火鍋隨意門

營業中

休息中

7月生日壽星指定要食火鍋😍搵左呢間火鍋有生日優惠78折😍只要出示Openrice coupon就有優惠✅.餐廳裝修幾靚有風格，每位醬油費$25，另計加一。九宮格醬料盤係開始時會先放枱面。之後就order湯底「花膠雞湯鍋$298」，好欣賞佢個花膠同埋半隻雞係分開上，咁先睇到真材實料，職員仲好好幫手將花膠切件。開始時先飲咗個雞湯，濃郁又滋補，而雞件就想食嘅時候先至落，約3分鐘就岩岩好。.因為有七八折嘅關係，所以我哋都叫咗好多嘢食，最正嘅當然係「本地牛頸脊（大）$368」牛味濃郁，有手切牛嘅風味，加上厚切更有口感。另外「餃子拼盤$148」都好特別，分左兩層架上5款餃子，餃子皮薄有口感，最喜歡黑松露餃子🥟好濃厚黑松露香味。「即炸魚皮$68」都值得推介，新鮮即炸嘅魚皮，入口鬆脆熱辣辣。.今次因為朋友生日所以有生日優惠，價錢幾抵食，真材實料，所以做埋會員仲有分儲🤣性價比唔錯

豁出去漫遊不通知親友🎵✈️雖然而家冇得去旅行 但係去到火鍋隨意門都可以隨時隨地感受到旅行氣息！之前上網見到好多人推介呢度 今日趁住朋友放假得閒陪我去打下卡入到黎見到呢度分咗四個主題區分別係日本、懷舊中式、土耳其同法式每一個主題佢都用上唔同嘅器皿獨特嘅設計令人置身其景😍😍😍我哋揀咗土耳其嘅用餐區 牆上印有土耳其獨有的熱氣球風景再加上各式各樣的土耳其特色裝置美輪美奐嘅小燈泡 燈光柔和 令人用餐氣氛輕鬆愉快☺️☺️留意到桌上還用上獨特土耳其沖咖啡杯盛載著火鍋豉油 感覺非常特別 提提大家呢度嘅醬料費每人係$25不過都物超所值因為有無限嘅手拍青瓜同埋日式海藻供應😆😆我同朋友左諗右諗 終於揀咗香辣豬骨湯底因為大家都鍾意食辣加上出邊好少食到香辣嘅豬骨筒骨嚟到嘅時候果然冇令我失望！除咗用上乾冰效果有打卡功能外🤣湯底嘅用料亦異常的豐富有粟米、蕃茄、香菜和蘿蔔等等而且湯底唔單止只有豬骨仲有豬手淨係食個鍋都飽晒 好足料呀我哋之後仲叫咗少少海鮮，有沙巴蜆、帶子芫荽丸。另外花雕雪花肥牛必叫，加埋粉絲、土豆同羽衣甘藍🥬健康又好味😋最正係啲肥牛 用少少時間吸入晒花雕香味 湯底碌大概30秒就食得 肉質好嫩好香牛味最後加埋杯

香港係屬於一年四季都可以食打邊爐嘅地方、只要你想食就大把選擇👍今次揀左CWB的隨意門、果然無失望好滿意好滿足🥰服務好好,經常留意客需求，例如自動加湯 、無需客要求、座位又坐得舒服😌可以慢慢打卡 影相📸️好鍾意佢嘅九宮格調味料☺️滿足鍾意多重口味嘅我😊鐘意點食都得😃種類種類多、一定可以揀到自己種意嘅冬瓜湯底：好鮮甜，好足料（有雞肉，蟹柳，一大截冬瓜，瑤柱，仲有唔知粉絲定魚翅）消暑解‘濟’好啱夏天食芝士獅子狗：同普通嘅唔同，唔係獅子狗中間個洞放芝士而係獅子狗入面，幾好食，唔會膩清酒牛肉：煮完仲有清酒嘅香味，食落就冇酒味，肉質好鮮嫩今次就點左薯粉配冬瓜湯底、味道好夾好豬頸肉好彈牙，瘦肥相間啱啱好水魷好爽口，新鮮值得再去mark 低係waiting list 再去食🥰

火鍋隨意門 (銅鑼灣)今日帶媽咪去食一間環境具土耳其色彩的火鍋餐廳💕門口位置有一張吊椅，有幾盞馬賽克燈飾，未入去進餐已忍不住打卡🙈🙈 店員態度熱情有禮👍🏻安排了我們在餐廳的角落窗口位置用膳～ 前菜和配料 $25/位用「九宮格」端上前菜和火鍋配料，色彩繽紛，已很吸晴😍 前菜有酸醋雲耳和青瓜，酸酸辣辣很開胃👍🏻 配料有芝麻、蔥花、辣椒🌶️等，可按個人喜好調配自己的口味😋招牌花膠雞湯鍋 $298 （半隻雞）湯底用三黃雞熬製而成，鮮味十足！店員用剪刀把厚身花膠剪成一片片，放在鍋裏，炮製出充滿骨膠原的湯底，而且雞件是由食客飲完花膠雞湯後才放下去，令湯底清而不油，推介❤️ 本地牛頸脊 $268 （細）其實2人份量已非常足夠，細份量已有12片牛肉～ 牛頸脊肉片瘦而不韌，而且牛味濃郁，不蘸醬汁而食到濃濃的牛肉香味💕黑松露墨魚滑 拼 手打蟹子蝦滑 $128魚滑和蝦滑都是非常鮮甜而且爽口彈牙😋 再加上吸收了花膠雞湯，味道昇華☺️好滿足下次要再食過😆*需加一服務費整體食物美味指數：9.5/10 （10分滿分）銅鑼灣堅拿道西10號冠景樓1樓A室

訂座訂夜晚7點，但店員話要8:15，我8:10就到左，訂左枱都仲要企係門口等左大半個鐘等到9點先入得座，唔知間餐廳講要訂座係為乜，實質同walkin根本冇分別，walkin等位都冇咁嬲，到入左座落哂單又話好多湯底都賣唒，等到嬲嬲地想叫支竹䉀茅根飲下，又話賣唒，正宗要乜冇乜，菜單方面唔計有冇賣唒本身都已經唔算多野選擇，份量又少，一碟沙白蜆得10粒賣$68，質素又好一般，佢既價錢完全對唔上質素同份量，枱面有提供紙巾，但上一手用唒又冇refill，想搵侍應又成日冇人，好似唔憂做咁，但係又收加一服務費，冇下次，請我都唔會再食第二次，貼錢買難受。

驚喜重重嘅一餐火鍋晚餐🍲有別於平時嘅火鍋，而且佢係色香味俱全😍有得打卡又好食😋!分別有兩個區，以中式裝修同土耳其裝修做主題～私心覺得土耳其裝修係特別啲嘅🤣首先會上調味料拼盤，俾你自助選擇自己嘅調味料～仲有三碟小菜喺上面，分別係辣黃瓜🥒，木耳同埋唔記得咗😛湯底方面選擇左花膠雞湯鍋🐔$298呢個湯底食過好多次，但係甘足料真係第一次😍侍應會幫手將花膠切細，一塊一塊擺入去湯底度煲，依家諗起都好回味🤪係正式打邊爐之前仲可以飲行花膠湯美顏，味道當然係好飲又好潤啦，雞肉亦都好滑嫩🥰估下係乜嘢呢🤩?咁有仙氣嘅係蘋果木煙燻手切牛頸脊🐮🤩$298唔好以為嗰啲煙淨係為咗打卡🧐食落去係真係有木煙燻嘅味道，好特別!😍😋唔使多講睇到佢嘅既色澤同雪花，都知道係有質素😌蘋果味唔算好出，但係嗰個煙燻味道真係好特別同好值得一試！🤤豬頸肉$58呢間餐廳有好多唔同嘅細節，就算係豬頸肉都會整一個少女心嘅玫瑰花🌹女仔實鍾意！竹蔗茅根$68都未試過飲竹蔗茅根飲得咁開心🤣換咗呢個好似地球儀咁樣，飲落都零瀉好飲😝另外，仲叫咗蔬果拼盤呢d～新新鮮鮮，食得好滿足嘅一餐🥰而且侍應怕我地凍，仲專登俾咗土耳其風情嘅毛氈我地！🥺仲係獨立包裝拆出嚟

呢間小編不能不推！疫情關係出去食飯都好有選擇性！揀啲環境衛生又坐得唔迫夾、又要cp值高！但呢一間火鍋店係我近期三月裏面食咗四次嘅地方！原因一佢哋好衛生喂你面前用熱水將所有你嘅餐具係所有你嘅餐具消毒一次！第二，食物質素非常之好！有個湯底去到海鮮甚至乎牛頸脊我覺得都係值回票價嘅！三，可以自行帶走！人頭消費夠$200就可以開兩支酒！大家知啦酒水係最俾人搵笨㗎嘛，可以自己帶走就最好啦！佢仲有VIP制度係用一蚊儲1分可以用分對換嗰度嘅coupon或者超級市場coupon！係我嘅真心推介！

銅鑼灣火鍋隨意門係行土耳其風既火鍋店，入面既裝修設計至餐具擺設，都係滿滿既土耳其感而呢排有d熱氣所以無㨂到啲刺激太湯底，花膠雞湯湯底就岩哂要養顏美容又要滋補既我，湯底可選擇一隻或者半隻雞，我地4個人就選擇左半隻雞，跟湯仲有碟上大大片既花膠，職員亦都好細心幫我哋剪成細細塊先放入湯度，湯頭非常鮮甜，啖啖精華，不過花膠就唔好太遲先食如果唔係就會熔哂入d湯度 牛肉厚薄適中，油花均勻，手切頂級安格斯牛肉肉質相對比較嫩滑，而蘋果木煙燻手切牛頸脊牛味就重同有淡淡既煙燻味，兩個都非常好食 鹿兒島日本黑豚肉 比起一般豚肉肉質纖維較細，比較嫩滑黑松露蟹肉餃同蟹王豚肉餃，都好鮮味，但相對起嚟黑松露蟹肉餃味道濃郁啲黃金雙拼係響鈴同炸魚皮加邪惡嘅鹹蛋黃，二揀一嘅話魚皮比較好食菜方面揀咗唔係好多地方有嘅水蓮菜，好清甜爽口

食個火鍋當去左旅行一行四人假日去行下街之前當然要食番個午餐啦，太耐冇去過旅行就揀左呢間旅行主題既火鍋店。門口好中式既牌匾配上土耳其色彩斑斕既裝飾都幾中西合壁 。前事做左功課，好快就點好鍋底同菜式。食野前可以係充滿土耳其特別既九宮品配自己既醬油碟。雖然特式卜卜蜆鍋好吸引，但女士們想食得滋陰啲就揀左招牌花膠雞湯鍋，上到黎幾大塊厚身既花膠同半隻雞都好足料，姐姐會幫手剪開整塊既花膠先放落湯度。前菜試黃金雙拼，咸蛋黃魚皮超級惹味，每人一塊唔過癮，建議單點份量會多啲。黃金響鈴炸得超酥脆，但都偏油，可能撈左蛋黃係在所不免，浸左湯會好食啲。蘋果木煙燻手切牛頸脊推介，老板會即席係玻璃蓋內打入蘋果木煙，食落口濃郁牛味過後都有股淡淡既煙燻香，係其他火鍋店未試過既味道。另加左手切安格斯牛，呢隻牛就油脂感重啲，食落口感嫩滑。牛柏葉是正常白色的，滾兩滾好食，爽口，再滾會縮水。鹿兒島日本黑豚肉份量略少。蔬菜類幾新鮮，粟米，油麦菜等都冇渣。餃子好重蟹味，值得試下，黑松露魚滑都係啖啖黑松露味，口感彈牙。普通既竹蔗茅根水放落個波波容器度又幾別緻。

朋友介紹呢間食火鍋坐得舒服又衛生，於是男朋友約左我一齊嘆下。不得不試既係手工本地牛頸椎肉配蘋果木煙燻，覺得好新奇，又食到停唔到口呀。輕輕煮幾下就食得, 有陣陣香既蘋果木味~飲品很特別，點竹筍水放左係地球儀設計既容器內。另外也點了薏米水, 不得不提既係薏米水超好飲呀。蔬菜拼盤最期待有粟米，都有蘆筍，每種蔬菜！ 抵食又乾淨。豆腐和蝦丸。係普通山水豆腐，但遇上鮮味湯底，都好有驚喜。小既海鮮拼盤，十分豐富，有帆立貝，蝦，蠔，蜆和螺。每款四件，半買半送既四人份量，難以想象大既海鮮拼盤仲有幾有大！餃子，粒粒足料，煮完漲哂好正！湯底因為想食清少少, 今日冇啦嗌辣既, 於是點左蜆湯, ~ 醬油每位$25蚊完全值得點昸日本烏冬, 係今年食過最好味既烏冬呀~ 好細綿, 又吸哂D湯汁~

今日慶祝父親節，左諗右諗都係打邊爐最岩，因為點食評麥都有，search 過呢間影相唔錯就book位。餐廳冷氣係幾凍既，馬上點左卜卜蜆湯底真係勁正。 侍應第一時間送上醬油同小食，係麻辣木耳同麻辣青瓜。卜卜蜆湯底有芽菜，莞茜同蜆。好快熟哂，好入味。我地點左幾款食物。最特別是煙蘋果木煙燻手切本地牛頸脊，牛肉高質不在話，蘋果木香更被牛肉吸收，食上黎有香味，好正。餃子拼盤，共十粒，有五款，每款兩粒。粒粒都充滿真材實料，食完真係堅飽。海鮮拼盤，做梗特價冇可能唔揀ma. 當中蠔同螺最正，新鮮好味。蝦同帶子都唔錯。餐廳內充滿土耳其風味，有我最愛既馬塞克燈飾，真係影相效果好正。

24/6 火鍋隨意門呢間火鍋店在銅鑼灣堅拿道西上樓鋪。裝修非常特別，一開始我以為入錯泰國餐廳😂-花膠雞鍋❤️‍🔥 雖然加湯加到最後係變返加豬骨湯…但一開頭已經筆左兩碗湯先飲為快😋😋-即飲湯，雞3分鐘食得竹蓆茅根$68 4人份左右咸蛋黃炒響鈴（好漏）🤪四國風情牛肉拼盤$598（a4 wagyu, 土耳其香草牛澳牛，牛頸本地）其實菜單選擇不多，勝在夠精，消費都幾貴下…欣賞海鮮食材，用料新鮮❤️ 但牛肉就麻麻地。

朋友他鄉遠走，咁就要食餐好啦， 2人行揾左近銅鑼灣的火鍋隨意門。餐廳位於銅鑼灣堅拿道西10號, 堅拿道天橋附近. 餐廳環境亮麗, 燈飾, 食材工具都落足心機,  未食得都睇得. 地方唔算太大, 咁就合哂一路食火鍋一路傾計啦. 去到餐廳有位負責人帶位入座, 禮貌周到, 值我一讚. 由於唔知幾時先再見, 今日就食豪D. 今日菜單:特色卜卜蜆鍋蘋果木煙燻手切牛頸脊(細)本地牛頸脊竹蔗茅根鮮蝦雲吞黑松露蟹肉餃黑松露墨魚滑拚手打蟹子蝦滑響鈴+炸魚皮珊瑚拚桂花蚌鴨血特色卜卜蜆鍋, 望見個卜卜蜆都知出事啦, 因為D蜆又多又大隻. 2個人點食得曬, 又係飲湯時間, 個卜卜蜆湯有蜆的鮮甜味道, 又有香蔥的辣味, 呢個湯底真係不得了. 卜卜蜆鮮甜, 有肉地, 隻隻都漲卜卜, 用料上乘.蘋果木煙燻手切牛頸脊, 店員會用個煙燻機將D牛頸脊先煙燻約1分鐘, 等D牛頸脊滲入蘋果木煙燻的味道, 輕輕滾一滾以經可以入口, 牛頸脊牛味濃, 肉質好林好軟, 值得推薦.鮮蝦雲吞, 用大大隻蝦加上豬肉, 將個雲吞皮都包滿哂. 好充實.黑松露蟹肉餃,  黑松露味濃, 蟹肉有鮮甜味, 又係咁大隻.黑松露墨魚滑拚手打蟹子蝦滑, 2

提早慶祝父親節，一家人去左位於銅鑼灣既火鍋隨意門食火鍋。聽家人講依間餐廳食物質素優質，所以特意揀左佢黎慶祝一番！招牌花膠雞湯鍋：揀左半隻雞既分量，足夠比我地四人享用。店員會幫助剪開花膠，滾兩滾就食得！花膠口感極爽口，仲有豐富既膠質添。至於雞件好滑好嫩，完全吾鞋口。重點既雞湯真的真的要推介比大家，味道好香好濃郁！我地飲到見底甘濟，可想而知，味道幾甘鮮味！蘋果木煙燻手切牛頸脊：店員會將煙燻釋放在牛頸脊中，一開蓋會有陣陣既蘋果木味。牛頸脊顏色鮮艷，焯後肉汁慢慢滲出，口感軟軟的，而牛香味也突出啊！手打芝心牛肉丸：揀左四粒份量黎試下，真的幾推介！牛肉丸未焯時，顏色同樣鮮艷！焯後咬開就會爆出吾少芝士，果然份量十足！手打蟹籽鮮蝦丸：同樣作為蝦控必叫的手打丸！焯後蝦丸可以見到成隻蝦系入面，口感超級爽又彈牙！口感好似食緊大粒版既鮮餃一樣，超好食，好彩揀左八粒份量。牛栢葉：不足之處系牛栢葉吾算系一舊舊的，反而比較散亂，多數都係一片片葉，所以吾太食得出口感。

老闆今晚請公司同事們去銅鑼灣火鍋隨意門食火鍋，記得之前我都去過，重記得佢哋嘅招牌花膠雞湯鍋超正！火鍋店內裝修古式古香，不同區域有不同國家作主題。因疫情關係，我哋分4人一枱。點好湯底和火鍋配料後，送上調味混醬配料，整齊乾淨，重有兩款小食。招牌花膠雞湯鍋：先上枱的是一鍋濃雞湯，還有半隻雞和大大塊花膠。先讓我們嚐一口雞湯，乳白的湯底鮮甜滋潤，雞件預先煮至七至八成熟，只需放入鍋內滾起，便可以食到香滑的雞件。最後當然是主角花膠，大大件的花膠，骨膠原滿滿，吸收雞湯精華後，養顏又美味！煙蘋果木煙燻手切本地牛頸脊：人手切片的本地牛頸脊的肉味特別濃，油花分布均勻，肉質鮮嫩爽滑。用蘋果木煙燻過，特別好味。鹿兒島日本黑豚肉，肉質緊緻多汁、 口感柔軟有彈性、肉質鮮美、 脂肪清爽不膩。桂花蚌：新鮮爽口。蟹皇豚肉餃：餃子每天人手包成，餃子大隻，餡料係用新鮮豬肉和蟹皇製成，味道鮮味濃郁。足料鮮蝦雲吞：皮薄餡靚，雲吞皮滑嘟嘟，餡料鮮蝦新鮮又爽口。