火五越式牛肉粉專門店 (華生樓) (已結業)

今日同朋友仔係旺角行街，行到中午想食下越南嘢，但又唔想食大集團啲越南餐廳，所以就專登 捐窿捐罅揾啲越南菜小店嚟食，最終就揾到依間“火五”喇。坐低睇下個menu先都好多嘢食揀喎，同埋價錢對比起出邊啲大集團真係平好多，抵讚因為同朋友都幾肚餓，所以我地都叫咗好多嘢食下首先嚟咗個手作挪威煙三文魚米紙卷（$48）做我地嘅前菜，我同朋友都覺得幾特別，因為好似都未試過依啲米紙卷配煙三文魚，但又出奇地夾跟住就嚟咗碗火五火東頭牛肉粉（$52），碗嘢嚟到嘅時候，我同朋友都“哇”咗聲，因為真係好大碗，而且啲料都好足嗰湯都好夠味下。依個係意大利黑醋汁蒜蓉牛油雞翼（$38）,即叫即炸嘅雞翼，嚟到嗰陣勁香蒜蓉牛油味，但咬落去嗰陣又唔會覺得好油膩，可能有啲黑醋汁中和咗，重要啲雞翼大大隻，正依個係黄金脆魚皮（$32），開頭以為得幾塊，點知原來係多到就嚟滿瀉咁滯。用蛋黃醬去炒啲魚皮，依啲穩陣配搭唔駛講，一定好食。我朋友嗰炸軟殼蟹撈檬（$68）終於嚟咗，大大隻軟殼蟹，重有隻軟殼蟹調味調得好好，唔會話太咸太重味道。用嚟撈檬嗰汁都調得好好，酸度適中，試過有啲鋪頭嘅汁真係酸到搞唔掂，但依間冇依個問題。我地都叫咗兩杯飲品，一杯係

火五越式牛肉粉專門店 (太子) 📍地址：太子界限街14號地舖夏日熱辣辣，好想食D清爽又惹味既越南菜，係朋友介紹之下就黎左呢間位於太子界限街14號地舖既新開火五越式牛肉粉專門店。當日係食晚飯時間，餐廳座無虛席加上望下D價錢係好貼地就明點解咁旺場!老闆行埋黎推介一定要食既招牌小食拼盤，對於我呢D選擇困難症患者即刻話好，因為一個拼盤已經有6 款小食，滿足曬我咩都想食既願望。招牌小食拼盤 (HKD 138): 🥢1. 黃金脆魚皮: 魚皮大塊，色澤偏橙，有鹹蛋黃味但唔算重，帶少少甜味，份量十足，香脆可口。2. 帶子蝦春卷: 手包長長幼幼的蝦春卷，點上架上的混醬一起吃，更惹味，自家製的河內沙爹xo醬，越北是拉差醬，越式海鮮醬，可以變成自己既食法。3. 大蝦紙米卷: 一大隻大蝦係入面，真材寊料，點上魚露更可以提升蝦既鮮味，爽口彈牙。4. 扎肉紙米卷: 扎肉比坊間嘅濃味少少， 質感扎實，厚切。5. 木瓜絲沙律: 木瓜絲份量好多，清爽脆口，酸酸甜甜，開胃之選6. 香草大蝦: 啖啖香草味，蝦既肉質嫩滑，好細心地提供埋檸檬，可按個人口味添加吊味。特色鳳爪 (HKD 22): 懶人必食既無骨鳳爪，識食一定係

約朋友去太子行街突然發現這間越南野餐廳價錢合理，份量夠多主要點了兩碗粉面：火車頭牛肉檬粉&老火花膠雞湯河火車頭有生熟牛肉、牛丸、扎肉等等，檬粉的份量不少，一個人食晒成碗一定飽晒花膠雞湯很清甜，適合口味清淡的朋友，有2小塊花膠，因為是老火湯底，湯底才是最重要的主角。越式春卷有驚喜！很香脆！而且不會太膩香矛雞翼入晒味黃金炸魚皮內金黃色的部份是有咸蛋味道，又脆又邪惡！唐生菜一份超級大碟！又大又抵食！點了飲品相不到是已經包裝好，可以飲唔晒再拎走繼續人人平野都可以有好野！價錢平份量多一定食得飽！

越南餐廳食得多，但越南小食就好少見。黎間位於界限街既越式牛肉粉專門店就有得食小巴黎玫瑰牛展 $28(美味指數: 😋😋😋😋😋)牛展有驚喜😍，用玫瑰露浸成，有陣陣香味，牛展軟腍嫩滑，食到停不口香茅豬頸肉 $28(美味指數: 😋😋😋)豬頸肉有光澤，有淡淡香料味招牌小食拼盤 $138黃金脆皮魚、蝦春卷(4條)、香草大蝦(4隻)、手作大蝦紙米卷(4件)、手作札肉紙米卷(4件)(美味指數: 😋😋😋😋)一個價錢六款小食，兩款紙米卷建議先吃，其他小食較為重味道，而紙米卷味道比較清淡輕盈，可以搭配酸甜汁；黃金脆魚皮鬆脆；蝦春卷香口，香草大蝦微微香煎；越式青木瓜沙律酸酸甜甜，非常清新火五火車頭牛肉粉 $52(美味指數: 😋😋😋😋😋)火車頭牛肉粉豐富，有生熟牛肉、牛柳粒、札肉跟牛肉，牛肉湯濃越式花膠老火雞湯河 $56(美味指數: 😋😋😋)老火雞湯清香，真材實料無味精D24榴槤炸彈(4粒) $48(美味指數: 😋😋😋😋😋)最愛榴槤炸彈，裝飾特別好看，外皮炸得香脆可口軟糯，榴槤味突出凍越南椰汁冰 $19(美味指數: 😋😋😋😋)有椰汁的清香味，清甜解渴😋整體食物質素：4 / 5💰性價比：4.5 / 5👍推薦指數：

呢排好沉迷越南菜 今日又同呀媽黎試試間新野~~我地2個都叫左撈檬 我食法式咖哩牛肋 堅係好香咖哩味呀! 個汁色水做得好夠 少少杰  多多粉都夠撈 而牛肋都煮得好淋 唔洗係咁扯先咬得甩😋😋呀媽叫左香茅雞翼 香茅味入味 一路食一路聞到 仲炸得好香口 外皮脆脆的 咬入去仲有啲汁滴出黎🤤🤤另外都叫左個鳳爪青木瓜沙律 鳳爪去左骨 醃味亦好適中 甜酸平衡得宜 都唔會有過咸嘅情況出現 個碟中間就放左大大個用青木瓜絲壓成嘅波波 刨絲好夠幼 所以好易食 而且木瓜本身冰得夠凍 天氣熱熱地食落好正正💖😎最後要讚讚佢嘅飲品 我個越式凍咖啡 味道好香濃  口感滑滑的 質素高呀!! 仲有佢用左台式飲品嘅包裝 未飲晒拎走繼續飲都好方便呢度嘅staff仲好有禮貌 而且裝修闊落光猛 不錯 會番黎💋

嚟開呢頭做嘢，行過見到呢間越南餐廳的菜式好似好吸引，而且價錢親民，就一於去試一試。特式鳯爪青木瓜沙律：沙律的份量很多很清新，鳯爪酸酸甜甜非常開胃，而且一開始食多啲蔬菜自我感覺良好啲哈哈手作大蝦米紙卷：另一道清新的前菜，入面有生菜和蘿蔔絲，加上一隻好彈牙的大蝦，感覺清新。另外值得一讚係個米紙卷的外皮，有淡淡的米香，正火五火車頭牛肉粉：今晚的主角。河粉的份量很大，牛骨湯味濃得來很清甜。湯粉包括了有熟牛肉、生牛肉、牛丸同扎肉，整體來說牛肉味很出，我自己特別鐘意個牛丸，好彈牙！呢個河粉必點呀越式帶子蝦春卷配法式咖哩汁：老老實實我自己第一次食咁樣形象的春卷，細細條而且好香脆，入面有粒帶子令整體的口感很好，再點上咖哩汁，不會太辣，好惹味，邪惡之選香茅雞翼：自已係雞翼控，成日都會點雞翼食。呢度都整得香口，不錯凍越南三式冰：最後嚟個三式冰，不會太甜，又有咬口，食完咁多香口嘢最啱飲一杯消一消氣

平時好少嚟太子呢頭食飯，有一次經過，見到原來呢條街咁多嘢食，價錢仲好相宜，於是就mark低咗呢間小店。-鋪頭都坐得幾舒服，地方光猛，仲有卡位價錢好實惠，仲要有好多唔同選擇揀，生熟牛河，越式拼盤，火車頭等等。-越式拼盤包括春卷，米紙卷，炸魚皮，沙律，炸蝦。枱面仲有唔同嘅醬汁可以俾你點。另外叫咗一個雞翼。-生熟牛肉湯河同埋火車頭都非常足料，份量又多，價錢又實惠。以後有多一個飯堂，諗唔到食咩嘅時候就可以嚟食啦！

今晚放左工一個人食飯，周圍行睇吓食乜好，唔想咁濃味嘅嘢，揾碗粉食。今次揾到間越南嘢食，佢食物種類都幾多，有小食炸物，粉，飯同特色飲品等，我選左生牛肉湯河，佢嘅河粉何奇多，十分飽肚，唔止粉，連牛肉都有成五大片厚薄適中的，個湯底都有好大陣越南河粉嗰種味道，食完又唔口渇。另一重點係，佢枱上面嘅調味架， 辣椒都分別有三種同一種香料，新鮮九層塔份層十足，增添湯粉嘅香味同層次。飲品點左椰汁冰,杯飲品係用台式飲品杯，大大杯，飲唔曬可以拎走飲。杯嘢好香椰味唔太甜，趕滑，同我碗粉都幾match,落多左辣椒，感到好辣唔緊要，椰汁解辣一流呢，爽丫丫！我見隔離枱有用openrice優惠，上去睇都幾抵吓，有分7折或套餐優惠，下次去食之前上openrice睇吓先有乜優質先！～

今日去左太子果邊行街，行完肚仔餓就搵間食越南粉的餐廳。火五火車頭牛肉粉，有扎肉又爽陣，牛肉又好彈牙又有肉汁，生牛肉又唔韌牛味濃，粉條又滑溜湯底好好味。香茅豬頸肉，豬頸肉燒到好香口又夠味道。香茅雞翼，煎到外皮脆內里肉質嫩。搶牌小食拼盆有：黃金脆魚皮，青木瓜沙律，帶子蝦春卷，香草大蝦，手作大蝦米紙卷，手作扎肉米紙卷。黃金炸魚皮炸到好鬆脆又啖啖咸蛋香味，青木瓜沙律好爽口又開胃，帶子蝦春卷春卷炸到鬆脆好好味，香草大蝦又入味，手作大蝦米紙卷，皮好薄又煙韌沾上汁更加美味

就算我喺呢頭做野，都唔覺原來呢個位已經轉左做越南野，價錢仲好平，食埋野先番屋企，天氣咁凍，都唔想煮，更加唔想洗。門面招牌好醒目，地方企理，有幾張卡位同梳化位，光猛舒服。今日都keep住有人入座，姐姐幾好禮貌。台面上整齊放左幾款醬料。Pho5當然係主打越式牛肉粉，一睇價錢不得了，而家真係好少有咁實惠?越南野喇。河粉6款，火車頭、生牛河、熟牛河、生熟牛河、牛丸扎肉河、花膠雞河，價錢只需42至56蚊，唔係講笑，份量好足！居然仲可以$0多粉當然唔少得多款撈檬油香飯、越式小食例如米紙卷、沙律、春卷、雞翼、鳳爪等等。午市同下午茶仲抵食！有機會都同D同事過來食晏。點左一碗湯河，幾款小食，人均都係100蚊火五生熟牛肉粉一上台，哇，點左「多粉」，河粉份量超多，夠哂我地兩人share。生牛肉好軟嫩，熟牛肉又夠腍，最重要係牛味濃。聽講湯底用左牛骨同多種香料製作，飲落都幾有牛味，而且唔會太鹹或者令人口渴 大蝦青木瓜沙律好清新，青木瓜爽口香甜，加少少魚露更提味。越式炸春卷一份3件，係長條形，聽講係自家製架，裡頭滿滿蝦肉，外層酥脆，正 香茅雞翼又幾抵食，一份四隻，新鮮熱辣，都好香口，不過味道唔夠重。特式鳳爪好開胃

行經太子想食越南嘢，見到餐廳裝修都幾新，應該開咗冇耐。入到去環境都算坐得唔錯，我哋見到餐牌都唔少選擇，就揀咗個生牛肉粉。牛肉粉都幾多，我幾鍾意個湯有幾香嘅牛肉味，而且生牛肉唔算太「鞋」，味道都唔錯，不過粉嘅份量真係有好多！另外叫咗雞翼撈檬，香茅雞翼有四隻，而且都有輕微嘅香茅味，撈檬正常，加埋啲魚露就有越南風味。餐廳仲提供自製醬汁：有越北是拉差醬、河內沙爹醬及越式海鮮醬。另外我哋仲叫咗小食拼盤，小食拼盤有六款：有蝦紙米卷、扎肉紙米卷、蝦春捲、沙律、蝦及鹹蛋炸魚皮。飲品叫咗椰汁冰及鹹檸梳打。餐廳食物份量多，價錢唔貴，經濟之選。

同朋友簡簡單單去食一餐，友誼唔需要用金錢去推砌，有時平食，但可以有個空間環境俾我地放放鬆鬆去傾下計就已經好好，今日我地就去左呢個餐廳到Hea下啦。平凡中帶點驚喜，估唔到黎到呢D細餐廳都有小驚喜，呢度嘅店員服務態度十分好，我地唔知食咩好，肥哥哥就好熱情，同好耐心咁逐一介紹，同推介今日咩野食夠好。火車頭河粉： 有生熟牛肉，牛丸。識食越南粉，一定係食個湯。首先湯要夠熱，牛肉上台時係生既，但係湯夠熱，牛肉就會熟，就可以自行浸到塊牛去到自己想要既半生熟嘅程度。第二係個湯底味夠唔夠濃香，食得出呢個湯頭唔係出面果d咁落半桶水師父整出黎嘅味道，而係真正用牛骨煲出黎，有火喉嘅湯頭味，配埋d香料，牛骨香味好出。香茅雞翼撈檬：夏日炎炎，總會想有D涼浸浸嘅野落下肚，雞翼好香香茅味，炸得黎夠脆口，但又唔會過油，雞肉入口唔會乾身，咬落仲幾juicy。配菜有青瓜絲、紅蘿蔔絲、乾蒜等，份量亦十分多，最鍾意撈檬多菜，口感豐富好多，有d似沙律既感覺，配埋泰式嘅撈檬汁，酸酸甜甜又清涼，真係好好食又消暑。而且個份量好夠，我地兩個女仔share兩個面都食唔哂。越南六式小食拼盤新出品，餐牌上係未有，肥哥哥推介。份量都係大份，四個

好耐冇食越南菜，好掛住啲越南河粉，就同朋友去左太子一間食越菜既餐廳食晚餐。呢間餐廳既野食好抵食，啲河粉先四十幾蚊，仲大大碗添啊！見啲野食咁平，大食既我地即刻點左好多野食。首先，我地叫左呢個火五火車頭牛肉粉，呢碗火車頭牛肉粉超大碗啊，入面有好多料，包括生牛肉片、牛肉球同埋越式腸，真係好抵食啊！另外，仲叫左呢個豬頸肉撈㩚，豬頸肉好香口，加埋酸酸既撈㩚汁，正啊！我地仲點左啲小食，包括青木瓜沙律、無骨鳯爪、炸魚皮等。當然唔少得啲越南野飲啦！

早排去完Vietnam ，好想再食番Vietnam 菜，行過見到呢間都幾多人食，一於試下。叫左個火車頭湯檬粉，勁大碗，大過隻手，入面仲好多料!有札肉，牛丸，牛肉，牛腩，芽菜，洋蔥等等。湯底非常清甜，抵食!呢個無骨鳳爪都好食，酸酸辣辣，好開胃，份量都好多，夠兩至3個人share長春卷，岩岩炸起，脆卜卜，入面應該係蝦膠，個醬好好食，有啲似沙嗲點少得米紙卷，有蝦，甘荀，粉絲，酸木瓜等等，包得好實好足料，食完炸野食呢個，一解油膩!燒豬頸肉都好惹味，邊位有少少脆飲品點左椰青同椰汁，我就飲椰青，好清甜，個底仲有啲椰肉，非常滿意裝修簡約，位同位唔會貼得太近，坐得舒服，環境乾淨性價比高，服務又好，會再光顧

🔎太子界限街14號地鋪*「鬧市中的一點靜—越南小店」- 火五越式牛肉粉專門店.「火五火車頭牛肉河粉」$52有齊生熟牛肉、牛丸同扎肉。生牛肉一般，唔算太嫩。熟牛肉原來係牛腩黎，都炆得幾軟腍，不過脂肪少啲會更好。牛丸同扎肉就幾唔錯。湯底偏淡，可以自行加入芽菜、青檸同檸檬葉。如果覺得唔夠味，仲可以選擇加三款秘製醬料，分別係越北是拉差醬、河內沙嗲XO醬同越式海鮮醬。除左海鮮醬偏甜外，另外2款配咩肉都咁好食，完全加分！「火五牛丸+扎肉檬粉」$42呢間真係良心小店，可以免費加粉。其實佢本身份量都已經幾大，建議真係好大食先好加。「香茅豬頸肉」$22由於呢度嘅小食都好平，所以我哋一次過嗌左四樣。每份小食嘅份量其實都係好少，啱晒啲兩個人想食多啲款。豬頸肉不過不失，無咩香茅味。「火五特色鳳爪」$22呢度嘅鳳爪的確同一般食開嘅唔同，感覺冇咁酸。鳳爪完全冇骨，食落好爽好入味！「黃金脆魚皮」$32估唔到越南菜都會有脆魚皮食，仲係個人覺得最好食嘅小食。鹹蛋味重又香，唔算太油，完全食唔停口！「香茅雞翼」$22雞翼共有4隻，皮脆肉嫩，但味道偏淡。「凍越南椰汁冰」$19「凍越南三色冰」$19食越南菜梗係要嗌越式特飲啦，