火五越式牛肉粉專門店 (華生樓) (已結業)

昨天路過，順手去食碗午餐，其實我好趕時間，佢地上菜超快，好感恩。味道係好既，同時，因為我自己都買餸煮飯，牛肉好鬼貴，但呢碗食極都仲有牛，不禁擔心佢咁樣做生意會唔會蝕本呀，好在佢有非常多外賣單，應該都捱得住，堂食既客人人數都去到上限了。伙計定老闆都好有禮貌，俾錢時仲話今日唔好意思。當時我自然反應說唔緊要，無野。回家心裡一想，其實....... 無野唔好啊，唔使講唔好意思啦。咖哩牛筋，其實配飯可能會更好，可能食慣左咖哩配飯，嘻嘻。

今日收工同老婆去左太子食越南野，啲野食平得黎又夠份量，味道仲唔錯！枱上擺放左唔同既調味料。椰汁冰，有椰子肉既椰子水，清清甜甜幾好飲！香茅豬頸肉，夠味唔洗點醬，唔韌夠哂爽口。黃金脆魚皮，即炸魚皮加上咸蛋醬，少少咸脆卜卜。炸軟殼蟹米紙卷，炸軟殼蟹本身比較油，但夾喺米紙卷一啲唔油膩，點埋甜酸汁更好味。黑醋汁蒜蓉牛油雞翼，外皮炸到好香口，再加上蒜蓉調味同黑醋既少少酸味，幾特別！法式咖哩牛肋油香飯，好大碗既咖哩飯，法式咖哩唔喺成日食，牛肋肉又好腍，唔錯。火車頭牛肉河粉，湯底好甜好香，河粉夠爽口。

前幾日同朋友經開太子呢間越式餐廳,見到入面好多食客,所以就同朋友仔決定試一試啦,結果果然冇令我哋失望,呢間餐廳簡直係性價比超高火五生牛肉粉呢碗湯粉簡直係超抵食,分量超多,而且店員好細心咁將唔同嘅配料分開咗,咁樣唔鍾意食芽菜嘅朋友仔就可以分開落啦特色鳳爪呢款鳳爪啱晒好懶既食客，鳳爪已去骨，而且調味得啱啱好小巴黎玫瑰牛展喺越南餐廳見到有牛展覺得好得意，所以就決定同朋友試吓啦，結果果然冇令我哋失望，牛展超級入味黃金脆魚皮呢份魚皮性價比超高，份量簡直係超多，兩個人根本食唔晒呀三文魚紙米卷第一次食煙三文魚嘅紙米卷，冇諗過各樣嘅食材可以咁夾，食落好清新好特別軟殼蟹青木瓜沙律呢碗木瓜沙律同樣係超大份，而且加上酸酸甜甜嘅醬汁，超級開胃

陪朋友到太子買了點東西離開時剛好經過這一間 — 火五越式牛肉粉專門店 兩人都突然想吃越南菜 便進來試一試食物價錢相宜 選擇亦十分多招牌小食拼盤有春卷、大蝦米紙卷、扎肉米紙卷、香草大蝦、黃金脆魚皮、木瓜沙律春卷外脆 內裡包著蝦滑 不錯不錯米紙卷餡料豐富 點上酸汁 味道更佳脆魚皮加上鹹蛋黃 十分香口火五火車頭牛肉河粉選了河粉 另外可以選湯檬一碗大大碗 有牛肉、扎肉和牛腩河粉粗幼適中 晶瑩剔透另上芽菜和香菜 再加點辣椒仔 味道多層次凍越南三色冰甜味適中 椰汁味濃加上三色啫喱 口感更加豐富 很有越式風味

一向都蠻喜歡東南亞的美食, 很合口味, 在太子這一帶覓食, 發現有很多特色的小店, 而這一家得到一致好評, 吸引我們來嚐試。餐廳用手劃點餐紙, 避免和店員交談, 對防疫來說是有幫助的。越式花膠老火雞湯河$56在吃越南菜的地方有花膠老火雞湯, 甚吸引, 叫了一個試試。喝一口湯, 家常味道, 不會太重味, 而雞件和花膠也不太多, 淺嚐。火五火車頭牛肉粉$52相比之下, 同樣是五十多元, 這個湯河就比較豐富了, 有很多的料可吃, 生牛肉、熟牛肉、牛丸、扎肉, 無論是牛肉片和牛肉塊, 都是半熟仍很嫩的狀態, 滿有牛香, 牛丸爽彈, 扎肉也很惹味。湯底也都剛好, 可以邊吃滑溜的河粉邊喝湯。招牌小食拼盤$138見到很多人選這個拼盤, 又的確幾有特色, 拼盤包括: 黃金脆魚皮、青木瓜沙律、炸春卷、香草大蝦、手作大蝦米紙卷、手作扎肉米紙卷, 炸春卷包著的是蝦膠肉, 有點酒樓風味, 香草大蝦殼已剝開, 吃得方便, 有著醬料調味, 炸魚皮脆卜卜很香口, 而青木瓜沙律就比較淡味。意大利黑醋汁蒜蓉牛油雞翼$38一吃下去感覺好邪惡, 牛油應該蠻多的, 雞翼大大隻, 香脆惹味, 加了微酸的黑醋汁可以平衡油膩感,

今次男朋友話想食越南野，呢間火五我之前已經同朋友食過一次，個時覺得好好味，大件夾抵食。我即刻諗起呢間，決定今次帶佢去試下。今之見到menu同上次唔同左，食物既種類多左好多。今次主食我地叫左火車頭湯河同埋咸菜胡椒豬肚湯加油飯。火車頭湯河同上次一樣，勁大碗面且湯頭好鮮味。牛肉丸都彈牙唔會太粉。最重要係份量真係好大，男朋友見到都話好大碗。而咸菜胡椒豬肚湯油飯都好夠味，胡椒既辣加埋咸菜好有住家味道。豬肚都洗得好乾淨唔會有陣羶味。配油飯真心唔錯。小食方面，今次我就叫左牛油蒜香雞翼，有五隻而且炸得好鬆脆，香口得黎唔會油膩。玫瑰牛𦟌係冷盤，佢加埋酒去整有d似醉雞既味。春卷都好鬆脆，加埋少少魚露更好味。最後見到D24炸榴連，我地都諗住叫黎做甜品。外脆內軟，而且榴連味好濃，不過多d人share會好d，食得多會滯。買埋我地2個都係300蚊到，真係要捧住個肚走，男朋友都話堅好食無介紹錯。

岩岩先發覺原來我好耐都無post 越南菜啦喎.. 今日介紹返呢間大件夾抵食嘅越菜啦火五火車頭牛肉粉 📍$52湯底帶有淡淡嘅牛肉味同其他香料，餸菜方面就有 生牛肉，熟牛肉，牛丸，扎肉，都幾豐富，仲有3款秘製醬汁，大大增加咗湯河嘅層次感火五生牛肉粉 📍$42牛肉好嫩滑，份量都好充足呢到嘅湯粉除咗河粉之外，仲有檬粉選擇架，仲要可以免費加底架香茅雞翼 📍$22熱辣辣雞翼皮脆內嫩，不過個人覺得味道可以濃啲越式炸蝦春卷 📍$28呢個好特別，好似未見過春卷咁長 🤭 入面勁多蝦肉喎，真材實料! 外層都好脆架黃金脆魚皮 📍$32脆得黎帶有鹹蛋黃味， 唔會太膩我地仲叫咗杯鹹檸梳打同埋一杯青檸梳打，上面寫住 "照顧好自己，遇見更好的未來" 😊 咁窩心嘅

首先必須講一下，小弟係成日去越南旅行，超級喜歡越南食物，所以對越南食物的要求超級高，若不是最地道，我便會覺得它可以是好吃，但不是越南風味 關於食材成本大部分香港嘅越南店都不會是越南風味，因為在越南枱面上嘅辣椒、蒜片、 香葉、金不換全部是任加沒上限。就是這點在香港是不可能做到的，因為在香港買這些香葉成本太貴，所以基本上係香港我係唔會揀越南食物，但係我老婆好鍾意，今次都係佢揀，所以我嚟左食檯面上的醬， 基本上不是越南風味， 這點我不評論了。無骨鳳爪，味道偏淡，沒有什麼醃過的感覺， 是那些解凍了的無骨鳳爪，淋上醬汁便拎上台的感覺這個自製蝦春捲好食，它的長度差不多有一隻筷子咁長， 亦都唔係好粗，啱啱好一啖一啖咁食 ，非常之舒服，炸得鬆脆 ，蝦肉味微微feel到，但不是很豐富的感覺我和太太都係食生牛肉河粉， 基本上就係得嗰兩片金不換， 一啲好長嘅芽菜，一粒仔青檸， 香料就一定係唔合格㗎啦， 牛肉反而幾鮮嫩，湯底亦都過得去。 佢係合符香港嘅要求嘅，但係對於想食越南正宗風味嘅我就當然係唔ok啦。呢杯咖啡我要咁樣評論 ，首先我非常喜歡佢嘅獨立包裝，係封實曬嘅包裝，你係絕對可以唔飲住原封不動咁拎走，呢一

見open rice book位有75折就去左試下但真係唔係特別愉快既體驗啊！平就好平兩個人食都係133😕叫左一杯青檸梳打 不過不失係好似出面咁封左杯既野飲 幾方便👍火車頭係最先上既 大大碗係幾抵食既就黎粉多過湯😂 成個湯都偏淡但以呢個價錢黎講勉強收貨再叫左個軟殻蟹撈檬其實撈檬都好難唔好食點知軟殻蟹就出左事。。。佢出面個粉成尺厚咁濟分量好足 但味道真係不敢恭維個米紙卷係最後先上個人認為側邊pat野唔知想點😂呢個都係不過不失成個環境好逼 雖然真係好抵食但真係冇回頭😂😂

餐廳環沒有豪華的裝修， 光猛 整潔，侍應態度友善，滿滿小店人情味，食物質素不錯。草大蝦青木瓜沙律$52香草大蝦外皮煎得香脆， 香氣溢， 連殼都幾乎可以食， 配上大量的青木瓜絲和紅蘿蔔絲， 顏色悅目， 配上越式甜酸醬汁， 清新爽甜， 十分健康。香茅豬頸肉$28豬頸邊緣微微焦脆，肉質爽彈， 帶有清新的香茅香味， 確實不錯。意大利黑醋汁蒜蓉牛油雞翼五件$38牛油雞翼炸得十分香脆可口，入口充滿誘人蒜香， 香濃牛油味， 外脆內軟， 好juicy， 配上意大利黑醋， 清新亦可解膩， 最佳拍檔， 令人吮指回味。手作炸軟殼蟹米紙卷八件$48用大米製成的米卷， 薄身晶瑩通透， 煙煙韌韌， 好有彈性， 包著炸到金黃香脆的軟殼蟹， 令人垂涎， 配上大量爽口檬粉、 甘筍絲和青瓜絲， 加埋特製醬汁， 感覺健康和清新，也不覺油膩， 好有越式風味。越式炸蝦春卷三件$28蝦春捲即叫即製， 炸得十分 酥脆， 賣相吸引， 熱呼呼， 大口咬下 ， 是鮮甜彈牙的蝦肉， 沾上越式甜酸汁， 更加惹味。越式魚翅花膠雞湯河$59人氣越式河粉必食之選， 湯底用雞湯熬制， 鮮甜又不肥膩， 河粉跟雞上湯一起食超索， 配料有花膠， 口感彈牙

下午茶想坐底傾下計食d野，朋友見到用Openrice Book有75折，就黎到Pho 5。手作挪威煙三文魚米子卷($48)入面有紅白蘿蔔絲、生菜、檬粉同煙三文魚，煙三文魚味道好突出，加上其他配料，食落好清新。而提供嘅酸汁帶淡淡酸味，點埋食更開胃！火五特式鳳爪($22)鳳爪非常爽脆，酸酸辣辣好滋味，一份有6隻，大件又抵食。D24榴蓮炸彈($48)薄薄外層十分香脆，入面係粘粘嘅糯米粉包住榴蓮餡，餡料熱辣辣，香濃流心，又唔會大甜，好想再食多d呀！

今日同舊同事嚟咗呢一間越南餐廳食晚餐，覺得質素唔錯，而且價錢合理，值得推介首先，我哋叫咗一碗越式花膠老火雞湯河，平時好少食越南菜會見到花膠湯河，覺得款式幾新穎。花膠可以促進女士的骨膠原，對皮膚很好，而且雞肉幾嫩滑，整體上感覺健康舊同事叫咗一碗豬頸肉撈檬，份量好多，豬頸肉燒得味道香濃，配上魚露，性價比非常高！小食方面，我哋叫咗一個招牌小食拼盤，包括有炸蝦春卷、炸魚皮、大蝦米紙卷、扎肉米紙卷，咁多款小食加埋都只係$138 ，可以一次過試晒唔同口味，啱晒貪心嘅我！最後，值得一讚嘅係甜品——榴槤炸彈！裏面的榴槤餡有流心效果，吃得出係天然新鮮的榴槤蓉，而唔係人工嘅榴槤味，好正啊！就好似食緊真嘅榴槤肉飲品方面，當然要試試越式嘅咸檸梳打，解渴一流

平日去太子嘅呢條街多數都係為左食佢附近嘅明星食店，好少會探索下附近嘅食店。忽然好想食pho，今日去到呢間叫火五嘅越南粉試下。無好靚嘅neon light同文青裝修，都一樣令人充滿驚喜。首先，佢鋪頭細細，有兩個洗手盆同廁所，呢個時間大家都明洗手係好重要嘅，所以係我心目中呢個回係好加分嘅。第二，一睇餐牌，湯麵、湯飯、撈濛、小食、野飲，全部都係好地道嘅價錢。果日行足一日，好餓好渴，叫左個豬扒撈濛，兩杯特飲、牛展、三文魚紙春卷、軟殼蟹沙律，胡椒豬湯飯（走飯）。全程邊食邊傾，野食好好味。個醋好加分，尾過有一陣淡淡嘅魚露味，唔腥又唔會死鹹，配所有野都好岩。特別要讚：-撈濛唔會醉濕濕，彈牙又掛汁，好食！加埋個豬扒炸得好香，肉質好滑，唔痴牙，係一塊靚豬-三文魚紙春卷食落口感好平衡，唔會只係得菜嘅味，加埋少少三文魚嘅油香，紙網好薄身，唔會皮多過料，下次可以試埋其他配搭-特飲（咸檸梳打）都好有驚喜，係真咸檸味不在話下，最緊要個水吧有用心，唔會落好多糖，味道好清新。雖然呢度嘅野食落唔油膩，但果日天氣熱，好岩飲。行過一定會再翻黎，食過先知回頭率究竟有幾高。唔怪得咁多街坊落黎食下午茶啦！

今晚我地去咗間平民價越南餐廳：火五-越式牛肉粉專門店食。餐廳位於太子舊樓下面，本身以為係普通樓下餐廳，點知原來係性價比高嘅店👍🏼👍🏼👍🏼首先要推介就係「法式咖哩牛肋撈檬」。我未見過咁樣嘅菜式，所以就叫下。點知一食不得了，咖哩同撈檬醬超級夾 😍😍少少咖哩味，食落香濃又清爽，撈檬粉食，一流！牛肋 ，煮得唔韌，口感唔錯。黎得食越南餐廳，就千企唔好錯過「生牛肉檬粉」。牛肉非常鮮嫩，牛肉味道濃郁。湯底味道唔錯，檬粉再多d就好。炸軟殻蟹米紙卷，軟殻蟹炸得可口又無咩油👍🏼👍🏼 配埋米紙卷，入口有一種清新感覺。火五特色鳳爪，軟骨同雞皮都煮得好脆口，加埋特色配製醃料，酸酸甜甜，俾人一種清新感覺😍😍意大利黑醋汁牛油雞翼，好食👍🏼 雞翼皮炸得好脆口，肉又鮮嫩，非常岩食肉獸。而且雞翼又大，啖啖都係肉🤤🤤越南炸蝦春卷同一般中式春卷唔同，越南版係勁長，蝦肉飽滿又新鮮，配埋酸甜醬，好有滿足感。飲品就叫左凍越南三色冰同熱檸蜜。

今晚跟爸爸去太子覓食，見到間越南菜餐廳就望下餐牌，難得兩父女去食飯，等左五分鐘就有位坐。我們唔係食好多，所以先叫一碗火五火車頭牛肉粉，店員很細心俾兩隻碗仔俾我們，見到牛肉半生熟，湯底主要牛骨湯，而且很清甜，湯夠食令牛肉慢慢熟，爸爸愛牛腩，話很滑，少少肥，牛丸很正，爆汁，扎肉很香，有胡椒味，河粉條條分明，爸爸亦飲埋湯汁。越南小食拼盤，份量都多，有六款，黃金脆魚皮，非常脆口，有咸蛋黃汁，非常惹味。青木瓜沙律很清新，蝦春卷內餡是蝦膠，炸得金黃很香口，香草大蝦算大隻，炸好後有香草醬，美味。有兩款手作紙卷，扎肉比較清新，蝦肉鮮甜，兩者都好食，而且算大件。仲有香茅豬頸肉，份量足夠，切開細細件，加上青檸汁去左油膩感，炸得岩岩好，仍然有肉汁。越式香滑濃咖啡，的確咖啡味濃及重，無港式加太多奶，唔錯