瀧宴日本料理

營業中

休息中

野食好味！又抵吃，環境好，又吾會太多人，服務態度良好！會再黎試其他……………………………………………………………………………….

瀧宴日本料理（銅鑼灣）今次試既係佢既歐陸美食餐餐，依家做緊promotion，原價Original Price $1380，Pomotion Price $880。佢一黎會先將當日所有食材展示俾我地睇。白酒煮青口當日無鮑魚供應，佢就換左呢道青口。我個人幾鐘意，青口雖然細細隻咁，但好鮮甜又creamy，同平時啲自助餐凍海鮮比贏幾條街。海鮮茶碗蒸佢有落啲海帶同帶子落去調鮮，好落好鮮味。白松露鯛魚薄切鯛魚本身好新鮮，佢配啲白松露落去又意外幾夾幾好食。澳洲龍蝦龍蝦不得了，同埋啲龍蝦既內臟一齊炒過，好香口，同埋佢食材本身新鮮，所以啲蝦肉都好彈牙鮮甜。同埋仲要尾經起曬肉，超方便食。 吞拿魚手卷法國諾曼第帶子就係好食，佢同埋啲海帶一齊煮過，鮮上加鮮。美國頂級牛柳 或 西班牙黑毛豬 （厚燒 或 薄燒）佢可以俾你自選，我就選左厚燒牛，配埋啲板仔蒜仔又係好正。季節魚湯鮮。香蒜炒飯已經超飽，淨係食到好少。但佢炒到粒粒分明，係好食既炒飯。炒什菜是日精選甜品雖然好飽，但甜品又係另一個胃。一個係蘋果一個係檸檬味既卷蛋，各自既味道都好突出，好食。

發現銅鑼灣隱藏住一間高質抵食嘅鐵板燒，位置正正喺皇室堡隔離，遠望可以望到海景，而且裝修華麗，所有所有碗碟都金光閃閃✨價錢超級相宜，晚市去食都係八百幾蚊一個人，足足11道菜，而且有專業嘅師傅喺前面即場烹煮，同師傅吹水先知道師傅已經煮咗20幾年，唔怪之得煮得好有水準！自家製醬汁煮南非鮑魚南非鮑魚大大隻好鮮味，而且炆得好淋，咬落一啲都唔費勁，而且仲已經切好晒，方便一啖一啖擺入口。鮑魚下面配咗慢煮蘿蔔，加埋自家製醬汁超級入味，入口即溶而且無渣，碟邊亦配上七味粉同埋紫菜粉可以自由配搭，隨意Mix and match～海鮮茶碗蒸蒸蛋滑捋捋，配上蟹鹽，食落去淡淡蟹肉絲同埋鮮菇，暖笠笠好好味西班牙白松露鯛魚薄切同一般嘅醬油芥末唔同，呢度嘅魚生好有創意地用左淡雪鹽同白松露油作為調味，白松露油令到成個魚生嘅味道升到另一境界，配埋側邊嘅菊花乾同埋紫蘇花乾，成個配搭好新奇但又超好味！西班牙金䱽魚腩手卷滿滿嘅吞拿魚蓉上面加左芝麻，菊花，香蔥，而壽司飯已經配好咗豉油同埋Wasabi，底部仲配搭左個燒餅，可以成個放入口一啖享受超濃蝦膏澳洲龍蝦睇住師傅喺魚缸入邊將超級新鮮生猛嘅龍蝦撈起黎，然後即場新鮮劏，望住師傅將啲

慶祝結婚紀念，朋友極力推介，這店選集世界各地高質食材，廚師廚藝技巧超水準，於是去了銅鑼灣糖街25-31號Sugar+26樓～瀧宴日本料理港鐵銅鑼灣站E出口，步行約3至4分鐘，交通非常方便。店內環境裝修豪華雅致充滿日式風格，樓高26層落地玻璃，盡覽無敵海景及維多利亞公園自然美景，座位寬敞也可選擇吧枱，看著廚師高超烹調技藝，極盡視覺和味覺的深度享受，舒適程度達滿分。歐陸美食晚餐，Promotion Price$880原價$1380（每位）自家製醬汁煮南非鮑魚廚子非常貼心，分割四小塊，肉質鮮嫩彈牙有嚼口，浸入醬汁更能提升鮮甜口感，還有炆得極冧甜的大根拌鮑魚底，顯得味覺更為豐富，頭盤已有驚喜。海鮮茶碗蒸海鮮湯汁濃香，混雜著海鮮肉碎，鋪滿蒸蛋上，蛋質幼滑鮮嫩可口，啖啖都是佳品。西班牙白松露鯛魚薄切服務員禮貌介紹，鯛魚已調味可配合白松露和蘿蔔絲進食，鯛魚肉質鮮甜嫩滑爽脆，新鮮程度極佳。西班牙金鎗魚腩手卷擺盤別緻，球狀的金鎗魚腩蓉，肉質香濃柔軟滑溜，配上薄脆做碟底，夾雜著彈口珍珠米飯，口感非常豐富。澳洲龍蝦龍蝦很新鮮在碟上郁動，廚師熟練技巧將龍蝦剝殼拆肉，客人在吧枱前欣賞廚子的廚技已是一大享受，龍蝦

出去銅鑼灣shopping,朋友介紹糖街Sugar+有間鐵板燒做緊優惠,“歐陸鐵板燒鮑魚牛肉佳餚午餐”都係$338,入到去一大塊落地大玻璃俾你俯瞰維港景色,十分開揚,係咁靚嘅環境下食Lunch,真係一件賞心樂事！◇前菜玉子燒🫔點埋自家醬汁,甜甜哋,口感豐富！◇海鮮茶碗蒸🍵茶碗蒸好滑,入面仲放咗銀杏,蟹肉,蟹柳,好鮮甜！◇鐵板燒挪威三文魚師傅將三文魚皮抽起,分開煎熟,三文魚皮薄薄地一片,好香而且脆卜卜。至於三文魚肉,煎得外脆內軟,保持肉汁嫩滑🤤◇南非鮑魚鮑魚厚肉大隻,好彈牙有咬口,仲好鮮！◇美國頂級牛肉牛肉有兩款,厚燒比較有咬口,肉味香濃,肉質鬆軟唔會韌！至於牛肉薄片包住香蔥蒜,連埋炸脆嘅蒜片一齊食,好有層次,好正😋◇香蒜蟹肉蛋炒飯炒飯連同蟹肉炒至金黃色,粒粒分明,口感豐富🤤配埋熱辣辣嘅麵豉湯好温暖,炒什菜配埋個蒜香芝麻辣醬,好惹味！好滿足😍◇是日甜品🍮淡淡嘅綠茶味奶凍配上紅豆蓉,幾好食！

日本菜之中，最喜歡聲色味俱全的鐵板燒。今晚到訪<瀧宴日本料理>， 餐廳選址銅鑼灣糖街Sugar + 26 樓； 居高臨下加上落地玻璃可飽覽維港及維園美景。 佔地廣闊，可坐於鐵板餐桌前，一邊欣賞師傅駕輕就熟的烹調功架，香氣四溢！ 呈上每道的鐵板燒美食，充滿驚喜，令人回味無窮- ▪️瀧宴•歐陸美食晚餐▫️🔸自家製醬汁煮南非鮑魚首先出場的是南非鮑魚。用上日式甘甜醬汁慢火炆煮，令肉厚的鮑魚肉質軟韌細嫩；還用了日本大根承托著鮑魚，清甜多汁-🔸海鮮茶碗蒸接著是富滑嫩口感的茶碗蒸，搭配蟹肉、蝦仁、香菇等材料，營養又美味-🔸西班牙白松露鯛魚薄切不得不佩服師傅了得的刀工！ 每片鯛魚厚度均一，薄而透亮！撇開配芥末醬汁的傳統食法，今晚師傅用了淡雪鹽提出口味，而入口還有陣陣白松露香氣在口腔內回盪，伴碟有爽脆的蘿蔔苗-🔸西班牙金鎗魚腩手卷金鎗魚腩富油香，魚味濃郁！ 最特別是用了脆香鱈魚乾代替傳統紫菜，口感更佳-🔸澳洲龍蝦不得了！ 這道菜簡直是色香味俱全😍 新鮮肥美的澳洲龍蝦，相當厚肉有份量！ 肉質彈牙，配上濃郁鮮香的龍蝦膏，鮮香味100 分-🔸法國諾曼第帶子驚喜不斷！ 這道菜餚是別出心裁！ 看得出師

朋友生日，食好啲是常識吧。佢揀咗呢一間喺銅鑼灣嘅濃煙日本料理，其實食開呢一啲高級日本料理，通常都係嗌佢哋嘅set dinner，今次都唔例外，見佢做緊特價，所以即刻打去book咗位。歐陸美食晚餐($1380 -> $880)，前後共有11道菜。自家製醬汁煮南非鮑魚: 好！好！食！鮑魚大隻之餘，仲煮得好入味，食落去啱啱好唔會太難咬開，而且要一讚嘅係選材真係好有心機，下面嘅醬汁煮蘿蔔好甜，而且真係sok晒d汁，為呢一餐揭開序幕，令我更加期待之後嘅菜。海鮮茶碗蒸：有蟹肉鋪面，入邊有更多蟹肉，魚板，雞肉，蘑菇，白果等等。火候控制得剛剛好令到蛋夠滑而且仲食到淡淡嘅海鮮味。西班牙白松露鯛魚薄切: 鯛魚切成一片片，再加上白松露油配上自家製嘅米紙雪鹽，師傅整完嘅時候同我哋講係完全唔需要落醬油，因為佢哋喺自家製嘅米紙度已經落咗鹽，細細品嚐，真係感受到淡淡嘅鹹味。伴碟有蘿蔔苗，捲着食又多左份青葱味。再喺鯛魚上邊淋上白松露油，令到魚嘅鮮味更加突出。西班牙金倉魚腩手卷: 師父話用紫菜嘅話可能有啲客人會唔鍾意，所以佢哋改咗做鱈魚片，脆脆嘅鱈魚片加上新鮮嘅金倉魚腩，口感特別。澳洲龍蝦：呢一個完全係顛覆咗

銅鑼灣一向美食多籮籮，今次同友人去左呢間鐵板燒，仲可以飽覽維港海景！自家製醬汁煮南非鮑魚：鮑魚新鮮煙韌，調味濃郁，白蘿蔔清甜海鮮茶碗蒸：上面用左新鮮蟹肉鋪面，蛋亦都蒸得好嫩滑！西班牙白松露鯛魚薄切:白松露油好濃郁，再配新鮮即切嘅鯛魚，鮮味更為突出，口感爽口！金䱽魚腩手卷：即剁吞魚腩，食落去入口即融，成個口腔充斥住魚油香味澳洲龍蝦:新鮮即食游水龍蝦，師傅係魚缸直接撈出黎，連帶龍蝦膏一齊炒！食落去超鮮甜！呢個要俾一個讚！法國諾曼第帶子：新鮮即煮帶子，兩邊呈金黃色狀態，食得出係新鮮的，配上海苔醬，層次更高！美國頂級牛柳（厚切+薄切）：厚切牛左5成熟，牛肉汁好濃郁！非常嫩口薄切牛包住啲蔥同蒜，口感好豐富，餡料可以中和牛肉嘅油膩感季節濃魚湯：今晚係大蜆湯，蜆肉好大粒好飽滿！飲落去好fresh 好清新！煙肉炒飯：米飯粒粒分明，夠乾身，而且食到煙肉嘅香脆口感，師傅炒飯嘅姿勢真係好似睇緊一場show咁！炒雜菜：新鮮蔬菜 前面吸收得太多澱粉質 可以食返啲蔬菜中和一下甜品（綠茶布甸）：唔會太甜，適合控糖人士，為呢餐飯畫上完美句號！

朋友話呢間鐵板燒做緊promotion，相當抵食同好味，於是就約我一齊去食❤️餐廳係Sugar 26樓，景觀真係一流，基本上可以望晒成個銅鑼灣嘅景色，餐廳有一張弧形嘅鐵板燒枱，可以選擇望住師傅烹調美食，另外如果人多嘅話，都有其他枱可以方便傾偈👍🏻我哋食嘅係瀧宴歐陸美食晚餐，原價係$1330 ，而家只要$880就食到，真係超正😍自家製醬汁煮南非鮑魚，鮑魚煮得相當之入味，一啲都唔un🥰海鮮茶碗蒸：比起平時嘅茶碗蒸大碗得多，入面嘅料相當豐富，仲好有蛋香味👍🏻西班牙白松露鯛魚薄切：白松露油同埋淡雪鹽為鯛魚調味，帶出魚嘅鮮味😚西班牙金䱽魚腩手卷：鱈魚片同魚蓉估唔到咁夾，食落嘅口感相當豐富😍澳洲龍蝦：呢個龍蝦煎得香再講，仲有就係運用埋佢嘅蝦膏做醬汁真係超級鮮味😚法國帶子配海苔醬：帶子兩面煎香啱啱熟，仲有上面鋪咗三文魚子，好好味😊美國頂級牛柳（厚切同薄切）：一次過可以食到兩種口感，呢隻牛柳夠晒牛肉味，五成熟嘅肉質，煮得恰到好處😋最後仲要食埋佢個濃魚湯，炒飯，炒雜菜同埋甜品，甜品係蘋果肉桂蛋糕，好鍾意佢香濃嘅肉桂味，蛋糕又鬆軟，呢一餐真係超級滿足🥰

好耐冇食鐵板燒啦，朋友介紹話哩間好味同埋有個靚景🥰 就黎試下先。鐵板燒Lunch Set $338 (預早openrice 訂座優惠價）😋 前菜：汁煮鴨胸雪梨伴紫蘇葉哩個前菜好特別，同埋好清新開胃。鴨胸打成肉醬，加上雪梨汁同埋紫蘇葉，好夾呀。好有紫蘇葉既獨特香味散發出黎👍🏻😋海鮮茶碗蒸對比其他店既size黎講，哩度都幾大碗。有好多瑤柱𢇃鋪滿蛋醬，啖啖都有鮮味，蛋都好滑好香，最愛吃茶碗蒸，唔錯👍🏻😋自家製醃蘿蔔師傅好好人送我地一碟自家製醃物，有牛蒡，紅皮及白皮蘿蔔，蒜頭，醃得好好味，爽甜，再開胃左👍🏻😋南非鮑魚見到佢仲旭得好利害，超新鮮。鮑魚我最愛燒，師傅煎得岩岩好，好爽甜，配上少少忌廉味既醬汁，好野味👍🏻😋挪威三文魚師傅煎到塊魚片脆卜卜好好味，魚肉新鮮彈口，配上沙律醬好味👍🏻😋美國頂級牛肉厚燒牛肉粒好冧身嫩滑，有彈口。好重牛味。薄燒包上葱粒好野味香口，最緊要配上炸蒜片食，就係最夾👍🏻😋香蒜蟹肉炒飯粒粒日本飯都好分明，炒得好香口，仲要啖啖都有蟹肉粒，好味👍🏻😋炒野菜日本芽菜好粗身，師傅又炒得好爽脆可口，配上自家製少少辣既醬料，好吸引👍🏻😋海帶麵豉湯有好大塊既海帶伴麵豉湯，不濃不稀，味道剛

一早就聽聞sugar plus有無敵海景，上到去，發現環境確實好正，樓低高之餘配置整塊大玻璃，銅鑼灣避風塘維港景色一覽無遺呀！😍😍我今日午餐時間嚟，夜晚黎食嘢加睇夜景一定仲正😍今日呢個午餐Teppanyaki好抵食😄歐陸海鮮餐做緊promotion $338😍。啲食材勁非常新鮮，最正係個2隻南非鮑魚，仲係度郁緊勁生猛😍首先前菜係鴨肉啫喱伴雪梨紫蘇葉，又靚又好味，好夾！然後係海鮮茶碗蒸，仲食到入面有日本新鮮百合，師傅真係有好多details位😍之後就到煙三文魚，燒得啱啱好，啲肉則仲係好亂畫，又夠Juice南非鮑魚燒得夠哂味，多汁又彈牙，好滿足呀😍仲有鐵板燒師傅好有表演慾，落調味料有哂功架😂之後就到厚燒牛同薄燒美國牛啦，師傅offer左厚燒同薄燒俾我哋，好開心，兩款都有得試😍美國牛牛肉味濃，燒得啱啱好😋蟹肉炒飯真係一大加分位呀！用料十足，炒到粒粒分明，香到爆。跟住仲有麵豉湯同肥嘟嘟嘅炒芽菜最後仲有chocolate mousse cake同埋真係好想encore 嘅 red bean macha tofu pudding 😋一定要搵日再黎食dinner!!

今日去銅鑼灣食高級日本料理，預先book定枱食美食加靚景。今日係上班日，我哋抽時間嚟食個午餐，一行2人order左兩個午餐套餐。食物好豐富，包括有前菜、麵豉湯、蒸蛋、牛扒、鮑魚、三文魚、炒飯、炒雜菜、甜品。今次安排左我坐吧枱，睇住師傅喺前面煮嘢食，即刻上碟，放到你面前，保證新鮮熱辣，而且好衛生。全部食物都好好味，有幾樣令我好深刻。第一個係蒸蛋，上面加咗個芡汁，仲有好多蟹肉，超好味，落足料。接著係煎三文魚，師傅好有技巧咁將三文魚皮抽起，分開來煎熟，三文魚皮薄薄一片，加咗少少調味，好香而且好脆卜卜。而三文魚肉，煮得剛剛好，外脆內軟，入面仲有肉汁，唔會感覺好乾身，師傅非常有技巧。接着係煎鮑魚，好大隻嘅鮑魚，師傅放咗上個鐵板上面，一邊煎熟一邊將佢拆殼。然後慢慢切片，加咗少少調味同香料，再放到碟上。鮑魚食落去嘅口感爽爽地，鮑魚嘅肉汁仍然保留，好鮮甜，超好味。之後係煎牛扒，我哋揀咗五成熟，牛扒好新鮮，好香牛肉味，雖然只得五成熟，但係完全冇血水流出，好好味。之後就到炒飯同炒菜，輕輕嘅調味，帶出食材嘅鮮味，全部食物都做得好好。最後，仲有甜品，呢個係非常滿足嘅午餐。鋪內裝修好精緻，大玻璃窗，面對出邊嘅球

知道呢間鐵板燒坐擁維港靚景，即刻book嚟試吓，餐廳好大，裝修雍容，坐得都好舒服，轉身望就係靚景喇！呢晚食嘅係「歐陸美食晚餐」（$1380），而家做緊優惠$880／位（+10%）又幾抵！今晚未供應到自家製醬汁豬南非鮑魚，轉咗做🔸雙色青口bb 青口數量都多，調味甜甜哋，易入口，青口身都幾creamy作為前菜都幾稱職。🔸海鮮茶碗蒸 茶碗蒸係好滑嘅蒸蛋做底，上面有蟹腳絲，加埋芡汁帶出少少鹹味，上盤時熱辣辣，配料又多，入面仲有啲銀杏吊味，整體鮮味足。 🔸西班牙白松露鯛魚薄切 呢款真鯛都幾特別，首先鯛魚都多薄切，會特別帶出魚鮮香，又唔會膩，然後調味上，師傅加咗白松露油、淡雪鹽、蘿蔔苗，為刺身添加咗唔同嘅風味，入口時松露香最明顯，之後雪鹽輕輕嘅鹹味又引出魚鮮，後段會較多嚐到魚嘅鮮甜味道，捲埋蘿蔔苗一齊食又會食到菜蔬嘅香氣，感覺都幾新鮮。🔸西班牙金鎗魚腩手卷呢款吞拿魚份量十足，魚油膩味十分濃郁，亦有吞拿魚獨有的香氣，手卷已預先沾上醬油同山葵，食落味道均衡，加上底吓嘅脆餅，唔會整污糟手之餘，又為手卷帶嚟脆卜卜嘅口感，不過要快啲食，淋咗就會無咁正。🔸鐵板燒澳洲龍蝦 然後到熱食，嚟到鐵板燒嘅主角——龍蝦！

今日約咗朋友仔慶祝一下完成晒手頭上嘅工作，約咗佢去糖街Sugar+「瀧宴日本料理」食好野，餐廳位於26樓可以望到好靚嘅海景同維園景色，除咗提供鐵板燒之外仲有Omakase提供，我地今日揀咗Sushi Omakase，店員會先送上自家制漬物，有蘿蔔、牛蒡、蒜頭漬等開開胃先😋前菜鴨胸雪梨鴨胸蓉配上酸酸甜甜嘅醬汁，入口軟綿鴨味濃郁加上清甜嘅雪梨，味道豐富而有層次，別出心裁的配搭北海道鮮蟹肉醋物大大啖嘅蟹肉加入酸汁啫喱，更加能夠帶出蟹肉嘅鮮甜日式蒸蛋口感滑溜熱辣辣，蛋味特別香濃，直滑入喉嚨，加入本菇、日式魚片、白果壽司伊左肉質爽口彈牙，配上柚子胡椒調味，入口帶點辣味，刺激味蕾深海池魚肉質緊致清爽，魚肉豐厚肥美，加上三星漬提升咸鮮味道，油脂充斥口腔，回味無窮三文魚籽三文魚籽鋪滿壽司上，經師傅自家調味，入口味道較甜，完全冇腥味，一粒粒喺口中爆開，鮮甜咸香松露鯛魚灑上雪花鹽，肉質軟滑，松露味道恰到好處，既不會蓋過魚味更能突出魚嘅鮮味醬油漬吞拿魚魚肉充滿彈性，醬油味香濃入口鮮味幼滑秋刀魚時令嘅秋刀魚非常肥美充滿光澤，加上香蔥蓉提鮮，師傅嘅刀工令秋刀魚增添口感，超讚👍🏻右口魚右口魚邊炙燒後入口滿口魚油香

上星期帶左呀媽去擁有高層靚景既瀧宴日本料理食鐵板燒，餐廳景致一流，野食質素亦都好唔錯😋餐廳有2個吧枱 ，大既可以坐到10人，細吧枱就5人，另外有普通4人，6人，8人枱。我哋當然揀咗坐吧枱，可以睇住師傅一路整嘢食啦。當晚嗌左個好抵食嘅套餐，就係瀧宴歐陸美食晚餐，原價$1380，而家只需一人$880就有成11樣野食！🍽️🍽️🍽️✨自家製醬汁煮南非鮑魚鮑魚煮到好入味，個汁甜甜地，口感腍得來帶少少煙韌，另外可配紫菜粉同七味粉食。✨海鮮茶碗蒸茶碗蒸配蟹肉同菇，蛋香十足口感滑捊捊。✨西班牙白松露鯛魚薄切一上枱已經聞到個松露油味，鯛魚肉質細膩，配淡雪鹽帶微微咸味，蘿蔔苗就帶少少辛辣，但我最鍾意都係紫蘇葉既特殊香味。✨西班牙金鎗魚腩手卷呢個唔係用紫菜包黎食，係用底下塊餅裝住拖羅蓉，上面係七彩芝麻同蔥，可以連埋紫蘇葉一齊食。✨澳洲龍蝦龍蝦膏真係每嚿龍蝦肉都好新鮮彈牙，龍蝦膏好濃郁，呢道菜係我當晚嘅最愛😋✨法國諾曼第帶子海苔汁 帶子新鮮飽滿啖啖肉，配清淡嘅海苔汁唔會蓋過咗個鮮味。✨美國頂級牛柳呢個有得揀牛同豬，我哋兩個都揀咗牛，一個薄燒一個厚燒。薄燒嗰個捲咗好多蔥，厚燒嗰個可以配蒜片一齊食。✨季節濃魚湯淮山魚湯