火水爐冰室火鍋

營業中

休息中

今日放工，就約同事收工去打邊爐，去咗公司附近定旺角火水爐，知道佢有一個牛小排花膠火鍋放題套餐，聽落非常之吸引，所以就去試吓！餐廳裝潢非常懷舊，很有70年代感，牆身圖畫色彩鮮艷，非常繽紛，好有心思。這裏的放題套餐會先食雞煲，再加湯打邊爐，我們首先點左招牌麻辣花膠雞煲。麻辣花膠雞煲非常惹味。雞肉非常嫩滑，而且很入味。麻辣味道很香口，雞肉帶有雞皮，皮薄爽滑。花膠份量都唔少，充滿骨膠原，非常有彈性！估唔到花膠同雞煲一齊食係咁夾！食完雞煲就落湯打邊爐。雞煲裏的麻辣醬令到湯底亦都非常濃郁惹味！首先身為食肉獸的我，當然要叫勁多牛！牛小排牛肉和脂肪分布平均，牛味濃郁，感覺是高質牛肉。牛頸脊比較厚身，有嚼勁，一啲都唔鞋。牛板腱牛味香濃，肉質較腍，越嚼越有牛香。除咗牛肉當然仲有其他火鍋配料。南瓜，蘿蔔，當然要加入湯底之中，吸收了湯底所有雞煲，牛肉，麻辣的精華，非常好吃。牛柏葉，豬紅，魷魚等等，全部任飲任食。還有很多新鮮蔬菜，生菜油，麥菜，粟米，樣樣都好乾淨，新鮮，衛生唔錯！整體一個價錢大約三百，但真係食得好飽，味道都好唔錯，雞煲係幾正！

之前過開嚟呢頭食糖水嘅時候，見到佢呢間火鍋店嘅門面都俾佢吸引咗，一直想試，今日終於可以做埋男朋友過嚟一齊食。原來入邊嘅打卡位仲多，不過因為可以上載嘅相片有限，所以我都係留番啲quota嚟講吓啲嘢食。一坐低佢就俾咗啲醬料俾你溝醬，雖然我哋應該係今晚嘅尾水，但係見到佢嗰啲配料絕對唔係甩皮甩骨人哋用剩嘅賣剩蔗，反而碗碗都好似好新鮮咁。然後當你揀好餐之後佢就會想買餐前小食，一個係炸陳皮魚蛋一個係炸燒賣，雖然陳皮魚蛋冇乜陳皮味但係都好彈牙，而且佢呢隻魚蛋係炸好味過淥。湯底六揀一，我揀咗佢嘅招牌麻辣花膠雞煲，我揀咗小辣，我覺得辣到啱啱好唔會蓋過晒雞同埋花膠本身嘅味道。入邊除咗洋蔥呢個仲要配菜之外，仲有豆卜同埋豬皮，呢兩樣嘢都係索晒執之後好好味。最重要嘅係煲入邊有兩塊大過你塊面嘅花膠，同男朋友一人一塊，補充骨膠原，唔洗爭。而佢啲雞好入味之餘又唔會太老，好味到連雞皮都食埋。食完雞之後，就可以加埋濃湯嚟打邊爐。佢呢度係真係幫你加湯唔係加水，所以唔需要擔心加完太多湯之後會冇晒味。打邊爐必須要有嘅就係牛，而呢度有四款牛俾你揀，分別係牛小排，牛頸脊，牛板健同埋普通肥牛。肥牛就食得多，今晚就試吓其餘果三種。首先

跟朋友聚舊打邊爐，選了旺角的火水爐。朋友無牛不歡，這個任食火鍋有多款牛肉放題就最合適。安格斯牛小排牛味較濃，較有口感。黑毛豬薄身，快熟。美國肥牛雪花靚脂肪平均，入口有溶化的感覺。碧綠莞茜皮蛋花膠鍋，莞茜控又養顏女友最喜歡。花膠大大塊而且都腍。配料有很多種選擇，最後選了爽口的鵝腸，無渣鮮甜的蘿蔔，嫩滑豆腐、口感更多的蜂巢豆腐、豆卜、魚蛋、龍蝦丸、莞茜、唐生菜、金菇菜及油麥菜。L 本著量力而為精挑細選食材重質不重量。當然不可缺少的脆口魚皮。餐前小吃的炸魚蛋及炸燒賣都不錯。最正是有清涼茶及甘蔗水選擇，最合適打邊爐。醬料選擇不算多，但志在提升鮮味。星期一至四更有八五折，這裡地點就腳，食材亦算新鮮。每枱分隔較開，坐得較寬敞。

呢排都勁想食雞煲打邊爐，今日就嚟到旺角呢間火水爐！佢嘅裝修都係比較懷舊，似係老式香港咁！我哋就揀咗要左個牛小排花膠火鍋火鍋放題，湯底就揀咗招牌花膠雞煲，咁就可以食完雞再加湯打邊爐！佢個雞煲相當啲足料除咗雞之外仲有好多豬皮豆卜同埋花膠！店員幫我哋教咗幾分鐘鬧鐘，等響左之後就可以即刻食雞！花膠勁大塊啲雞酒好有雞味，如果雞煲汁都非常之惹味！豆卜同埋豬皮浸左啲雞煲汁之後再食非常之惹味！牛小排非常之肥美，好有牛味，然後頸脊就啖啖肉，使我都有勁香既牛味！同埋d野食都來得好快～我哋都叫咗好多菜例如係油麥菜娃娃菜等等～佢啲炸魚皮都好脆口！勁好食！飲品方面佢就剩係得汽水係免費，如果想飲烏龍茶嗰啲就要加錢啦，不過淨係飲汽水都已經夠啦！晚市呢個時間仲有八五折！都真係幾抵！

呢間懷舊主題嘅餐廳，真係勁適合打卡，由上樓梯見到懷舊電影上映嘅告示，到餐廳入面嘅裝修，基本上餐廳每一個角落都充滿懷舊嘅味道食物方面呢間餐廳係食打邊爐嘅，但係原來睇餐牌呢度仲有做車仔麵，呢度主打嘅係花膠，無論打邊爐同車仔麵都會有花膠打邊爐佢花膠嘅配搭都好多，可以係麻辣雞煲，又可以係麻辣鴨血煲，連胡椒豬肚都得，今次我哋就揀咗濃厚花膠雞湯鍋，塊花膠有兩塊，每塊都大過我隻手板，而且好彈牙，絕對食過返尋味！未打邊爐之前我仲飲咗兩碗雞湯，真係好幸福！開始之前我哋叫咗兩款小食就係炸陳皮魚蛋同炸燒賣，咪講笑，陳皮魚蛋彈牙，炸燒賣粉粉地非常之正☺️牛肉質素亦都非常好，雪花肥牛、牛肩脊同和牛小排，除咗牛肩脊肉比較瘦之外，肥牛同牛小排都有啲脂肪伴住，肉味濃郁，抵讚！其他仲有好多配菜叫，我哋叫咗水餃、雲吞、粟米、牛丸、炸魚皮等，我覺得炸魚皮係必叫，因為呢度嘅炸魚皮嘅調味好似特別好味，哈哈！當然加錢仲可以再叫海鮮啦😍除咗打邊爐之外，其實餐廳仲有車仔麵食，如果大家唔想咁Heavy打邊爐，就試吓車仔麵啦😉呢間餐廳嘅店員服務超級周到，又有禮貌，真係食得超級爽嘅一餐

過左個冬天之後，就有一排冇打邊爐😙但係打邊爐係香港人最鐘意既開餐選擇之一，只要想打，無論何時都可以打到😌😌😌所以今晚慶起，就喺旺角揀左間門面幾得意又搶眼，行懷舊風既火鍋店黎食坐低當然叫左個湯底先🍲湯底選擇都唔少，沙嗲、芫茜、胡椒豬肚等等我地就整個花膠雞湯啦，一黎唔會好濃味二黎又潤潤地唔好咁燥熱肚餓等唔切個煲滾，叫左炸燒賣同炸魚蛋泰式辣醬 貼心在唔係炸完攤到凍哂 係仲熱辣辣既食物選擇種類唔算非常多，但都夠我地食牛小排、牛頸脊、牛板腱，全部黎一份黑毛豬、響鈴、蘿蔔等等唔算叫左好多款，但就款款個量都幾多👍🏻野食黎之前，自助醬料就埋位野食黎之前混下醬，特別開心雖然醬係得麻醬，但有齊生炸蒜、芫茜、蔥同辣椒同埋醬料放喺車仔上面，整整齊齊乾乾淨淨，唔錯啦湯底一上，掀蓋望一望先嘩，兩塊咁大既唔係花膠雞湯既花膠嗎？！成塊臉咁大舊，仲要有兩舊tim，而且雞件都唔少，十分多料湯底咸味適中，唔會成陣味精味。唔想太重口既人，叫呢個就岩哂牛肉同黑毛豬好快就黎打頭陣一次上哂四碟肉，而且肉既份量絕對唔係一人得一塊咁少鋪滿成個碟，仲要大大塊，而且質素睇落非常唔錯，見到都覺得可以大拆一餐😋本人意見係...整體肉質最好既係

見到open rice咁多好評就諗住嚟試吓懷舊港式邊爐啦，星期六夜晚7:15到，唔洗等位直入，嗌咗嗰中等價錢嘅set，成人每位正價$268+1，出邊好多連鎖邊爐餐廳都平過呢嗰價。湯底嗌咗沙嗲湯，嗰底到好多花生，但係食落又唔係好重味，不過食完好頸渴就真嘅，佢主打嘅花膠有2大塊，食落係冇味嘅，同豬皮嘅味道係一樣，唔好有咩期待，以為佢會好重膠原嘅感覺牛嘅質素仲要好好多，基本上肉選擇亦都好少，總共得4款，3款牛，1款豬，冇雞嗰啲，美國肥牛，牛頸脊同牛小排，得牛頸脊有少少肉味，其他大部分都偏韌，同埋啲拎出嚟嗰陣啲肉根本都未溶雪，仲係硬梆梆，好似凍肉舖幾十蚊嘅質素。豬肉好食過牛好多，除咗呢4款肉之外係冇其他肉類同海鮮，除非你又係加錢遂碟嗌蔬菜同丸類都係正正常常，選擇都大路嘢，款式唔係太多，最好食係墨汁丸食得出墨汁味，唔錯嘅嘢飲方面只係得可樂，雪碧同忌廉簡，其他所有飲品，係所有(包括烏龍茶同水嗰啲) 都係要另外加錢，收得呢嗰價錢嚟講真係孤寒咗啲用餐時間90分鐘，食咗1個鐘就會last order，其實打邊爐嚟講真係好趕，加咗1次單就last order，同埋店員會好趕住叫你埋單，同埋一夠鐘就係咁行埋

自己一向都鐘意啲懷舊嘢，係旺角見呢間鋪頭裝修到 70，80 年代既香港風貌，所以成功吸引到我既留意同幫襯。🥰今日就約咗朋友嚟呢度試下，經過門口嘅火水爐丸線售票處，行咗幾級樓梯就會到接待處，餐廳用咗火水爐砌咗幅牆，地磚就用上舊式花紋、而且重有舊式收音機、舊式字體、舊式畫風既電影海報、舊式花紋既餐具同數十張經典既木枱，加上配合燈光既色調，令我有時光倒流二十年嘅感覺，不過如果職員啲衣着都係 70，80 年代果啲款式就更正喇。😝另外呢度仲會有得睇足球添，同啲老友睇住波打邊爐都咪話唔正。叫咗安格斯牛小排花膠火鍋放題套餐，湯底揀咗濃厚花膠雞湯鍋，除咗某幾款食品要額外收費，大部份火鍋配料都唔使錢，肥牛都有幾款揀啱晒牛魔王，食到幾多就睇你自己有幾本事 😝 而且餐廳黎食物既速度好快十分抵讚。花膠成隻手掌咁大塊，而且花膠同雞都有好多，所以湯底味道好濃郁，其他配料都唔錯，牛柏葉、水魷、鵝腸亦好新鮮。👍🏻不知不覺九十分鐘既法定時間到了要埋單，又要返去做現代人，離開時收銀處位置重有啲醬料比顧客選購。

火水爐冰室火鍋 (旺角).古早秘製麻辣鴨血花膠鍋.任食午市火鍋，其實之前都已經嚟過食晚餐，今次就揀咗晏晝過嚟食，食飽啲都有時間消化！想食鴨血必叫麻辣湯底，個花膠超級肥美勁大片，滿滿嘅骨膠原，鴨血多但唔算好索味！麻辣火鍋食鴨血真係絕配，同埋呢度好貼心，就算麻辣湯底我唔係好食得辣都可以嗌小辣！.任食肉我哋叫咗牛頸脊，牛小排同牛板肩，牛頸脊好香好惗身，另外任食配料有粟米蔬菜🥬呢啲基本啦，另外仲有特別啲嘅丸類，有粟米貢丸，芝心丸等另外有得任叫小食，有我最鍾意食嘅魚蛋燒賣！ ！ 係炸魚蛋同燒賣，仲有泰式辣醬配！嗰隻燒賣好好食我encore左三四轉另外海鮮我哋試咗佢嘅虎蝦同埋生蠔🦪生蠔1分四隻超肥美，個虎蝦肉都好甜!!.而飲品方便呢度只有汽水係免費任飲，如果大家想飲其他嘢嘅話就要另外再加錢，晏就我必定要飲杯咖啡醒醒神.—————————————————-環境：⭐️⭐️⭐️⭐️⭐️味道：⭐️⭐️⭐️⭐⭐服務：⭐️⭐️⭐️⭐️⭐️價錢：⭐️⭐️⭐️⭐️.📍 火水爐冰室火鍋 (旺角)旺角煙廠街33號朗廷軒1樓

旺角都很多食肆，今日來到旺角揀了懷舊的70年代風格餐廳火水爐，當然，我今晚看中的是餐廳新推出的花膠雞煲套餐放題。坐下后，餐廳先奉上餐前小食，炸燒買及炸魚旦，可以一邊食一邊揀湯底及菜式。我們要了個花膠雞煲鍋，湯底絕對非常的足料，裡面有非常多的雞件及2件大大件及肥厚足料的花膠，煲上約10分鐘，我們先飲湯底及食雞件，湯底濃郁清甜，這個雞煲真是真材實料，非常抵食，淨這個雞煲，已經感覺非常抵食。餐廳有很多放題的火鍋配料 ，任揀任食！黑毛豬肉黑毛豬肉有少少爽口，肉味及口感比一般的豬肉當真有點不同，帶爽口及味道頗濃。牛小排 牛小排驟眼看來有點似和牛， 切得很大件，顏色鮮艷，牛肉味頗濃， 乃是高質牛肉！美國肥牛美國肥牛也是切得很大件， 廚師切到長長的一塊， 大約灼上六至七秒就可以食，非常美味。放題還有非常多的選擇，我們要了喜愛食的: 牛柏葉、炸魚皮、炸枝竹、皮蛋、 鵝腸……等， 蔬菜類要了:芫茜、油麥菜、粟米、生菜……等，還有多款飲品任飲， 任飲任食，真是食得飽足又滿意！！

今日朋友放假，約我食晚飯。咁啱行過附近見到一間裝修懷舊嘅餐廳，好特別，原來係打邊爐嘅，咁啱朋友又好想食，咁就上左去。餐廳响閣樓，係七八十年代嘅裝修同擺設，樓梯旁邊有好多火水爐，就係佢哋個舖頭名。燈光淡黃，好有氣氛，環境乾淨整齊。我哋叫左個安格斯牛小排花膠火鍋放題套餐，我哋揀左濃厚花膠雞湯做湯底。花膠好大塊呀，雞有好多，仲有一啲白蘿蔔同冬瓜，非常足料，未打邊爐前梗係先飲一碗湯。湯味道濃郁，好有雞味。花膠入口滑滑，好養顏呀。白蘿蔔同冬瓜最後先食，又淋又入味。餐前小食係炸燒賣同埋炸陳皮魚蛋，仲跟埋一個甜酸醬。外皮炸得脆脆，兩款都好好食。我哋叫左三款肉類，賣相唔錯。牛頸脊(左) 切得厚身，比較瘦，食落有質感但一d都唔韌。安格斯牛小排(中)肥瘦分佈平均，食落覺得比較滑。黑毛豬肉片(右) 入口軟熟，豬味道濃，厚薄適中。三款我都鐘意，係食肉獸之選。朋友好鍾意食炸魚皮，佢話呢度啲炸魚皮夠大塊厚身，唔會碎曬，就咁食都好脆，浸湯食一樣滋味。另外都叫左南瓜，芝士腸，魚皮餃，醬爆魚丸，金菇菜同埋莧菜。呢度份量好好，每人一粒，咁就可以樣樣都食到。魚皮餃好大粒，肉味重，好香。爆醬魚丸好彈牙，裡面d肉好好食。其他各

價錢高，嘢食麻麻，態度差到一個點，唔講以為殺咗佢全家咁，一開始都冇問題，提前半個鐘開始不得了，好似趕住投胎咁趕客，提前半個鐘last order ，跟住收錢。OK，冇問題跟住仲有五分鐘就開始執臺，唔準你再煮，再收走湯底，煮熟嘅嘢都唔俾機會你吃，跟住仲要收埋你對筷！話超過時間收錢，依家係超過時間嘅機會都唔俾你！冇下次垃圾舖食之前只係睇圖，覺得OK，唔記得睇劣質評價，食完一睇，不得了，趕客唔係一日兩日香港咁多間打邊爐，唔洗係呢度花錢受罪

美國肥牛一片有三份一是脂肪。一個餐勝在平及乜都有，份量算多，但都係跟d普通急凍野。湯底幾好，料多味濃。服務ok。但要求食好野就吾好黎呢度，一分錢一分貨，一班人聚吓呢度係可以，食完仲可以去周邊d糖水店食下round

禁晚市堂食前打邊爐 如果唔係都唔知幾時先有得去😅😅花膠雞煲大概$298任食 食物種類都多😋不過就無乜海鮮 唔太適合鍾意食海鮮嘅朋友環境係懷舊香港風味 幾有特色好多小細節 可以滿足喜歡影相打卡嘅人 🍲🍲湯底揀左花膠雞湯 味道正常但好足料最正嘅有兩塊好大嘅花膠 真係接近A5 size🤣煲到好淋一大啖花膠咁食勁滿足!!🎏🎏剩係食個花膠都飽飽地🤣🤣🤣另外雖然係任食 但啲牛都好大碟任食火鍋黎講 價錢算合理😛服務都算attentive 不過唔去太夜去 因為佢地大概0930左右就收枱催人走 依樣就有小小掃興 🤣🤣 但整體都係可以一戰😋😋

火水爐冰室火鍋 (旺角).古早秘製麻辣鴨血花膠鍋.🥰任食火鍋，好想食鴨血所以叫咗呢個鴨血花膠鍋，個花膠超級肥美勁大片，滿滿嘅骨膠原，鴨血又多！麻辣火鍋食鴨血真係絕配！.任食肉我哋叫咗牛頸脊，牛小排同牛板肩，牛頸脊好香好惗，有牛肉味另外任食配料有粟米蔬菜🥬呢啲基本啦，另外仲有特別啲嘅丸類，有粟米貢丸，芝心丸等另外有得任叫小食，有我最鍾意食嘅魚蛋燒賣！ ！ 係炸魚蛋同燒賣，仲有泰式辣醬配！嗰隻燒賣好好食我encore左兩次(⁎⁍̴̛ᴗ⁍̴̛⁎).而飲品方便呢度只有汽水係免費任飲，如果大家想飲其他嘢嘅話就要另外再加錢.—————————————————-環境：⭐️⭐️⭐️⭐️⭐️味道：⭐️⭐️⭐️⭐⭐服務：⭐️⭐️⭐️⭐️⭐️價錢：⭐️⭐️⭐️⭐️.📍 火水爐冰室火鍋 (旺角)旺角煙廠街33號朗廷軒1樓.