火車頭越南餐室 (朗豪坊)

營業中

休息中

平時去開朗豪坊食飯已經食到有點悶，最近發現4/F food court個層新開左間露天越南餐廳，同以往的氣氛格調好唔同見到餐牌應有盡有，呢間餐廳叫［火車頭］，咁當然要試下個「火車頭二人湯河」啦，大大碗湯河🍜入面有好多生熟牛肉及丸類，好夠味。😋小食就試下「牛油果軟殼蟹紙米卷」 ，呢個配搭非常之好，而且軟殼蟹仲脆卜卜非常好味👍 主菜點咗「烤鵪鶉」 同餐廳推薦的「咖哩牛腩煲 」。今次係我第一次食烤鵪鶉，令我喜出望外的是原來它的味道係咁香口同嫩滑，唔會太硬太乾 ，真的不錯。而「咖哩牛腩煲」🥘的咖哩汁非常香濃，牛腩係最好食超級淋👍👍👍大家一定要試下！店員仲建議我地加個薄餅/飯🥙，由於我地一開始食左個火車頭已經好Full啦，所以無用咖喱汁來撈飯，感到有點可惜。 總括而言 呢間越南餐廳的菜式比一般的越南餐廳多好多選擇，水準非常之好 而且用料十足，價錢又親民，好適合朋友聚會同約會

6A我地一行六美人睇完 L 風暴就在朗豪坊入面4樓食「火車頭越南菜」。七月去完峴港食過地道越南菜後，到現在沒有食過了。當有美人們建議去食火車頭時，沒有人反對的了。 一於去試食下，香港式的越南菜吧 在入口處，就見到吸引人眼睛的兩架單車，令人想起越南人是喜歡踩單車代步的了。不用講，抬頭一看，就是食越南菜的餐廳了。1）牙車快沙律：好開胃的餐前菜，讓味雷醒一醒神，開始味覺的旅程了。2）蕃茄牛腩：牛腩很霖，好易入口。配上 法包點上蕃茄汁食，真的食一塊法包都唔會夠了3）牛油果軟殼蟹紙米凍卷 ＋祕制甜醬4）香茅豬扒紙米凍卷只品嘗牛油果軟殼蟹紙米凍卷 ＋祕制甜醬，覺得配個祕制甜醬，好好食，軟殼蟹加米紙，入口好滿足，食完好開心。5）椰子紅豆冰6）椰子涼粉冰7）馬拉盞炒菜 ：好野味，個汁好濃，茶好嫩，好好食。8）三檸蜂蜜（熱）：咸檸檬 ＋青檸 ＋檸檬 ：值得一試好好飲。9）喊檸蜂蜜 （熱）10）蒜蓉牛油法包 ：烘的啱啱好，好脆好食好食服務生的態度一般， 落單時聽唔到， 可能在shopping mall 內， 所以有點糟，覺得佢地冇咩耐性，導致落錯單 。

-味覺有點回來了真的是這個週末最好的消息瘋狂購物瘋狂的享受美食很累但是也很快樂🤹🏻‍♀️-🐷評分 • 3.5/5❣️火車頭招牌湯河整碗湯河端上了的時候真的是完全的震驚了非常的大碗耶裡面的食材是各式各樣的肉丸牛腩牛筋肥牛片白蘿蔔特別需要讚美一下牛腩真的是非常夠味而且入口即化完全是整碗湯河的精萃❣️牛油果軟殼蟹紙米凍卷清新可口的牛油果軟殼蟹還是脆口的的確是不錯的開胃菜❣️越式滴漏咖啡甘甜並存咖啡香氣久久不散去絕對是會讓人回頭的咖啡-

Lunchtime 喺旺角搵食食飯都唔容易，同fd黎到咁岩有位可以即入就黎左食。個餐牌紙好得意，係用左鐵路路線圖，藍色線係主食、紅色線係小食、黑色線係飲品，要各選一。飲品我地叫左熱羅漢果蜜同熱蘆薈柚子茶。二杯都唔會過甜岩岩好，二杯都係健康熱飲。小食：酸辣去骨鳳爪冷盤酸酸辣辣做前菜食到好開胃，去左骨一啖食落口好方便，正呀！小食：越式蒸粉包就咁睇個名唔知係咩，少見哩款。有d似中式既粉菓，好味呀！主菜：鮮茄蟹肉湯檬 $108好足料既一碗檬粉，湯底用左鮮茄，飲到好鮮甜，因為落左蟹肉。仲用越式春卷、大蝦、豆卜等配料，好大碗，檬粉好掛湯！主菜：法式牛柳粒紅飯哩個飯係今餐最推介！個牛柳粒好林，調味又好味！紅飯係用左茄汁炒既飯，炒至乾身，出色！哩個同朋友都一至大讚！影幾張餐廳環境圖俾大家參考先！

約左同朋友睇戲，諗住食飽飽就可以有精神睇戲，我地得番一個鐘頭左右，都唔知食咩好，我朋友話一直都好想試呢間餐廳，果日又咁岩唔洗等位，就想入去試下果到所有野食都係單點，無套餐，於是我地分別叫左一款主菜同一杯特飲我就叫左個香茅豬扒撈檬同一杯鹹檸檬蜂蜜，兩款都還可以，最鍾意個香茅豬扒，雖然唔係好厚身，但肉好鬆化，味道都唔錯。而鹹檸檬蜂蜜就不過不失。但我朋友點果兩樣就出左事，佢杯提子梳打，一飲就知道用人造糖漿加梳打出沖出黎咁，就算點搞都好，飲品下面都好甜，好大陣人造糖漿味。再講主食-街頭米碎飯，個飯好細個，份量好少，而且個飯好黏，食落好似會黏住個口咁，唯一讚嘅係香茅豬扒同樣幾好味。我諗我地下次可能都唔會過黎食，性價比唔係好高。

通常都較少在朗豪坊入面的餐廳吃飯，不過大雨的晚上，都不想到處在外面覓食，見到新開的火車頭越南餐廳，好像之前也在港島那邊吃過，味道不俗，那就進去吧～位於朗豪坊food court的樓層，半Open area，座位算多，雖然是平日，但人流頗多，全都滿座，有點擠擁，餐牌選擇也挺多。牙車快沙律：雞絲、海蜇、沙律菜、水果拌上甜甜酸酸的沙律醬，十分開胃，越吃越餓～火車頭招牌湯河：大大碗的生牛肉片、彈牙的牛丸、腍腍的牛筋、爽口的牛柏葉、白蘿蔔等湯底以牛骨熬製而成，牛味極重，河粉浸在湯裡，吸盡湯底的味道及精華，更入味，麵條亦不會乾乾的，乾蔥粒、炸蒜、洋蔥等等灑在麵上，更香口。另外，亦可按自己喜好加入青檸、芽菜、紅椒粒等調味。越南法包：第一次品嚐越南法包，常常聽到去過越南旅行的朋友都會吃很多美味的，以烘熱了的法包製作而成，包裡面塗上一層鵝肝醬，夾上生菜、豬扒、扎肉及醃料蘿蔔絲，口感脆脆的表皮，食物配搭可口，記得趁熱吃啊～美祿哥斯拉：第一口已經品嚐到超濃郁的美祿朱古力味道，真材實料，甜度剛好，推介！

依家朗豪坊嘅餐廳越來越多,連越南菜都有進駐,多咗一個開飯選擇。爽脆嘅青木瓜沙律加上牛肉乾配上酸酸甜甜嘅醬汁,清新得黎又開胃。我點左越南菜必食嘅生牛肉河粉,大大碗生牛肉片河粉有羅勒,乾蔥同洋蔥絲作為配料,另外再附上一碗碟芽菜,紅椒同青檸自行配搭,生牛肉片份量不少,牛味濃又嫩滑。 咖喱牛腩充滿越南特色,九層塔同椰奶味道突出。牛腩大大件而且份量算多,肉質被煮得軟腍,用嚟送飯一流。第一次飲用牛油果製成嘅飲品,感覺新奇有趣所以一試。牛油果奶昔打得細滑順口,飲得出淡淡牛油果既香味,味道清新有驚喜。

每次去越南餐廳吃晚飯, 我一定會點一杯牛油果奶昔來喝。這裡提供的牛油果奶昔大大杯，香油果味重, 質感香滑creamy, 是落足料的。越式法包大大個, 咬落好脆口, 裡面夾住醃過的蘿蔔絲、番茄片、生菜、青瓜、扎肉、豬扒, 另外, 法包亦塗上一層薄薄的肝醬。 蘿蔔絲份量多。蒜蓉炒通菜很惹味, 它的蒜蓉味很突出，通菜充分吸收到蒜蓉汁的味道，上面亦灑上脆卜卜的蒜茸片, 但有點油。雞絲扎肉湯河的湯底很清甜，湯汁不會太肥膩，雞絲頗嫩。

今日咁岩喺朗豪坊行街行到肚餓嘅時候就諗住搵嘢食你知啦朗豪坊食飯時間度度都要排隊嘅咁岩喺地下見到呢間越南餐廳唔使排隊🤗🤗但其實都坐爆人㗎於是就同朋友入去試下啦我哋嗌咗素菜紙米卷，乾牛肉青木瓜沙律，上湯蘿蔔，牛肉豬膶湯檬😜😜個紙米卷都幾好食喎，入面係包住牛油果同青瓜，好爽口既，乾牛肉沙律其實就係牛肉乾加青木瓜沙律整成嘅，味道就一般般，，上湯蘿蔔就最好唔好食，一啲味都冇，索價$38😖😖至於個牛肉豬潤湯夢就最難食，啲豬膶完全咬唔到，而且勁多渣，所以啲豬膶完全冇食過，到啲牛肉啦，又係相當難食，我以為啲牛肉係手切一塊塊，點知原來係勁多肥膏嘅牛腩加埋幾塊肥牛，但真係超級多肥膏，所以又淨係食咗少少😟😟😟

呢晚嚟朗豪坊食越南野，餐廳暗暗地又幾好情調。蒜蓉法包少許韌，烘得未夠鬆脆。蒜香牛油雞中翼炸得香脆，雖然邪惡但又食唔停口。軟殻蟹米紙卷好fresh，裏面仲有牛油果，感覺好清爽健康。火車頭湯底好清香，河粉偏淋少許。牛肉牛丸等都有鮮味，唔錯。欖菜肉鬆炒飯好足料，香噴噴既欖菜同肉鬆味，飯粒如果可以乾爽啲就更加好。薑汁焦糖燉蛋薑味出乎意料地突出，燉蛋好滑好重蛋香，似凝固左既custard，加上雪糕就系好食，而且份量好大，足夠兩人分吃。靜靜地享受一晚越南風情，唔錯！

話說topic係同朋友講笑既笑話黎,因為數數下發現呢間之後, 中日韓泰越 主流全部都齊 (唔好架硬數菲律賓印尼啦)湯頭偏濃,改良過偏港式香料味道重既一碗河粉,反正就唔理正唔正宗啦,好食就係.碗牛河同朋友share,拎個碗仔分黎食,份量都幾大碗下.我杯牛油果奶昔request左少糖,出黎真係唔甜,非常開心!因為少糖關係飲得出淡淡牛油果既香味,飲得都安心d,唔洗怕落左咩香精果類野牛油果軟殼蟹卷相對有d失望,唔太滿足既感覺,軟殼蟹同牛油果分佈既位置唔太平均,導致到食落有種分贓唔勻既感覺.但另一款小食牛油雞翼又炸得幾好.牛油皮炸得完全唔油膩之餘,亦都非常之脆身.不過始終坐露天有d嘈,但成晚keep住9成滿都未至於嘈到傾唔到計就ok la,而且因為9成滿未full又無催埋單,其實幾正.

t 熱辣辣既天氣完全令人零食慾，所以今次同朋友搵左間越南野黎開下胃，消下暑。呢到係以火車為主題，好特別好吸引，可以睇得出佢地用左好多心機去装修好呢一間公司。泥到火車頭越南餐室，點可以唔飲椰青呀？椰青好大個，椰青水好甜好爽，朋友前後嗌左2個我地連肉都吃光了，而且重點係唔貴，３９蚊一個，係其他餐廳真係未必可以食得到。呢度既服務員服務好好，好有禮貌，好有笑容，我同朋友都係火車頭越南餐室有一個好好既體驗！！！！！！！！

之前係大坑食過 「 火車頭越南餐室 」，味道都👌今日約左朋友去朗豪坊，發現原來係呢到都開左分店，環境比大坑店好得多，餐廳很美，燈光柔和，係賬幕下用餐，氣氛相當唔錯！因為係晚飯時間，大概排了15 mins才有位。係越南餐廳當然要叫牛肉越南河粉啦！第一啖入口，湯底唔錯，味道都幾濃郁，牛肉同河粉分量適中，牙菜、金不換同青檸另外上。論環境，朗豪坊分店好得多。論食物，個人感覺大坑店好似較好一點。整體而言，都可以一試。

由於要等睇戲。所以係朗豪坊搵食啦之前見到火車頭，已經想試下禁難得有機會就試下啦首先，行去門口睇下menu 已經有妹妹侍應問我幾多位。好似好趕下。但本身已經想食既。無所謂啦⋯⋯可能暑假期間啦⋯⋯有好多唔熟既係場。兩三個禁行咇禁。之後我地點佐三樣野食物不過不失。通菜味道比較重。招牌河粉都算足料。大碗既。一個人食唔曬。煎豬肉生菜。味道一般般。總體黎講。無驚喜、但價錢較貴服務又欠佳試一次就夠啦唔會有下次既真心話

今日經過朗豪坊，見到呢間火車頭越南餐室排曬長龍， 出於好奇，我都喺門口睇下有乜好嘢食！menu選擇很多，主要係食越南菜粉及越南特色小食，而且價錢都好大眾化，結果我哋都排埋一份 ！裏面地方都算大，雖然要等位，但係都唔算得得太耐，可以睇得出，呢度服務員做野有幾快啦，我一定要比返個ＬＫＩＥ佢地！先來兩杯消暑特飲，薄荷葉青檸梳打同埋椰子涼粉冰，兩樣都係凍冰冰，好消暑，而且呢個配搭未試過，好有新鮮感，正！！！！！！！