447
15
15
開飯介紹
越式牛肉粉專門店，價錢親民。招牌生牛肉湯河，湯底濃郁、牛肉嫩滑而且份量大。
繼續閱讀
營業時間
今日營業
11:30 - 21:30
星期一至日
11:30 - 21:30
公眾假期
11:30 - 21:30
公眾假期前夕
11:30 - 21:30
以上資料只供參考, 請與餐廳確認詳情
有關獎賞計劃
食家推介
相關文章
抵食越式牛肉粉🐰同朋友叫左一個一人套餐$82再加2款小食。🥕火五生牛肉湯粉⭐️⭐️⭐️⭐️⭐️湯底用左牛骨加埋16款香料低溫煲左最少8小時，味道十分濃郁，厚厚既牛肉清香。生牛肉可以睇到係嫩粉紅色，食落口勁嫩滑軟口。湯粉勁大碗份量足夠！枱面有自家製拉差辣椒醬、原塊辣椒醬、海鮮醬、Xo醬，大家可以自己再調配合適自己既湯底口味或者點其他食物食！🥕特式雞翼(3件)⭐️⭐️⭐️⭐️⭐️炸到好香脆可口，亦有落到蔥油，雞翼隻隻都好大隻又勁肥美，肉質嫩滑。🥕香茅豬頸肉$48⭐️⭐️⭐️⭐️⭐️豬頸肉上佈滿蔥油，蔥油香和加上燒到好香口又肥美既豬頸肉真係冇得頂👍🥕峴港吉列炸蝦餅(4件)$28⭐️⭐️⭐️⭐️⭐️蝦餅十分彈牙，重蝦味，再點上沙律醬一流！🥕凍荔枝梳打⭐️⭐️⭐️⭐️⭐️🥕凍白桃梳打$19⭐️⭐️⭐️⭐️⭐️🥕凍咸檸雪碧$19⭐️⭐️⭐️⭐️☆咸檸打碎左，成件事咸檸味更出眾。======詳情======火五越式牛肉粉專門店 (華生樓)太子界限街14號華生樓地舖👣太子站D出口步行約3分鐘================
繼續閱讀
星期六老婆唔想煮飯，正愁唔知食咩好🤔，阿仔突然諗起之前食過係太子界限街嘅一間越式餐廳😮，話記得佢地嘅咖哩豬頸肉飯好好食🥰。諗咗一陣應該係講緊“火五越式牛肉粉專門店”。立即上openrice睇返下個menu📔，果然無錯，就係呢間。於是大家好開心咁揀咗自己想食嘅食物外賣，嚟個開心share🤗。法式咖哩豬頸肉油香飯 $56阿仔食過返尋味嘅豬頸肉飯，咖哩汁依舊濃度適中🥰，唔會蓋過豬頸肉🐖嘅油香味。豬頸肉份量多，燒得乾身肉質軟淋🥰，油香飯🍚味香但唔油膩，食一大碗都唔覺得滯😋。香茅美國黑毛豬扒油香飯 $56香茅豬扒🐖燒得乾身，肉質依然軟腍又帶香茅味，連同油香飯🍚一齊食尤其出色😍。炭燒鰻魚飯 $48有半條鰻魚，加上好多紫菜碎及蛋絲，連鰻魚汁撈埋一齊食，送飯一流🥰。鰻魚有咬口相對一般料理店的鰻魚好食😋。炸魚餅 $26一碟有4️⃣件，魚餅彈牙爽口，有微微辣味🌶，非常惹味。總括而言，食物味道好份量大，尤其飯類飯量非常之多，2️⃣盒飯足夠3️⃣個人食😂。價錢又非常親民，出食物速度快，等外賣唔會話要好耐，真係值得一再幫襯。
繼續閱讀
早幾個月經過，見價錢比一般越南餐廳平，openrice外賣有折，今次再路過食下午茶，堂座竟然冇客。下午茶只有4款選擇，揀了生牛肉河粉和越南凍咖啡。咖啡是預制包裝好，牛肉不是半生熟，全熟的，河粉不是越南幼身，是中式厚身，湯底濃，之後好口渴該有味精，食後幾飽肚。唔係好正宗，但$40算係唔錯。
繼續閱讀
越式炸蝦春卷撈檬Shrimp Spring roll with cold Vermicelli 越南炸蝦春卷撈檬酸甜開胃，炸蝦春卷外面脆，入面啖啖蝦肉。魚露蘸汁調味，當中加入嘅蒜片更提味。法式咖喱牛肋油香飯French Curry Beef with Rice印式咖喱，日式咖喱都常食到，但法式咖喱就比較特別，味道濃郁，用嚟撈原本比較香濃嘅油香飯，非常滋味。牛肋條炆得軟腍。D24榴槤炸彈 (4件）Fried D24 Durian Balls榴槤愛好者請不要錯過，D24榴槤嘅榴槤香味更濃厚。外皮十分香脆，入面榴槤口感滑順綿密，味道香甜中帶有奶香。手作那威煙三文魚米紙卷Rice paper roll with Norwegian smoked salmon 手作那威煙三文魚米紙卷，煙三文魚帶有煙燻香味，配上爽脆生菜，蘿蔔絲同青瓜絲。煙韌順滑嘅越南米紙中，更包裹住少量軟滑檬粉，夏日悶熱一掃而光。
繼續閱讀
好耐冇食越南野啦今晚去左太子食越南粉😌menu上好多選擇, 有沙律🥗/小食/湯粉/撈檬/飲品等等⭕️ 火五生熟牛肉湯河 *走青版🤣好大碗 湯底味濃偷食左朋友舊牛肉 勁淋😳勁好味生牛肉當然都唔遜色 上枱仲係好粉嫩*重點加底係唔洗加錢！岩哂食量大嘅男士💪🏻⭕️ 香茅豬頸肉撈檬最愛豬頸肉🫶🏻半肥瘦 食落油脂溶化成個口同時又好有咬口同肉味😋撈檬同坊間有少少唔同 係好彈牙😵配埋佢嘅魚露同青瓜紅蘿蔔絲撈埋黎食好fresh🤤 一啖接一啖⭕️ 蠔油生菜🥬為保持均衡飲食😂叫左碟好靚好嫩嘅油菜 好味同份量都幾多⭕️ 峴港吉列炸蝦🍤餅 (4件)每次食越南野必叫💁🏻♀️除左擺盤賣相好睇 食落都好彈牙😍仲配埋沙律醬😋 正！⭕️ 凍白桃梳打/凍鹹檸雪碧依度用左外賣手搖杯出飲品設計幾好👍🏻又方便我杯白桃梳打有果肉 咬落酸酸甜甜 幾開胃另外杯鹹檸雪碧都唔錯架😝
繼續閱讀