瀧宴日本料理

營業中

休息中

朋友生日，食好啲是常識吧。佢揀咗呢一間喺銅鑼灣嘅濃煙日本料理，其實食開呢一啲高級日本料理，通常都係嗌佢哋嘅set dinner，今次都唔例外，見佢做緊特價，所以即刻打去book咗位。歐陸美食晚餐($1380 -> $880)，前後共有11道菜。自家製醬汁煮南非鮑魚: 好！好！食！鮑魚大隻之餘，仲煮得好入味，食落去啱啱好唔會太難咬開，而且要一讚嘅係選材真係好有心機，下面嘅醬汁煮蘿蔔好甜，而且真係sok晒d汁，為呢一餐揭開序幕，令我更加期待之後嘅菜。海鮮茶碗蒸：有蟹肉鋪面，入邊有更多蟹肉，魚板，雞肉，蘑菇，白果等等。火候控制得剛剛好令到蛋夠滑而且仲食到淡淡嘅海鮮味。西班牙白松露鯛魚薄切: 鯛魚切成一片片，再加上白松露油配上自家製嘅米紙雪鹽，師傅整完嘅時候同我哋講係完全唔需要落醬油，因為佢哋喺自家製嘅米紙度已經落咗鹽，細細品嚐，真係感受到淡淡嘅鹹味。伴碟有蘿蔔苗，捲着食又多左份青葱味。再喺鯛魚上邊淋上白松露油，令到魚嘅鮮味更加突出。西班牙金倉魚腩手卷: 師父話用紫菜嘅話可能有啲客人會唔鍾意，所以佢哋改咗做鱈魚片，脆脆嘅鱈魚片加上新鮮嘅金倉魚腩，口感特別。澳洲龍蝦：呢一個完全係顛覆咗

銅鑼灣一向美食多籮籮，今次同友人去左呢間鐵板燒，仲可以飽覽維港海景！自家製醬汁煮南非鮑魚：鮑魚新鮮煙韌，調味濃郁，白蘿蔔清甜海鮮茶碗蒸：上面用左新鮮蟹肉鋪面，蛋亦都蒸得好嫩滑！西班牙白松露鯛魚薄切:白松露油好濃郁，再配新鮮即切嘅鯛魚，鮮味更為突出，口感爽口！金䱽魚腩手卷：即剁吞魚腩，食落去入口即融，成個口腔充斥住魚油香味澳洲龍蝦:新鮮即食游水龍蝦，師傅係魚缸直接撈出黎，連帶龍蝦膏一齊炒！食落去超鮮甜！呢個要俾一個讚！法國諾曼第帶子：新鮮即煮帶子，兩邊呈金黃色狀態，食得出係新鮮的，配上海苔醬，層次更高！美國頂級牛柳（厚切+薄切）：厚切牛左5成熟，牛肉汁好濃郁！非常嫩口薄切牛包住啲蔥同蒜，口感好豐富，餡料可以中和牛肉嘅油膩感季節濃魚湯：今晚係大蜆湯，蜆肉好大粒好飽滿！飲落去好fresh 好清新！煙肉炒飯：米飯粒粒分明，夠乾身，而且食到煙肉嘅香脆口感，師傅炒飯嘅姿勢真係好似睇緊一場show咁！炒雜菜：新鮮蔬菜 前面吸收得太多澱粉質 可以食返啲蔬菜中和一下甜品（綠茶布甸）：唔會太甜，適合控糖人士，為呢餐飯畫上完美句號！

朋友話呢間鐵板燒做緊promotion，相當抵食同好味，於是就約我一齊去食❤️餐廳係Sugar 26樓，景觀真係一流，基本上可以望晒成個銅鑼灣嘅景色，餐廳有一張弧形嘅鐵板燒枱，可以選擇望住師傅烹調美食，另外如果人多嘅話，都有其他枱可以方便傾偈👍🏻我哋食嘅係瀧宴歐陸美食晚餐，原價係$1330 ，而家只要$880就食到，真係超正😍自家製醬汁煮南非鮑魚，鮑魚煮得相當之入味，一啲都唔un🥰海鮮茶碗蒸：比起平時嘅茶碗蒸大碗得多，入面嘅料相當豐富，仲好有蛋香味👍🏻西班牙白松露鯛魚薄切：白松露油同埋淡雪鹽為鯛魚調味，帶出魚嘅鮮味😚西班牙金䱽魚腩手卷：鱈魚片同魚蓉估唔到咁夾，食落嘅口感相當豐富😍澳洲龍蝦：呢個龍蝦煎得香再講，仲有就係運用埋佢嘅蝦膏做醬汁真係超級鮮味😚法國帶子配海苔醬：帶子兩面煎香啱啱熟，仲有上面鋪咗三文魚子，好好味😊美國頂級牛柳（厚切同薄切）：一次過可以食到兩種口感，呢隻牛柳夠晒牛肉味，五成熟嘅肉質，煮得恰到好處😋最後仲要食埋佢個濃魚湯，炒飯，炒雜菜同埋甜品，甜品係蘋果肉桂蛋糕，好鍾意佢香濃嘅肉桂味，蛋糕又鬆軟，呢一餐真係超級滿足🥰

好耐冇食鐵板燒啦，朋友介紹話哩間好味同埋有個靚景🥰 就黎試下先。鐵板燒Lunch Set $338 (預早openrice 訂座優惠價）😋 前菜：汁煮鴨胸雪梨伴紫蘇葉哩個前菜好特別，同埋好清新開胃。鴨胸打成肉醬，加上雪梨汁同埋紫蘇葉，好夾呀。好有紫蘇葉既獨特香味散發出黎👍🏻😋海鮮茶碗蒸對比其他店既size黎講，哩度都幾大碗。有好多瑤柱𢇃鋪滿蛋醬，啖啖都有鮮味，蛋都好滑好香，最愛吃茶碗蒸，唔錯👍🏻😋自家製醃蘿蔔師傅好好人送我地一碟自家製醃物，有牛蒡，紅皮及白皮蘿蔔，蒜頭，醃得好好味，爽甜，再開胃左👍🏻😋南非鮑魚見到佢仲旭得好利害，超新鮮。鮑魚我最愛燒，師傅煎得岩岩好，好爽甜，配上少少忌廉味既醬汁，好野味👍🏻😋挪威三文魚師傅煎到塊魚片脆卜卜好好味，魚肉新鮮彈口，配上沙律醬好味👍🏻😋美國頂級牛肉厚燒牛肉粒好冧身嫩滑，有彈口。好重牛味。薄燒包上葱粒好野味香口，最緊要配上炸蒜片食，就係最夾👍🏻😋香蒜蟹肉炒飯粒粒日本飯都好分明，炒得好香口，仲要啖啖都有蟹肉粒，好味👍🏻😋炒野菜日本芽菜好粗身，師傅又炒得好爽脆可口，配上自家製少少辣既醬料，好吸引👍🏻😋海帶麵豉湯有好大塊既海帶伴麵豉湯，不濃不稀，味道剛

一早就聽聞sugar plus有無敵海景，上到去，發現環境確實好正，樓低高之餘配置整塊大玻璃，銅鑼灣避風塘維港景色一覽無遺呀！😍😍我今日午餐時間嚟，夜晚黎食嘢加睇夜景一定仲正😍今日呢個午餐Teppanyaki好抵食😄歐陸海鮮餐做緊promotion $338😍。啲食材勁非常新鮮，最正係個2隻南非鮑魚，仲係度郁緊勁生猛😍首先前菜係鴨肉啫喱伴雪梨紫蘇葉，又靚又好味，好夾！然後係海鮮茶碗蒸，仲食到入面有日本新鮮百合，師傅真係有好多details位😍之後就到煙三文魚，燒得啱啱好，啲肉則仲係好亂畫，又夠Juice南非鮑魚燒得夠哂味，多汁又彈牙，好滿足呀😍仲有鐵板燒師傅好有表演慾，落調味料有哂功架😂之後就到厚燒牛同薄燒美國牛啦，師傅offer左厚燒同薄燒俾我哋，好開心，兩款都有得試😍美國牛牛肉味濃，燒得啱啱好😋蟹肉炒飯真係一大加分位呀！用料十足，炒到粒粒分明，香到爆。跟住仲有麵豉湯同肥嘟嘟嘅炒芽菜最後仲有chocolate mousse cake同埋真係好想encore 嘅 red bean macha tofu pudding 😋一定要搵日再黎食dinner!!

今日去銅鑼灣食高級日本料理，預先book定枱食美食加靚景。今日係上班日，我哋抽時間嚟食個午餐，一行2人order左兩個午餐套餐。食物好豐富，包括有前菜、麵豉湯、蒸蛋、牛扒、鮑魚、三文魚、炒飯、炒雜菜、甜品。今次安排左我坐吧枱，睇住師傅喺前面煮嘢食，即刻上碟，放到你面前，保證新鮮熱辣，而且好衛生。全部食物都好好味，有幾樣令我好深刻。第一個係蒸蛋，上面加咗個芡汁，仲有好多蟹肉，超好味，落足料。接著係煎三文魚，師傅好有技巧咁將三文魚皮抽起，分開來煎熟，三文魚皮薄薄一片，加咗少少調味，好香而且好脆卜卜。而三文魚肉，煮得剛剛好，外脆內軟，入面仲有肉汁，唔會感覺好乾身，師傅非常有技巧。接着係煎鮑魚，好大隻嘅鮑魚，師傅放咗上個鐵板上面，一邊煎熟一邊將佢拆殼。然後慢慢切片，加咗少少調味同香料，再放到碟上。鮑魚食落去嘅口感爽爽地，鮑魚嘅肉汁仍然保留，好鮮甜，超好味。之後係煎牛扒，我哋揀咗五成熟，牛扒好新鮮，好香牛肉味，雖然只得五成熟，但係完全冇血水流出，好好味。之後就到炒飯同炒菜，輕輕嘅調味，帶出食材嘅鮮味，全部食物都做得好好。最後，仲有甜品，呢個係非常滿足嘅午餐。鋪內裝修好精緻，大玻璃窗，面對出邊嘅球

知道呢間鐵板燒坐擁維港靚景，即刻book嚟試吓，餐廳好大，裝修雍容，坐得都好舒服，轉身望就係靚景喇！呢晚食嘅係「歐陸美食晚餐」（$1380），而家做緊優惠$880／位（+10%）又幾抵！今晚未供應到自家製醬汁豬南非鮑魚，轉咗做🔸雙色青口bb 青口數量都多，調味甜甜哋，易入口，青口身都幾creamy作為前菜都幾稱職。🔸海鮮茶碗蒸 茶碗蒸係好滑嘅蒸蛋做底，上面有蟹腳絲，加埋芡汁帶出少少鹹味，上盤時熱辣辣，配料又多，入面仲有啲銀杏吊味，整體鮮味足。 🔸西班牙白松露鯛魚薄切 呢款真鯛都幾特別，首先鯛魚都多薄切，會特別帶出魚鮮香，又唔會膩，然後調味上，師傅加咗白松露油、淡雪鹽、蘿蔔苗，為刺身添加咗唔同嘅風味，入口時松露香最明顯，之後雪鹽輕輕嘅鹹味又引出魚鮮，後段會較多嚐到魚嘅鮮甜味道，捲埋蘿蔔苗一齊食又會食到菜蔬嘅香氣，感覺都幾新鮮。🔸西班牙金鎗魚腩手卷呢款吞拿魚份量十足，魚油膩味十分濃郁，亦有吞拿魚獨有的香氣，手卷已預先沾上醬油同山葵，食落味道均衡，加上底吓嘅脆餅，唔會整污糟手之餘，又為手卷帶嚟脆卜卜嘅口感，不過要快啲食，淋咗就會無咁正。🔸鐵板燒澳洲龍蝦 然後到熱食，嚟到鐵板燒嘅主角——龍蝦！

今日約咗朋友仔慶祝一下完成晒手頭上嘅工作，約咗佢去糖街Sugar+「瀧宴日本料理」食好野，餐廳位於26樓可以望到好靚嘅海景同維園景色，除咗提供鐵板燒之外仲有Omakase提供，我地今日揀咗Sushi Omakase，店員會先送上自家制漬物，有蘿蔔、牛蒡、蒜頭漬等開開胃先😋前菜鴨胸雪梨鴨胸蓉配上酸酸甜甜嘅醬汁，入口軟綿鴨味濃郁加上清甜嘅雪梨，味道豐富而有層次，別出心裁的配搭北海道鮮蟹肉醋物大大啖嘅蟹肉加入酸汁啫喱，更加能夠帶出蟹肉嘅鮮甜日式蒸蛋口感滑溜熱辣辣，蛋味特別香濃，直滑入喉嚨，加入本菇、日式魚片、白果壽司伊左肉質爽口彈牙，配上柚子胡椒調味，入口帶點辣味，刺激味蕾深海池魚肉質緊致清爽，魚肉豐厚肥美，加上三星漬提升咸鮮味道，油脂充斥口腔，回味無窮三文魚籽三文魚籽鋪滿壽司上，經師傅自家調味，入口味道較甜，完全冇腥味，一粒粒喺口中爆開，鮮甜咸香松露鯛魚灑上雪花鹽，肉質軟滑，松露味道恰到好處，既不會蓋過魚味更能突出魚嘅鮮味醬油漬吞拿魚魚肉充滿彈性，醬油味香濃入口鮮味幼滑秋刀魚時令嘅秋刀魚非常肥美充滿光澤，加上香蔥蓉提鮮，師傅嘅刀工令秋刀魚增添口感，超讚👍🏻右口魚右口魚邊炙燒後入口滿口魚油香

上星期帶左呀媽去擁有高層靚景既瀧宴日本料理食鐵板燒，餐廳景致一流，野食質素亦都好唔錯😋餐廳有2個吧枱 ，大既可以坐到10人，細吧枱就5人，另外有普通4人，6人，8人枱。我哋當然揀咗坐吧枱，可以睇住師傅一路整嘢食啦。當晚嗌左個好抵食嘅套餐，就係瀧宴歐陸美食晚餐，原價$1380，而家只需一人$880就有成11樣野食！🍽️🍽️🍽️✨自家製醬汁煮南非鮑魚鮑魚煮到好入味，個汁甜甜地，口感腍得來帶少少煙韌，另外可配紫菜粉同七味粉食。✨海鮮茶碗蒸茶碗蒸配蟹肉同菇，蛋香十足口感滑捊捊。✨西班牙白松露鯛魚薄切一上枱已經聞到個松露油味，鯛魚肉質細膩，配淡雪鹽帶微微咸味，蘿蔔苗就帶少少辛辣，但我最鍾意都係紫蘇葉既特殊香味。✨西班牙金鎗魚腩手卷呢個唔係用紫菜包黎食，係用底下塊餅裝住拖羅蓉，上面係七彩芝麻同蔥，可以連埋紫蘇葉一齊食。✨澳洲龍蝦龍蝦膏真係每嚿龍蝦肉都好新鮮彈牙，龍蝦膏好濃郁，呢道菜係我當晚嘅最愛😋✨法國諾曼第帶子海苔汁 帶子新鮮飽滿啖啖肉，配清淡嘅海苔汁唔會蓋過咗個鮮味。✨美國頂級牛柳呢個有得揀牛同豬，我哋兩個都揀咗牛，一個薄燒一個厚燒。薄燒嗰個捲咗好多蔥，厚燒嗰個可以配蒜片一齊食。✨季節濃魚湯淮山魚湯

今次慶祝好友生日決定請佢食餐好野～之前去過呢間嘅姐妹店 體驗不錯果然呢間都有返咁上下水準質素有保證🤭餐廳樓頂高空間感較大 感覺比較隱私放鬆.👨🏻‍🍳Dinner set $1380/person▪️自家製醬汁煮南非鮑魚▪️海鮮茶碗蒸▪️西班牙白松露鯛魚薄切▪️西班牙金槍魚腩手卷▪️澳洲龍蝦▪️法國諾曼第帶子▪️美國頂級牛柳 厚燒/薄燒▪️季節濃魚湯▪️丹麥煙肉香蒜炒飯▪️炒什菜▪️是日甜品.是日MVP肯定係龍蝦 新鮮鮮甜龍蝦 口感彈牙 加入蝦頭蝦膏秘制醬汁好入味 朋友都讚不絕口 另外丹麥煙肉香蒜炒飯都好特別平時較少食嘅款式意外地好夾 非常有口感👏🏻

終於約到朋友嚟呢度食飯，中午黎慢慢食個鐵板燒🤤🤤高樓底，地方闊落，超大落地玻璃，同埋好靚嘅海景，喺呢個環境食飯好舒服。講返食物，我哋叫咗鐵板燒嘅套餐，入面有南非鮑魚、挪威三文魚、美國頂級牛肉厚燒/薄燒前菜汁煮鴨胸配紫蘇葉，鴨胸配埋紫蘇葉，出奇地夾，清新好開胃，紫蘇fans表示高興🥰🥰海鮮茶碗蒸海鮮同埋菇菌嘅鮮味，同埋滑溜蒸蛋，令人更期待主菜☺️☺️廚師介紹今日鐵板燒嘅主角，材料好新鮮，隻鮑魚仲郁緊鐵板燒挪威三文魚，三文魚外面焦香，魚肉鮮甜，肉質柔軟，加埋燒脆魚皮，火候處理得恰到好處生猛南非鮑魚，質感彈牙有咬口，加埋調味恰到好處😋😋😋美國頂級牛肉，一次過試晒薄燒同埋厚燒，厚燒肉質鮮嫩多汁，牛味極濃厚；薄燒中間夾著香蔥，加埋香脆蒜片，呢個口感配搭真係一流😆香蒜蟹肉炒飯，炒雜菜飯粒分明乾身，炒到金黃色，而炒雜菜都好出色，旁邊跟既醬夾得好好味！富士蘋果蛋捲同檸檬海鹽蛋捲蘋果蛋捲香甜不在話下，而檸檬海鹽蛋捲好有驚喜，好鍾意檸檬嘅酸帶少少海鹽鹹味，一酸一甜，完全稱得上係完美句號！

SUGAR+呢幢嘢有好多新開嘅餐廳，今次就去咗食一間鐵板燒，位於廿幾樓，落地玻璃景觀好開陽仲有無敵大海景，強烈推薦慶祝、聚會嚟，無論日頭定夜晚都一樣咁有氣氛。今次呢個優惠午餐，只係需要三百幾蚊。前菜，同海鮮茶碗蒸個蛋蒸得好鮮甜，海鮮好足料鮑魚上枱之前見到好新鮮仲郁緊所以燒出嚟都好好食，非常煙靭彈牙，鮮甜三文魚皮煎到好脆口，魚肉亦都好鮮嫩，冇腥味，配上芥茉醬都好夾同朋友share所以一個人揀咗黑毛豬同埋牛肉厚燒黑毛豬油脂豐富，入口啲油噴晒出嚟，嫩滑嘅豬肉牛肉亦都煎得啱啱好，唔老，配上蒜片食👍🏻香蒜蟹肉炒飯炒飯好香，好多配料，令人食唔停口炒雜菜同埋甜品最欣賞佢什菜旁邊嘅炒香過嘅蒜蓉，令什菜都好惹味整體呢個價錢有呢個靚景都幾抵食👍🏻下次可以試omakasae😆

📍銅鑼灣｜瀧宴日本料理 ✨Dinner tasting menu $880原價係$1380，最近promote 推廣$880，可以食到各式優質食材！坐吧枱位置仲可以望住大廚以鐵板燒方式烹調食物，其他位置就可以高眺維港景色！⭐️自家製醬汁煮南非鮑魚醬汁甜甜辣辣幾特別⭐️海鮮茶碗蒸⭐️白松露薄切鯛魚⭐️金鎗魚腩手卷唔係普通壽司，底下係最中餅，為軟綿綿嘅金鎗魚腩蓉加點脆口感⭐️澳洲龍蝦廚師用番龍蝦膏係鐵板上快炒龍蝦，口感爽口彈牙！⭐️海苔清湯帶子帶子先經過鐵板燒，散發炙香氣，再配上海苔清湯⭐️美國頂級牛柳有薄燒及厚燒牛柳，薄燒牛柳包裹住大量香蔥，厚燒牛柳一咬即化開，非常軟淋，超好食！⭐️丹麥煙肉香蒜炒飯⭐️精選甜品甜品係肉桂蘋果蛋卷，天然嘅香味且味道濃烈，最後一道菜都好好食

呢幾日放長假,同朋友一起嘆下。呢間日式餐廳係26樓,裡面有落地玻璃,睇到好開揚既景。我地叫左一樣既SET,呢排有PROMOTION,好抵食。前菜係BLEND好左既鴨肝,加埋紫蘇葉同埋梨,好清新。海鮮蒸蛋就有好多貴價食材,蒸蛋好滑溜。南非鮑魚好生猛,未煮之前係活既,好大隻,睇住師傳用牛油煮到佢好香,仲要CUT成一份份,好易入口,大滿足。挪威三文魚既煮法都特別,師傳張層皮煎到香脆可口,仲可以當裝飾。三文魚既肉好分明,好香。美國牛肉有厚燒同薄燒,二食都好正。薄燒就加左D菜係中間,肉好薄,好有入口即融既感覺,就算厚燒都有好易咬,一D都唔UN. 炒飯都加左幾多蟹肉,粒粒分明,好香,飯同肉既比例好令人滿意。炒菜都勁大條,加埋特製既醬好惹味。最後個甜品係CAKE,有玉桂蘋果蓉,同埋檸檬CAKE,味道夠特別。呢度既焙茶好好飲。大滿足!