火五越式牛肉粉專門店 (華生樓) (已結業)

呢排天條好熱, 無嘜胃口. 搵D開胃D既野食, 咁岩附近有間越式餐廳, 就入去試下.坐低叫左杯凍越南椰汁冰消下暑先, 飲落有好清新既椰子味, 仲有啖啖既果肉.  仲用左台式飲品杯, 十分衛生. 飲唔完亦可帶走.之後叫左個前菜, 越特式鳳爪青木瓜沙律, 有D似泰式+越式. 鳳爪無骨, 啖啖肉, 個沙律有數種新鮮蔬果, 加埋個秘製汁, 十分開胃.最後點左個火車碘牛肉檬粉, 呢個極度推介. 個湯祗好得, 好好飲. 牛肉同粉既份量亦多, 十分抵食.

火五比起一般越式食店，菜式上有更蛋選擇，今次就試左呢d.手作大蝦米紙卷：一入口，個質地涼浸浸好清新，個米皮又好滑，煙煙韌韌咁，入面配料好充足，而且咬落味道唔會一大陣草青味，仲反而有少少鮮甜味越式老火花膠雞湯檬：先試一試個湯底先，唔會太咸，算係偏清既，但飲到到有淡淡既雞味，算幾好飲。雞已經煲到淋哂，一咬就開，不過又唔洗驚會無哂味，食落每一件都仲好重雞味挪威煙三文魚撈檬：一睇就知好夠配料，鋪滿成個面既，三文魚有成三四塊，而且仲幾新鮮，口感夠厚實，夠濃味。見係海鮮檬，撈左少少越南海鮮醬，食落有少少似乳豬既甜醬，但估唔到食落又幾夾，撈埋辣醋汁，酸酸甜甜夠哂開胃意大利黑醋汁蒜蓉牛油雞翼：有5隻雞翼，面頭落左蒜蓉牛油同黑醋汁，個炸皮夠薄夠脆，唔會太硬

今日去旺角買野順便去火五越式牛肉專門店食野😋👍已經過左午飯時間但又未到下午茶時間都差唔多滿座😂，入去搵左坐低叫左：火五火車頭牛肉粉$52✨份量十足好豐富，有很多生熟牛肉、牛丸和扎肉，牛肉肉質很嫩滑，很香👍越式老火花膠雞湯河$56✨有好大片花膠，啱晒我可以補充骨膠原😋火五特式鳳爪✨呢個超得👍酸辣度剛好手作大𧎚米紙卷✨味道清新，每件入面都有蝦肉，點住酸辣汁食好舒服😄香茅雞翼✨時間恰到好處，外脆內滑又入味最後叫杯凍咸檸雪碧和凍越南椰汁水，行到熱辣辣有佢就very good la👍😋

行過見到佢個下午茶餐好抵食 $40有碗粉重有送飲品 諗都唔諗都入到去坐啦不過睇睇下餐牌 佢D小食好特別 單點都唔算好貴 最後我地只係嗌左一個下午茶餐 加左2個小食意大利黑醋汁蒜蓉雞翼🇮🇹（$38）5隻大大隻既炸雞翼🍗面頭舖上新鮮蒜蓉同黑醋汁 中西合璧 好似未試過咁既配搭 出奇地新奇 😛D24榴槤炸彈💚（$48）估佢唔到個擺盆又幾靚喎 一客4粒熱辣辣 咬落去小心比榴槤熱親呀 榴槤粉絲必點😍越式炸蝦春卷撈檬🇻🇳雖然係下午茶餐但都一樣大大碗 炸蝦滑春卷🍤都有成4條 好香脆 不過個人認為個醬汁咸左少少🤏越南椰汁冰椰汁水🥥好新鮮 不過佢配左椰果 搞到個味小小走左 可能走椰果會個原汁原味再出D😉越南三色冰甜度剛好 椰汁味濃 下午餐$40重要送特飲真係超值之選！佢個下午茶去到18:00 如果計岩時間黎應該晚餐都省返😆😆真係好抵食

好熱呀好熱呀好熱呀，行完花壚，想食返啲清爽嘅野，沙律就啱晒啦！香草大蝦青木瓜沙律($52)大蝦炸得好脆，連殻食都No Problem!蝦肉爽口彈牙，沙律份量又多，啱晒兩個人Happy Share！D24榴蓮炸彈 ($48)細細粒嘅榴蓮波波點解叫炸彈？一食就完全感受到，香脆外皮下嘅D24榴蓮餡，加熱後嘅香氣真係會爆出黎！食嘅時候要睇熱呀！凍咸檸梳打($19)冰凍嘅咸檸梳打真係消暑！咸咸地生津又解渴，超正！

越式餐廳嚟講，呢間都係一個幾好嘅選擇，平均一碗粉都係$42-60之間，而且大大一碗，其實一碗都夠飽，而且佢嘅料都多，如果同朋友一齊食可以叫埋個小食，加埋飲品都係$200都唔使。朋友叫咗一碗牛肉粉，牛肉似係牛腩嘅厚度，湯底好有牛肉味，添加咗蔥，令到湯更美味。好耐冇食過撈檬粉，一於就叫個豬頸肉撈檬粉，豬頸肉整得好脆，食落好香，檬粉嘅汁令人好開胃。手作挪威煙三文魚米紙卷，三文魚好大塊，米紙卷嘅皮夠薄有淡淡嘅米味，如果啲配菜冇咁乾會更好。越式炸蝦春卷，三條大大條嘅蝦春卷，炸得脆卜卜，好有蝦嘅味道，如果可以少啲油就更好。幾鍾意餐廳嘅侍應，好有禮貌而且唔會不斷向你介紹，只要你有需要佢都會耐心解答你。

原本計畫今個月去越南，不過因為今年疫情嚴重，所以去越南的行程被取消了。朋友見我極失落，所以就向我極力推介係公司附近既火五越式牛肉粉專門店，話佢地檬粉河粉味道唔錯，令我雀躍萬分。今日一收工，我就跟好友到呢間餐廳用膳。我們點了兩個湯檬，一碗係火車頭，一碗係生牛肉檬粉。火五火車頭牛肉檬粉$52 火車頭的牛肉選擇繁多，有扎肉、生牛肉、熟牛肉、牛丸。裡面所有牛肉都非常新鮮，生熟牛肉的口感分別很大，層次鮮明。我特別想推介生牛肉，佢熟的程度剛剛好，大約七成熟， 呈粉紅色。牛丸十分彈牙，屬熟牛肉亦相當林。火五生牛肉粉$42生牛肉份量超級多牛肉味好濃，不錯～我原本很肚餓，但都只能吃下2/3份河粉河粉口感十分好加上美味的湯汁更令我更想再次到越南吃牛肉河！亦不得不提他們提供的九層塔，因為一般越南餐廳提供的九層塔都不夠，但是他們提供的十分充足。我們向服務員要求要多點九層塔，友善的服務員亦樂意奉上。除此以外，我同朋友亦十分驚訝他有榴槤炸彈，我們立馬點來吃。D24榴槤炸彈$48 沒有讓我們失望！！！炸彈在我們的口中爆炸，感覺滿足，讓人「榴槤」忘返 ：）飲品方面，我們點了 凍越式香滑濃咖啡$19 和 凍越南椰汁冰

『火五』嘅湯底據說由牛骨加上16種香料慢煲8個鐘而成，因此湯頭唔會太混濁而係很清澈，帶有微微牛肉香氣，再加埋新鮮嫩滑的牛柳頭肉，因此呢份『火五生牛肉粉』係足料十份好味之選，據說可以免費加粉，但由於本身够大份够飽，因此都不需要加粉。而『火五牛丸+扎肉粉』啲牛丸亦幾香滑彈牙，都係唔錯的選擇。『榴槤炸彈』炸得外皮金黄香脆，而裡面的榴槤有流沙效果，好香的榴槤香味，朋友讚好好食。蠔油生菜新鮮又大碟，凍越南椰汁冰係我同朋友共同的選擇，清新解暑氣，正。

係太子其實有好多野食，手頭緊既時候尼間越南野都係個好選擇。Menu有不同湯粉和撈檬，另外有很多飯類的選擇，可以滿足不同人的喜好。另外有很多特色越南小吃而且價錢相宜。🍽老火雞花膠湯河這個湯河很特別用上清雞湯，喝下去很清甜不肥膩。裡面有幾塊花膠，吃下去很彈牙，是骨膠原的味道。另外也有幾塊雞件，熬得很出味。這裡的湯粉超級大碗，我一個人完全吃不完，非常適合男士的大胃口，很抵食🍽咖喱豬頸肉撈檬一上菜也是被這裡的size嚇到。超級大碗檬粉！咖喱豬頸肉份量很多，而且咖喱很濃味，也不是很辣，而且醬汁非常多，配上油脂滿滿的豬頸肉很惹味。把檬粉和青瓜絲跟蘿蔔絲用咖喱汁拌勻吃，非常特別，但是我會略顯比較淡，因為粉的份量跟醬汁相比太多了。但是整體配搭很少見而且也很香，大家可以試一下🍽無骨鳳爪青木瓜沙拉當然不能錯過這個沙拉啦！無骨鳳爪有很多件，而且每一件都很入味，酸的味道重一點，完全不辣，沒有碎骨，很好吃。青木瓜沙拉裡面有蘿蔔絲和紫椰菜絲，令整個口感更加爽脆，很開胃🍽黃金脆魚皮作為炸魚皮的忠實粉絲當然不能錯過。這裡的鹹蛋黃醬也是很多，而且從顏色就能看得出來非常濃。炸魚皮很香脆，也能吃得到魚的鮮味，吃粉吃到一半吃

好友說，今晚想嘆越南菜。上Openrice查找太子附近的食肆，看到「火五越式牛肉粉專門店」多人給讚後，便決定一試！食肆在汝州街和界限街街角，很易找！一坐下，我們就各自剔選心水美食！火五火車頭牛肉湯檬（$52）話明牛肉粉專門店，當然要試其招牌菜！生熟牛肉各有口感，尤其喜歡生牛肉raw raw地的味道，早吃早享受！手作大蝦米紙卷（$38）一整隻大蝦在米紙下透出來，絕對真材實料！越式香茅豬頸肉青木瓜沙律（$48）豬頸肉煎得香濃惹味，青木瓜絲的清淡起了中和作用，令豬頸肉多一份幽香！越式香滑濃咖啡（$19）唯一要彈的，是堂食都用膠杯，太唔環保，要改善！最後埋單免加一，吃到飽飽每人都只是114元，抵食！

一入到去見到咁多外賣單，以為要等好耐，不過老闆話會做堂食先，所以都好快有得食香茅美國黑毛豬扒油香飯($56)賣相色彩繽紛，勁多炸蒜好有咬口，豬扒夠爽脆彈牙火五生牛肉粉($42)湯頭清甜唔油膩，生牛肉都幾嫩滑，唔洗點調味都好有牛肉味意大利黑醋汁蒜蓉牛油雞翼($38)一碟有5隻，牛油味好香濃，加黑醋汁好特別，可以中和下油膩感蠔油唐生菜($19)飲品試咗兩款越式特飲，包括青檸梳打($19)同越南椰汁冰($19)，獨立包裝方便拎走飲

今日喺旺角睇完戲，行完寵物街就搵到附近有一間幾抵食嘅越南嘢由於間店滿座，等咗十分鐘到先入得心大心細既我一睇個menu， 就即刻畀佢個小食拼盤吸引咗😂 因為想試嘅小食都有齊曬我哋兩個人，嗌咗佢個火五火車頭牛肉檬，招牌小食拼盤， 同埋鳳爪撈檬一上菜時候我同男朋友都即刻畀嗰兩碗檬嚇親， 超級大碗，大個我塊面1.5倍😂火五火車頭牛肉檬：生熟牛肉，牛丸，扎肉咩都有齊。薄切既生牛同厚肉既牛肋肉都好冧滑，粒牛丸出奇地彈牙亦好有牛味😳檬粉既份量亦好多😮但我覺得最正係佢個湯，好香濃既牛骨味，而且非常夠熱，啲生牛肉浸一浸湯，半生熟就食得，都幾嫩同冧🤤火五特色鳳爪撈檬：嗌呢樣主要係因為想食鳳爪但小食拼盤唔包😂 鳳爪既份量極多，而且每隻鳳爪本身都好入味。唔單止有唔少配菜，最重要佢加左啲脆脆蒜片，令成碗檬既口感增加唔少😛但我唔記得叫佢少檬粉，超級大碗😂招牌小食拼盤： 呢個小食拼盤真係全餐飯嘅重點， 佢嗰6款小食，份量係極多🤪1）香草大蝦：蝦肉彈牙入味， 連埋個脆卜卜既殼食都得😮2） 炸蝦春捲：香脆，味道正常3）青木瓜沙律：開胃小食，食滯個時食最岩😂4）大蝦米紙卷：味道清新，好實在既感覺，滿滿既粉絲同配菜，而且每

今日同朋友相約行街，行到攰想揾間餐廳坐低，慢慢傾下休息下，朋友就提議食越南菜，經過呢間火五越式牛肉粉專門店，見到門口既餐牌，下午茶$38仲包野飲，十分吸引，二話不說就入去了。話明牛肉粉專門店，咁一定要簡生牛肉粉，不過我就轉左做檬粉。大大碗真係好抵食，檬粉好多，湯底就嫌略有點淡，牛肉都算嫩滑叫左小食豬頸肉，都幾香口入味，而且份量都吾少香茅雞翼就有點乾，食落去又吾夠入味，呢個比較失望。札肉米紙卷就吾錯，幾足料。總括而言，餐廳食物水準普通，不過就真係抵食，想平平地食個越南菜，呢到都係幾好既選擇

河粉湯底味道唔錯，算濃幾好食，有3塊牛肉 外賣返去食，溫度都keep到，食嘅時候都幾熱，仲有分湯對於呢個價錢嚟講，真係好抵。不過唔知道係唔係時間問題，夜晚9點叫嘅外賣，叫左個蠔油生菜 一打開就見到個菜好黑，好似放咗好耐先煮甘，啲菜嘅邊都變黃 望落去超唔新鮮😕真係唔敢食然後叫左杯青檸梳打 真係夠真材實料😂 酸到喊😂我本身對酸味嘅接受程度都算高，但呢杯真係唔得 整體來講 呢一餐 得個河粉算ok，其餘都比較難入口

睇到網上有介紹火五為親民價越式菜 , 趁假日便抱著好奇之心一試究竟店面明亮簡潔 , 環境尚算乾淨舒適 , 並沒有難民營式坐得勁迫挾 , 目測樓面300呎多 , 位置不多, 坐滿約為40多人而已正值下午茶時段 , 老實講價錢係好親民既 , 大多為38-50 , 包特飲札肉米紙卷 $42 , 扎肉份量不夠多 , 有改進空間生牛肉湯檬 $38  包特飲 , 呢個超級抵 , 惟湯檬質地鬆散越式炸蝦春卷 $35  外脆 , 蝦肉不夠彈牙,算不過不失香茅豬頸肉 , 有蔥油相伴 , 肉質口感佳 , 比較出色雞中翼不錯 , 時間恰到好處椰汁冰兩杯...均為什麼$38下午茶包,不用額外加錢,非常划算 , 一般奶茶店一杯都$20左近最後再叫 榴槤炸彈 $48  製作時間頗長 , 足足等約20MIN , 味道極佳 , 要試就要提早落單味道 6.5 / 10 , 價錢更是非常便宜 , 惟絕不是越南正宗 , 可能經少許改良適合香港人品嚐要求不高的話 , 不妨一試