火車頭越南餐室 (朗豪坊)

營業中

休息中

旺角街頭人口眾多，自然食肆餐廳都很多。偶然之下今天和家人到朗豪坊的火車頭越南餐室，品嚐越南菜，想不到有意外驚喜。地點好方便，坐港鐵的話旺角站 C3 出口, 又或者旺角站 E1 出口都可以去得到, 非常方便。餐廳最大特色係用火車頭作為主要装修，係一個打卡既好地方，餐廳係朗豪坊４樓，人來人往，好熱鬧開心，雖然餐廳好多人，但不得不讚既係服務員依然好好既服務質素，佢地會帶住笑容招呼你，呢個咁好既服務，我一定要比個ＬＩＫＥ佢

星期六，做完運動又要去旺角整機，咁去朗豪坊醫肚先啦⋯⋯嘩。。之前由於工作關係，成日去大坑食火車頭。今日見到郎豪坊有，心癢癢想回味一下，同埋睇下有沒大坑店的水準😜😜越啡椰奶smoothie $38(味道都可以，但椰奶唔夠香）蕃茄蟹肉蝦湯檬$108（湯底好香，好濃，有蝦味蟹肉拆碎，所以每啖，連湯連粉，有加埋蟹肉食。好耐未試過，連湯連粉食哂飲哂）配料，有我喜歡的芽菜，加埋青擰湯底唔加都夠味，可隨口味軟殼蟹米卷（好味，配埋碟底個醬）總結：食物水準可以保持或更好，服務水準就要多多進步啦⋯⋯

香港是美食之都，各國菜式都不難找到，但事實姐最喜歡的都是東南亞菜式，不論日式或越南菜泰國菜都係我的頭幾項選擇！上星期同朋友來到朗豪坊，發現有新餐廳進駐，而且是我喜歡的法越菜，因為早已試過灣仔分店，覺得還不錯就來個take two！餐廳位於朗豪坊露天廣場（4樓），天幕之下空間感足夠，感覺都幾舒服。鮮蝦蜜桃米紙卷$63米紙卷包著爽彈大蝦及水蜜桃，甜美的蜜桃令大蝦更加Juicy，就算唔點醬都非常好吃。火車頭招牌湯河（$98）我覺得越南菜的代表一定係Pho。呢個Pho我之前O係灣仔都食過，份量好大，我仲記得食完唔再需要食晚飯，今次同朋友Share就剛剛好，一碗有齊有生牛肉、牛腩肉、蘿白、牛筋、牛丸同牛拍葉。而芽菜、青檸、辣椒粒就另上，可以根據自己的口味調整。生牛肉大大塊，粉紅色超吸引，肉質柔軟不鞋，牛筋好鬆化，其他如牛丸牛柏葉都合乎水準，湯底味精唔重而且都鮮甜，唯一要彈就係湯底唔係好夠熱，所以影左一陣相生牛肉都未變熟牛肉。兩個女仔Share再叫幾款小食就剛剛好。牛油果奶昔 $42好大杯超足料，牛油果落得夠口感好Creamy，就係因為飲得太多，最後食唔落甜品，sigh～

Blue Monday放工和朋友在朗豪坊按完摩，肚子餓得咕咕作响，急不及待落去醫肚。見到新開的火車頭，想也不想便直接入去。 點了個生牛肉河、米碎飯、蒜蓉雞翼、砵酒牛柳粒外加2杯牛油果奶昔。食物上枱效率迅速，可能知道我們餓得要緊。 生牛肉河湯底夠濃，重點是牛肉份量得多。河粉底配上蝦米、脆脆、香葱，飄來就是一陣香味～ 街頭米碎飯用竹箕上，頗有風味。米飯就如其名碎碎的，但握成飯團，配上大大塊豬扒、太陽蛋等，簡單得黎又好食！ 砵酒牛柳好好食，因為加入了青紅椒和洋蔥，帶出了天然的甜味。加上砵酒，牛柳又厚切，大大粒夠口感。富酒香得黎甜甜地，所以食佢時真係要配飯！！！ 牛油果奶昔剛好用黎消熱氣，入口幼滑又冰凍，甜度輕微，而且有淡淡的奶香，雖然邪惡，但不可不飲。 蒜蓉雞翼炸得香脆，蒜蓉碎鋪滿了雞翼面上，雞皮甘香，雞肉嫩又多汁，一人2隻剛剛好。 本來還想要點個三色雪糕，可是雪糕已經一早賣完了。無甜品食有點可惜~

旺角朗豪坊開了一間新的越南餐館, 位於foodcourt那一層，夜晚便約了位朋友去試一試。餐牌上的食物款式有很多, 有正宗的越南粉麵, 亦有 我喜愛的越南法包。小食方面, 這裡有炸春卷、米紙卷、越式沙律等等。前菜的選擇很吸引, 樣樣都想試。飲品方面, 我點了一杯牛油果奶昔。牛油果奶昔很夠甜, 質感很creamy, 好味, 但喝的同時不時吃到牛油果皮。我們點了馬拉盞炒菜、蜜糖魚露雞中翼、牛油果軟殼蟹紙米凍卷、大蝦柚子沙律和越南法包來分享。馬拉盞炒通菜很惹味和濃味, 吃落去帶點辣辣的味道。 蜜糖魚露雞中翼的蜜糖味不會太重, 很香、很開胃。紙米凍卷裡的軟殼蟹雖然放了一會兒，但是還是有脆卜卜的口感。越式法包裡夾住了醃過的蘿蔔絲、番茄片、生菜、扎肉、豬扒。另外, 法包裡亦塗上了一層有鵝肝味道的醬。 法包大大個, 咬落很脆, 裏面的蘿蔔絲的分量有很多。我很喜歡那個鵝肝味的醬。

店舖細細，選擇唔多，但以午餐黎講已經足夠。香茅豬扒撈檬 + 香茅牛肉紙米凍卷 + 羅漢果蜜。香茅豬扒撈檬個豬扒唔算鞋，有菜絲、青瓜絲、紅蘿蔔絲、花生粒，正正常常。香茅牛肉紙米凍卷個皮有啲厚，簿D會好食D，個醬汁反而有驚喜，好似北京片皮鴨嗰醬咁嘅味道，濃味但好食。個羅漢果蜜真係甜到死! 成杯糖水咁，太甜。結論係: 普普通通

發現朗豪坊有火車車卡,原來係越南嘢,雖然岩岩去完峴港無耐,但我都仲係好喜愛生牛肉河,所以即刻坐低試試先!可以配搭主食+小食+飲品。我就緊係選擇生熟牛肉河+無咁heavy 嘅五色素菜紙米凍卷,野飲就鹹檸7。先講個粉,最欣賞過河粉好彈牙 ,又幼身唔會太厚,口感係平時食開嘅河粉同金邊粉嘅中間。生熟牛肉好似係食過咁多間係最多份量,每件牛都大大件!好足料!小食五色素菜紙米凍卷,好彩係兩件如果唔係就真係食唔細,紙米薄得黎好彈牙,配上蔬菜好健康,另加特製醬料有花生碎,令口感層次更豐富。最後朋友話唔夠候追加甜品,我地叫左個薑檸cream brulee  配雲呢拿雪糕,食落真係唔同D,因為好重檸檬味配上甜甜焦糖燉蛋,又幾特別,雪糕就唔會太甜,三樣味道加埋幾有驚喜,食Tea 時間,埋單都只係$170都唔洗,都幾抵因為每樣食物份量都好足,兩個女仔食都好飽💟💟💟

天氣熱得很，熱到胃口全消。行經朗豪坊，見新開的火車頭人不多，不用排隊，便決定試試看。位置跟以前一樣仍是擠迫，檯與檯之間距離狹窄，只可平面出入，至於餐廳裝修則半點越南風味都沒有，但不打緊，服務加食物質素搭夠。檯面雖小，但醬汁齊備，甜酸辣味一應俱全，配合不同的食物，可帶出不同的味道。我跟兒子兩人點了一碗火車頭湯河，內有肥牛，牛𦟌，牛筋，牛柏葉，牛丸及蘿蔔，用料豐富份量多，湯頭牛味不夠濃，但勝在不會鹹，食完絕不口渴。因為小朋友關係，所以牛肉點上全熟，比較鞋口，但牛𦟌牛筋則好腍；而牛柏葉也口感剛好，不會太硬；牛丸表面光滑，爽口彈牙，不過個人還是比較喜歡手打牛丸那粗糙的感覺。食越南菜我很喜歡食蒸粉包，夠正氣不熱氣，這裡的蒸粉包餡料豐富，肉碎雲耳紅蘿蔔包得脹脹的，粉皮薄，蒸完後晶瑩剔透，味道不俗，點上帶點酸甜的魚露更惹味。這餐廳可以再encore, 喜歡食完不口渴，沒有味精的感覺👍🏼價錢亦算合理，兩樣食物合共$177，很滿足😊

喜歡食越南野的我,看到朗豪坊這間新開的火車頭越南餐室 ,就和朋友食食看,晚市關係,雖然等一會兒,但都好快可以入去坐下。除了粉麵之外,都好多小食,咖喱菜式,還有各式各樣的凍飲。不過我就喜歡食招牌的火車頭河粉,大大碗,什麼料都有,很適合心大心細的我,而且真的夠大碗,食了一半已經覺得好飽,但當然要不浪費之下,我也會成碗食光光。而它的蔥和芽頭是另一個碟裝,食的時候就更為方便,至於湯底,味道並不會算濃,上菜也很快,食完已經覺得好飽肚,下次有機會再去食。

有晚去朗豪坊買生日禮物比朋友，順便食埋飯，見到有間裝修到個門面好似火車咁🚃原來餐廳名真係叫火車頭🤣係食越南野既，就入去試下👍🏻-🔹火車頭招牌湯河($98)一黎到我有啲嚇親，勁大碗😱我一個人真係食唔哂，要兩個人Share先得！啲餸原來全部都係牛🐮入面有生牛肉、牛𦟌、牛筋、牛丸、牛柏葉🐮真係淨係食餸都夠飽😳河粉唔會煮得太淋，湯底夠濃郁，又唔會太鹹👍🏻生牛肉好好食😋好味，推介呢個⭐️-🔹牛油果軟殼蟹紙米凍卷($68)話就話2條，但一條切半，我當四條🤣入面超足料，滿滿牛油果，不過好似未夠熟，有啲咬口🥑軟殼蟹炸得好脆！夾埋啲菜同牛油果一齊食，感覺健康啲，無咁熱氣😆呢個都好食👍🏻-🔹蒜蓉牛油雞中翼($63)有四隻，仲要四隻都好巨型🐔面頭灑左好多炸蒜粒，不過食落雞翼就無乜蒜味牛油味🤔但外層炸得香脆，脆卜卜，而雞翼肉就好嫩滑，都唔錯👅-🔹砵酒牛柳粒($138)呢個係朋友點既☝🏻佢話牛柳粒好稔好好味，佢個食肉獸一個食哂啲肉，淨返啲青椒紅椒洋蔥比我執手尾😏-🔺食完晚餐都習慣食啲甜品🙈越南三色椰子雪糕($52)🍨椰子同奶味都幾濃，我最鍾意係綠色一條條，飲三色冰個啲😍細細個飲親都好鍾意食😆-

返工經過成日都好想試下呢間越南小清新餐廳，終於朗豪坊開幕了。係室內露天茶式，有種天幕下的戀人情境。最適合情侶💑去。Order 左2個 set lunch,送前菜，第一款係-「香茅豬扒紙米凍卷」用左透明米紙卷，入面包住豬扒、紫蘇葉，加紅蘿蔔絲同粉絲，配埋泰式酸辣汁，魚露，調整返自己想要酸度辣度，多重口感滋味。-「牙車快沙律」🐔🥗即係雞肉絲沙律，點解叫牙車快呢？原來「牙」越南話意思是雞，而「車快」就叫沙律。所以讀出黎變左牙車快。口感幾特別咖，裡面有海蜇絲、椰菜絲、雞絲，再用魚露撈，整個味道新鮮清爽，酸酸辣辣讓人口味大開。「春卷札肉撈檬」檬粉好Q彈，倒上撈檬汁食，酸酸味，好開胃。美中不足酸辣醋唔係好夠味，不過整體算唔錯喇。「生熟牛肉湯河」生牛肉湯河 ，半生熟浸湯，湯底比較清淡。河粉質地很滑，牛肉味夠濃，衝擊味覺，越南菜真的是百吃不膩。

朗豪坊又一新食肆🤩早排成日落雨 唯有入商場行街啦竟然俾我發現朗豪坊開左一間新嘅越南餐廳叫火車頭 就試試佢啦🤨火車頭招牌湯河 $98話到明招牌 當然要試一試啦裏面呢就有生熟牛肉 牛展 牛筋同牛丸湯底呢非常香 又唔會好油👍🏻再加埋香葉 檸檬汁 芽菜 正鮮蝦蜜桃紙米凍卷 $58鮮蝦同蜜桃嘅配搭 非常清新係一道幾開胃嘅前茶😝越式蒸粉包 $63蒸粉包 每次去親越南餐廳 必叫嘅小食粉皮唔會好厚 裏面嘅餡料非常多 又香口💓紅酒燴牛尾 $118牛尾有驚喜喎紅酒汁好濃 同牛尾非常配搭👍🏻牛尾份量都唔少 又夠淋我仲叫咗法包點紅酒汁食 好味道椒鹽軟殼蟹 $108軟殼蟹揸得非常香脆 略嫌味道較咸不過不失啦🙈🍽 火車頭越南餐室 🔎 旺角亞皆老街8號朗豪坊4樓12號舖

咖喱牛腩煲 （$108）Curry Beef Brisket Hot Pot草根妹妹之佬味的浪漫—-咖喱牛腩喔💕。餐牌上寫住主廚推薦🤩，唔係唔食呀～呢個咖喱牛腩充滿越南特色，先講講咖哩，放入大量香草🌿，當中九層塔味道最為突出🤤。再加上落左椰奶🥥，所以咖哩唔辣，反而椰香甜味突出， 味道的確錯！🐃牛腩有肉有筋，大約有6-7件，每件都大大嚿～牛肉肉質軟腍🤤。牛筋食落有煙韌咬口，充滿香草香氣，勁好送飯🍚，一定要另外加碗飯呀😋。砵酒牛柳粒（$138）Beef Tenderloin Sautéed with Port Wine另外，👩🏻👧🏻草根姐妹點左用🍶砵酒入饌嘅牛柳粒。🍖🍖牛柳粒份量唔算多，但每粒都夠大粒，食落肉感足，亦夠Juicy💦~加上肉質鬆化非常惹味呢👅！唯一就是價錢小貴啦。法式薑檸燉蛋配雲呢拿雪糕（$58）Ginger Lemon Crean Brûlée with Vanilla Ice Cream薑檸燉蛋好肉都係第一次見，味道好有趣，將薑味融入法式燉蛋🥚。令成件事變得好似中式傳統甜品咁👀大家估下係咩？....開估啦～竟然係有薑汁撞奶嘅影子，有趣有趣😂講真草根覺得成件事Work嫁，不

朗豪坊最近開左好多新餐廳，去開旺角行街又多左選擇。呢日同妹妹行到夜晚，揀左去新開嘅越南餐廳🇻🇳試下。果然朗豪坊嘅晚市人流好多，好彩甘岩有人食完，剛好有位。其實去襯食越南餐有幾款食物我地係必點嘅，今次叫左前菜，主菜各一款，然後再叫多個越南法包同甜品。牛油果軟殻蟹紙米凍卷2條（$65）Avocado & Soft Shell Crab Rice Paper Cold Roll軟殻蟹炸得夠脆🦀，入面仲有少少蟹肉，唔會油膩。米紙煙韌，中間包有生菜🥗、牛油果🥑同粉絲，整個組合新鮮唔油膩，不錯吃。火車頭招牌湯河（$98）Signature Rice Noodle Soup with Rare & Cooked Beef, Tendon, Tripe & Beef Ball去到食越南🇻🇳菜，一定要食個Pho🍜。碗Pho嘅份量都幾多，所以草根Share就夠晒啦👭。選擇呢個招牌湯河得一個原因，就是因為多餸呀😆（欲總係好多心❤️）～有生牛肉、牛腩肉、牛筋、牛丸同牛拍葉🐮。生牛肉大大塊，肉質超級柔軟，牛用腩牛筋都好好食👍🏻，而且河粉麵質有咬口，仲可嫁自己加香草🌿落去，加完會再香d。不過要改善嘅係湯底唔夠熱♨️呢

以前都有光顧過大坑店同灣仔店，一直都好喜歡火車頭的湯河。自從朗豪坊開咗新分店後，地點便利得多，所以都巳經光顧過好幾次。由此只係打算食個輕便晚餐，所以只係要咗一碗生熟牛肉湯河。其實原裝湯河係有葱同九層塔，但因為本人要走青嘅關係，所以碗牛肉河就變咗無乜顏色了。上菜後當然第一件事係要先飲啖湯啦，湯底鮮甜，食完全個湯粉都無覺得口渴。牛仔份量不少，而且肥瘦適中，入口軟滑。而河粉則爽滑，不會容易變碎。食物方便真係好ok，但無奈店員們的反應及服務較慢，有待加強。