火車頭越南餐室 (朗豪坊)

營業中

休息中

女朋友帶路去食飯，旺角區餐廳非常多，想食咩都要諗好耐！女朋友shopping完行到好攰，攞住勁多野天氣又熱，朗豪坊搵間餐廳醫肚就算啦！火車頭越南餐廳，環境開揚，開放式餐廳感覺好柔和溫暖，環境好舒服。我地叫左幾樣食物醫下肚！女朋友叫左火車頭越南湯河，牛骨湯底好清甜，清香湯底夠哂暖胃，唔油膩女朋友大讚。生牛肉、牛丸、牛肚等等，餸菜超豐富，滿滿一碗好飽肚！河粉爽口唔會太碎！我叫左咖喱雞煲配白飯，滿滿雞件，薯仔好入味，咖喱味濃夠入味！雞肉滑溜！蒸粉包唔會太厚粉，中間滿滿肉餡，入口清香粉香！

野食係唔錯，但上菜速度真係好一般九個字先上到兩個菜千其唔好嗌套餐…唔係會激死如果有時間先好去食…唔係會等到傻如果趕時間又嗌套餐嘅話…我可以保證你連戲都睇唔到大家要小心

唔記得影相/.\ 我地兩個人，叫左碗招牌火車頭湯河，一個香茅牛肉撈檬，一個蒜香牛油雞翼同一杯牛油果奶昔。先講個香茅牛肉撈檬，我expect個香茅牛肉係類似串燒咁烤過好香口嗰種，但上到泥原來係類似吉野家嘅牛肉，淋淋的醃牛肉，已經失望左。。。味道都冇咩特別，係d炸蒜吊下味。 到個火車頭湯河，牛丸唔係彈牙，一咬就爛，條牛筋又係，我都中意食淋嘅牛筋，但個質感似係一咬就變左擦膠碎咁。個牛油雞翼賣相好好，一咬落去都好熱辣辣，但估唔到d雞翼炸到好乾身，咬都難咬，一d都唔juicy.最好味應該係杯牛油果奶昔，幾creamy.埋單都$311,真係又貴又唔抵。。。。題外話，衛生都一般般，隔離枱坐左對情侶，佢地可能睇唔啱就冇叫野食走左，個男條褲背後痴左條壓扁左嘅河粉，我望住隔離張櫈，應該本身係有條河粉喺度，個男冇望到就坐左落去

點了火車頭招牌湯河湯底濃郁，但感覺下了頗多味精，吃完後會感到口很乾牛腩的膏肉分明，肉的部份較少。蘿蔔腍，並不是太掛汁，沒什麼味道河粉偏幼身，對女生份量剛好，但對男生的份量則不太足夠牛丸是有黑椒在裏面，其刺激令味覺麻痺了一陣子生牛肉去到最後吃時口感有點偏幼牛筋腍身，但完全沒有味道整體感覺一般~

最近愛上了越式湯河，跟朋友在朗豪坊看完電影，見到4樓好似有間越南餐，小妹一個箭步上前望望，見到餐廳叫火車頭，便在這裡吃晚餐！7時半很多人客！有多款越式湯河！我們點了牛油果軟殻蟹紙米凍卷做前菜，我很喜歡米紙煙煙韌韌的口感，包住爽脆生菜、香滑的牛油果、青瓜絲和紅蘿蔔絲，還有炸到香脆又大件的軟殻蟹，層次好豐富！我太喜歡軟殻蟹，所以又點了椒鹽軟殻蟹，這裡的有點不同，伴了炸過的粟米片，全碟都脆卜卜，軟殻蟹微辣，炸到越級鬆脆，份量也很多！我這碗火車頭招牌湯河真的很大碗，湯底清甜，河粉滑得來又不易斷，有牛丸，生牛肉，牛腩，牛筋，牛柏葉！牛丸多汁彈牙，牛柏葉爽口，生牛肉嫩滑！朋友的越式菠蘿蝦膏炒飯也很不錯！有數件新鮮菠蘿，飯甜甜地，有幾隻很爽口彈牙的蝦，還有肉鬆，惹味！

不過不失既越南菜🥢行下行下覺得好肚餓，係朗豪坊有咩好食，一係就food court 一係就貴又唔好食-一上到4樓 見到有間 叫火車頭越南餐室印象中佢唔係新 ，但因為肚餓就自己一條友入去-一入去 冇餐版既？原來...好得意呀✨✨🌝 佢個餐牌係用火車軌設計 都幾有心思（係你地冇睇錯....個時太肚餓 已叫野食）-我決定叫 燒豬頸肉撈檬，天氣太熱啦，再食湯河會死人🔥燒豬頸肉撈檬 $75因爲有追加小食，見都唔係太貴，就加$15 加個越南春卷，野飲就叫個黑糖薑茶（🌚m come 冇計）個春卷雖然白來來😰😨 但幾香 幾脆同幾足料仲要三件size 都有一食食指咁長 唔似某啲越餐一件剪開三舊就算...-🤔🤔不過個到既經理....唔太理客 只掛住傾計有待改善-

在朗豪坊附近看醫生, 但要等一個小時, 所以在附近找地方食吓坐吓! 找到這個舒適的地點, 價錢在這地方算是合理! 在美國生活多年, 經常光顧越南人開的粉店, 所以也略知什麼是越南粉. 這店的湯底也可但粉條略粗, 越式咖啡也可以. 下次會試其它小食😋😋

天氣炎熱，往連接地鐵的商場找吃的就最好不過！今晚就選擇和老婆下班後到朗豪坊吃火車頭越菜。餐牌上的選擇不算少。生熟牛肉湯河 $83份量足，生牛肉粉嫩，肉質腍軟，河粉不易斷有口感，湯底清，味道不會過咸，另配上香料、辣椒和芽菜，可以個人喜好加入湯河中。越南法包 $63法包外脆內鬆軟，中間夾有豬扒、扎肉、番茄、肝醬、酸蘿蔔、青瓜、生菜，越式醬汁香料，材料味道豐富。馬拉盞炒通菜 $68用鐵鍋上保持熱度，份量足夠两人用，通菜爽嫩不韌，馬拉盞炒夠惹味。香茅豬扒紙米凍卷 $63賣相漂亮，紙米凍卷包得好工整很飽滿， 內有香茅豬扒、蔬菜蘿蔔絲香料等，口感十分豐富，蘸上帶微甜的特式醬汁，整體不錯。椰青 $42十分清甜，椰青肉軟滑。椰子三色冰 $39椰汁味香濃，有紅豆、綠豆、三色粒粒等，十分滿足。

今日去朗豪坊交收啲嘢順便喺嗰邊食埋， 連日落大雨濕濕，都係返商場覓食最舒適， 喺四樓見到呢一間越南菜， 自己好耐都冇食越南嘢，而呢度的二人set內龍蝦湯好似好正，價錢唔貴就入去。叫咗個海鮮二人套餐 ，飲品方面upgrade咗一杯龍眼冰，埋單連加一$440。牛油果軟殼蟹米紙卷， 有四舊，味道清新。透薄米紙包裹爽脆生菜，河粉，薄荷葉同香口嘅軟殼蟹，好啱而家呢種濕熱嘅天氣。椰湯浸波士頓龍蝦，每份有一有原隻龍蝦， 仲有蒜蓉包，好抵食。 感覺是西式的龍蝦湯加了椰漿及香茅，多重味道， 頗有特色。馬拉盞炒通菜， 個人感覺辣味可以再加重啲。蟹肉炒金邊粉，蟹肉的甘香， 惹味炸蒜，香滑的金邊粉，入口比泰式炒的相對地不肥膩， 酸甜嘅感覺比較少， 味道比較清新健康，適合而家飲食新趨勢。咸檸七使自己篤，一早mix 好晒，非常體貼。龍眼冰有大半杯龍眼肉 ，足料好味道。

一上電梯右手邊就係火車頭越南餐室,有室內有室外坐位, 地方寬闊不擠迫,門口有侍應招待,生牛肉越南河是我飛佛,聞到湯底的香味已令我流哂口水,呢度個湯底應該不加味精, 香料味不重,上枱時間有點慢,河粉尚算Q彈,生牛肉已變成熟牛肉,牛肉不多脂肪, 厚薄剛好,牛油雞翼好香脆,牛油味重, 新鮮食最好味, 凍左牛油味無咁香, 有肉汁大蝦蜜桃紙米卷有很多料,脹卜卜,本身沒有味,米紙口感煙un,點汁食先好味埋單$312，服務不錯，一叫就有人來

旺角食飯有好多選擇，不過朗豪坊既餐廳比較集中。今日行完街都順便在4/F既天幕大堂食呢間越南餐廳。今日2個人叫左招牌火車頭河、咖哩牛腩配蒜蓉包同牛油果🥑軟殻蟹米紙卷。呢度坐得有D迫，又無比個籃你放袋，搞到成餐飯要攬住個袋食飯。火車頭河粉唔夠滑，湯底唔夠牛味。咖哩牛腩普通，蒜蓉包唔夠蒜蓉味牛油果🥑軟殻蟹米紙卷都算足料

有一段時間都冇去朗豪坊，今晚去開買嘢，順便食晚餐，喺4樓見到呢間火車頭越南餐廳，環境幾優雅，有見到有個海鮮二人餐，價錢唔貴，決定去試一下。海鮮二人餐$388海鮮二人餐唔貴，已經有軟殼蟹有龍蝦，再加一個炒菜同埋一個炒飯，Like佢Facebook仲有甜品送添椰湯浸波士頓龍蝦賣相好好，一人一碗湯，都會配上半隻波士頓龍蝦，蝦鉗都大大隻，仲好細心咁俾埋膠手套你，方便進食。椰湯味道濃郁，有香濃龍蝦味，亦有陣陣椰香，惹味非常飲完晒啲湯，就可以食開邊龍蝦了，估唔到用湯浸住嘅龍蝦，味道一樣係可以咁鮮甜，肉質仲係保時到爽口嘅大大隻龍蝦鉗已經仆開，真係啖啖肉牛油果軟殼蟹米紙卷軟綿綿而清淡嘅牛油果，配上香脆可口嘅軟殼蟹， 夾住爽脆嘅蔬菜，用米紙卷包住，再配上特製醬汁，完完全全係真正越南風味越式大蝦菠蘿炒飯炒菜配料非常豐富，加入了惹味的臘腸粒，大啖大啖鮮甜的菠蘿，配上一粒一粒分明的米飯，食出幾個味道層次大廈夠鮮味，肉質彈牙馬拉盞炒通菜馬拉盞炒通菜最緊要嘅係菜要炒得夠脆口，呢度除咗夠脆口外，我最喜歡的是馬拉盞嘅味道適中，唔會只得鹹的味道蒜蓉包套餐仲送蒜蓉包，香蒜嘅味道，配上龍蝦湯嘅濃郁鮮味，將味道昇華甜品Fac

午餐時間黎到朗豪坊見到呢間應該開左無耐既越南餐廳，係大坑時已經見過火車頭，但一直未有機會試。見無人等位食下啦。是日星期六，得散叫餐牌，無set lunch嫁。價錢一啲都唔親民，一碗粉差唔多成舊水。唔怪得當周圍係人佢都無人等位。坐低左咯試下囉，2個人叫左2碟小食同一碗粉。蜜糖魚露雞翼☝🏻？！！邊度蜜糖邊度魚露呀？係雞醬黎嫁喎....正常好食既，雞翼都大隻嫁，但唔係餐牌名個樣野囉。生熟牛肉湯河☝🏻係呀，咁樣就係83蚊嫁喇，牛肉無特別多，味道無特別驚喜。香茅豬扒紙米凍卷☝🏻塊紙米皮夠淋既，當佢係賣緊$58既時候，咁塊豬扒係細塊左啲。總括黎講我唔會話佢sad既，餐廳名叫express，但一啲都唔express，價錢同食物有點點不乎。食物正常，當你係朗豪坊好肚餓又唔想等位食飯，佢係一個唔錯既選擇。

同一班朋友即興約食lunch，揀左個大家都方便嘅地點，就去旺角食啦～差不多完午飯時間，唔洗點等就有位。枱紙已經係餐牌，將個菜單排到好似地鐵路線圖咁。餐嘅時候，侍應會係張枱紙度圈埋你叫左咩，順便確認無落錯單。我地每人叫左一個麵，仲有兩款小食share，我就揀左雞絲扎肉湯粉。份量正常，湯底夠味唔會太咸，越式粉麵嘅配料會另上。另外兩樣小食就係香茅豬扒米紙卷同蒜香牛油雞中翼。米紙卷有兩件，中間嘅配料都不外乎係米粉，青瓜，紅蘿蔔等爽口嘅配料再夾條豬扒，無乜太大驚喜👌🏻而雞翼就幾脆幾香口，蒜香味重啲，亦唔算好油😋飲品揀左黑糖薑茶，唔會太甜，天氣涼飲返杯熱飲啱哂⛄️

先講服務： 十分鐘內攞餐牌問左兩次，落左單十分鐘隔離位新坐客人落完兩次單，他們點的菜到我們都未有（同一款菜，火車頭檬粉），唯一優點就係埋單快（5分鐘即到，如果你趕住走就perfect)。食物（招牌火車頭）： 牛筯（梳打粉味極重），湯完全唔夠熱， 完全不能淥熟配食（芽菜和生菜），蘿蔔完全淡而無味。馬拉盞炒通菜 ： 極油 （令立立）， 完全食唔出馬拉盞炒 ， 只有鹹味。無論服務、食物味道，簡單一個字形容，伏....。不會再光顧