火五越式牛肉粉專門店 (華生樓) (已結業)

吃得是福......不負好時光所以幸福是吃出來的😉😇呢度既食物認真唔錯，而且價錢仲好抵食，味道和食物水凖依然保持到質素👍喜歡吃牛人士嚟到呢度必吃的火車頭🔷火五火車頭牛肉粉——-必吃的，湯低甜，入面有生熟牛肉，扎肉，牛丸，仲有佢昵到既秘制醬汁，用來加落粉食，簡直一流，我最愛吃似XO醬果款，隨了味道好吃，入面仲有蝦乾瑤柱及其他配料，味道非常惹味⋯⋯牛肉粉爽滑，生牛肉鮮嫩，牛丸彈牙，扎肉爽口，熟牛肉就像吃牛𦟌牛腩的感覺，有口感中又夠腍，再加秘制汁一齊吃，更加惹味⋯⋯👍👍😋😋🔷香茅黑毛豬扒濛粉——-足料配搭，蒜🧄片，青瓜絲，蘿蔔絲，軟熟又有口感的黑毛豬扒，香茅味道，香嫩的肉質，加埋酸甜汁撈埋一齊，仲有不可缺少的秘制醬汁，好味到成碗食青光😂😂🔷火五特式鳳爪——微辣味道，適合大眾化口味，有咬口😋🔷蠔油生菜——清甜健康的蔬菜🥬⋯⋯🥤凍青檸🍋梳打——獨立包裝沖調，乾淨衞生，青檸青香，青甜解渴😋🍹凍咸🍋檸檬梳打——咸味🍋檸檬，又解渴又好味道⋯⋯店員服務主動又有禮貌，地方大小一般，但坐位亦算坐得舒服，地方環境衞生乾淨，價錢平，食物質素好👍😋

火五火車頭牛肉湯檬 $52湯底有陣藥材味😂 呢個估唔到😂 有牛肉，牛丸，扎肉 都幾多料！香茅豬頸肉撈檬 $48豬頸肉份量都多 亦都幾有咬口 香油脂味～😛 個酸辣汁配呢碗檬粉 好醒胃😳意大利雞翼（5件）$38係一個炸雞翼黎既 雞翼上面有小小蒜蓉加左啲黑醋汁。炸得好炸 如果小啲油會更正😬火五特式鳳爪 $22份量都唔小 鳳爪呢個價錢仲有呢個份量都幾抵。味道偏咸小小 再辣小小應該更加惹味🙈凍越南三式冰 $19飲落椰奶味好重😋 夠凍 夏天飲岩曬 仲有啲類似「珍多冰」個啲一條條粉條既野 比你食下 口感都幾豐富凍越南椰汁冰 $19是椰青水加椰果🤔

今日收完工約咗個老友喺太子一帶食飯，呢條街附近都有好多高質素嘅小店，諗咗一陣最後決定幫襯呢間火五越式牛肉粉。睇一睇Menu，呢間舖嘅價錢幾親民，一碗粉$40-$50左右，喺越式粉麵店嚟講算抵食。我同朋友每人嗌一碗粉，我叫咗呢碗火車頭牛肉粉($52)，朋友叫咗碗牛丸+扎肉粉($42)。兩碗粉都大大碗，好足料，湯底好清甜，一路食都飲咗幾啖!小食方面，我地嗌咗越式炸春卷($28)同埋意大利黑醋汁蒜蓉牛油雞翼($38)。雞翼個黑醋汁好惹味，幾特別嘅一個嚐試! 炸春卷就成條都係蝦肉，比起香港茶樓食嘅更加有質感。飲品方面，我叫咗杯越式香滑濃咖啡($19)，其實夜晚就唔係咁好飲咖啡，不過我本身就幾鍾意飲越南咖啡，去越南旅行每日都喪飲，呢到就整得冇當地咁出色，但係整得算係水準以上，絕對值得一試。朋友就叫咗杯越南三式冰($19)。枱頭有三種越式醬汁，我試咗是拉差醬同沙嗲XO醬，不過我就冇好似當地人咁樣倒啲醬汁落碗粉到，只係用個碟裝起佢嚟點。最後埋單，兩個人加埋唔洗$200，大件夾抵食!

去開太子行街，見到哩間店都好多人幫襯，所以都同朋友一齊入去試下。火五火車頭牛肉河湯底有淡淡既牛香，飲得出係用牛骨淆製而成既湯。餸菜方面有生牛肉、熟牛肉、牛丸、扎。最欣賞佢既生牛，上台依然係半熟嫩滑狀態，牛香濃，而牛丸都好爽彈。咁既價錢算抵食。法式咖哩豬頸肉撈檬少有用咖哩醬撈檬，因為覺得有少少唔係好岩越南餐廳。但諗返歷史越南都係有被法國統治過，因此法式咖哩都可算係越式菜。而咖哩食得出有蕃茄、洋蔥等配料，當中咖哩味濃厚。而且可以撈得晒所有既檬粉。豬頸肉唔會炸得太多老，OK既意大利黑醋汁蒜蓉牛油雞翼(5件)意大利黑醋落足本，可以減輕牛油既邪惡，畢竟牛油都好多，隻隻雞翼都有油份，所以平衡油膩感，配搭得好好，而雞翼都大隻既。凍越南椰汁冰(椰子水+椰果)真係好似成隻椰子上台，加上有椰果食，解渴又解膩

天氣真係好熱呀，唔想食熱野，去食越南菜就至啱啦！火五特色鳳爪撈檬酸酸辣辣嘅鳳爪至開胃，加埋青瓜同埋蘿蔔絲，勁清新開胃啊， 份量足夠 好抵食。手作挪威煙三文魚米紙卷勁鍾意食三文魚嘅我，見到有三文魚嘅咪紙卷，就即刻想食啦。米紙卷一碟有六件，同朋友開心share都冇問題！D24 榴槤炸彈呢四粒細細地嘅煎堆仔睇落平平無奇，但暗藏驚喜！香濃嘅榴槤軟心流出嚟，味道超香仲唔會太甜，外皮香脆又煙韌，加埋滑滑榴槤肉 真係好想叫多碟呀！最後嘆埋杯鹹檸梳打，乜嘢熱氣都驅散晒啦！

越南餐廳細細間. 提供的食物款式多, 價錢親民, 而且感覺很正宗呢! 法式咖喱牛肋油香飯🍛 - 米飯的份量非常多, 而且淡淡有油香, 咖喱醬汁質感比較杰身, 咖喱味香濃, 配飯吃不錯! 還會令人吃更多飯呢! 裏面的牛肋肉質算淋, 上面還有胡蘿蔔絲及炸蒜片以增添味道。手作挪威煙三文魚米紙卷 - 裏面包着煙三文魚、青瓜絲、胡蘿蔔絲和炸蒜片。煙三文魚肥美, 炸蒜片提升了整體的味道, 令米紙卷更香口和惹味。蠔油唐生菜🥬意大利黑醋汁蒜蓉牛油雞翼 - 即叫即炸, 外層酥脆, 黑醋汁減輕了炸雞翼整體的肥膩感。

今日出開太子，又周圍揾下食先熱死辣辣見到間越南嘢，啱哂一嚟食越南嘢因為鍾意食撈檬冇咁熱二嚟又夠開胃啱哂而家嘅天氣入到去睇下餐牌發覺好多新派嘅越南菜好少越南餐廳會見到例如:法式咖喱牛肋撈檬、越式魚翅花膠雞湯河真係比較新派、比較特別👍餐廳環境枱面有多款醬料比起其他越南餐廳都算多選擇自助飲水機餐飲嚟到咸檸梳打:夠潤喉青檸梳打:清甜開胃，越飲越想飲三色冰:椰奶味道好香意大利黑醋汁蒜蓉牛油雞翼平時越南嘢都係就咁蒜蓉牛油雞翼呢度竟然落埋黑醋汁，我食沙律都好鍾意呢個汁㗎，估唔到配上雞翼又另一食法黑醋嘅香味帶起咗蒜蓉牛油嘅味道，更加惹味😋手作挪威煙三文魚米紙卷好少食到米紙卷用上煙三文魚但原來出奇地夾呢個真心好食火五生牛肉粉湯底濃郁、牛肉嫩滑還配上大量香料配菜，正呢個係下午茶份量，勁大碗越式炸蝦春卷撈檬撈檬個汁應該自己調較，因為同平時食開嘅唔同呢個汁比較重魚露味，好香檬粉比較索汁，但索完啲汁又冇發脹，我幾鍾意佢個粉，唔錯

天氣咁熱，唸起越南撈檬就流晒口水。今日就黎到火五越式牛肉粉專門店開餐!!餐廳菜單既選擇都幾多，選擇困難!!!我地黎到既時間仲可以食到下午茶。呢間既下午茶十分抵食!!$38包一個主食，仲可以任選飲品，我二話不說就點左越式炸蝦卷撈檬，天氣熱食呢個最岩下午茶既份量都係勁大，炸蝦卷有好多舊，好香脆，蝦肉又彈牙，再配埋靑瓜絲，紅蘿蔔絲食，真係好開胃。食撈檬一定吾少得落甜酸汁，好快就成碗食晒啦。值得一提既係個飲品，呢到既凍飲全部係密封包裝架仲叫左扎肉米紙卷，十分足料，一啖咬落去d料多到爆晒出黎，好滿足仲食左榴槤炸彈，即叫即炸好新鮮，榴槤軟綿綿的!!!好好味呢餐飯絕對抵食，而且味道吾錯，十分值得推介

因為之前eatigo 有50% discount所以就去試下啦，點知真係好抵食同好好味！叫到成枱都係嘢仲有兩杯嘢食兩個人埋單都係一百蚊多啲！真係超抵呀！！！！（有圖有真相）Openrice唔知點解唔比我刊登，但我都寫明我係eatigo優惠，硬挑都無選項唯有選優惠卷～～首先梗係火車頭牛肉粉，超多餸，湯都好甜，牛丸彈牙，我同朋友都好滿意！之後就係超多小食！！豬頸肉、雞翼、春卷、炸魚皮！春卷好脆同好味，食小食時記得要沾隔離既特色醬汁！雞翼個皮好薄好脆，總括嚟講我覺得都不錯！仲有炸魚皮真係食上癮呀！！！其實全部炸嘢都勁脆！！！我仲叫咗杯式三色冰，朋友叫咗青檸，飲品就不過不失！無食物咁好味重點係真係好抵！！！！絕對值得再食！就算正價叫咁多嘢食都係二百左右，香港嚟講絕對係驚喜！！！

在香港吃越南粉，價錢一向也貴，特別是在市區的連鎖店，今次發現一家性價比高的越南粉餐廳，跟大家分享一下。火五火車頭牛肉粉 ($52) Pho Dac Biet (HKD52) 送到時香氣四逸，份量十足，大大碗，選用生牛肉、牛丸和札肉，牛味香濃，除了香外，而且價錢相宜，抵食！生牛肉檬粉 ($42) Medium Raw Beef Vermicelli (HKD42)若嫌河粉太heavy，可以食生牛肉檬粉，依然有咬口又易消化，半生熟的牛肉，既嫩滑又入味，也可以加入辣椒和草增加香味和味道。另外飲品都抵飲，$19咖啡特飲份量，$12有津路枝裝！食了不少東西，食物質素不俗，越式食品酸酸甜甜的口感，令人胃口大開，實在不錯，旺角行過少少，日後會再來！

聽朋友講其實外賣河粉都唔係太難食所以今日就試吓挑戰pho takeaway 😆叫咗網上外賣平台 大概20至30分鐘送到送到黎嘅時候湯同埋面都仲係好熱因為送嚟嘅時候分開咗面同湯所以撈埋一齊嘅時候其實同出邊食分別唔大順便一提佢哋嘅pho幾好食 鍾意個湯夠濃郁阿妹叫咗咖喱豬頸肉飯個咖喱味好香同埋開胃～油菜就不過不失啦～不過下次可能自己煮會抵啲總括來講，我對今次嘅外賣越南河粉係滿意嘅外賣來講一定會再幫襯😊

火五越式牛肉粉專門店太子界限街14號地舖今晚出左黎太子探朋友，佢就推介左呢間好抵食，食物質素又高既平民越南菜餐廳，所以我地就跟朋友一齊黎試下見到個meun價錢真係幾大眾化，而且選擇都幾多黎到越南餐廳一定要試越南粉啦，呢到個湯底夠晒熱而且好濃郁，食得出係用牛骨淆出黎，火車頭牛肉粉好足料大大份，有生熟牛肉，牛丸，扎肉。。自己最鐘就係牛丸，好彈牙好有牛味，同出面食到既唔同咖喱味香濃配合埋油香飯好夾，第一次試呢個配搭，原來唔錯wo, 值得一試炸蝦春卷，香草大蝦，黃金脆魚皮青木瓜沙律，大蝦米紙卷，扎肉米紙卷望落好吸引，夠晒份量既小食拼盤，4個人都夠食呀，最鐘意係個炸魚皮同春卷，炸得好香口，大人細佬都岩雞翼大大隻而且炸得好香脆，加上有d黑醋既味道，幾特別最後如果係榴槤控就一定要試埋呢個甜品，外表脆卜卜，咬落濃濃既榴槤蓉滲出黎，無得頂

這夜用朋友行下行下街。由深水埗到了太子。見到一間門面好搶眼的越式牛肉粉店。平常行過唔多覺。朋友都見了肚餓就隨便行了入去。沙嗲XO醬-味道獨突不太濃咸。一般XO醬有蝦乾。用來加落檬粉上亦是另一種意想不到的刺激味道。最重要不是太辣豬頸肉撈檬。豬頸肉的香脆入口彈牙可口。香味四溢整個餐廳。越式小食拼盤。黃金脆魚皮。沙律。帶子蝦春卷。香草大蝦。手作大蝦紙米卷。手作扎肉米卷。特別要讚的是黃金脆魚皮。香口爽脆。食不停口。

火五越式牛肉粉專門店是最近我吃過的越南湯河店最為出色，它的小食亦是心機之作，醬料更是自家製，加上價錢相宜，所以我和朋友都一吃再吃。吃主食前第一樣必吃香草大蝦青木瓜沙律，木瓜果香十足，擠上青檸汁再攪拌提味，青木瓜沙律更加甜美，令人胃口大開。香草大蝦香噴噴的，且帶脆彈感，與青木瓜沙律十分合拍。香茅豬頸肉以香茅醃漬，然後下鍋油炸讓外表呈現最迷人的金黃，豬頸肉本身口感爽彈，加上香茅恰到好處的調味，豬頸肉滋味大為提升，若喜歡吃豬頸肉的話，我推薦大家一定要點。長長的越式炸蝦春卷外層春卷皮酥脆不油膩，內裡塞滿甚有彈勁的蝦肉，單吃可以感受到蝦肉濃厚的海味，當然亦有人喜歡包著生菜，蘿蔔絲一起吃，增添炸蝦春卷的清新度。常常吃牛肉湯河有點膩，今次轉吃越式花膠老火雞湯河。透徹淡黃的湯頭由花膠，雞隻及杞子熬煮而成，喝得出湯底無多餘調味，清甜無比，陣陣溫醇。如此精緻的老火雞湯，更能突顯河粉的滑溜，值得一提雞肉煮得軟腍，輕易骨肉分離，花膠貨真價實，彈牙極致，一切食材，湯底都完美無缺。意大利黑醋汁蒜蓉牛油雞翼現點現炸，我自己也十分喜愛蒜蓉牛油雞翼的風味，加上黑醋汁更美味。雞翼亦有厚度，外圍薄脆，雞肉柔軟，還嚐到鮮美的

今晚黎到界限街附近諗住搵下小店支持一下老實講 門口招牌真係唔吸引我但係店內既裝修反而係我杯茶所以最後決定支持呢間小店加上店內都幾多人食黎到越式餐廳又點可以食生牛肉湯檬個碗真係好大!但係份量又係咪真係好似個碗到咁多呢?首先黎到已經聞到好香既湯味而且D牛肉係未熟哂湯既熱度亦都足夠令D牛肉全熟牛肉既份量比起出面多仲夠薄身所以唔會咬唔爛另外D粉都唔少但個人覺得有碎左少少總括黎講都好唔錯!飲品方面就點左椰汁冰同三色冰選取左呢個包裝就方便我呢D飲得慢既人可以拎埋走椰汁冰飲落唔會好甜似真係本身椰子入面既汁好淡既清甜味仲有D椰子肉添友人就點左美國黑毛肉撈檬份量都幾多朋友最後食唔哂D豬扒整得幾好味唔錯唔錯值得一提既係火五特式鳳爪$22 有咁多隻好抵食!夠凍夠味呢D唔洗講推薦大家食!