火車頭越南餐室 (朗豪坊)

營業中

休息中

1.     2019年11月12日下午3點半去到，當日旺角站封左，成間店都只得2-3枱客，但個帶位男職員都要比個又迫又窄嘅位。2.     間野勁古惑，明明有下午茶餐牌， 但收埋唔放出黎，要問先有。帶位男職員仲要一臉不滿，覺得你食CHEAP野嘅表情去拎份下午茶餐牌出黎。3.     帶位男職員點餐態度都係黑口黑面，問多句個餐係點叫都勁唔耐煩，講真個市咁差仲企係高地黎SERVE客，咁唔想做生意，不如直接執左佢啦!4.     野食質素好一般，再加上帶位男職員個態度，真係唔會再黎。

同朋友喺朗豪坊shopping後,決定一於食越南菜。坐低第一件事我就order左杯牛油果奶昔, 牛油果奶昔打得細滑順口,有淡淡牛油果香味,口感清新。小食方面我哋揀咗招牌推介嘅牛油果軟殼蟹紙米凍卷,裏邊除咗包左牛油果同軟殼蟹之外仲有檬粉。仲有當然唔可以少得嘅越南炸春卷,熱辣辣新鮮炸起非常之香脆。朋友想食有湯嘅熱食,所以佢就揀咗火車頭招牌湯河。河粉除左有羅勒,乾蔥同洋蔥絲外,另外再附上一碗芽菜,辣椒同青檸自行配搭。配料嘅份量非常之多同豐富,有牛丸,生牛肉,熟牛肉同牛筋。我就選擇左我最愛嘅香茅豬扒撈檬,配上酸酸甜甜嘅醬汁既清新又開胃。

菜式太少款式，無乜選擇，切生日蛋糕要收 60 切餅費有點貴🤔食物都幾好味，不過份量比較細碟，坐位都坐得舒服😊環境都可以😬服務可以接受，食煙好方便行出平台就可以😬

依排實在忙得透不過氣，攪到胃口唔太好，想食得輕盈一點，於是去了朗豪坊的火車頭越南餐室。火車頭越南餐室的樓底好高，感覺好開揚，座位與座位之間寬度合適。餐點選擇多元化，前菜、沙律、湯、海鮮、肉類、飯麵類、菜類、甜品、特式飲料等都一應俱全。龍眼冰、薄荷青檸梳打龍眼冰內有好多龍眼肉，煮過的龍眼肉煙煙韌韌，龍眼肉保持鮮甜。龍眼加上糖水煮過後再加上龍眼糖水冰，味道好清甜、好清潤。薄荷青檸梳打好清新，帶少少甜，非常解喝。火車頭招牌湯河叫了食越南菜必叫的火車頭，內有非常鮮嫩、牛味濃郁的生熟牛肉、軟滑入味富骨膠原的牛筋、爽口入味的牛栢葉、爽口彈牙的牛丸和清甜無榨的蘿蔔，還可以按自己的喜好加上香葉、生芽菜和辣椒絲。湯底是用牛骨熬製，味道好清甜、湯底入口好有層次，配上滑雪雪米香十足的河粉，非常滋味，實在是必叫之選。咖喱牛腩煲件件牛腩都是牛坑腩，啖啖肉，入口爽軟唔韌，而且好入味。薯仔爽中帶粉，同樣好入味。精華在於味道好有層次的咖喱汁，咖喱味香濃，帶少少辣，用來配白飯或蒜茸包，非常舔舔脷。燒鵪鶉鵪鶉用不同的香料醃製，再烤，烤得外脆內嫩。鵪鶉肉質爽嫩，連骨都好入味，店員說要等15分鐘才烤好也是值得。

朗豪坊果然是美食集中地，還在考慮晚餐吃什麼之際就給火車頭越南餐室🇻🇳的餐廳裝修吸引了！餐廳主題顏色藍綠色令你覺得有少少處身越南的感覺。一坐下見到有越南海鮮套餐，即時兩眼發光🤤 因爲不用苦惱食什麼。同一般套餐無異，呢個套餐有湯、有前菜，有主食，再有好好味的馬拉盞炒菜，至於包埋餐飲就係基本嘢喇！牛油果🥑軟殼蟹米紙卷：味道不過不失，不過牛油果🥑味道好香，入口有軟殼蟹的脆口口感配合米紙的煙韌，整體是不錯的。椰湯浸波士頓龍蝦🦞 椰香和龍蝦的鮮味並存，鮮味不會給椰香搶了。龍蝦相當厚肉，值得一提的是，侍應很識得觀形察色，我正在苦惱😖如何進食龍蝦頭之際，侍應好主動走過來話桌上有提供手套，可以用手套🧤剝開食😅飲完湯就上主食蟹肉金邊粉🍝金邊粉屬於厚身和粗身少少的那一類，並不是極幼身的那種。新鮮炒好一上檯時，金邊粉條條分明，軟硬度適中，味道好香，不過蟹肉的味道並不突出，口感也是一般。不過金邊粉凍左再食，味道口感就明顯好不同，至於麵身亦因為溫度下降而變成一餅餅，所以都係趁熱食係最好。馬拉盞炒通菜係超級正味道鹹淡啱啱好，一啲都唔鹹，而且通菜仲炒到好翠綠。

去開呢個商場買東西，場內大量食店選擇，途經呢間係四樓嘅越南餐廳，盤算食碗湯粉都好喎........點知........!開放式用餐區，但坐底又唔覺太過OPEN，反而幾舒服，無咁焗促見到隔離枱叫左客沙律，好似幾好食咁，於是.............呢客青木瓜乾牛肉沙律 ($62)就出現左係我張枱度，有爽口青木瓜絲墊底，配合椰菜絲，甘荀絲，花生粒，再加上甜甜地嘅牛肉乾條，再淋上醒神酸甜醬汁，口感十足!湯粉類中，捨棄大路如生牛肉/鷄絲湯檬，改為食呢碗生滾豬潤牛肉湯檬 ($86)，另有芽菜，青檸及九層塔作配菜快手倒入配菜，好等熱湯浸一浸軟，個湯底無因有豬潤而變濁，入口帶點嚼口，無異味; 而牛肉薄片入口反而幾嫩口，食前再唧少少青檸汁，更加提鮮!  一啖湯，幾啖檬粉，相當滿足!想食D 炸物但又唔想太過熱氣，呢客牛油果軟殼蟹紙米凍卷 ($65)就岩啦!  帶點煙韌度嘅紙米皮，除左包住左香軟牛油果，亦有鬆脆軟殼蟹，清爽生菜及甘荀絲，帶點粗度，點埋個甜味醬汁，口感滿滿!係網上見過呢杯牛油果奶昔 ($43)讚評，聞名不如自己親試，味道有濃香牛油果味，加埋鮮奶，入口更香滑，又唔會好膩喎，似係"食"緊液體版嘅

當日跟太太來試試新開的越南餐廳，環境舒適座位寬敞，店員亦很友善餐牌上有詳細介紹火車頭的由來，因此點了火車頭招牌湯河湯底既濃且甜，牛肉非常嫩滑、牛丸彈牙、牛柏葉不韌欖菜肉鬆炒飯炒的很香，欖菜又好味只是有點兒鹹然後是咖哩牛腩煲，同樣濃味咖哩亦很香，牛腩亦很軟滑越南三色椰子雪糕新地有兩條脆脆朱古力餅，兩球雪糕、紅豆及啫哩，甜甜的滿足慾望三合一是前者的加強版，雪糕換成香草味，其他配料一樣，再加配咖啡及酒，配合雪糕食各有另一番的層次及風味

店員大力推銷二人餐，但份量實在太多，故只散叫了兩碗粉麵和小吃青木瓜碎牛肉沙律酸酸甜甜，青木瓜的軟硬度剛好，爽脆。牛肉碎其實是乾得快不行的牛肉乾，如果可以選擇，寧願換多幾條青木瓜生牛肉湯河湯頭頗濃，生牛肉上餐是已全熟，但都算嫩滑，附有甜洋蔥金不換、芽菜則一杯上，跟一般的越南餐廳一樣，自己落烤牛肉撈檬烤牛肉有點烤過了，惹味但有點硬撈檬的汁過酸，吃到最後已酸得再吃不下總結來說：1.食物味道很一般2.環境舒服，六點半去位任坐3.待應的服務態度也很好Um....下次在朗豪坊還是吃其他吧！

下班後打算到朗豪坊逛逛，結果發現了一家很好吃的越南餐廳！他們的咖喱牛腩很好吃、牛腩的軟硬度適中咖喱汁不會太辣、很適合我，法國麵包香脆沾上咖喱汁一流。另外還點了他們的雞翼，雞翼醬汁非常惹味！

Friendly Staff and great food! Warm welcome with great service, very helpful and friendly staff.The curry and the wings is a must try!Warm and cozy sitting area.Definitely a must-try!🤩🤩

這「火車頭越南餐室」位於朗豪坊四樓，裝修雅緻，以全開放式無天花設計，整體舒適，算是很chill的一家越南餐室。火車頭招牌湯河: 用料豐富，非常大堆頭，分別有牛丸、牛腩、牛筋、生熟牛肉及越式雞絲札肉，適合二人分享再點其他小食。湯底濃郁，該是以牛骨淆製的，特別鮮且不膩。而多款配料均不錯：牛丸爽而有肉汁；生熟牛肉夠滑，牛味蠻突出；牛腩及牛筋均十分軟腍，亦夠入味。紅酒燴牛尾: 可算是最划算的其中一選擇，牛尾的份量極多，即使自行於街市購買也最少需要$70-$80元，但其訂價只是$118。紅酒汁稠而濃郁，味道偏甜，而牛尾亦夠軟腍，相當入味，此醬汁拌飯一流。蒜蓉牛油雞中翼: 一般食越南菜我也會點牛油雞翼，酥香嫩滑的雞翼滲有濃郁牛油及蒜香，應該無人不愛吧？加上港人那麼愛吃雞翼。

來到旺角逛街，選了在商場用餐，環境比較好，也比較舒適，今天和朋友都想吃越南菜式，就選了朗豪坊四樓的這一間。餐廳工作空間做了火車的設計，十分特別。火車頭越南湯河，是餐廳的招牌菜式，第一次來，當然選這個了，火車頭的意思是什麼都有一點，大堆頭，也適合心多多的我。用料有生牛肉、牛筋、牛腩、牛栢葉、牛丸、蘿蔔等，有較深印象的是牛丸很爽彈，牛筋也煮得很淋，蘿蔔很大塊，而牛肉片的份量很多，甚有誠意，湯底是清香的牛骨湯，不會太過鹹。朋友選了欖菜肉鬆炒飯，比較少見的越南菜式，雖然只有欖菜和肉鬆、豆乾等，但看上去和吃下去一點也不覺得單調，它的味道香濃，材料配搭亦很適合，是一個不錯的炒飯。

去完朗豪坊買衫，就餓爆去左食越南野！位置好容易搵，就係兩條高電梯既底，但設計都好有越南風格，太陽傘加火車頭，環境不錯。👍🏻👍🏻同朋友叫左碗生熟牛肉加牛丸湯河，我就叫左碗鮮茄蟹肉湯檬！同埋一個小食-牛油果🥑軟殻蟹紙米凍卷！朋友既生熟牛肉加牛丸湯河湯底唔錯，好足香料味，牛肉同牛丸既份量好足夠，好多塊，食極都有，味道正常，唔想食完太渴。☺️☺️而我碗鮮茄蟹肉湯檬係好重蕃茄味，但又唔係好食得出鮮茄，無以往食既鮮茄咁酸。材料仲有個軟殻蟹，同埋有條龍蝦卷加半個蕃茄！都係好足材料，唔會食食下無，個軟殻蟹唔係另上就無咁脆，同埋無咩肉，龍蝦卷正常啊菠蘿食個隻，湯底都好濃既。😂😂最後個牛油果🥑軟殻蟹紙米凍卷切開有四舊，幾fresh既感覺，因為入面都幾多蔬果絲，但係個牛油果就唔係好食得出，擺碟都幾靚既！😆最後埋單差不多三百，越南野黎講算貴，不過可能係朗豪坊。菜式好穩陣，無特別驚喜，可以一試。

今天和同學好友到朗豪坊看飛車電影，開場之前當然要吃個便飯，快快吃完要去買爆谷準備開場。 因此，來到這間越南餐廳。原來這間越南餐廳在銅鑼灣大坑以牛肉湯底著名，食材包括牛骨、花椒、南薑、洋蔥等十多種食材， 再用上十多個小時熬製而成。火車頭招牌湯河給上枱的時候，份量相當驚人，而且食材非常豐富，當中包括牛丸、生牛肉、牛腩片、牛筋和牛肚。牛骨湯底是淺啡色的，看似清澈清淡，但飲了一啖，味道濃郁豐厚，層次感十足， 果真是貨真價實。生熟牛肉河是朋友點的，給上枱的時候份量也相當驚人。 朋友說到底是清甜可口，實際實至名歸。響盤蒜蓉大蝦每人一碗河粉以外，我們還點了蒜蓉大蝦。蒜蓉大蝦是以鐵蛋形式上台的，我想響盤的意思是熱辣辣的意思， 估計大概就如啫啫雞煲的啫啫聲一樣，以發出的聲響為名。蒜蓉大蝦爽彈可口，肉質結實，蝦味濃郁。333啤酒是越南的特產啤酒，在香港甚為少見，味道比較清新怡人。薄荷青檸梳打是朋友點的，不多咖描述了。雖然是匆匆忙忙的一餐晚餐，但是想不到 簡簡單單的一碗牛肉湯可是這麼多學問，總體用餐經驗是非常難忘的。

早排朋友越南返港送上越南即食河粉作手信，原來已經很久沒有吃越南菜，今晚決定跟老公去回味一下先。朗豪坊Food Court 有不少食店，其中一間是大坑已經非常有名的越南餐廳。餐廳半開放式設計，位置闊落舒服。火車頭必食湯河越南菜不可不吃的食物，用大量牛骨熬煮而成的湯頭，清甜不油膩，牛味香濃，加上配料豐富，有生熟牛肉，牛丸，牛根，牛柏葉等等，牛肉鮮嫩多汁，牛根軟淋入味，堅正！鮮茄牛腩 + 蒜蓉牛油法包鮮茄味道酸酸甜甜，令人胃口大開，牛腩份量十足，入口軟嫩可口，配上蒜蓉牛油法包，簡直一絕，法包吸收了所有茄汁，香甜又美味。牛油果軟殼蟹紙米凍卷軟殼蟹甘香爽脆，食落口感豐富，沾上少少自己調配醬汁，更加滋味。