呢啲比較少見嘅醬料之外，佢仲有一疊勁香嘅蔥油，呢個簡直係神來之筆，超級值得加分。花膠雞湯底一個字，正！食店好泵本，用銅煲來做火鍋器具，好high class!!花膠好大塊，食之前店員會問你影唔影相，之後會幫你剪細佢。雞都好新鮮，本身食店已經幫你煮到半熟，放入湯底煮5分鐘左右就食得，好方便，亦都好嫩滑。咁當然，係食其他食材之前就梗係要試返一啖佢個靚湯先啦。成個湯底好鮮甜，好明顯食店係落足料去煮呢個湯底，而且叫加湯嘅時候佢亦都真係加返呢啲咁濃辱嘅湯底，而唔係一啲比較稀甚至乎係清水，呢樣野真係要比個讚佢。蛋黃魚皮拼蛋黃響鈴呢個永遠係冇得輸，熱辣辣上枱當小食咁即食，一流。蘋果木煙燻牛頸脊今日嘅重頭戲黎啦！首先，啲牛一上枱你的件都係好新鮮，成碟鮮紅色。店員會用一個儀器，去點燃蘋果木，將啲煙燻入去牛入面。唔理好唔好食，淨係呢個效果都已經好正，蓬萊仙境一樣。咁靚嘅

📍 火鍋隨意門📍 銅鑼灣 • 堅拿道西10號冠景樓1樓A室-好久好久沒有出走啦... 銅鑼灣鵝頸橋附近，冠景樓這裡新開張了這家《火鍋隨意門》，用味道帶你遊走世界！食物強調視覺效果，喜歡打卡的朋友們有福啦～但同時，也沒有忽略味道質素，非常好吃😛值得一試再試❣️-《火鍋隨意門》帶你感受在不同國度用餐的體驗～用餐區分為｛日本｝、｛法國｝、｛中國｝、｛土耳其｝四個區域。想要每一個空間都遊歷得到，就要來四次啦XD（絕對願意！！）-｛土耳其區｝是最大的一個區域，馬賽克燈、熱氣球、很多很多用心的土耳其風裝飾跟擺設，令客人彷彿置身土耳其。-醬介 ($25/位)店員先送上醬介跟涼拌小吃九宮格，是每一桌的專屬調味拼盤！涼拌青瓜和木耳酸酸辣辣的，非常開胃。另外特別推薦右下角那個｛自家製乾蔥油｝，味道非常非常香，加入火鍋醬油裡面真是令整件事情昇華不少hahaha•特色卜卜蜆湯鍋 ($198)蜆的份量超～級～多～，起碼有50粒吧！而且非常新鮮，每一顆都飽滿、鮮甜，還沒有沙～加上海量芽菜跟芫茜，滿足芽菜迷跟芫茜迷的胃！•足料竹蔗茅根 ($68)竹蔗茅根載於這個超具創意的地球儀🌎內，除了滿足打卡慾，也可以清熱下火。在

今日約左好朋友聚舊，大家都好想食火鍋。 上網睇左介紹，我地選擇左銅鑼灣地段一間高評價的火鍋店［隨意門］。 餐廳環境裝潢特別， 以旅遊作為主題。中國宮殿美、浪漫法國巴黎、日本櫻花🌸、土耳其風情，處處洋溢異地風情feel 。我們安排土耳其區用膳，所用餐具及燈飾都十分漂亮，符合主題。-餐廳火鍋湯底有多款選擇： 法式芝士龍蝦湯、招牌黑胡椒蟹湯、土耳其香草羊肉湯鍋等等 。 我們最後選擇了「招牌花膠雞湯鍋」。每次歎火鍋，靚湯底必然是主角。 花膠份量相當多而且很厚身；湯頭有花膠應有的膠質，口感黏，很足料。半隻鮮雞夠嫩滑。湯底相當鮮香！ 養生火鍋湯底補身又養顏👍🏻-❤️蘋果木煙燻手切本地牛頸脊 好有gimmick 的一道特色菜，加入煙燻仙境視覺藝術效果。蘋果木煙燻帶有甘甜的香氣； 手切牛頸脊有適量油花，肉質鮮嫩爽滑，肉味濃郁，非常適合切成薄片作火鍋食材。-❤️白鱔片 冰盤上的白鱔片色澤新鮮；腩位肉質爽脆彈牙，無幼骨，鮮嫩無比。-❤️蜂巢豆腐猶如海綿般吸進湯汁，咬下去有juicy 口感。-❤️正宗日本稻庭烏冬 湯底太濃郁鮮香，點了一份彈牙烏冬配送，大滿足。-❤️ 自家製薏米水 消暑解膩又解渴

男朋友知我鍾意吃火鍋，特意為我安排了一間新派特色火鍋店，我們踏進隨意門就好像走進了土耳其的國度🇹🇷充滿了異國風情，望住七彩繽紛的熱氣球🎈嘴巴享受著熱辣辣火鍋的旅程特色卜卜蜆鍋很足料，蜆嘅份量好多，足足有兩大碗，又大隻又鮮甜，湯底非常鮮味蘋果木煙燻手切牛頸脊，色澤鮮嫩嘅牛頸脊賣相好靚，服務員即場把菜式注入蘋果木味的燻煙，揭開透明玻璃蓋時煙霧離漫，簡直係視覺新享受，極具創意，牛頸脊經過煙燻後散發出天然木香、油花潤澤，肉質軟腍，牛肉味好香濃餃子拼盤，五款不同口味的工手餃，皮薄餡多，鮮味十足，我特別喜歡黑松露蟹肉餃、蟹黃豚肉餃及鮮蝦雲吞黃金雙拼有鹹蛋黃炒響鈴及鹹蛋黃炒炸魚皮，上枱時已經聞到香噴噴嘅鹹蛋黃味，非常酥脆，響鈴和炸魚皮都是即炸的，極之惹味日本稻庭烏冬，軟滑得來又有咬口，油麥菜很爽甜食火鍋當然要飲番杯冰凍、清熱解渴的竹蔗茅根

在銅鑼灣開店的朋友之前介紹了一家以日式裝潢主題的火鍋店，看到他的打卡照，不禁要嚷著帶我試試～怎料到達餐廳後，職員帶我們到裡面其中一個分區入座，頓時才發現原來餐廳竟然有幾個國家的裝潢，實在太有誠意了吧！我們這次去到的是土耳其餐區，牆上的巨型卡帕多奇亞熱氣球升空圖令整個設計更是畫龍點睛～火鍋當然少不了醬料，而火鍋隨意門的配料共有7款，可以自行配搭。九宮格裡面還藏著兩款餐前小食，十分驚喜！【招牌花膠雞湯鍋】招牌花膠雞湯鍋上枱時還有煙霧的效果，打卡一流～招牌花膠雞湯鍋以金華火腿，三黃鮮雞等配料熬制而成，值得稱讚的是花膠竟然是一大片呈上，而並非花膠碎！加黃油雞件，可見用料豐富，真材實料！職員還貼心地替我們將花膠剪開放入湯底，湯底喝下去完全感受到滿滿的膠原蛋白，忍不住不斷添飲！【手切頂級安格斯牛肉】安格斯牛肉呈大理石紋，可見脂肪比例均勻，口感細緻但不失嚼勁，而且肉味濃郁。【瑤柱乾貝滑】瑤柱乾貝滑用墨魚滑為基底，再混入大量乾貝絲，味道更鮮香，亦有一絲絲的乾貝口感。【沙白蜆】沙白蜆大約有十餘隻，味道清甜沒有沙，唯獨有兩三隻開不了口～【手打芝心牛肉丸】牛肉丸用上和牛製成，份外多汁，而且牛味濃郁。中間夾著