瀧宴日本料理

營業中

休息中

銅鑼灣Sugar+ 商業大廈好似新落成，上面主要係食肆，喺維園附近。一打開電梯門，有兩張鐵板燒大枱，總共坐到20人左右。景觀好遼闊，有渣甸山經過維園，維港，望到對面海嘅紅磡。職員介紹dinner Testing Menu有promotion，包括南非鮑魚，鯛魚薄切Sashimi，龍蝦，帶子，厚燒牛柳，吞拿魚腩手卷，炒飯好豐富。澳洲龍蝦都大大件，每位食半隻都有三件頭嘅龍蝦肉。難忘係法國帶子，廚師煎香左，加上昆布上湯鮮甜。厚切美國牛柳，外脆內軟。

老公係特別日子帶我去食好嘢餐廳位置10分容易搵到上到去有兩張大枱可以望住廚師準備食材俾你另外亦有二人或者四人座位唔係坐吧枱嘅環境氣氛好好 職員服務亦好周到👍🏻👍🏻重點係師傅個個都笑容滿面😊每樣菜式都會同你介紹有時會同你傾一兩句 好舒服😌瀧宴歐陸美食午餐原價$458一位而家做緊優惠價$338一位前菜牛肉玉子燒配明太子醬，連埋好香嘅紫蘇葉包住一齊食，好清新師傅自家製漬物柚子蘿蔔最鐘意食，柚子味好出、用紫蘇葉整嘅紅蘿蔔蘿片又好好味👍🏻、牛蒡、蓮藕、蒜粒海鮮茶碗蒸一望已經見到蟹肉絲，蒸蛋好嫩滑，配埋蟹肉絲食好甜主菜泥啦南非鮑魚，鮑魚10分新鮮擺上鐵板上邊燒，睇住鮑魚郁動又好似有啲殘忍🙈，自身嘅海水鹹味已經夠味道，加上黑椒好惹味，師傅將鮑魚切片，每食一啖都好有咬口，正😋😋😋😋😋燒挪威三文魚🍣外層燒到呈現金黃色，皮亦燒到脆卜卜👍🏻👍🏻👍🏻美國牛肉厚燒&薄燒🐮師傅知道我心大心細，所以厚薄都比晒我試，自己就鐘意厚燒比較重牛味啲，老公就鐘意薄燒比較油膩重啲，助廚介紹蒜片係由師傅精心油炸，冇浪費到全部都食晒👍🏻👍🏻👍🏻👍🏻👍🏻香蒜蟹肉炒飯🍚好多蟹肉絲炒到個飯粒粒分明好香口甜品有抹茶布甸🍮甜品好精緻，布甸比

瀧宴日本料理位於銅鑼灣糖街高層，望到成個維園景觀。今次中午黎，食openrice推廣嘅瀧宴歐陸美食午餐，338蚊加一有十道菜，好抵食。餐廳環境一流，質素高，食物抵食。 ❤️自家製牛肉蛋卷 玉子燒入面有牛肉，有明太子醬，包埋紫蘇葉味道好清新。 ❤️漬物五點 牛蒡最爽口；柚子味白蘿蔔，有柚子條，味道甘甜；红蘿蔔，用紫蘇葉醃製；莲藕；味增味蒜粒，味道濃而開胃。 ❤️海鮮茶碗蒸 係日本傳統做法，蒸蛋味道淡而滑，芡汁多，濃度啱啱好，蟹肉新甜分量多，好似中式湯羹咁好好味。 ❤️南非鮑魚 鮑魚無落鹽，靠係本身海水鹹味，加上牛油同黑椒燒，好香牛油味。 ❤️鐵板燒挪威三文魚 三文魚外層燒到金黃色，好香脆。仲有一塊脆魚皮。點上餐廳自製芥末沙律醬，後面有少少辣勁。 ❤️美國牛肉厚燒+薄燒 燒牛肉，師傅又比我一次要兩款，正！五成熟牛肉，有肉汁，尤其薄燒，入口即溶，加左蒜片同蒜粒好香口。 ❤️香蒜蟹肉炒飯 蟹肉好多，一絲絲好鮮味。飯粒金黃色，又唔油膩，熱辣辣好好食。 ❤️海帶麵豉湯+炒雜菜 雜菜加左自製胡麻醬，有粒粒芝麻同芝麻油香味，健康又惹味。 ❤️十勝紅豆綠茶布甸 個甜品整得好有心思，用玻璃盒裝住嘅，好似珠寶咁好精緻。綠茶布

瀧宴日本料理，這家餐廳的主廚真是招呼周到，讓人感到宾至如歸。他們的菜品更是令人驚喜不已！首先，他們自家製的醬汁煮南非鮑魚，簡直是美味的代名詞！這鮑魚入口即化，咬下去的一瞬間，你會感受到口腔的幸福瞬間。海鮮茶碗蒸是另一道讓人驚艷的菜品。彩色的海鮮擺放在蓬鬆的蒸飯上，一口咬下去，鮮嫩的海鮮和香氣四溢的飯粒在口中結合成一個完美的和諧。不僅如此，他們還有西班牙白松露鯛魚薄切，這道菜讓你感受到豪華的享受。每一片鯛魚都薄如蟬翼，搭配著香氣撲鼻的白松露，簡直是一種奢侈的美味。還有鐵板燒的澳洲龍蝦、法國諾曼第帶子和宮崎和薄燒等菜品，每一道都令人垂涎三尺。最後，他們的季節濃魚湯，濃郁的湯底中充滿著新鮮的魚肉和海鮮，一口喝下去，溫暖著你的胃和心。總的來說，瀧宴日本料理絕對是一個令人愉悅的用餐選擇。主廚的招呼周到，菜品的驚喜和美味讓人流連忘返。如果你想要享受一頓幸福的美食之旅，不妨來這裡一試！

日式海鮮鐵板燒～11道菜極優質食材仲有夜景睇自家製醬汁煮南非鮑魚第一道味道就已經好驚豔！醬汁調製得好好味 鮑魚好入味 師傅話下午就開始浸定先燒！真係要比讚！海鮮茶碗蒸茶碗蒸基本要滑嫩～呢個唔止滑嘟嘟！仲滿滿的海鮮係入面，啖啖都滿足～西班牙白松露鯛魚薄切黎到第三道又係驚喜的味道！整薄切嘅鯛魚片盡顯師傅刀工細利！鯛魚新鮮得黎加左白松露碎片係面 呢個調另好掂！將鯛魚嘅鮮味提升咗！師傅仲話可以包住附有嘅白蘿蔔菜咁食～果然又另一番風味～太捧了！西班牙金䱽魚腩手卷拖蘿蓉卷物連左個勁脆口嘅花形脆餅上 口感比起平時食手卷更有層次！澳洲龍蝦大大隻新鮮即捉即劏即燒👍🏼 真係好多肉又鮮甜！我地連蝦頭肉都唔放過食得好徹底！正！法國諾曼第帶子汁燒帶子 除咗帶子鮮甜連個汁都係好好味！加左海苔個味道好似上湯咁令你上癮會飲晒啊！美國頂級牛柳第7道厚燒同薄燒靚牛肉！我地叫左5成熟～ 好嫩！厚燒嘅入口即溶～薄燒嘅夾左炸蒜香蔥 夠惹味！丹麥煙肉香蒜炒飯黎到第八味嘅炒飯～炒得粒粒鮮明入味又唔會過咸～米飯炒得剛好咬落帶輕微柔軟度！有種綿綿感～可能係幸福的味道😊 炒什菜炒日本芽菜～係爽！濃魚湯一啲腥味都冇嘅魚湯好鮮甜 出色！抹茶

前排喺天后嘅「宴·鐵板燒」享受左一頓好高質嘅日式鐵板燒晚餐，席間師傅提起話銅鑼灣Sugar+原來都有一間同一公司開嘅姐妹店「瀧宴」，一於黎呢度食慶祝女朋友升職！餐廳位置喺正皇室堡旁邊，非常方便。呢棟Sugar+好新淨，餐廳本身嘅裝修亦好精緻，窗外嘅景致更加係好開揚！呢晚係平日，咁啱有個優惠menu，原價$1380+10%，而家只需$880+10%就可以享用11個courses，好抵食！以下係我地當晚嘅食物：自家制醬汁煮南非鮑魚：擺盤好精緻，鮑魚煮得好諗好入味，配埋啲蔥絲同埋底下塊蘿蔔一齊食簡直一流！松葉蟹肉茶碗蒸：啲蛋好滑，而且吸收曬松葉蟹肉嘅精華，所以非常鮮甜！鯛魚刺身薄切：刺身本身好新鮮，師傅特別加左淡雪鹽同埋西班牙白松露，所以根本唔洗點豉油都已經好好味！鐵板燒澳洲龍蝦：隻澳龍係師傅喺我地面前從個缸度撈出來，仲紮紮跳，所以非常新鮮！龍蝦肉飽滿程度不在話下，我最欣賞係師傅特登將啲龍蝦膏擺返上啲龍蝦肉嘅面上可以話係畫龍點睛，令每一啖嘅鮮味爆棚！鐵板燒法國諾曼第帶子：粒帶子嘅size好大，肉質鮮美，而且師傅喺帶子嘅面上面擺左好多蟹子，好好味！鐵板燒美國牛柳：我同女朋友各自要左薄燒同厚燒，

話說近排透過朋友介紹，銅鑼灣有間餐廳既鐵板燒套餐晚市做緊優惠，足足比原價平成五舊水😱小妹決定襯住發薪日🤭帶小妹媽一齊食餐好嘅❣️我倆第一次品嚐鐵板燒晚餐😎😎（賣甩老豆食好嘢系列）呢間位於Sugar+頂樓既日式餐廳《瀧宴》，景觀超級好，望到維園夜景，又望到維港景色，仲望到遠處位於西九文化公園嘅聖誕樹添😍😍在鐵板燒區域中有個專放龍蝦既魚缸，在客人落單後，師傅們才會在魚缸內撈起新鮮生猛的龍蝦🦞；另外，師傅亦會在每道菜式上枱後稍作介紹，令客人更了解每款食材同味道！菜式用心之處除了對食材的堅持外，在擺盤方面亦無馬虎，令每道菜式都睇得又食得❤️真心覺得好靚又好食，服務又好❣️❣️❣️▫️ 自家製醬汁煮南非鮑魚擺碟以七味粉、紫菜伴碟；入晒味的大根墊底，鮑魚肉質有口感唔會太淋。▪️ 海鮮茶碗蒸第一眼先被灰色碟配金黃色碗及蓋吸引，餡有百合、蟹肉、嗚文卷、本菇⋯似選用靚雞蛋令蒸蛋呈現金黃色😋😋▫️ 西班牙白松露鯛魚薄切使用了一片片的淡雪鹽味道不會太咸，再配白松露，比黑松露清香：鯛魚片完美帶出師傅刀工完美😍新鮮美味🤤▪️ 西班牙金鎗魚腩手卷金鎗魚腩已調好味，配埋下面件餅一齊食，口感豐富特別且有層次感👍🏻👍🏻▫️ 澳洲龍蝦用金色

工作日約咗屋企人嚟銅鑼灣食lunch，呢度處於銅鑼灣中心位置，餐廳內有落地大玻璃，城市景色一覽無遺💙今次嚟試咗佢哋歐陸美食午餐，鐵板燒真係好正呀- 前菜是日前菜為沾有明太子醬的牛肉蛋捲，香滑嘅雞蛋將牛肉粒緊緊包裹，同明太子醬一齊食十分特別- 海鮮茶碗蒸香滑美味，好鍾意-南非鮑魚好新鮮，佢哋真係即刻攞出黎咖-鐵板燒挪威三文魚三文魚以鐵板燒方式烹調，外皮酥脆，肉質鮮嫩。師傅擺盤都好有心思😍特登襯翻秋天意境-美國頂級牛肉牛肉燒製得十分鮮甜，好優秀-香蒜蟹肉炒飯炒飯好香，蟹肉都十分新鮮👍-海帶麵豉湯配炒雜菜menu的設計非常有心機，炒雜菜同麵豉湯可以轉換一下口感～-是日甜品食咗佢哋自家製的抹茶奶凍，茶味香濃，為呢餐畫上完美句號💰$338/set （promotion price）

估唔到過咗幾個月都仲有生日飯食🥰朋友仔今日帶我去間銅鑼灣性價比超高嘅鐵板燒午餐，一出lift見到店名同背景都好有氣派朋友話日頭景色都一流！午餐而家做緊promotion，連埋加一都唔使$400😳食材真係超新鮮！兩隻鮑魚又大又生猛😻前菜好開胃，水梨同酸汁啫喱甜酸嘅配搭令人好有食慾茶碗蒸材料好多，蟹肉同蟹味菇還有鮮味，仲有我鍾意既白果係入面我最喜愛既牛蒡蘿蔔同蒜頭漬物，雖然今日冇配酒，但就咁食都好好食鮑魚切薄片煎香，冇overcook，調味亦恰當，鮑魚中煙靭嘅口感及鮑魚邊既脆彈，一款菜式有兩種口感三文魚好香脆！絕對係我食過最香脆最juicy嘅煎三文魚旁邊嘅帶酸醬汁錦上添花，可以解三文魚嘅油膩感牛肉用咗兩款唔同嘅方法去烹調，牛肉粒juciy而且越咬越有牛味，薄燒夾雜香蔥一啖入口真係好滿足尾聲嘅炒飯都絕不馬虎，蟹肉份量相當多，飯炒至金黃色粒粒分明，炒野菜都非常爽口甜品係抹茶豆腐布甸🍮蜜紅豆醬同抹茶豆腐相當之架，口感好幼滑環境好舒服，同朋友兩個人靜靜地有靚景又有好嘢食，價錢又唔貴，真係冇介紹錯❤️

係銅鑼灣用$880食到日式料理x鐵板燒真心抵餐廳裝修有氣氛有儀式感，燈光唔會太黃，可以精神滿滿咁樣享受呢一餐。佢嘅時間控制亦都值得一讚，會見你就嚟食完先至開始整下一道料理。一個師傅專門負責兩組客人既鐵板燒，所以係唔會有呆等食物嘅時間。呢日有4個師傅準備食物，人手充足值得一讚！另外亦有披肩提供，十分細心。自家製醬汁煮南非鮑魚面頭有啲京蔥絲、底有蘿蔔，汁煮味道不錯海鮮茶碗蒸有鮮甜味既茶碗蒸西班牙白松露鯛魚薄切鯛魚同白松露、豆苗、樹葉捲埋一齊食，味道已經夠濃，無需要豉油蔥芝麻吞拿魚壽司有個餅底口感幾特別澳洲龍蝦龍蝦彈牙，連蝦膏炒配上紫菜粉，味道絕不會出錯法國諾曼第帶子香煎帶子配海帶湯、魚子美國頂級牛柳厚燒 比較食到牛肉嘅香味同口感更好薄燒 牛肉捲起啲蔥，味道層次較多同清新丹麥煙肉香蒜炒飯抹茶布甸

銅鑼灣|瀧宴日本料理 . 位於銅鑼灣糖街Sugar+ 高層日式餐廳，景觀一流, 飽覽銅鑼景美, 日與夜同業優美💞 . 餐廳設計以木系裝潢為主, 寬敞舒適,設有吧枱及窗邊位置, 如坐吧枱，進食之餘同時欣賞廚師主理美食, 交流一下也不錯👍🏻 餐廳提供不同套餐, 亦可以單點等, 選擇豐富, 來這裡準沒錯👍🏻 . Dinner Teppanyaki Set, 剛巧碰上開業一周年慶，推出精選套餐，原價 $1380.位, 精選價$880/位🌟🌟 . 🔺自家製醬汁煮南非鮑魚 原隻鮑魚切片, 鮑魚入口軟腍有彈牙, 再配上自家制醬汁, 入口鮮嫩💞 . 🔺海鮮茶碗蒸 茶碗蒸蛋味香濃, 入口香滑, 配上干貝絲, 令蛋味更加鮮甜可口💞 . 🔺西班牙白松露鯛魚薄切 薄切鯛魚, 配上淡雪鹽跟白松露油, 入口陣陣松露香味，淡雪鹽令味道更加鮮味💞 . 🔺 吞拿魚茸一口米酥吞拿魚茸調味後放上最中餅上，吞拿魚茸鮮味，肉質更為肥美香滑，碗香脆最中餅配搭一流👍🏻. 🔺澳洲龍蝦🦞 澳龍肉質爽口彈牙, 龍蝦味比較濃, 再配上蝦膏製的醬汁, 鮮上加鮮, 味道濃郁💞 . 🔺法國帶子配新鮮青海台 帶子入口嫩滑, 口感鮮嫩, 配上青

呢間鐵板燒位於銅鑼灣Sugar嘅26樓，高樓層可以望到好靚嘅維港景色，餐廳分開兩邊，一邊可以食omakase，一邊可以食鐵板燒，仲有一間卡拉OK房，好啱一大班人過嚟食飯，而家鐵板燒套餐，仲做緊特價，$880一位已經食到澳洲龍蝦、鮑魚，非常超值✨自家製醬汁煮南非鮑魚鮑魚肉質相當扎實有口感和嚼勁，肉質非常鮮甜，加上醬汁浸泡同冰鎮，更加爽口彈牙✨海鮮茶碗蒸日式蒸蛋相當嫩滑，加上味淋甜甜地，海鮮好豐富，有蝦、帶子粒✨西班牙白松露鯛魚薄切鯛魚魚味濃，比較有咬口，白松露油超香，完全能提升魚ge嘅鮮味✨西班牙金鎗魚蓉中餅拖羅蓉非常鮮味，口感細滑，細細粒可以一啖放落口，中餅口感好鬆脆✨澳洲龍蝦🦞隻龍蝦廚師火候控制得剛剛好，已經好細心幫你切到一粒粒，同埋龍蝦個醬汁用咗本身蝦膏煮成，每一啖都食到蝦膏味，好滿足✨法國諾曼第帶子醬汁非常惹味，帶子好似個拳頭咁大粒，好新鮮好鮮甜，火候煮得剛剛好，唔會過熟，加上三文魚籽，鹹香味十足✨美國頂級牛柳（厚燒 或 薄燒）今次我哋厚燒和薄燒都有試到，牛柳瘦肉與油脂分布均勻，薄燒牛肉裏面包着蔥花同炸過的蒜片，每一啖都好香口，入口即溶，牛肉肉味濃，生熟程度煎到剛剛好✨季節濃魚湯

野食好味！又抵吃，環境好，又吾會太多人，服務態度良好！會再黎試其他……………………………………………………………………………….

瀧宴日本料理（銅鑼灣）今次試既係佢既歐陸美食餐餐，依家做緊promotion，原價Original Price $1380，Pomotion Price $880。佢一黎會先將當日所有食材展示俾我地睇。白酒煮青口當日無鮑魚供應，佢就換左呢道青口。我個人幾鐘意，青口雖然細細隻咁，但好鮮甜又creamy，同平時啲自助餐凍海鮮比贏幾條街。海鮮茶碗蒸佢有落啲海帶同帶子落去調鮮，好落好鮮味。白松露鯛魚薄切鯛魚本身好新鮮，佢配啲白松露落去又意外幾夾幾好食。澳洲龍蝦龍蝦不得了，同埋啲龍蝦既內臟一齊炒過，好香口，同埋佢食材本身新鮮，所以啲蝦肉都好彈牙鮮甜。同埋仲要尾經起曬肉，超方便食。 吞拿魚手卷法國諾曼第帶子就係好食，佢同埋啲海帶一齊煮過，鮮上加鮮。美國頂級牛柳 或 西班牙黑毛豬 （厚燒 或 薄燒）佢可以俾你自選，我就選左厚燒牛，配埋啲板仔蒜仔又係好正。季節魚湯鮮。香蒜炒飯已經超飽，淨係食到好少。但佢炒到粒粒分明，係好食既炒飯。炒什菜是日精選甜品雖然好飽，但甜品又係另一個胃。一個係蘋果一個係檸檬味既卷蛋，各自既味道都好突出，好食。

發現銅鑼灣隱藏住一間高質抵食嘅鐵板燒，位置正正喺皇室堡隔離，遠望可以望到海景，而且裝修華麗，所有所有碗碟都金光閃閃✨價錢超級相宜，晚市去食都係八百幾蚊一個人，足足11道菜，而且有專業嘅師傅喺前面即場烹煮，同師傅吹水先知道師傅已經煮咗20幾年，唔怪之得煮得好有水準！自家製醬汁煮南非鮑魚南非鮑魚大大隻好鮮味，而且炆得好淋，咬落一啲都唔費勁，而且仲已經切好晒，方便一啖一啖擺入口。鮑魚下面配咗慢煮蘿蔔，加埋自家製醬汁超級入味，入口即溶而且無渣，碟邊亦配上七味粉同埋紫菜粉可以自由配搭，隨意Mix and match～海鮮茶碗蒸蒸蛋滑捋捋，配上蟹鹽，食落去淡淡蟹肉絲同埋鮮菇，暖笠笠好好味西班牙白松露鯛魚薄切同一般嘅醬油芥末唔同，呢度嘅魚生好有創意地用左淡雪鹽同白松露油作為調味，白松露油令到成個魚生嘅味道升到另一境界，配埋側邊嘅菊花乾同埋紫蘇花乾，成個配搭好新奇但又超好味！西班牙金䱽魚腩手卷滿滿嘅吞拿魚蓉上面加左芝麻，菊花，香蔥，而壽司飯已經配好咗豉油同埋Wasabi，底部仲配搭左個燒餅，可以成個放入口一啖享受超濃蝦膏澳洲龍蝦睇住師傅喺魚缸入邊將超級新鮮生猛嘅龍蝦撈起黎，然後即場新鮮劏，望住師傅將啲