火水爐冰室火鍋

營業中

休息中

離遠已經看到餐廳的電影海報，門口裝修模仿六、七十年代的戲院，上方更掛着「即日放映」的橫額。更掛有多張模擬電影海報的餐牌，非常繽紛。店內陳設裝潢以舊香港特色為主題，桌椅、地磚、各式各樣的懷舊傢俬和擺設都貫徹了懷舊風味。環境逼真，讓客人彷如置身於六七十年代，風味十足。我們選了花膠雞安格斯海鮮火鍋套餐，每位$258，任飲任食2小時。先來一鍋濃厚花膠雞湯，吃罷再上湯底打邊爐。食物配料選擇多，多達70多款配料任點任食。餐前小食陳皮魚蛋和炸燒賣，陳皮魚蛋結實、彈牙煙韌。濃厚花膠雞湯真材實料，花膠大大塊，雞肉份量多，味道濃郁。時令海鮮拼盤有六款時令海鮮，包括：蝦、蠔、魚片、墨魚滑和蜆。款款新鮮，墨魚滑爽彈好吃。黑毛豬肉片肉味香濃，肉質爽口。特級安格斯牛和美國珍寶肥牛色澤紅潤，牛味濃厚。蔬菜新鮮，尤其是粟米，十分鮮甜美味。懷舊甜品一大碗雜果涼粉紅豆冰，底層是刨冰，面層鋪滿了涼粉、紅豆蓉和什果，最後再倒上花奶。

呢度環境以懷舊主題佈置，樓下好似舊戲院，上面真係放左好多火水爐。收工收得早，6點幾入座無咩人，2個人都係坐大圓枱，一入座送左幾粒炸燒賣同有特色飲品，再先揀左麻辣花膠雞煲（小辣），不過小辣都幾辣下，有2大片厚身花膠，半隻雞，唔洗3個字就俾我地兩人掃哂食完花膠就到打邊爐，原本揀左皮蛋芫茜湯底，點知有人眼殘點錯左麻辣，侍應好好人幫我地轉返。每枱有送一盤海鮮拼盤，D蝦好新鮮，生蠔又大隻，可惜我地兩個都唔係好食魚，曬左d魚片。油炸鬼好正，就咁食係又熱又脆，點一點湯先食都好好食，安格斯牛好靚，好有肉味，各款打邊爐食物都係水準之食物，唔會因為任食而俾d差質素野食，選擇咁多每樣一件都飽到上頸。最後一定要留肚食甜品，係紅豆涼粉雜果刨冰，看似簡單但真係好好食，我地因為太飽所以兩人只叫左一碗，下次一定會留肚食足一碗。

呢晚黎到火水爐，成日都好想試下，因為經過旺角好多時都會行經呢度～佢個門面充滿住懷舊色彩，上埋條樓梯就入到鋪入面～～ 黎呢度一定要book 定枱，我地平日夜晚黎已經好多人，book 左位都要等一等先入得～～ 一坐低店員就放低左車醬俾我地混醬！全部都好新鮮亦都係打邊爐必點既醬料！ 呢度任食258$一位再加一～ 普通可樂、雪碧任飲～ 如果係特別d既野食就另外加錢叫～我地就覺得佢任食餐牌內既食物都好夠食同質素都好好，如果你想食再靚d既牛就可以加錢叫～ 入座就跟人頭送海鮮拼盤！海鮮包括有： 蜆：完全冇沙！碌到岩岩熟拎上黎超鮮味！ 海蝦： 勁彈牙！絕對新鮮唔係雪藏貨！仲好有蝦味 蠔： 蠔都好有蠔既鮮香味！一人一隻老實講都真係唔係好夠喉！ 脆肉鯇：perfect!!!! 我地叫左唔夠加錢既花膠雞湯，雞湯好正！真係有成半隻雞係入面！！！仲要係雞脾！不過就要趁早食左d雞或者夾起佢，如果唔係會愈煲愈鞋～～個湯都好甜，好有營養，飲完覺得好養生！ 同埋叫左個湯底冇耐店員就送左d即食既陳皮魚蛋同炸燒賣黎～完全唔驚等個湯黎會餓親～燒賣熱辣辣岩岩炸起....好邪惡，但愈邪惡既野先愈吸引人食！陳皮魚蛋就係水準之上～

餐廳裝修好有懷舊風味我幾鍾意而且好地道午市火鍋套餐$88基本上份量都已經好足夠。已包鍋底揀、一款肉類、八款配料及一個麵食，仲有飲品一罐添！超級抵食！如果唔夠仲可以加配其他配料，價錢都非常實惠。湯底我就加$20叫咗一個花膠雞湯，花膠雞湯足料，入邊亦都唔少雞，味道夠香夠濃，仲有花膠，值得加。另外一個就叫咗普通老火雞湯，亦都夠味。配料有蔬菜、粟米、陳皮魚蛋、貢丸、午餐肉、炸響鈴、腸仔、芋絲、雲吞及水餃。打邊爐最緊要係肉，安格斯牛肉及頂級牛小排都幾好食，另外仲加咗個廣島蠔及黑毛豬，品質都唔錯。午市打邊爐真係好抵食！

去完旅行之後當然要約朋友交收手信啦，好耐冇食打邊爐，我就提議去旺角食任食打邊爐。任食邊爐湯底有兩款選擇，我地揀咗招牌既濃厚花膠雞湯鍋。上面冇寫價錢既配料都係免費任食架，好多選擇！個鍋入面有勁多大大舊既花膠，仲有好嫩滑既雞件，除左花膠同雞件外，仲有好多其他配料，令到湯底好濃郁。之後可以自己調配醬料。火鍋跟了一大盤海鮮，入面有蠔、蝦、蝦滑、魚片同蜆，全部都好新鮮。食完海鮮，就到食肉時間，我地點左好多牛肉同豬肉，肉味濃郁又新鮮。呢一餐真係食得好滿足啊，最後仲有甜品送。

今日放工，相約朋友去打邊爐聚下，一大班人最適合就係食火鍋雞煲，順便打邊爐。經朋友介紹，我哋就去咗位於旺角煙廠街水火爐，環境好有特色，充滿舊式香港風味。整個感覺好有懷舊feel，非常復古。我們選擇了花膠雞安格斯海鮮火鍋套餐。雞煲可以選擇招牌麻辣花膠雞煲或者濃厚花膠雞湯鍋。因為不是每個人都食得辣，所以我們點了濃厚花膠雞湯鍋，感覺更加滋潤養顏。花膠很大片，很有膠質，入口滑溜，好味！雞湯很濃郁，非常清甜。裏面還有冬瓜吸收晒雞湯味，很腍，香甜。餐前小食有炸燒賣和魚蛋，非常酥脆。首先上枱會有一份時令海鮮拼盤，有新鮮海蝦，生蠔，海蜆，墨魚滑等等。海蜆很鮮甜，沒有沙，加上濃郁的雞湯精華，更帶出海鮮甜味。特級安格斯牛任食，牛味濃郁，有嚼勁。味道很不錯，夠新鮮。我們都有點到其他配料，包括芝士丸，豬紅，韭菜餃等等。選擇都有很多，材料亦上得快，全部都很乾淨同新鮮。最後還有精美甜品，是十分懷舊的紅豆涼粉冰，味道不會太甜，在夏天吃非常清涼。

今日天氣有啲凍， 我出咗旺角同個舊同事打邊爐。呢間鋪頭個名好特別，叫做火水爐。而且裝修好有香港嘅懷舊味道，但係同時亦都有現代感，我種感覺好得意。連啲餐具都係好友香港懷舊嘅特色， 幾鍾意呢間店嘅裝修未正式食火鍋之前佢會比啲小食俾你，有椒鹽炸燒賣同魚蛋，都係第一次食火鍋有呢啲前菜我哋叫咗佢一個套餐，裏面包一個花膠雞煲，其他配料就任叫，花膠非常之多，好厚身好肥大，加埋啲麻辣汁一齊食非常之嘢味，而且啲雞好肥美， 真係食唔停口餃子都幾新鮮,墨汁墨魚丸好好食有好香嘅墨魚汁味竟然有炸過嘅油炸鬼叫仲有呢個海鮮拼盤，啲蝦同顯都好新鮮安格斯肥牛都係任叫嘅最後仲有個好靚嘅台式甜品呢一餐真係好豐富同埋呢個價錢食到咁多野同埋咁高質都算唔錯

好耐冇試過午餐打邊爐，今日來到旺角，試下呢間火鍋店，火鍋店位於煙廠街，晚市不嬲都係供應火鍋，但午餐都有，就應該係最近嘅事。餐廳裝潢好特別，好有懷舊風味，沿著樓梯上去，一路都見到好多海報，好似舊式戲院。餐廳位置不少，貫徹主題，好多細節都係走懷舊風，油燈、綠白階磚、收音機、大排檔枱櫈等，都幾啱打卡。呢個一人火鍋套餐幾抵食嘅，一口價88蚊位，包左鍋底，一款肉、數款配料例如丸類、蔬菜同埋麵食、汽水一罐，唔收加一同豉油錢。如果一條友諗唔到食乜，都幾過癮。當然啦，覺得唔夠食，可以額外追加配料，例如特級安格斯牛肉每份28蚊、蔬菜類每份10蚊。鍋底分三款：老火清雞湯、招牌麻辣湯同濃厚花膠湯(+$20)，我地點左麻辣湯同花膠湯。湯底中規中矩，麻辣唔會好辣，微微麻，起碼唔係會太鹹。花膠湯都幾香，入面有大件花膠同幾件雞肉，湯頭濃稠，飲番兩碗先開始打邊爐。肉類方面有美國珍寶肥牛、黑毛豬肉片、羊肉片，可以加錢升級特級安格斯牛肉(+$10)或頂級牛小排($20)。我地點左美國珍寶肥牛肉黑毛豬肉片，肥牛都ok嘅，唔會太老或者太韌；豬肉片薄身，唔會太肥膩。特級安格斯牛肉 28頂級牛小排 38明顯肉質較好，肥瘦均勻，而

本約好朋友旺角午餐，但朋友突然有事，即是＜我比人放飛機＞，所以今天午餐要獨食。看到這特別的店門張貼著午市一人火鍋餐牌，好奇之下，唯有一試。樓上果然雅座，還有大電視可看球賽。 下單後，慢慢等待一人火鍋來到！ 註：曾在快餐店享用一人火鍋，食到中段，就會有其他客人站在身邊＜等位＞。雖然叫做等位，其實以監視的目光，增加無形的壓力，迫你快快食完，然後讓出座位。　　自己不喜歡這種被監視的火鍋模式囉！今天，可以試試悠閒地一人火鍋了！一人佔據一張大枱，無需比人啤住，爽！ 環境比滿分！老火清雞湯  有貴氣菜：黃芽白！先把粟米下鍋，然後是陳皮魚蛋＆玉米貢丸耐煮的東西，留在鍋過慢慢煮。待湯底再次滾起，就要放入牛小排了。 頂級牛小排　　難得出旺角，就想要食好一點。加錢升級為牛小排。在鍋內浸呀浸，慢慢地把牛肉浸熟！在粉紅色剛消失的一刻，就是牛小排最嫩滑的口感！ 靚靚牛肉，無需沾任何醬料，已經很美味。  響鈴　火鍋必備的配料！不過自己喜歡把響鈴浸至軟綿綿。  午餐肉＆香腸　　自己喜歡這種邪惡的食材！只是平時很少機會買回家。  生菜　　嚐過多款肉肉，要食菜，扮健康！ 芋絲札　　稻庭烏冬　留在最後才下鍋，吸盡湯底精華

13度天氣涼涼地，最岩食雞煲火鍋了。朋友推介了一間MK便宜有水準既雞煲火鍋，收工近近地去食個晚餐！選了BB辣花膠雞煲加任食火鍋258套餐！坐底左無耐店員就端了小食及辣雞出黎！脆脆小食有炸燒賣魚旦，很地道！雞煲BB辣，雞肉是金黃色，滿滿醬汁好野味，有水準，而花膠夠份量，滿滿骨膠原😋我們二人都食到停唔到口！加沙嗲湯底食完辣雞，就可以order下火鍋配料！店員簡單介紹了配料！配料很多選擇，我地order了牛、豚肉、丸類和蔬菜等等。這裡的本地牛肉夠新鮮、肉質腍身。牛味都幾出，仲係切得好薄tim，淥40秒左右岩岩好👍🏻海鮮拼盤有蜆、蠔、蝦🦐及魚滑蠔夠鮮味大隻，個人特別喜愛吃墨魚滑夠Q彈！食完辣雞肉類，當然要食點疏菜！貪佢健康d也可以平衡一下雞煲既濃味😋

近幾年雞煲不再是只有干鍋的那種現在有很多餐廳都是用上比較名貴材料例如是花膠、鮑魚、海參、等湯鍋先吃完湯鍋再另上一鍋湯底作火鍋吃這次來到的火水爐就是雞湯鍋上用上了花膠的其中一間就來入凍了當然要吃些骨膠原補補當然你可以點平常吃得到的干雞鍋當下單湯鍋後在湯鍋煲滾的期間待應會先上餐前小食炸燒賣這個真的是滿滿的回憶中學時常食的加上這裡懷舊的裝修真的很有回憶濃厚花膠雞湯鍋小食後湯鍋都差不多可以開蓋吃了一打開有已經覺得湯底很濃還有濃濃的雞味飄上來剛剛煮完的雞很嫩滑而且花膠的份量也不少整個鍋就像燉湯一樣很多料也很好喝食完雞湯鍋後可以叫待應拿來點了的湯底這次點了沙爹湯底果然的沒令我們失望吃沙爹湯就是要吃有點杰的湯會比較容易掛在食物上這樣會比較好吃味道不會過咸海鮮拼盤這海鮮拼盤是算人數送的內有蜆、蝦、魚片、蠔還有墨魚滑這個墨魚滑爽口彈牙特級安格斯牛/美國珍寶肥牛安格斯牛的脂肪比美國珍寶肥牛的少喜歡肉味比較強的可以選擇安格斯牛而喜歡油香味可以選擇美國珍寶肥牛黑毛豬黑毛豬是不吃牛肉的人最佳代替品現在黑毛豬的味道我覺得也是不輸給牛肉的吃下油香滿滿有種獨特的香豬肉味還有不得不提這裡的鵝腸爽口得來帶點肥膏不會只有一

上星期六係隔離食完飯見到E間火水爐出面嘅裝修幾懷舊📻📺, 用六、七十年代嘅電影院線做主題🎞🎬, 感覺幾正😯 所以今個星期六就同男朋友嚟試試佢😆 上到嚟果然懷舊味道十足, 打卡一流🤳🏻!午市做緊一人火鍋套餐🥘, 可以揀老火清雞湯🐔, 招牌麻辣湯🌶同濃厚花膠雞湯做湯底! 除左配料之外, 所有野都係任揀一款!肉類有:美國珍寶肥牛🐂, 黑毛豬肉片🐖, 羔羊肉片🐏, 特級安格斯牛肉🐂同頂級牛小排🐂!麵食有:稻庭烏冬同即食麵🍜套餐包一罐汽水🥤我地揀左兩個火鍋套餐再追加幾樣配料😋招牌麻辣湯底🌶湯底味道香濃惹味, 夠辣夠麻, 大部分食材基本上淥完都唔洗沾醬!濃厚花膠雞湯湯底雞湯湯底味道濃郁, 花膠膠質豐富, 肉質厚實, 口感Q彈爽口, 入面仲有雞件, 吸哂湯底嘅精華, 好味!配料有: 蔬菜🥬, 玉米🌽, 玉米貢丸, 陳皮魚蛋, 炸響鈴, 腸仔同芋絲! 📢特別推介玉米貢丸, 玉米鮮甜, 貢丸質感爽口而且十!分!彈!牙! 超推介!👍🏻黑毛豬肉片🐖豬肉片色澤粉嫩, 口感軟腍, 味道唔錯!美國特級肥牛🐂油脂香味濃郁, 口感唔錯我地之後再追加左炸響鈴, 午餐肉, 頂級牛小排, 廣島蠔同咸檸7️⃣頂級牛小排🐂牛小排油

旺角煙廠街，遠遠就看到模仿舊式戲院既餐廳，裡面一樣裝修特別，80年代設計，而且價錢唔貴，$258/位，任食任飲😍㨂左濃厚花膠雞湯鍋：湯底奶白色，等煮滾就可以先飲湯，味道濃郁，花膠足料，但冇食晒雞🤣留肚食火鍋🍲飲完我地轉左個濃味沙嗲湯底：沙爹香而不辣，適合重口味既朋友😀安格斯肥牛：有牛肉味，高質素👍不勒炸響鈴炸魚皮：沒有油益味，尤其炸魚皮炸粉薄薄，一塊接一塊🤣🤣🤣食唔停口～海鮮拼盤：有五款，墨魚滑彈牙，蝦非常新鮮，反而魚片帶有小骨，我比較喜歡魚腩，友人就覺得不錯。蜆同蠔 整體都屬新鮮👍🏼黑毛豬肉片：比起牛肉更出色，有肉味之餘，肥瘦適中🤪🤪叫左幾轉～食飽之後最驚喜既，有台式甜品，雜果涼粉紅豆冰，非常小見，打完邊爐食下冰，勁爽👍🏼👍🏼👍🏼

火水爐好耐之後已經聽過 早幾日食糖水經過見到原來係甜牙牙對面 咁岩黎緊又要出旺角 就過埋去book位啦我地好早18:00就去食 已經有2桌客 之後陸陸續續好多客 有walkin客都接唔到 所以好彩有book位咋這個時段分2個價錢 一個係$258花膠雞加海鮮加安格斯牛 另一個係$298都係花膠雞加海鮮 但就係再配牛小排 後我都就點左$258海鮮雞煲配安格斯牛未見煲 先個小食 黎個燒賣魚蛋墊墊胃 炸燒賣幾出色 脆卜卜😆😆先是一個花膠雞煲 好香呀！花膠超大塊 唔會好味精 我飲完一碗又一碗 哈哈 而且雞件都幾多下 應該有半隻雞 唔係好食得曬😂本身係可以換湯底 有沙嗲 麻辣 莞茜等等 不過我幾鐘意個花膠雞湯底 好好飲 所以冇轉到 繼續用返花膠雞慢慢打然後就先食海鮮啦！有蝦 有蜆 有魚 有墨魚滑 超讚個墨魚滑 好好食 好彈牙 內重有墨魚肉口感好好 另外重有蠔 大大隻 唔好猩 海鮮類佢都幾新鮮👍🏻之後就任點任食啦 連安格斯牛都係任食架！同肥牛差好遠 肉色偏紅同埋脂肪比例較少 牛味都幾出 任碟大約4片 可以就返自己個胃 唔會嗌到食唔曬另外就點左芋頭 芋絲 木耳 同埋不停再重點既魷魚🦑 佢好好 每份份

今晚又遲了下班，在旺角找吃的就最方便。去到煙廠街見到大大個招牌寫住火水爐，知道屯門都有一間分店，旺角呢間就未試過，一於來個花膠海鮮火鍋任食兩小時！每位$258加一服務費，這裡的好處是開到凌晨2時。門面懷舊裝修，模仿80年代戲院，要上一層樓梯才到餐廳，沿路都貼了懷舊電影照，但細心看其實是火水爐自家設計的poster呢！很有玩味！一就坐便送上調味配料，全部少份量放在碗裏，以確保調味料的新鮮度。還有餐前小食是炸魚肉燒賣和魚蛋， 知道打邊爐要等待水滾，這個時候有小食就不用飢腸轆轆，流口水的樣子，十分貼心。我們選了雞湯，不吃雞煲，天氣熱，覺得有湯的比較滋潤，而且是花膠雞湯啊。花膠有兩大片，滑嘟嘟，而且吸收了湯味很香甜，雞肉雖然在湯裏煮，但仍然很嫩滑。食完雞，可以加湯打邊爐。套餐的海鮮拼盤已準備，四隻蝦又大隻又新鮮，吃下爽口又鮮甜。 還有很多蜆，加在雞湯裏煮，甜上加甜，全部都開口沒有沙的。 脆肉鯇，大片又爽口，魚肉香味極濃。 最鍾意廣島蠔，鮮甜又有海水味，輕輕灼熟，裏面仍然很creamy。 墨魚滑，裏面有墨魚粒粒，口感煙韌。肉類方面，可以任吃的有美國安格斯牛，美國珍寶肥牛，和黑毛豬肉片。最喜歡美國