火水爐冰室火鍋

營業中

休息中

今日帶咗個外國朋友去食飯 佢對香港嘅歷史十分有興趣 於是就揀咗位於旺角嘅呢間火水爐冰室火鍋店啦入面嘅裝修用咗好多香港嘅復古小物去做擺設 懷舊風同老香港文化另外國朋友嘖嘖稱奇叫咗個安格斯牛小排花膠火鍋放題首先食咗招牌花膠麻辣火鍋雞煲先 雖然只係叫咗bb辣 但係辣汁非常惹味 唔太食得辣嘅朋友都可以點 雞肉嫩滑多汁 花膠超級厚實 食完成個靚曬 女士至愛食住小食先椒鹽炸燒賣 陳皮魚蛋 炸得非常香脆 口感煙韌 好食穀飼牛板腱 肉同肥肉嘅比例啱啱好 比較有咬口 同樣牛肉味濃郁特選牛頸脊 好鮮紅 睇落非常新鮮 牛肉味濃郁美國安格斯牛小排 三款之中油花最多 肉質嫩滑 所以食落好冧其他丸類同飲品都係任點任食 性價比好高

早幾日嚟到旺角呢間火鍋店，行緊條樓梯同去到入面嘅裝潢好有8-90年代嘅風格。#安格斯牛小排花膠火鍋 ($328) 😋好味指數：(7/10) 星期一至四85折 $279 有8款湯底可以選擇，我就揀咗招牌麻辣麻辣花膠雞煲，食完再加湯打邊爐。雖然唔係啲咩貴花膠，但勝在份量多同埋都幾大塊😗佢地嘅雞幾好味，皮薄肉嫩😋佢火鍋配料嘅選擇唔算多，海鮮就要加錢散嗌😣我幾中意小食嘅炸燒賣同炸陳皮魚蛋😙肉類方面安格斯牛小排﹑牛頸脊同牛板腱味道都唔錯，有啲就幾腍，有啲就牛味幾重，可以狂嗌🤣紫菜響鈴好味，仲有玉米貢丸﹑爆漿魚丸同墨汁墨魚丸都值得嗌。另外仲有佢地手包雲吞水餃亦都唔錯😗當然唔小得打邊爐必備嘅炸魚皮啦!整體嚟講雖然配料嘅選擇唔算多，不過雞煲嘅質素唔錯，而且又有得打邊爐都幾抵食。👻溫馨小提示每位收$14醬油費

之前係屯門食過火水爐🔥💧覺得d食物都唔錯今日係旺角行街又想野打邊爐 就食試下佢第2個套餐✌🏻餐廳裝潢好有懷舊感覺💈 環境都幾乾淨👍🏻🐽 安格斯牛小排套餐🐮💰 $328/1 撞正指定日子仲有85折!🤩🤩 精選任食靚肉:安格斯牛小排🐮特選牛頸脊🐮殼飼牛板腱🐮3款都高質牛小排肉質鮮嫩 有大理石花紋🥰🥰牛頸脊油花均勻 口感比較厚身😋牛板腱牛味會再濃d🤪另外仲有美國肥牛 & 黑毛豬🐖簡直係食肉獸必點既套餐🥩🥩🥩🐽 鴛鴦鍋🍲 (+$48)依度有8大招牌湯底 我地就揀左以下兩款👅秘製麻辣鴨血花膠鍋🌶️濃厚蕃茄栗米花膠鍋🍅🌽兩個湯底都超足料! 有舊超大既花膠💫麻辣鴨血好香好麻 唔會太辣 夠曬惹味🤤🤤濃厚蕃茄湯吸收曬蕃茄同栗米既精華 好鮮甜🥳🐽 火鍋料🥚🥟🦑🥔仲有好多款既火鍋料都係任食🤩響鈴 牛柏葉 水魷魚 各款丸類 等等😙墨汁墨魚丸同爆漿魚丸都好推介🦑非常彈牙🤪🤪仲有大量唔同既蔬菜🥬🥦🍅同水餃粉麵🥟🍜超飽飽大滿足🥳🥳

真係好耐都冇打過邊爐喇.完全醒唔起上次打邊爐係幾時.今次係因為朋友仔推介依間邊爐店, 話啲食物質素唔錯喎, 所以就嚟試吓喇.不過間店唔係好近港鐵站或巴士站, 唔熟旺角D路就要花D時間搵喇.佢個門面裝修都幾有特色, 有種懷舊嘅感覺.而店內嘅裝修就有啲似大排檔.雖然間店叫”火水爐”, 打邊爐都係用返電磁爐嘅.如果佢真係用火水爐嚟打邊爐, 應該會更加特別.依間店最出名係花膠火鍋. 佢嘅花膠火鍋都有好多款唔同嘅湯底選擇.想辣D嘅有, 想清D嘅都有.我同朋友仔都鍾意食牛, 所以就揀咗安格斯牛小排花膠火鍋任食放題.其實牛都有分三款, 分別係牛板腱、牛頸脊&牛小排.本來我同朋友都諗住揀中價位嘅牛頸脊, 但係店員就問我地如果鍾意食牛嘅話, 就推介揀貴少少嘅牛小排放題.安格斯牛小排花膠火鍋 (HK$328)講返個湯底先.裡面真係有3片手掌咁大, 而且好厚嘅花膠.雞湯都好好味, 我飲咗一碗先開始打邊爐.打邊爐之前, 可以食咗佢個餐前小食先.不過我覺得個炸燒賣同炸陳皮魚蛋味道都係一般.炸燒賣係冇脆口嘅感覺.火鍋配料都有好多選擇, 你平時少見啲嘅水魷、豬紅都會有.響鈴都有普通響鈴同紫菜響鈴揀.不過其實兩者嘅味

近排成日落雨天氣凍凍地又好想去打邊爐呢間火水爐喺旺角好方便懷舊港式裝潢 好有Feel安格斯牛小排花膠火鍋 $279我哋揀咗特濃花生沙嗲花膠鍋花膠真係好surprise好大件又厚肉花生沙嗲湯底越食越濃郁火鍋配料都有好多唔同款式有幾款牛 豬 丸類 餃類 菜 粉麵 水餃等等火鍋醬汁配料會用保鮮紙包住夠曬乾淨衛生試咗兩款餐前小食 炸燒賣同埋茶陳皮魚蛋上枱熱辣辣好香口最吸引嘅一定係幾款靚牛 特選牛頸脊好嫩滑一啲都唔鞋安格斯牛小排雪花好靚 肥瘦適中 牛味香濃穀飼牛板腱好有韌勁 肉質細嫩黑毛豬都好嫩滑 豬肉味濃響鈴好香脆完全冇油益味其他打邊爐配料都好新鮮 已經溶好雪唔會硬掘掘呢度嘅staff都好nice會主動加湯收碟同會提醒邊啲食物要煮耐啲

一早想黎試下~咁啱幾個朋友一齊去食~環境好特別，好懷舊feel🤭價錢偏上，個邊爐可以試下，最特別係啲碗碗碟碟，堅懷舊~🤣個雞好正湯底有幾款揀，服務都可以，但好多人都係要等位😪

好耐冇打邊爐！今日中午去咗屋企附近嘅「火水爐冰室火鍋」嘆返個火鍋午餐。餐廳供應三種唔同價錢嘅火鍋任食放題套餐，當日我就揀咗價值$279嘅安格斯牛小排花膠火鍋六款火鍋醬料任你自由配搭餐前小食店員先會送上熱辣辣嘅餐前小食——炸燒賣及炸魚蛋，好彈牙，好好食碧綠芫荽皮蛋花膠鍋湯底裏面有大量芫荽、皮蛋同花膠，花膠扒好大塊，骨膠原感覺豐富！湯底味道鮮甜安格斯牛小排雪花脂肪分布均勻，入口香軟，牛肉味濃郁芳香，好好食呢6吋海虎蝦另外額外加咗$28兩隻6吋海虎蝦🦐虎蝦肉口感彈牙，鮮甜美味，啖啖肉，正呀北海道帆立貝另加$38有四隻北海道帆立貝，帆立貝好嫩滑，啖啖元貝鮮香油麥菜碧綠爽脆嘅油麥菜，好新鮮呢任點火鍋配料嫩滑有豆香嘅蜂巢豆腐同腐竹好吸湯墨魚丸同牛丸都好彈牙呢韭菜餃同鮮蝦雲吞好足料

前排有個朋友去左食火水爐度打邊爐，向我極力推介嗰度個花膠鍋，今日經開旺角，所以就上咗去試試。呢度啲裝修好80年代，貼咗好多7、80年代嘅電影海報，有好多電影都未聽過，而且佢用啲枱都係用返以前啲圓形木枱，充滿懷舊嘅氣氛。店內都有好多款自家製嘅秘製醬料，以供顧客購買，醬料強調係香港製造。（本來諗住食完之後買返一樽，但係賣完單急急攞車，唔記得咗買......）我地揀左「安格斯牛小排花膠火鍋」，呢個任食火鍋餐，仲揀左濃厚花膠雞湯鍋，店員推介我哋先飲湯，之後先再打邊爐。未打邊爐前，先落醬佢有一架車仔放哂啲醬料比人自己添加。餐前小食，燒賣同陳皮魚蛋，再點佢哋啲泰式辣醬，都幾開胃。火鍋黎到喇～勁勁勁勁勁勁大塊花膠！大塊到我懷疑佢係豬皮黎！但係經過我仔細嘅品嚐，我好肯定佢係花膠黎！而且啲湯好黏咀，相信係啲花膠溶左係啲湯度。每一種肉類我哋都叫咗一碟，最令我意外嘅係安格斯牛小排，肉同脂肪比例啱啱好，一共叫左三碟，真係好好味

約左個係旺角返工既朋友dinner，今晚突然好想食花膠雞煲，上網搵到呢間火水爐冰室火鍋，走70年代懷舊風格，係人氣打卡火鍋店。時間尚早，好好彩WALK-IN都仲有位。一入門口就見到好多特色裝潢，包括夜總會招牌、老舊收銀機、康樂棋壁畫、舊戲院等等，傢俬擺設都好有古舊feel，岩哂打卡影相。晚市有任食火鍋套餐，最後揀左個牛小排花膠火鍋放題套餐!餐前小食有炸燒賣、魚蛋。揀左花膠雞煲，手掌咁大塊既花膠勁吸引，膠質豐富，厚身又軟滑，好有黏性~雞件嫩滑多汁啖啖肉，香濃雞湯夠哂清甜。打邊爐點少得安格斯牛小排同特選牛頸脊!牛小排雪花均勻，鮮甜滑嫩肉汁滿溢，牛頸脊肉質細緻肥瘦適中，口感極佳。之後試埋穀飼牛板腱，厚薄均勻，富油花，口感爽滑略帶嚼勁。火鍋配料有好多選擇，推薦紫菜響鈴同炸魚皮，響鈴新鮮即炸夠哂香脆，加入紫菜，帶來雙層口感。脆卜卜炸魚皮油而不膩，咬落特別香脆厚實，好鬆脆。手工水餃推薦韮菜餃，皮薄餡靚充滿韮菜鮮香。油麥菜、唐生菜新鮮翠綠夠高纖。飲品揀左竹蔗水，味道清甜易入口。

朋友約飯，本著試新野，但真心失望。。要行上一樓，行動不便就去唔到喔。用摺枱，扮係舊式裝修feel，但感覺有d hea，因為個感覺唔太穩陣，無咩誠意。花膠雞煲，好足料，好多花膠，值得一讚，而且雞件唔鞋，有質素食第二級，牛有幾款揀，除左肥牛唔ok，其他都唔錯梅頭片，好好味，瘦中帶d肥，一定要叫哩個其他配料，真心好一般，求其一兜咁俾你評：唔會再去因為2枱一齊食，叫左都係第二級 $288+1，但佢夠胆有張單係第三級收費(我地第二日先知)，同埋90分鐘，其實唔夠時間食，加上質素唔值哩個價

呢間火鍋店，之前間中都有幫襯，隔咗一年又光顧，食物質素比以前好，只係冷氣太勁，叫侍應調細涷氣溫度佢哋死都唔肯，只願將吹風位調高之後咪《兜口兜面》吹囉！最終極唔願意地比我哋調枱，其後進場的客人，不論大隻男仕，年輕人，一家大細，一坐抵就投訴冷氣過大。店員都解釋一陣就唔凍！我想講真係好“涷”大家下次有機會幫襯就帶定外套，免著涼講返食物，我order 了花膠雞煲，正呀，花膠好大片，雞煲足料夠味，其他火煱配菜新鮮美味。

今次同朋友黎到旺角既火水爐食飯，一到門口就見到非常有懷舊特色既霓虹燈招牌同各類仿舊式戲院既餐牌。沿路上樓梯，四周裝修都好有70年代特色，細緻到連枱櫈同餐具都令人彷似回到過去咁。當中，最有特色既裝修就一定係樓梯旁用大量火水爐堆砌既圍欄同牆上各類型70年代拆出來的招牌。我同朋友叫左招牌麻辣花膠雞煲，店員首先將個雞煲送上，然後提醒我地要先計時加熱。當時間到，店員就主動為我地服務，幫我地處理好雞煲，等我地食既時候可以熱辣辣咁食，非常貼心。今次我地叫既套餐係任食既，大約可以食90分鐘。而餐單上無價錢既食物都可以任叫任食，連牛肉種類都有非常多選擇。先講招牌麻辣花膠雞煲，呢款雞煲非常惹味，連小辣都好足味。材料方面，不單止非常多雞塊，連花膠都非常大塊，仲好彈牙添。之後，我地都叫左少量餐前小食，包括陳皮魚蛋同炸燒賣，非常有本土特色。食到咁上下，店員會主動幫我地加湯底，俾我地打邊爐。肉類方面，我地今次叫左黑毛豬肉片、安格斯牛小排、特選牛頸脊同穀飼牛板腱。先講安格斯牛小排，呢款牛小排睇落似肥牛，脂肪分布均勻，但食落非常嫩滑，入口即溶。至於特選牛頸脊，有一定厚度，牛味十足，但唔會太肥。而穀飼牛板腱，食落非常爽

自從跌咗入勞力士的火坑，我定期都會到廣華街睇吓手錶，每次行到盡頭都望到 火水爐，最近興起尋人記，突然間好想懷念一下以前，今次終於Walk in 有位可以試吓呢度好出名嘅雞煲火鍋啦！安格斯牛小排花膠火鍋 $279任食放題原價每位 $328，碰到我哋指定日子有八五折，仲更加抵食！可以選擇雞煲、火鍋打邊爐仲可以任食 5 種精選靚肉添！成為人氣火鍋店有他的原因，裝潢極懷舊 70年代風格 ，由樓下開始已經感受到舊戲院、夜總會招牌、康樂棋壁畫、懷舊收銀機，沿途可以不停港女打卡，勁有feel！招牌麻辣花膠雞煲雞煲喺呢度八大招牌湯底 Top 1，同我塊面一樣咁大嘅花膠，滿滿的骨膠原，口感勁彈牙，滋潤養顏，又點可以錯過啊！可以選擇雞煲的辣度，我要小辣雞煲已經夠晒刺激惹味，食到流晒汗。餐前小食雞煲未食得首先要咗啲餐前小食開下胃，炸燒賣、炸陳皮魚蛋，好有旺角掃街感覺，正！任食精選靚肉安格斯牛小排、特選牛頸脊、穀飼牛板腱、美國肥牛。本來仲有黑毛豬肉片，點知忘記咗點添！最愛安格斯牛小排 肉質鮮嫩多汁，賣相漂亮，豐富大理石花紋，滾幾秒鐘就食得，因為我個人喜歡品嚐7分熟的口感，滿足！特選牛頸脊部位油花均勻，肉質鮮嫩

有行開廣華街既話, 都應該見過有間叫火水爐既火鍋, 皆因佢個門口好eyecatching, 設計到舊式戲院咁, 沿住樓梯上仲有哂電影海報幾得意。餐廳內籠都一樣有懷舊感, 大排檔式既枱凳, 火水爐砌成既間隔, 帶點麻甩feel~今次揀左牛小排花膠火鍋放題$328/位, 因為可以食齊牛小排, 牛頸脊同埋牛板鍵, 平時出面單點碟牛小排都二百幾蚊, 依個328任食梗係要叫!飲品方面罐裝汽水竹蔗水等等都任飲, 雞煲配汽水一流🥤等緊雞煲黎既時候當然食番個餐前小食炸燒賣同魚蛋先, 香口野實好味, 不過淺嚐好啦因為好戲在後頭🤟🏻招牌麻辣花膠雞煲依個雞煲我夠膽講係我食過咁多個雞煲以黎最足料, 最豐富既一個雞煲! 首先佢有大量既香料好似蒜, 紫洋蔥, 乾蔥, 芫茜依d, 炒埋一碟勁香! 然後仲加左豬皮同埋豆卜, 平時我就唔係幾食豬皮, 但係依個煲既醬汁香濃惹味, 豬皮爽口又索哂d汁, 食到我都追住一件又一件, 簡直係畫龍點睛, 真係要試過先知幾惹味~ 再黎係主角花膠同埋雞, 花膠大大塊兼厚身, 食落無腥味, 雞件有肉地唔會得d骨, 同樣沾滿哂雞煲汁, 辣辣地惹味到不得了~~ 由於依個雞煲豐富又足料, 食完

「火水爐」淨係個名都知係玩香港昔日情懷，呢一代既小朋友可能聽都未聽過，將香港昔日特色一一放在餐廳內，咁有心思，當然要去試下一上到去就見到一排排火水爐好整齊咁排列成一道火水爐牆，地磚用上很懷舊既綠色格仔瓷磚，四周都放左d 懷舊擺設，頓時覺得好似返左以前既香港炸燒賣炸陳皮魚蛋店員先卑左一份香港特色街頭小食，香港的味道，點埋泰式辣醬道更加惹味濃厚花膠雞湯鍋有大大舊花膠係個湯底架，店員會叫客人先飲湯，飲夠後才加水開始邊爐放題青島啤酒襯返個環境，緊係叫青島啤酒啦，配埋戰鬥碗飲，飲勝5款精選靚肉我地揀左可任食5款精選靚肉個款，當中有安格斯牛小排，特選牛頸脊，穀飼牛板腱，美國肥牛，黑毛豬安格斯牛小排脂肪分佈均勻，入口都軟淋，係我最愛其他火鍋配料丸類，蔬菜，餃類，粉麵都係任叫，我地叫左多款蔬菜，龍蝦沙律丸，水魷，牛柏葉，鵝腸，響鈴等等，大致上都新鮮限時90分鐘既任食火鍋都真係幾趕，不過肉既質素都算不錯，但好多食物如海鮮，出前一丁，烏龍茶連水都要額外加錢，真係有少少失望