瀛鍋

營業中

休息中

今晚同朋友去咗瀛鍋食嘢，位置係九龍城，呢度嘅菜式都幾多而且又新鮮，我哋揀咗菜膽鮮魚濃湯鍋，好香濃，一開始飲湯好開胃😋😋肉類同海鮮拼盤都好豐富，肉類包括牛胸爽，安格斯牛肉，本地肥牛，黑毛豬肉片，羊肉片，每款肉都好鮮嫩，煮完岩岩好肥瘦均勻，海鮮拼盤有廣島蠔，鮑魚，白鱔片，鯇魚片同水魷，每款都好新鮮🦐🦑午餐肉炸到好脆，熱辣辣可以即食好好食，蔬菜拼盤都好豐富，全部係有機菜，有菜芯，白菜仔，菇菇，蕃茄，粟米等等，種類都幾多，啲蔬菜都幾新鮮😚😚服務員好nice，熱心介紹每款菜式，加湯都幾快，令我哋食得好開心😊😊總括而言，瀛鍋係一間高質嘅火鍋店，菜式豐富，湯底好味，服務好好，同朋友食得好開心😉😉📍 瀛鍋 (九龍城)九龍城福佬村道82至84號福成閣地下A至B舖 #香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkfoodie #hkfoodies #foodblogger #berryfoodie #berry九龍城 #火鍋 #打邊爐 #新鮮 #足料湯底 #瀛鍋

今晚同老公，去咗九龍城食火鍋，揾位泊車唔容易。瀛鍋設有為客人提供泊車服務。1)今晚叫左一個火鍋椰子、椰青雞湯鍋，這湯比較清潤，煲內還放上:馬蹄，紅蘿蔔、紅棗、鮮海底椰、清遠走地雞半隻。湯滾起就飲湯先。湯清甜，走地雞肉質滑有鮮味。另外叫了一些食材2)牛什拼包括:本地牛肉、霜降牛肉、牛爽白肉、黑豚肉、蒙古羊卷(只勺幾秒可食)3)什拼包括:手打牛丸(咬口彈牙)金沙(咸蛋黃餡)魚蛋脆肉鯇魚片、鱔片、自家制韭菜餃、鮮蝦雲吞(蝦肉爽口)蟹籽包心丸有機蔬菜(新鮮)最後叫咗凍飲洛神花茶，酸酸甜甜的，好開胃。

呢間瀛鍋正正就係九龍城廣場對面 地點相當方便 入到去檯與檯距離勁開 每一檯都有充足私人空間 同朋友傾計食飯就一流店員拎個火鍋配料架上黎時都非常乾淨企理 果個裝野既罐都唔會有油係外面♡特瀛刺身 $396入面包括南非三頭鮑 帶子 魷魚🦑 希靈魚 北寄貝刺身唔會話有雪味 爽口新鮮 尤其係個鮑魚淋滑得黎帶小小甜♡肉類拼盤 $568入面有安格斯牛肉 本地手切肥牛 牛白肉 豚肉 羊肉牛白肉砌到成朵花🌹咁 爽口又好食安格斯肉味濃而且好淋 油花分布都好平均本地手切肉味比安格斯更重肉味 不過就冇咁淋身♡什錦丸 $88最特別係芋泥豬肉丸同埋金沙流心魚蛋 超夾超好食♡柱侯蘿蔔牛腩湯底🍲湯 $198呢個湯底濃厚 我成晚食咁多野都完全唔洗點個豉油 因為個湯已經比足味d食材♡自家製洛神花茶🌺 $38勁大杯 價錢好抵而且酸酸地幾好飲餐廳有2層 坐下面就每人最低消費$300 食物價錢同食物質素成正比 餐廳仲有代客泊車服務 咁就唔使諗泊位 可以約親戚朋友去食👍🏻

聽人哋話九龍城食飯處處充滿驚喜，估唔到我今次嘅覓食之旅竟然真係比人搵到一間咁好嘅餐廳！今日喺同女朋友嘅週年紀念日，因為我哋都好中意打邊爐，我就喺九龍城搵咗間風評唔錯嘅火鍋店同佢食餐好嘅😋打邊爐最重要梗係個湯底！今次我哋就揀咗佢地最出名嘅椰子孖寶雞鍋。店員上湯底嘅時候會連埋乾椰肉，一粒椰青同一粒椰皇一齊上，喺我哋面前將滿滿嘅椰青水加入湯底。加完之後，店員竟然仲出盡力括晒所有椰肉加埋入去，真係少啲力氣都唔得💪🏻 成個湯底都係新鮮椰青水同椰肉嘅香味，全程只係加咗少少鹽調味，完全無落味精。店員最後會將湯底包埋嘅半隻雞加落去，煲滾之後就可以開始食啦🤤喺等緊個湯滾嘅時候，第二個重頭戲嚟啦！龍蝦刺身🦞！！！刺身上台嘅時候我同女朋友都嚇咗一跳，估唔到係咁大碟🤯 龍蝦食落十分新鮮，上面加咗啲蝦子增加口感，我哋一啖接一啖根本停唔到口👍🏻拎個龍蝦頭望咗望，入面仲有少少膏，我哋仲同店員開玩笑話將個頭放埋落去滾湯🤣之後佢哋話原來頭尾可以加錢做椒鹽，但今次得兩個人真係驚食唔晒所以最後都係無加到🥲龍蝦食到一半個湯岩岩好滾，我哋都急不及耐要即刻整返啖湯🤤 我諗呢個真係我人生飲過最好飲嘅椰子雞湯，個清甜感覺係筆墨難以形

黎到九龍城食飯，選擇好多。今次無食泰國野黎左打弓邊爐。麻辣湯底味道非常濃郁，辣度可以自由選擇，唔食辣都可以食到！湯底中有許多辣椒和花椒，讓湯底的香氣豐富。湯底中的香料味很濃，特別是麻辣味，讓人吃得很過癮。此外，湯底仲有惹味鴨血，滿足多一個願望。牛肉拼盤的賣相很好，肉質鮮嫩，切得均勻，入口即化，口感十分滑嫩。牛肉的味道很鮮美，肉質脂肪分佈均勻，都係將靚既牛！鯛魚切得非常整齊，拎上黎魚骨仲郁，證明好新鮮。鯛魚的味道很鮮美，口感順滑搭配上柚子醋和芥辣醬油，味道更加爽口。椒鹽鮮蝦色澤金黃，外皮炸得酥脆。蝦爽口份量又足，搭配上椒鹽調味，味道香口十足，另人食完一隻又一隻。椒鹽鮮蝦惹味蒜香和辣味，非常適合作為開胃菜。配埋其他火鍋配料，真係好滿足！

最近去咗一間灜鍋，一坐低佢哋會介紹推薦嘅招牌菜，好有禮貌好親切。我覺得食物份量足夠，味道都吾錯，大家可以試一試。野生蟲草花醉雞鍋$258我地首先嘗試咗佢哋嘅招牌野生蟲草花醉雞鍋一啖湯底嘅花雕酒香味已經係好濃郁。醉雞入味，啱啱好，吸收左湯底嘅味道，肉質好嫩。個湯底真係夠勁。好食又抵食。手切鴛鴦牛肉$468手切鴛鴦牛肉亦非常好味，每片牛肉夠厚身，肉質嫩滑，配上湯底更加美味。而且分量十分多，一男一女食份量岩岩好，非常抵食。蝦滑拼墨魚滑同手打四寶丸 $88 & $78如果想試吓其他小食，我會推薦佢哋嘅蝦滑拼墨魚滑同手打四寶丸，都好好食，好滑身彈牙。太白醉翁蝦 $158非常鮮甜而且蝦肉夠Q彈，配搭花雕醉雞湯底更加入味，真係超正！同埋要話一句，佢哋嘅蔬菜真係好新鮮啊！全都係佢哋喺有機農場購入嘅，口感爽脆，有機蔬菜值得一讚鹹檸七&洛神花茶 $30 $38飲品方面，鹹檸七同洛神花茶都唔錯洛神花茶口感清新，而且還有降火的功效非常適合配搭火鍋鹹檸七的酸甜味道，很適合用來解膩

晚餐喺屋企叫網上外賣平台平時叫開厚福館，今日諗住轉下新口味，點知就中伏！勁差！從來未試過喺OpenRice留食評，為咗瀛鍋，今日破天荒要寫食評！冇一樣嘢好食！叫咗條成千蚊聲稱加拿大象拔蚌得幾片又黑又冇鮮味，聖子同醉蝦味道都唔係幾新鮮各食咗一嚿倒落垃圾桶，可想而知係有幾難食啦牛肉又瘦又柴不過味道已經係裏面最正常，最離譜係Wasabi豉油碟豉油好似溝個水咁變淺啡色冇乜豉油味，請問係咪豉油好貴？簡直係垃圾中既垃圾！

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️🏷瀛鍋@九龍城九龍城唔止得泰國菜，仲有超正既火鍋添，千祈唔好錯過💁🏻至鮮刺身今次叫左北寄貝、希靈魚、魷魚同埋生蠔味道好新鮮，相當唔錯👍🏻建議可以作為一個頭盤，率先嘗鮮💁🏻椰子孖寶雞鍋🥥💁🏻肥牛、牛肉粒、牛舌、牛爽白肉、豬、羊💁🏻有機蔬菜拼盤湯底用左原隻椰子同埋椰青，仲有好多馬蹄，超級足料店員為我地落完雞後，提提我地可以飲湯先，勁清甜椰子雞湯，超正啊肉類拎出嚟，基本上唔使點醬已經好入味而蔬菜用左有機蔬菜，相當新鮮💁🏻椒鹽三文魚骨腩💁🏻椒鹽海蝦又估唔到佢啲炸物都唔錯，金黃香脆仲勁重胡椒味，仲唔會太咸是否推薦↩️？✅必需推薦，椰子雞湯底相當出色，下次可以叫多幾個海鮮，常常都相當唔錯值得一提，問咗店員先知，原來店內仲有樓上包廂可以預訂，無論係家族食飯，定係公司聚會都非常之適合呢

位於九龍城的瀛鍋是一家以火鍋為主的餐廳，人均消費約為$300-400。瀛鍋擁有兩層，地下一層的樓底有兩層樓高，而上層則相對較矮，並且設有8-10間VIP房，可以同時容納十幾個人，但人均消費會稍微高一些。瀛鍋的火鍋料非常豐富，包括肥牛、和牛、羊肉片、豬肉片、各種蔬菜和番薯粉等，而更有趣的是餐廳還提供新鮮的魚生、海膽和生豪等海鮮。火鍋湯底採用養生椰子雞湯底，椰子和雞在客人面前處理並放入爐中，讓湯底更加鮮美。除了火鍋料之外，瀛鍋還有各種炸物可供選擇，例如椒鹽海蝦和炸三文魚骨腩等，讓人們可以在享用火鍋的同時，也能品嘗到其他美味的小吃。瀛鍋的服務也非常周到，服務員會定期來幫客人更換湯底和清理鍋底，確保火鍋湯底的清潔和衛生。總的來說，瀛鍋是一家不錯的火鍋餐廳。無論是火鍋料的豐富程度、湯底的鮮美度、炸物的口感還是服務的周到程度，都讓人印象深刻。

瀛鍋 (九龍城)有日朋友話佢之前食過間火鍋幾好食 不過係九龍城 對小編黎講都唔算遠 甘岩最近約緊個朋友食飯 又冇idea 於是乎就去試下🫣兩個人都唔係食得好多野 所以就叫左d丸、肉、菜同埋小編最中意既海鮮😋湯底方面就叫左個菜膽鮮魚濃湯鍋🍲個店員話係招牌 用梭欏魚同九棍魚熬出嚟 佢叫我地滾起就先飲左啖湯先🤪一飲真係覺得不得了 勁鮮甜🫣搞到小編飲左成3-4碗 鍋仲有啲豆腐 魚餅同d菜🥬丸就分別叫左豬肉丸、流心魚蛋、芋頭貢丸同蟹籽包心丸～ 豬肉丸同蟹籽包丸都係正路野 正正常常 反而流心魚蛋同芋頭貢丸就有驚喜🤩流心魚蛋其實係咸蛋黃係裡面 食既時候要小心啲 如果唔係好易焫親🫣但芋頭貢丸連小編唔中意食芋頭既人都覺得好食 其實佢係芋泥係中間👍🏼而肉方面就食左個拼盤咩都有啲 甘先可以試多啲唔同既肉😂（明明就係貪心）有牛脷、霜降牛肉、牛白肉、手切肥牛、豬肉片同羊肉👉🏼👈🏼小編覺得霜降牛肉最好食😋脂肪比例好同埋牛味濃 除咗呢個外 牛脷都幾好食 平時好少火鍋會食牛脷 佢以粒狀形式上 幾有咬口😂其他都係中上水準由於呢間鋪頭主打有機蔬菜🥬所以我地都叫左d 菜心頂、淮山、薯仔🥔同 由於佢係有機菜心頂所以d菜都好嫩

以前去九龍城主要都係食泰國菜，今年越開越多唔同餐廳，變成一個美食集中地，今次呢間火鍋，主打自然有機食材，蔬菜全部都係店主自家有機農場種植，湯底都係全天然，無添加味精湯底選擇非常多，有成二十幾款，今次揀左野生蟲草花雕醉雞鍋，清清地但又夠味。湯底滾起後就可以將醉雞同花雕酒放落去，聞落好香！醉雞千其唔好滾太耐，如果唔係就會柴㗎啦！滾到啱啱好既醉雞好滑好香酒味，好食！打邊爐真係唔可以冇左牛，呢個牛王拼盤有齊手切鮮肥牛，特級金錢展，霜降牛肉粒，牛舌粒同霜降和牛，全部都好軟好重牛味。其中我最鍾意手切肥牛，有少少咬口得黎又軟身有機蔬菜同平時買既真係唔同，菜味特別濃郁！真係要試下另外呢度既丸同餃都唔錯，特別推介香芋包心貢丸同胡椒豬肚丸，香芋包心貢丸食到一粒粒既芋頭，胡椒豬肚丸胡椒味濃，好似將一煲胡椒豬肚湯濃縮左咁呢度既飲品好大杯，鹹檸7都係用左有機檸檬，真心欣賞

今天和好友來到九龍城吃晚飯，我們便揀選了一間日本火鍋餐廳吃火鍋，這間餐廳環境闊落舒適，職員服務不錯，食物也很高水準👍我和好友分吃點了游水海石蚌、手作丸餃、皇帝菜和椒鹽三文魚骨腩。游水海石蚌的魚肉呈半透明感，肉質鮮口嫩滑，每塊魚肉厚薄都切得很均勻，外型也很棒🤩椒鹽三文魚骨腩的外皮炸到金黃香脆, 配上香濃的椒鹽，真的十分惹味，簡直是吃不停口😋而手作丸餃就有沙流心魚蛋、香芋包心貢丸和鮮蝦雲吞，香芋包心貢的芋頭味香濃, 而且芋頭份量多，做到包心的效果,，加上豬肉的香味，兩者味道剛好。 鮮蝦雲吞的蝦肉新鮮彈牙。 韮菜肉碎餃皮薄差帶有韮菜香味。 而皇帝菜用的是有機菜，菜葉很完整， 吃下感覺很新鮮🫶📍瀛鍋    2303 - E130    九龍城福佬村道82至84號福成閣地下A至B舖

又去九龍城覓食呢間中日火鍋料理有齊刺身同打邊爐一次過滿足晒兩種願望開左超過10年儲落咗一班熟客Weekend食記住提前卜枱冰鎮鮑魚 $88/隻（兩隻起）鮑魚大隻入味彈牙由廚師自己調味呢個係必點小食！大推！等打邊爐之前食啲刺身就啱晒啦刺身點左希靈魚、帶子、北寄貝、魷魚魷魚爽口北寄貝大隻彈牙今次揀左雙拼湯底正宗川麻辣鍋同清湯麻辣鍋湯底好多香料麻辣程度符合香港人口味越滾越少水會越辣唔太食得辣既建議菜同粉麵呢啲吸汁啲放清湯個邊咁就食得舒服啲啦丸類同餃都有好多款手打牛粗丸貢丸、芝心丸、四寶丸（蝦牛墨魚豬肉）手打牛粗丸係粉嫩食到肉質既纖維水餃皇入面有原隻蝦同木耳絲爽口飽滿必點大大杯野飲！洛神花茶同埋咸檸7咸檸7係新鮮調配仲會幫你𢰦爛先洛神花茶酸甜比例恰當比長洲啲攤檔更好飲大推呢兩款飲品！除此之外都有白酒或其他酒精類飲品蔬菜併盤同厥根粉絲生菜翠綠🥬厥根粉絲深紫色市面少見口感滑潤聽講營養價值仲非常高另外仲大推竹笙！樓上仲有雅座有8間獨立房6-30人都坐得落Weekend記住要卜定枱留房房間最低消費按人頭計$500/人私隱度全勝！Menu款式多樣化連揀個湯底都睇到花多眼亂好想每款都試勻晒！📍𤅗鍋九龍城福

今日約左朋友係九龍城打邊爐，Book左呢間性價比唔錯既火鍋店，之前食過幾次都係坐房，今日人少少得2個人就坐大廳算。。佢啲房好正，隱私度高又大間，平均每人消費$500就可以，所以房都成日爆滿。。火鍋我地擇左「鴛鴦鍋 $108」，一邊麻辣，一邊豆腐清湯。麻辣好惹味，尤其係豬皮鴨血浸晒個湯底好正🤭。。今日叫到「海鮮盛盒 $398」好似幾新鮮，盛盒包括：鮑魚、海蝦、蟶子皇、大蜆、廣島蠔、魚唇。鮑魚係南非鮑，洗乾淨仲切好，好方便，啲海鮮全部幫手離殼，一煮就食得😋好新鮮爽口！。呢度食牛都好抵食，「全天然霜降肥牛肉 $288（細）」牛肉味濃，咬落爽爽地，油脂分布平均。「脆鯇魚片 $58」抵食又大碟。「手打四寶丸 $78」彈牙QQ咁好新鮮呀。「手打鮮肥牛粗丸」呢個係必點！要煮15分鐘先食到，但超爽又彈！牛味又濃，仲有少少黑椒味。「紫菜炸響鈴x鬆脆炸響鈴」即叫即炸，唔使碌都好好味。「有機唐蒿 鮮嫩菜心頂」呢度用有機菜，所以又鮮又甜。。有少量小食可點，我地叫左「酥炸蝦餅 $88」都幾唔錯，鬆脆可口。。野飲超大杯都係$38/杯，性價比極高，有機洛神花茶同咸檸七！好正。。係我心目中九龍城打邊爐首選頭幾位呀😋😋

九龍城除咗食泰國菜之外，打邊爐都好正，今次同朋友去左一間打邊爐嘅舖頭，今次試佢哋嘅湯底係要預先預訂，一日都剩係得兩至三枱嘅名額，好彩我哋有預訂先，係用梭羅魚同埋九均魚熬製而成，真係好濃郁，未打邊爐之前，已經飲咗幾碗，好友鮮味，另外，仲叫咗啲小食椒鹽三文魚，冰鎮鮑魚，同三文魚刺身同海膽刺身，都好新鮮，三文魚好新鮮，海膽好有鮮味至於火鍋配料，我哋就揀咗個牛王拼盤，可以是都唔同部位嘅牛，最特別就係有牛爽白肉，喺出面好少可以食到，仲有西班牙豬肉片，仲有走地雞件，最後梗係叫啲蔬菜啦，佢哋嘅蔬菜係西貢有機農場嗰度返嚟，最特別就係有番薯葉啦好少打邊度地方可以見到有😊