火水爐冰室火鍋

營業中

休息中

今日約左朋友出旺角食飯，友人想打邊爐，於是我就係openrice 睇下邊到有啲特別嘅邊爐，search 下發現呢間食評都唔差，仲要環境夠哂特別，好岩鍾意懷舊設計的朋友，於是二話不說就揀左呢間～未上到去，樓下嘅裝修氣氛就已經有濃濃嘅懷舊味道，像返回50－60年代一樣，係鬧市中有這樣的設計真係別有一番風味！上到去仲好有驚喜，佈置到好有舊香港嘅感覺！上到去，今日好full ，好多客人，所以要等一陣先有位坐。安格斯海鮮火鍋任食套餐 $259
職員同我地介紹＄259安格斯海鮮火鍋任食套餐，會先來一個雞煲，之後食完就可以打邊爐！都會有醬料提供，俾客人揀自己岩嘅混醬，但我覺得如果個湯底出色，根本就唔需要醬料了！之後職員就俾左餐前小食我地，竟然有餐前小食，當然冇得任食，有炸魚蛋，炸燒賣，黎個陣仲係熱辣辣架，係即時炸，魚旦好彈牙，燒賣就正正常常！雞煲叫了BB辣，職員上雞煲嘅同時會俾埋個timer，同我地講5分鐘之後就可以食，就夠5分鐘，職員好好黎幫我地撈一撈個雞煲，咁就唔洗「痴底」！開動啦！開動啦！熱辣辣嘅雞煲，雞煲醬汁都幾濃郁，偏向重麻辣味，雞肉好入味，仲幾嫰滑，最要係大大嚿花

今日我地一行4人到呢間所謂懷舊特式嘅火鍋店打邊爐，我喺open rice 訂座見9點後係特價時段$228，但尋晚去到佢寫聖誕期間暫停所有優惠，好坦白講聖誕都過左啦，仲暫停...咁算啦，一場黎到幾十蚊我都豪俾你，之後入到去得兩個價錢嘅套餐揀，分別係$258/$298兩種，兩者分別係一種可以食貴d嘅牛同普通肥牛咁...咁我地都唔吝嗇當然食貴d嘅牛，坦白講佢貴果隻牛係唔差嘅，其他食物都ok，不過火鍋配料選擇真係唔多，開頭食左個雞煲先味道都唔錯，但果個所謂海鮮拼盤極度搵笨，幾隻蝦、一條墨魚滑、十粒八粒蜆、鯇魚片果類同埋雪到硬堀堀嘅蠔，仲要呢d野係冇得refill 嘅，收人三舊水呢d咁嘅野都冇得任食真係非常失望，又唔係咩貴海鮮，出面其他任食火鍋店兩舊水有找果d呢d都任食啦，飲品選擇又極少，得可樂/忌廉/七喜，其他全部另外收錢，但呢個可以算，最重要全晚令我最失望嘅係當我地食左兩個鐘頭十零分鐘左右啦，佢隊埋個甜品過黎，隔多陣就話你張枱得番5分鐘、但我其實仲係成枱野，因為之前佢話last order 時我地都叫左d野，咁佢話得番5分鐘時我地都即刻烚晒我地想食嘅野，不過我都諗住佢又冇客等緊又未收工，我諗

環境感覺特別 唔同其他雞煲打邊爐地方有啲懷舊既感覺職員比較細心 服務都唔錯 我覺得好親切但食物就較少款 比出面地方少好多如果多款啲就會好好多 例 素鮑片 雞脾菇 豬紅等等多款啲會更吸引人再去

可能家吓生意真難撈，大路的裝修、標準化的服務、見慣見熟的餐單已不能吸引顧客。要突圍一定要有特色、好食兼抵食。"火水爐" 上世紀煮食工具，呢間火煱店走 的是 "集體回憶" 路線，易有共嗚。海鮮安格斯任食火煱$258，單看價錢不算便宜，只能夠說是 "市價"。若能預早訂位，則會送個煲花膠痳辣雞煲，這才算是抵食。花膠厚厚的、雞件應有半隻或以上; 味道又夠濃郁，很惹味每枱都送一盤海鮮拼盤，有齊蝦、魚片、生蠔、蜆及墨魚滑，好新鮮好豐富。其他的配菜也有很多，無論叫了甚麼，最後一定要嗌個烏冬、公仔麵或菜，加少少湯底一齊食，就可食盡整晚的 "精華"，好正!

真係唔知點解，我同班fd出來飯局，十居其九都係打邊爐放題。今日出來，一聽到又係烚吓烚吓，第一個感覺是有點悶。去到現場，見到個裝修好特別，用懷舊做主題，走廊、樓梯、地下，其至枱櫈都跟一般火煱店不同，感覺好 "新鮮"。湯底選擇都唔少，除了常貒的沙爹及皮旦芫茜外，較特別的有肉骨茶、冬蔭公、下火大豆涼瓜及冬瓜蓮子百合。今次要左肉骨茶，下次要試埋其他先。原來每枱都會有一碟小食及時令海鮮拼盤。海鮮的份量都算多，裡面的材料會則按時的情況而有所調整。這樣也好，起碼一定新鮮。唔想做 "食肉獸"，就要點小小疏菜平衡一下。我之前未試過打邊爐食油條，今次都係第一次，感覺似麵筋，但比較有嚼頭。

同事上星期食過, 話有一間以七八十年代作設計藍本的火鍋店, 幾有風味. 所以, 特地來體驗吓, 緬懷一下年青時的回憶.牆身的掛畫, 以戲院為主題. 說實話, 真的做到似模似樣, 很神似. 現場還有很多場景未影-火水爐、黑白地磚、當舖大 "押"....除了食, 在此欣賞其裝潢及回味青春也是一件樂事.一坐低, 即送上餐前小食 -炸魚旦及燒賣. 上枱時, 是附有醬汁的, 很是惹味.安格斯牛肉是很多人的至愛, 當然包括我啦! 重點是......任叫任食. 喜歡食牛的, 還有手切肥牛可以order.當晚實在太失禮, 向來都是相機先食的, 這晚很多時是吃到一半, 甚至是差不多吃了大半才記得影相. 無論最先叫的是那個湯底, 現在都變成了"一品鍋"了.部份oder了的食材，其餘的....食晒了。

今日都算係今個冬天比較凍個幾日，同個fd放工約左係mk個頭食飯，大家今次諗都唔洗諗，話打邊爐😂mk打邊爐既話，我就話黎呢間食，一黎之前食過質素價錢都ok，二黎入面裝修都幾靚，所以我fd都冇咩意見就過左黎食門面更新左，個餐好似都唔同左，不過都係幾特色同價錢正正常常不過我地8點幾到，冇訂位，要等左陣先入到座，個到係滿哂~~😱仲記得第一次岩岩開張黎食唔算多人，而家睇黎好多人似我食過返轉頭，下次睇黎都要bk定位好d主要佢有呢兩個餐揀，分別係安格斯同頂級肥牛既分別，最後我同個fd揀左安格斯野食選擇都頗多，野飲就得4款，主要係汽水，我想飲烏龍茶個d一開始雞煲未到，上左個餐前小食，幾香口雞煲叫左小辣，煲5分鐘左右就食得入面仲有花膠，好入味，雞件都算幾滑，食左呢個雞煲都飽左3,4成😂食完後佢問我地火鍋要咩湯底，之前試過沙嗲，今次試下肉骨茶火鍋既主角終於來😍😍海鮮同肥牛既賣相都好正咁，肥牛肉色紅潤，剝一剝就食得，食落肉味都好夠海鮮有d雖然應該係冰鮮，但肉質同味道都唔差，最重要咩海鮮都有d仲有其他野食，份量出得ok，適合返用餐既人數最後呢個甜品我都會留肚食，係香港已經好難食到呢d特色既港式甜品，雖然冬天真

最近溫度都涼涼地，朋友話想打邊爐. 咁當然試下唔同既體驗啦. 火水爐主要玩懷舊風格，如果保持一個當係旅客去探索香港特色既態度，係絕對ok的. 但如果你係要求高級同品味既，咁你都係算把啦. 呢到地方唔大，但鍾意影下相呃like既，係不錯既選擇. 當然唔好影響到其他人啦. 如果book位，呢期係有雞煲送的. 裡面仲有一塊手巾仔咁大既花膠. 都叫有d誠意啦. 雞唔覺老，有人幫你計時，仲有餐前小食，炸！燒！賣！ +炸魚蛋. 哈哈. 朋友竟然話未食過炸燒賣喎. 呢d童年食品真係要有童年既人先識. 食物質素唔算好高，當然亦唔差，有以前小時候簡樸打邊爐感覺，當中佢有d特色少少既湯底係需要+18蚊. 咁我地就選左肉骨茶，足料既，排骨大大舊，味道都ok. 帶少少甘苦，有香味，食落唔覺落左太多調味或夾硬加甜味劑去扮肉甜味. 個套餐有海鮮的，食落唔錯，當然唔好話同d咩高級海鮮店比啦，放左落去個湯底，食曬d海鮮，最後個湯都會帶少少甜味. （因為肉骨茶本身味濃的）老實講，食物品種唔算多，2個小時任食，牛亦可以追加，最後仲有刨冰甜品. 整個用餐過程整體黎講係ok的，唔會好焗，傾到計，輕鬆食下野，享受下氣氛咁. 點

呢排天氣開始凍，尋晚同幾個同事一行七人上網訂咗呢間裝修好有特色的打邊爐！同事話係任食，本來我自己對任食火鍋冇乜好感，因為d料通常好cheap質素唔好，不過成班同事一齊去，當team building 開心~餐牌有兩款套餐選擇，我地揀咗258$呢款，安格斯牛肉任食！網上訂座仲送花膠雞煲！末食雞煲，先送餐前小食，炸燒賣炸魚蛋，燒賣炸到外皮脆，幾香口，而且仲係熱的花膠雞煲！唔好以為送嘅就揸流攤！勁多花膠！全隻雞！仲有其他配料！好惹味！火鍋配料勁高質！安格斯牛肉好正！又大片又唔會切得太薄！好有肉味同囗感！我地差不多叫左10轉海鮮拼盤份量亦晤少！好多蝦！有蠔有脆肉鯇魚有蜆！多到食唔曬！略嫌d蜆太細隻淥完會唔見左D丸又係高質數！墨汁墨丸彈牙好食！必叫！炸魚皮又係好香脆好味食唔停！最後仲送埋甜品！飽到好滿足！仲有汽水又係任飲！除返開每人唔駛$300蚊！高質任食！服務又好！我已經推介左比好多朋友！

終於到了十二月，除了是食火鍋的季節外，亦是一個好多飯聚的時期。其中一位朋友在很久前已經說過想試這間餐廳，今日就約了朋友放工後一試。首先位置算方便，而且餐廳的門面十分顯眼，非常易找。而且以模仿香港六十年代的戲院作為裝潢的主題，非常特別，進餐廳前都忍不住拍了幾張照打卡，而餐廳的名字為火水爐冰室火鍋，原來都是老闆對六、七十年代情懷的小心思，因為那時候的煮食工具就是火水爐。餐廳內亦放置了不少火水爐作裝飾。除了裝潢吸引，性比價都算高喔，這個安格斯海鮮火鍋任食套餐只需$258一位，但已經包含了一份雞煲及某些火鍋配料，有安格斯任叫外，還有一份海鮮。首先等吃雞煲前，餐廳很貼心地提供炸燒賣跟魚蛋作小食，不要小看這小食喔，味道相當不錯。然後再吃雞煲，味道非常濃郁，雞件入味且滑嫩。而且混雜了很多滲透了醬汁的花膠及豬皮 ，非常足料啊! 把雞煲吃完了還有火鍋可以吃，我們看到斴座的人點的沙嗲湯非常香濃，所以就選擇了沙嗲拼藥膳湯。沙嗲湯果然出色，非常合我們這些重口味的人胃口，而藥膳湯則較清淡。可以任吃的火鍋配料都不少選擇，而且套餐配有的海鮮份量都不少喔，當中有海蝦、生蠔、蜆、 鯇魚片及 墨魚滑。而當中我最滿意的是海

<那夜晚上，我們在天氣寒冷下享受熱呼呼的雞煲>天氣凍冰冰就梗係要食雞煲暖下身㗎喇😊😋😋天氣得13度，同朋友旺角行街，行到煙廠街見到呢一間餐廳幾特別有懷舊香港風就上咗去la,入到去有一種穿越時代嘅感覺, 餐廳係以舊式電影院同大排檔嘅場景做主題， 鋪頭裝修懷舊色彩味濃，有火水爐，舊式嘅酒樽，夜總會裝修等等。店員一見到我哋想去就主動介紹餐牌然後推車仔畀我哋揀配料。我哋揀咗個258個套餐可以任食牛肉同埋肥牛安格斯小扒，特別鍾意佢嘅色澤，牛肉味濃 切得好薄 又爽口， 而且佢哋啲牛係爽滑唔煙韌好易入口。提一提大家早訂位，就可以送一個花膠雞煲。 喺我哋等緊嘅同時，店員就送咗啲小食炸魚蛋同埋燒賣。雞煲上到嚟啦，份量好足，整體嘅醬料都好濃郁，花膠軟淋淋仲有豬皮爽口彈牙😋😋食雞煲點可以唔叫辣㗎，我哋叫咗個少辣，不過食食下都覺得有啲辣得滯好彩呢度嘅汽水係任飲㗎啫。食完雞煲店員就同我哋換鍋，我哋揀咗呢個王牌推介嘅沙嗲湯底，有大量嘅花生同埋葱，令到成個湯底嘅味道都好出。除咗食牛之外，仲有一個好豐富嘅海鮮拼盤，有海蝦，生蠔，青口，蜆，鯇魚片，墨魚滑。 個人特別鍾意生蠔同埋海蝦，因為佢哋真係好鮮甜。

今次我係第一次寫食評，因為呢間餐廳嘅服務態度真係令人好唔舒服，我再懶都要慢慢敲呢篇嘢出嚟比人睇，朋友生日想試呢間壞舊風邊爐，唔知係咪事頭婆嘅人由入座開始已經黑住塊面對住我地🌚朋友未到齊但我地提早咗入座，佢完全唔講由入座計兩個半鐘，唔緊要，我地都明白呢啲大路規矩，應該都食得切。等朋友嘅20分鐘期間係咁催我地上雞煲，我地講咗仲有朋友未到唔好上住，結果個疑似事頭婆同另一個女性員工係咁啤過嚟，西口西面勁趕客，餐生日飯已經比佢地影響咗心情，之後朋友到齊上得雞煲真係chur到你爆，兩條女車輪轉嚟招呼我地，未食完就成日想收走晒你枱面啲嘢趕你地走，同埋個樣西到你都真係無晒食慾唔想食落去😑😑😑另外朋友話佢地明明係有$198嘅任食餐不過枱面餐牌就只係show $258同$298嘅餐牌，咩年代呀？仲耍呢啲咁low end嘅手段，印象分再減，一係你地咪直頭唔好做呢個價囉，又要威又要帶頭盔😤 平心而論，嘢食質素係可以嘅，不過所謂嘅海鮮拼盤好小家，有蝦，一小份墨魚滑，幾塊墨魚滑，十幾粉蜆仔同一人一舊急凍蠔係咁多，隻急凍法係真係一舊雪硬晒嘅蠔未解凍咁上嚟，全部無得refill, 啲細條蝦，魚滑同鯇魚片其實而家出面啲

開始入冬當然要圍爐的好時機，之前路經旺角就被這家餐廳的裝潢吸引，剛好今天放半天假來旺角逛街之餘，也可以順便打邊爐～餐廳除了外牆的裝潢有特式之外，店內也有很多懷舊的小陳設，佈置成七八十年代的樣子～晚巿時段，餐廳主打仼食套餐，我們選了安格斯海鮮火鍋，聽起來也吸引吧～一坐下來，店員已經奉上火鍋醬料，選擇不算多，但基本的選項也齊全～套餐除火鍋以外，還有附送任添小食，是炸魚蛋燒賣，有夠港式的～而且還有特調的辣椒豉油，沒有馬虎的～由於訂座的源故，除火鍋外，竟然還有豪華麻辣雞煲！雞煲麻辣味香，內有花膠之餘還有紅蔥，豆卜，豬皮等配料，通通都非常入味。而且花膠也是大大隻，份量又多，每人也分到幾塊呢～老闆更推介要點一份老油條來沾醬吃，果然是對的～油條即炸，十分香脆，能吸收雞煲醬汁的精華！吃完雞煲就來火鍋了，貪心的我們選了鴛鴦鍋。湯底是餐廳推薦的沙嗲和藥膳～當然重點就是海鮮了～雖然海鮮不是任添，不過其實一份也很足夠了，有海蝦，魚片，蜆，蠔，和黯魚滑～將其他火鍋配料來一張大合照，就知道有多豐富了～每人二百多就能吃到這麼多，有海鮮又有美國安格斯牛肉，性價比高！最後，竟然還有甜品！甜品也用心的，連賣相也跟台式甜品

同朋友仔去左好有舊香港特色嘅火水爐，一黎到門口個招牌已經有哂feel～行上樓梯又見到d海報同埋夜總會嘅招牌～一黎到店員就好親切甘拎左調味料黎我地枱👍🏻仲送左d燒賣同魚蛋俾我地食，連小食都又好味又有舊香港味！一黎到就點左安格斯火鍋套餐，聽聞好抵食xd首先就食左個花膠雞煲🐣店員好好人甘會定時黎幫你煮個雞煲～個煲就好足料又重花膠味！朋友仲搶哂d花膠黎食...好快手食完個雞煲就叫左個沙嗲味邊爐～（沙嗲味係最推介嘅味！）食落呢隻湯底都的確好香濃，又好適合做邊爐嘅湯底🤤認真推介！因為係任叫，我地點左好多火鍋配料～我就堅持要叫午餐肉！不出我所料，午餐肉果然係超配邊爐～而且呢間餐廳嘅午餐肉仲要好厚！當然我地都有叫到d蔬菜～🌽用沙嗲湯底煮出黎嘅菜都十分有口感👍🏻同埋唔少得海鮮😆魚肉好鮮甜，蝦滑就一向都係我至愛👍🏻呢間餐廳嘅蝦滑絕對冇令我失望❤煮出黎好有顆粒感，又好有嚼勁～值得一提嘅係，呢間餐廳嘅雲吞真係十分十分十分好味！係舊式人情味雲吞嘅味道～👍🏻最後就唔少得安格斯牛～🤤雖然每份嘅份量唔算多，但係就塊塊都好重牛味！❤

見食評評語不錯，一早預定作生日飯局。先食所謂花膠雞煲，只有幾塊雞件花膠同大量洋蔥豬皮，乏善足陳。其他食物質素一般，部分海鮮上枱時仍然結冰！由於朋友當日身體不適，不想飲汽水。侍應回覆由付費熱飲到簡單熱水都不提供，就算鑛泉水都只有冰凍的。朋友無奈到樓下便利店購買。當收銀員見到鑛泉水及烏龍茶，竟然發狂地咆哮，不停說收費。我們平心静氣理論，收銀員仍然不作解釋，黑口黑臉！到我們離開時，收銀員重要講“歡迎下次選擇其他食肆”。呢種極差服務態度，真係覺得消費者冇得揀！最後，此店環境嘈吵，連同枱傾偈都困難！可惜不能負星，否則一定係 負🌟🌟🌟🌟🌟加上😠😠😠