火水爐冰室火鍋

營業中

休息中

之次路過呢間野，比個名同門面個裝修招牌吸引左，上黎OpenRice 睇，原來個花膠雞湯底好出名，所以今晚同d friends gathering 就決定黎呢間。 一行七人，book左9點（其實係太full，我地太遲訂所以要食9點，要黎食記得早d book位） 我地叫左$258果個花膠雞安格斯海鮮任飲任食套餐，就緊係叫招牌花膠雞湯底，人多關係，再叫多個沙嗲湯底。order完先送個餐前小食，炸魚彈燒賣，好好呀，大家都餓到咕咕聲。 湯到喇，嘩！個花膠湯個賣相唔差喎，花膠都有唔少，又唔係碎濕濕咁，緊係一塊塊。水滾喇，大家第一時間食左花膠先啦，正喎！d雞都幾滑喎！果然係招牌湯底，必叫！ 配料都係叫左好基本既野，重點係個安格斯啦，當然好食過普通雪花肥牛好多啦！ 120分鐘食完，仲有甜品送，雜果紅豆涼粉冰！嘩！飽到爆肚都要食埋啦，實在正！

成日食麻辣火鍋都有啲厭試返個花膠雞煲先~ 個湯一上枱 店員就溫馨提示記得先試下個湯底先！一試 嘩 真係好真材實料 好濃郁既雞湯 有唔少雞肉再煮耐啲 試埋花膠 好軟腍 重膠質 好補呀 女士食就最正～.呢度既任飲任食套餐有3款我地就揀左安格斯肥牛配海鮮套餐大蝦超新鮮 好爽 食得出係新鮮蝦 蝦膏都好正呢仲有美國桶蠔 隻隻都好肥美 配埋自己調既醬汁 好好味呢。.黑毛豬同安格斯肥牛都係任食安格斯牛肉脂肪分佈平均 下湯煮十多秒即可唔韌 好重牛味👍🏻黑毛豬食落都好軟腍 唔騷.甜品仲有雜果紅豆涼粉冰唔會好甜 透心涼呀下半場食甜品都可以慳返吖

通常去任食火鍋，裝修都係無乜特色。今日去左旺角呢間火水爐Fo Shui Lo，裝修就完全唔似係任食火鍋！餐廳以懷舊復古香港特色做主題，喺樓下就已經感受到去到餐廳位置裝修都一樣咁靚，勁多打卡位可以影相今日揀左每位$288 既安格斯花膠火鍋放題套餐湯底有六款可以選擇，六款都係有花膠架！夠哂滋補，而我最後就揀左濃厚花膠雞湯，真係有大大件花膠架。湯底濃郁無味精，可以先飲湯，後打邊爐。食物用紙落單，剔左要啲乜之後師傅就會根據人數比返相應份量，例如每次會比兩片牛肉，唔夠食先再落單，咁就唔擔心浪費食物。安格斯牛肉既雪花好靚，肉味濃，推薦！我都落左十幾廿次單encore牛肉！仲有陳皮魚蛋，比較少見架！必食推薦！

今日突然好想打邊爐，收工去左旺角同老公行一陣再睇下有邊間好食既，見到呢間火水爐任食好似幾多好評，就決定去試下😜😜🥢我地叫左$278既任飲任食既牛小排花膠火鍋放題套餐 ，湯底叫左濃厚花膠雞湯鍋，入面超多雞同埋花膠😍😍😍，花膠大大隻勁有咬口，雞好滑，先飲左個湯先，好重花膠味值得一讚👍🏻👍🏻👍🏻🥢$278餐個頂級牛小排好正，油花平均入口即浴，牛魔王既我地十分推薦👍🏻👍🏻🥢火鍋配料都有好多款，特別推介炸魚皮新鮮香脆，響鈴好鬆化😚 雲吞同韮菜餃好足料，雲吞個蝦大大隻😏粟米，菇類同蔬菜都好新鮮👍🏻丸類推介芝心丸同牛丸，爽口彈牙😆😆又係食到好飽既一晚❤️❤️

環境：👍👍👍👍👍服務：⭐️⭐️⭐️⭐️⭐️味道：😍😍😍😍影相：📸📸📸📸📸Encore:90%📝進入前要度體溫➖➖➖➖➖➖➖➖➖➖➖➖➖➖➖係屯門都有食過「火水爐」嘅雞煲一直都係有讚冇彈但始終都係想食下總店嘅雞煲究竟會吾會有咩吾同呢今日終於的起心肝，一於出發去總店啦.環境離遠就見到五光十色嘅五六十年代霓紅燈牌門口嘅佈置，模擬住五六十年代嘅電影戲院上到樓上，一枱一凳都散發住懷舊嘅氣息如牆上嘅舊時代貼圖，懷舊收音機，喇叭再播住一首首經典歌曲，懷舊氣氛濃烈！即時未睇餐牌，已經開始影相打卡啦.餐牌餐牌同屯門分店一樣揀左安格斯花膠火鍋放題套餐.雞煲六款湯底中，揀左雞煲湯底先食雞煲，再用雞煲汁打邊爐又雞煲又邊爐，一次過滿足兩個願望店員會先上八成熟嘅雞煲同set 好個timer，約5分鐘就可以食雞煲嘅材料，真係豐富到哇哇聲最頂層，可以見到大大件嘅花膠每塊花膠都好厚身而且有6~7cm長份量仲要好多，好似食極都仲有花膠吸盡醬汁嘅精華口感彈牙又帶咬勁，超正再上面就係滿滿嘅雞塊雞塊頗為大舊，仲啖啖都係肉添肉質嫩滑，入味非常.火鍋食完雞煲，可叫店員落高湯打邊爐啦任食配料分為5類肉類，粉麵，水餃，丸類同蔬菜類任食嘅肉類包括

今天早下班胃口特別好因為中午吃得少，於是便打算吃火鍋🍲這間裝修很有80年代風格的港式火鍋餐廳，非常搞笑，而且還有八五折火鍋任食，對於安格斯花膠火鍋放題特別有興趣，只是$202，非常抵吃。室內裝修更具古舊香港特色，個人特別喜愛那個花邊碗，而且杯杯碟碟特別乾淨，令人舒服和胃口大開。邊吃邊看牆上的香港舊街更是別有一番風味。花膠火鍋雞煲方面我們點了少辣，如果吃得辣之人可以點中辣。不單雞件非常之嫩滑，而且醬料方面也非常充足，所以味道亦都很豐富而多層次😋而且花膠吸收了濃濃的香料後顯得更加好味，簡直將味道帶到去另一個層次。雞件吃得7788便加水了，點了很多安格斯牛和肥牛👍🏻肉質鮮嫩牛味也很新鮮，另外鵝腸和牛柏葉亦非常爽口，簡直是打邊爐絕配，這裏勝在食物種類夠多，還點了生根、爆漿魚蛋...... 應有盡有。其實打邊爐除了食物之外，環境亦都很重要，一個舒適的環境能令人暢所欲言，所以這裏非常適合三五知己談天說地。

友人決定地點同我食生日食，食我最中意既雞煲。入到去無人食，已經有伏味。選擇左麻辣花膠雞煲，任飲任食安格斯牛火鍋。個雞煲一黎度，已經唔對路，d汁唔係傑身果款，無麻辣香味，紅油浸雞甘。食落去果然完全無麻的感覺！我叫左中辣。。。不太辣，真係全程只食到辣油既味。超！級！失！望！只有我地一台客都可以整成甘，大概大家食完一次中左伏都不再幫襯吧！跟住叫野飲，所謂任飲只包可樂，七喜，忌廉。因我不能喝汽水的，向店員要求一杯清水，結果店員不提供，叫我點其他需要加錢的飲品。最後只好加錢點了鳥龍茶。其他火鍋料不用說，普通到不用說。真的希望大家望望附圖中的點菜紙，再自己思考下$238/位，值唔值呢個價先黎幫襯。唔信既，自己黎感受下！因為我同友人都係睇完其他人既好評食評，而中伏而來的。很難忘的生日飯，238/位+沒有清水提供+紅油浸雞煲+普通火鍋料。

去到旺角諗緊食乜好嘅時候見到一間好復古嘅餐廳見過好多茶餐廳都會做80年代嘅修裝望清楚個Menu先知原來係打邊爐嘅依嫁大家都好怕打邊爐但係又唔係家族邊爐 都係兩個人姐所以就膽粗粗上咗去 一入去就見到調味料放係架車仔上面用保鮮紙封好 感覺安心 覺得無上錯嚟叫咗個 招牌麻辣花膠雞煲係雞煲嚟之前會有小食白魚蛋同埋炸燒賣小小辣得嚟好滋味保留到雞味 好正味道合宜 唔會太咸太辣叫小小辣 就真係落小小辣花膠嘅淋度啱啱好 好滑 好易入口而且份量都幾多吓 待應見到就快食完雞煲就會問你想要乜湯底就開始打邊爐了我哋就揀咗 芫茜皮蛋湯其實都好想試吓蕃茄牛尾湯 但想清小小 果然有清新感皮蛋份量多到似係落咗一隻半至兩隻飲咗幾啖湯先開始落火煱料啦首先由海鮮拼盤開始 每枱都有架生蠔肥美 蝦又大大隻 好扺食火煱料就覺得安格斯肥牛係一流味濃又大大塊 有水準同埋 炸魚皮香脆可口 實在要encore 最後食得太飽 送嘅甜品都食唔落待應聽到覺得好可惜下次嚟會食返兩碗架啦！順帶一提 杯咸檸7飲完個人好醒神記得叫返杯

疫情前的最後一次打邊爐，目的地是朗廷軒一樓的火水爐雞煲火煱餐廳😊餐廳門面以懷舊戲院做做主題，招牌奪目搶眼😇😇上一層樓梯到達餐廳，同樣是花盡心思的懷舊設計，特別喜歡綠色的假窗花配合著舊香港的風景、紅色的『夜總會』字樣和有大排檔風味的桌椅，相當有Feel～☺️☺️到訪當天是中午時間，當然要一試午市限定的一人火鍋🥰🍲$88基本組合包湯底、一份肉類、一盆火煱配料、一份麵食和一罐汽水🥤算是很抵食～火煱配料也算多種類，一盆包含了菜、玉米貢丸、陳皮魚蛋、響鈴、午餐肉、芋絲等等😋當然也可以額外追加其他火煱項目，像我們就追加了廣島蠔🦪和雲吞等配料😃湯底方面我們也加$20轉了花膠雞湯，湯底有雞件和花膠片，感覺更滋補一點👍🏻午市時間來客人比晚市少，坐得很舒服，員工也很友善，不時照顧到我們的需要和與我們聊天😌值得再來一次～

呢排天氣咁凍，好想食吓雞煲或打邊爐暖吓身，琴晚試咗呢間火水爐，一次過滿足晒我兩個願望😋仲要$258一位任飲任食超抵食！首先每枱都有一個懷舊港式餐前小食係炸燒賣魚蛋。跟住就會上主角-花膠雞煲，我哋揀左麻辣口味，可揀辣度，雞煲就食得多，但有埋花膠真係第一次食，d花膠大到好似手掌咁大，吸曬雞煲d辣汁，超級入味！d雞件非常滑，2個人都比好多分量。食完雞煲之後可以自選打邊爐湯底，我哋揀咗花生沙嗲湯底，湯底好香好濃郁。$258套餐巳包左每枱一個海鮮拼盤，拼盤有蝦，廣島蠔，沙白蜆，蝦滑，魚片。另外安格斯肥牛可以任叫任食，如果鍾意食牛人士仲可以加$40任食再頂級d嘅肥牛！其他火鍋料同飲品都係任叫，種類都幾多㗎！仲有多款海鮮可以加錢另叫，豐儉由人。食完仲有懷舊甜品送。同埋幾欣賞餐廳嘅懷舊裝修好得意好似返左去70年代咁。店員服務亦好attentive,主動介紹套餐內容，經常換碟加湯好細心。而家出面打邊爐閒閒地都四五佰蚊一位，但呢間火水爐有海鮮，其他嘢又任飲任食都係二百幾，幾抵食會再encore!

其實以懷舊為主題的餐廳早已屢見不鮮，而這間火鍋店的門面則模仿舊式戲院，令人過目不忘，但多次經過亦未曾一試，趁著一月天氣開始轉冷，經過附近終於找到機會到訪。套餐包括花膠雞煲及海鮮拼盤，另外亦有各款任飲任食項目選擇。店內裝修佈置充滿懷舊風味。醬料方面可以自由配搭。首先送上麻辣花膠雞煲，當中有大片花膠，真材實料亦甚惹味。海鮮拼盤賣相精緻，包括海蝦、蜆及鯇魚片等。享用雞煲後便開始火鍋，湯底依然香濃。任食肉類只得特級安格斯牛、美國珍寶肥牛及黑毛豬肉片三款，不過不失亦沒有雪藏味。其他配料選擇款式大路，質素正常。

好耐冇黎過呢度打邊爐，今日心血來潮，同朋友想打邊爐，吹吹水，旺角黎講我幾鐘意呢間，所以就過左黎，不過唔知係咪出左名，比起我以前食多人左好多！walk in 真係要等我鐘意佢既原因係佢懷舊既佈置，好有以前舊香港既味道，環境舒服，加上佢個名係火水爐，不過佢如果邊爐都用埋火水爐就十足十懷舊🤣另一個鐘意既係佢d湯底好特別，我好鐘意呢度既一個湯底 - 花膠雞湯鍋，今日都唔例外同朋友都係叫呢個。佢特別在冇味精，個湯可以就咁飲，好好味，當然花膠唔會話特別高級喇😂不過整體係幾高質，佢食完雞之後仲可以換湯底既，但我就鐘意拎埋花膠雞湯黎打邊鍋，感覺好正海鮮拼盤既話都係新鮮既，同埋都係多數人會食既海鮮，可惜要加錢先可以任叫~而邊爐食物都幾多選擇，每次叫佢都預返人頭份量，都幾好唔會浪費食物，而食物都新鮮最後食完哂應該仲有個懷舊甜品雜果涼粉泡冰食，但我同朋友食得太飽食唔落，直接叫佢唔好上🤣下次先再食。咁樣圍番一人都係300有找，其實幾好，下次行開再黎食🥰

呢晚黎到火水爐，成日都好想試下，因為經過旺角好多時都會行經呢度～佢個門面充滿住懷舊色彩，上埋條樓梯就入到鋪入面～～ 黎呢度一定要book 定枱，我地平日夜晚黎已經好多人，book 左位都要等一等先入得～～ 一坐低店員就放低左車醬俾我地混醬！全部都好新鮮亦都係打邊爐必點既醬料！ 呢度任食258$一位再加一～ 普通可樂、雪碧任飲～ 如果係特別d既野食就另外加錢叫～我地就覺得佢任食餐牌內既食物都好夠食同質素都好好，如果你想食再靚d既牛就可以加錢叫～ 入座就跟人頭送海鮮拼盤！海鮮包括有： 蜆：完全冇沙！碌到岩岩熟拎上黎超鮮味！ 海蝦： 勁彈牙！絕對新鮮唔係雪藏貨！仲好有蝦味 蠔： 蠔都好有蠔既鮮香味！一人一隻老實講都真係唔係好夠喉！ 脆肉鯇：perfect!!!! 我地叫左唔夠加錢既花膠雞湯，雞湯好正！真係有成半隻雞係入面！！！仲要係雞脾！不過就要趁早食左d雞或者夾起佢，如果唔係會愈煲愈鞋～～個湯都好甜，好有營養，飲完覺得好養生！ 同埋叫左個湯底冇耐店員就送左d即食既陳皮魚蛋同炸燒賣黎～完全唔驚等個湯黎會餓親～燒賣熱辣辣岩岩炸起....好邪惡，但愈邪惡既野先愈吸引人食！陳皮魚蛋就係水準之上～

火水爐名字都好特別😊原來係懷舊裝修嘅餐廳入口係舊式戲院嘅佈置環境係摺檯、電影海報、汽水箱...打邊爐之餘又懷舊一下😝打邊爐有三個套餐任食任飲其實相比其他打邊爐有啲特別因為好似有四個course😆😆😆第一個Course : 有小食（炸燒賣魚蛋）第二個Course：花膠雞湯或花膠雞煲第三個Course：特色鍋底+海鮮拼盤+火鍋材料任食任飲第四個course：台式涼粉雜果冰我覺得都好豐盛基本上食完第二個都好飽😆😆😆總括來說：1. 勁鍾意食花膠，大大嚿！飲湯正！2. 安格斯牛質素好好3. 竟然有肉骨茶及苦瓜湯底，一絕！4. 竟然好期待涼粉雜果冰😍5. 可以再幫襯😊

離遠已經看到餐廳的電影海報，門口裝修模仿六、七十年代的戲院，上方更掛着「即日放映」的橫額。更掛有多張模擬電影海報的餐牌，非常繽紛。店內陳設裝潢以舊香港特色為主題，桌椅、地磚、各式各樣的懷舊傢俬和擺設都貫徹了懷舊風味。環境逼真，讓客人彷如置身於六七十年代，風味十足。我們選了花膠雞安格斯海鮮火鍋套餐，每位$258，任飲任食2小時。先來一鍋濃厚花膠雞湯，吃罷再上湯底打邊爐。食物配料選擇多，多達70多款配料任點任食。餐前小食陳皮魚蛋和炸燒賣，陳皮魚蛋結實、彈牙煙韌。濃厚花膠雞湯真材實料，花膠大大塊，雞肉份量多，味道濃郁。時令海鮮拼盤有六款時令海鮮，包括：蝦、蠔、魚片、墨魚滑和蜆。款款新鮮，墨魚滑爽彈好吃。黑毛豬肉片肉味香濃，肉質爽口。特級安格斯牛和美國珍寶肥牛色澤紅潤，牛味濃厚。蔬菜新鮮，尤其是粟米，十分鮮甜美味。懷舊甜品一大碗雜果涼粉紅豆冰，底層是刨冰，面層鋪滿了涼粉、紅豆蓉和什果，最後再倒上花奶。