火水爐冰室火鍋

營業中

休息中

雖然呢排天氣熱熱地 都無損我哋打邊爐嘅雅興 見到火水爐有個238嘅安格斯花膠火鍋餐 抵食得來選擇亦都唔少!餐廳走懷舊港式風情路線 入到去猶如置身於舊式香港大排檔 別具風味湯底我哋揀咗濃厚花膠雞湯 估唔到非常足料 花膠非常多同大塊 而且有成大隻雞😳 雞肉炆到好嫩滑 唔鞋口 湯底仲吸收咗晒雞嘅精華 非常濃味！！ 我哋飲咗成兩碗湯先至開始打邊爐😂極上安格斯牛放入湯內烚一會再放入口 十分香滑 無需大力咀嚼 入口即溶 十分高質美國珍寶肥牛肥牛幾重牛味 脂肪比例平均 口感嫩滑彈牙 而丸類總括嚟講都相當出色 同埋有幾多出面比較少見嘅選擇 好似爆漿魚丸 龍蝦沙拉丸同埋玉米貢丸咁 我尤其鍾意流心芝士丸 一咬開就係爆漿濃郁嘅芝士！ 而龍蝦沙拉丸內餡甜甜地 口感彈牙~蔬菜方面 粟米十分香甜 芋頭好粉 我們仲點了一些菇類和蔬菜拼盤 用料新鮮！

今晚約左好耐無見既朋友仔打邊爐，好友揀左位於旺角煙廠街既火水爐冰室火鍋。裝潢以70年代風格為背景，有齊夜總會招牌、康樂棋壁畫等，霓紅燈牌散發住懷舊氣息，古舊既傢俬同擺設，打卡影相一流!揀左安格斯花膠火鍋放題，可以招牌湯底六選一，再任飲任食特選火鍋配料。濃厚花膠雞湯鍋金黃色湯底濃而不膩勁鮮甜，啖啖都係滿滿膠原蛋白，養生又養顏。厚身花膠爽口滑溜，口感極佳，雞件肉嫩味鮮好入味。任食配料分肉類、粉麵、水餃、丸類、蔬菜類、火鍋配料，亦可加錢點超特價海鮮等。欣賞食物選擇多，份量係人頭計，咁就可以試多幾樣，唔怕食唔哂。任食肉類有極上安格斯牛、美國珍寶肥牛，肉質軟嫩，牛味濃郁，肉汁豐富，有驚喜!黑毛豬肉片清甜而滑嫩，油脂豐富。其他配料我會推薦新鮮爽脆響鈴、較嫩滑豆腐、爽口宜人粉絲、爽滑彈牙口感豐富既墨汁墨魚丸。食飽飽勁滿足，期待下次再到訪。

放工和同事一齊去咗旺角買手機配件，行咗幾個商場後，都覺得有啲肚餓，係附近一間叫火水爐嘅鋪頭食餐好嘢，樓上鋪，環境需然細啲但充滿懷舊氣息，侍應招呼咗我地之後，介紹咗有幾個套餐特別抵食，我地揀咗一個238元嘅任食極上安格斯牛，湯底都有好多選擇，同事要咗個碧綠芫茜花膠皮蛋鍋，其他配料揀咗有雲吞，午餐肉，腸仔，墨汁墨魚丸，水鮫，枝竹，同炸魚皮，美國珍寶肥牛，又叫咗一碟黑毛豬肉片，安格斯牛肉擺盤放得好靚，肉質味濃，入口唔太冧，美國珍寶肥牛都唔錯，配埋個自己調制嘅醬汁，美味非常，因為太肚餓，所以好快又再叫多一輪，同事覺得下次可以叫多幾個同事一齊食，聯絡吓。

場內佈置懷舊，連枱櫈都要舊式的，我點了任飲任食套餐招牌花膠麻辣雞煲，花膠大片，爽滑彈牙，麻辣小辣已辣度不少，雞件爽滑食完雞可以選湯底打邊爐，我選了沙嗲，濃味不嗆喉特級安格斯牛最吸引，牛味最濃，爽滑，滿口油脂香黑毛豬肉片味道清淡，口感爽海鮮拼盤蠔甜美、蝦爽口、墨魚滑爽、蜆鮮甜，脆肉鯇爽脆炸魚皮沾湯料，吸味又脆中帶沙嗲香脆炸響鈴燙3秒最好味，外軟內脆，滿滿沙嗲汁好惹味裝潢如大排擋，人流旺，材料新鮮，大滿足

提起大眾懷念的舊時代，必定是香港充滿特色的50-60年代，無論玩具、家庭用品、時裝、地標及食物也甚巨標誌性，例如人力車、祝君安好毛巾、白飯魚鞋、公仔紙及《老夫子》漫畫等⋯⋯而今次與朋友品嚐之餐廳正是用了該時代其中一件代表性物件而命名正所為打邊爐最緊要係個爐！以60年代為主題的火鍋店以「火水爐」命名確實最貼切不過，港式霓虹燈、黑白色格仔地磚及舊式戲院裝潢作門面，好奇心驅使朋友與我進入試試 沿著樓梯步行至上一層都陳列著仿懷舊戲院海報，樓上一整層都風味十足，加入了多個懷舊元素例如康樂棋牆身、彷綠色鐵窗戶、木紋接枱及當時流行之橘橙色，彷如置身如咸豐時代，唯一不同當然是環境舒適，空調充足，所有用具及設施都整潔乾淨共有三款花膠放題套餐，同樣也可任飲任食部分食料，亦附有美國珍寶肥牛及黑毛豬肉片，分別在於可多選安格斯牛、牛小排或兩者皆有。湯底最多有六款選擇，我倆也覺特濃花生沙嗲甚為吸引，決定來個安格斯花膠火鍋配特濃花生沙嗲湯底！點食材紙共一張二頁，除標示價錢之配料要收價外，其他均可任點任添，雖然款式不多但種類不缺有肉類、海鮮、丸類、粉類、蔬菜及餃子等，總算五臟俱全等待湯底大架光臨期間，總是自製醬料之時

同老公去旺角買錶，行到好肚餓又攰，感覺一定要食返餐大餐。打俾住喺旺角嘅朋友叫佢推薦下有咩餐廳可以坐得舒服坐耐啲，佢推介我去佢屋企附近嗰間火水爐。一聽個名字覺得非常特別，火水爐唔係好舊式既野咩？唔通間鋪好耐歷史？原來係一間懷舊冰室，門口模仿舊式戲院，店舖入邊一樣係充滿70年代老味道。裝飾的火水爐、用品、餐具、枱凳，甚至牆上的裝飾。坐在一邊用膳真的心情愉快。打邊爐有幾個套餐，我地叫左安格斯花膠火鍋放題套餐。套餐入面可於六個招牌湯底中選一個。六個湯底都有花膠的，打邊爐同時能夠養顏我們都偏愛濃味食物，因此選擇了特濃花生沙嗲花膠鍋。揀咗湯底之後，店員上枱速度都幾快，隨手撈了一下，已經發現四塊超大塊花膠。而且由湯底嘅顏色可以得知，呢一個必定係特濃。兩個牛控，不停點牛肉食，極上安格斯牛同美國珍寶肥牛，我個人比較鍾意食極上安格斯牛，感覺口味比較出色。套餐內可選擇的食物和飲品不算太多，如想點額外的火鍋料和特色飲品，要額外再付錢，但食材都是新鮮的。而且叫呢個套餐可以有120分鐘任飲任食，時間都比較長，可以坐喺度慢慢嘆。

今日就約左一個好耐冇見朋友去食飯，想坐得耐啲傾下計最好就去打邊爐，一路烚住野食一路同朋友吹水係我覺得好正，而打邊爐地點一齊要大家都方便啦，最旺同方便一定係旺角，今日就去左一間叫”火水爐”打邊爐餐廳，舖頭佈置到好懷舊，好有70 – 80年代的舊香港feel，而入面環境好多打卡位，我地今日就叫左果安格斯花膠火鍋放題套餐$288，而湯底就要巴辣胡椒豬肚鍋，肥牛肥瘦比例適中。而黑豚肉口感好爽口，我最愛食係墨汁墨魚丸好香墨魚味。重有煲內勁多花膠同埋都好大隻下，D花膠多到真係食極都重有咁勁。

朋友推介呢間別有一番風味嘅火鍋店，有著八十年代懷舊的裝修風格💃🏻🕺🏻💃🏻🕺🏻都幾多人，建議打電話book枱，如果唔係walk in可能要等好耐收工收得野夜或者夜貓子嘅朋友，指定時間更有八五折🤩🤩我地叫左安格斯花膠套餐💡💡湯底六選一我哋揀咗巴辣胡椒花膠豬肚鍋等緊配料嘅期間先飲啖湯暖下個肚先😋😋濃濃嘅胡椒味，仲有啲花膠又厚身又大塊鍾意口感腍啲嘅話，建議可以再煲耐啲任食肉類：💁🏻‍♀️極上安格斯牛，色澤鮮明，肥瘦適中💁🏻‍♀️美國珍寶肥牛，牛味突出，配麻醬一流💁🏻‍♀️黑毛豬肉片，肉質爽口，唔鞋其他配料都離不開蔬菜🥬、丸🍢、水餃🥟、粉麵🍜等等值得一提嘅係啲水餃雲吞同出邊啲手工餃子店味道一樣，不容錯過

呢間食店走懷舊風，在店內恍如置身70年代的片場/食店，很有特色。講到明係火水爐，當然唔少得用火水爐來裝飾，火水爐砌成一面牆一樣，將樓梯同店面分隔開。店內有大電視，假如有波睇就一流呀!一坐低，侍應就推來一車調味料，都係一般常見既選擇，呢度感覺所有都好新鮮!Menu選項簡而精，飲品食物全部要落單，不用自助。我既經歷係，如2人用餐﹛點一份就等於2人的份量，牛肉就係每人2塊咁!今次我地揀左特濃花生沙嗲花膠鍋，沙嗲真係超級濃，基本上唔洗點醬油，食物味道已經濃厚! 另外，鍋內真係連埋4-5塊花膠一齊上，omg，濃濃的骨膠原! 煲耐左個湯底都愈來愈濃稠! 登登登登，黎到緊係大食肥牛啦，呢度有兩種肥牛，極上安格斯肥牛同美國珍寶肥牛，兩者都解凍得好好，沒雪味，脂肪都均勻，分別係一隻少d脂肪，肉味就會重dd!豬肉片，顏色粉嫩新鮮!其他配料其實都好唔錯，每件上枱時都係睇落新鮮我鍾意食呢隻醬爆魚丸，外皮軟彈，內容物豬肉咸鮮!墨丸-- 啖啖都有墨丸肉! 好食!

已經嚟過好幾次火水爐打邊爐的！因為喜歡呢度嘅環境同格局加上價錢又大眾化！值得一食再食嘅火鍋店！我哋揀咗HK$238位任飲任食兩小時嘅火鍋套餐！先揀咗個巴辣胡椒花膠豬肚湯底！啲花膠堅係大大塊的，仲要係幾厚身，而且又夠滑！滿滿骨膠原嘅感覺！套餐包括任食極上安格斯肥牛、美國珍寶肥牛、黑毛豬肉片同多款火鍋配料！食得嘅真係食返十碟八碟肥牛都回晒本呀！我最喜歡安格斯肥牛，肉質夠鮮嫩，牛味亦比較濃！最正係佢哋每次上配料都係少少咁上，可以試到更多火鍋配料而又唔會造成太多嘅浪費！呢度都多人嚟食架！最重要係嚟食前一定一定要訂枱呀！

今次朋友比左個難題我， 要我搵間又好食又抵食嘅任食打邊爐， 仲要九龍區呀。。。講真，真係有d 難度， 因為好食又點會係平呢？突然諗起之前係屯門食過一間可以滿足到呢個要求， 個湯底係足料花膠雞湯黎㗎。係 openrice search 後發現佢地有分店係旺角添呀， Good Fit, 即 Book 啦！我地牛魔王黎， 所以叫左個特級安格斯牛肉任食， 都只係$248, 特級安格斯牛肉同黑毛豚肉片都係任食， 仲有餐前小食， 海鮮併盤 , 火鍋配料任食至甜品都跟埋， 汽水任飲。 湯底可以選濃厚花膠雞湯鍋 / 招牌麻辣花膠雞煲。我地6人可以有兩個湯底濃厚花膠雞湯煲特濃花生沙嗲鍋懷舊餐前小食炸燒賣同炸魚旦 (本人超鐘意食👍🏻👍🏻👍🏻）時令海鮮併盤火鍋配料任食---> 我地叫左好多唔同款式， 樣樣都好新鮮， 而家年青人喜歡食嘅都有得食， 好多特式丸，女士們喜歡食蔬菜都有好多種類選擇。懷舊甜品 -->涼粉可樂/雪碧/忌廉任飲推介度： ⭐️⭐️⭐️⭐️⭐️

潮流興懷舊，同家人去打邊爐食下烚下拍下照，特別喜愛康樂棋圖片，勾起不少童年回憶。火水爐晚上係火鍋仼飲任食，最平$238一位。身為女人當然要補下非花膠莫屬，呢度幾款湯底都有大大塊花膠，仲要數量有5大塊。我地挑選了碧綠芫茜花膠皮蛋鍋。芫荽味重，皮蛋都係大大舊，食極都仲有。我勁欣賞火水爐的鵝腸，又粗又長,滾完後甚有咬口，唔會縮短到找不到。而極上安格斯牛質嫩而鮮，美國珍寶肥牛的半肥半肉，兩者皆好好味，所以我們也encall了三次。另外醬爆魚丸也很juicy，值得一試。火水爐位於旺角，想不到閒日也座無空位，一定有它的吸引吧！

呢間火水爐之前已經幫襯過，最欣賞既係佢懷舊既裝修，充滿80年代既氣氛。每次同朋友黎都可以細味一下呢d 特式佈置，無論餐廳格局定係餐具，都別有用心。火水爐係火鍋店，雞煲+火鍋。由於同行朋友覺得花膠雞湯好吸引，所以我地直接跳去打邊爐，揀左$298 set 放題，限時90分鐘。餐前有小食（炸燒賣+炸魚蛋）提供，等廚房有時間準備湯底，另外放題已包括頂級牛小排同海鮮拼盤，基本上都已經好夠食。主角花膠雞湯鍋黎到就見到一條條花膠，絕不欺場，湯底亦味亦夠濃，食野前建議先飲啖湯。記得要留返d 位食自家制甜品。食物質素唔錯，之後都會再encore.😋😋😋

香港，從前係一片幾美好既地方，可惜近來真係愈黎愈差，遲d仲可能完了。如果大家仲想懷念下呢d香港人老精神，傳統文化既話，呢間打邊爐真係幾唔錯，比起d日本邊爐，都不相伯仲，各有千秋（而韓式邊爐，就唔好提喇，因為一d都唔入流，本人就最憎）。環境方面，裝修格局都非常有心機，因為全部都係仿八十年代既環境，帶埋父母黎，佢地應該會幾懷念，而我地年青一代見到，都覺得好特別。食物方面，任食類食物質素都唔錯，食落都幾好味，而最緊要呢度有d點單食物，如海鮮果d，想食好d既朋友就可以單叫下呢d野食。本人最鐘意既牛，安格斯牛，就值得讚一讚喇，雖然切得都幾細條，但食落好有牛味，同埋都幾嫩口，點埋d醬食真係一流！！！

Boom 唧 boom 唧 boom 唧⋯ 聽到都想un，這間火鍋店就是不停在播放 80 年代的歌，一路聽，就覺得跟陳奕迅的「重口味」非常相似，然而整晚都未等到它的出現，我想跟唱「每次殺不死你 殺不死你 也醫好你」㗎嘛！室內裝修與音樂絕對匹配，霓虹燈、摺枱、啤酒樽、甚至夜總會牌匾，確實是80年代常出現的畫面，很有集體回憶。➡️ 兩人用餐，所點選的每一款只有2-3件，以為要不斷點餐以掃食客雅興，但原來眼闊肚真窄，吃完才點是皇道➡️ 濃厚花膠雞湯鍋 $238/位，花膠明顯是招牌，沒令人失望，味道十足，花膠數量也不少。➡️ $238/位的話可以點極上安格斯牛，牛味夠，看其鮮紅的顏色就知新鮮，肥瘦比例亦很好，見肥即撇的我也能吃下➡️ 黑毛豬肉片也是必點的，豬味濃，如果不吃牛的話，點 $198/位便可，牛是美國珍寶肥牛，但豬肉質素不變