更多
2023-04-17
20 瀏覽
聽人哋話九龍城食飯處處充滿驚喜,估唔到我今次嘅覓食之旅竟然真係比人搵到一間咁好嘅餐廳!今日喺同女朋友嘅週年紀念日,因為我哋都好中意打邊爐,我就喺九龍城搵咗間風評唔錯嘅火鍋店同佢食餐好嘅😋打邊爐最重要梗係個湯底!今次我哋就揀咗佢地最出名嘅椰子孖寶雞鍋。店員上湯底嘅時候會連埋乾椰肉,一粒椰青同一粒椰皇一齊上,喺我哋面前將滿滿嘅椰青水加入湯底。加完之後,店員竟然仲出盡力括晒所有椰肉加埋入去,真係少啲力氣都唔得💪🏻 成個湯底都係新鮮椰青水同椰肉嘅香味,全程只係加咗少少鹽調味,完全無落味精。店員最後會將湯底包埋嘅半隻雞加落去,煲滾之後就可以開始食啦🤤喺等緊個湯滾嘅時候,第二個重頭戲嚟啦!龍蝦刺身🦞!!!刺身上台嘅時候我同女朋友都嚇咗一跳,估唔到係咁大碟🤯 龍蝦食落十分新鮮,上面加咗啲蝦子增加口感,我哋一啖接一啖根本停唔到口👍🏻拎個龍蝦頭望咗望,入面仲有少少膏,我哋仲同店員開玩笑話將個頭放埋落去滾湯🤣之後佢哋話原來頭尾可以加錢做椒鹽,但今次得兩個人真係驚食唔晒所以最後都係無加到🥲龍蝦食到一半個湯岩岩好滾,我哋都急不及耐要即刻整返啖湯🤤 我諗呢個真係我人生飲過最好飲嘅椰子雞湯,個清甜感覺係筆墨難以形
今日喺同女朋友嘅週年紀念日,因為我哋都好中意打邊爐,我就喺九龍城搵咗間風評唔錯嘅火鍋店同佢食餐好嘅😋
打邊爐最重要梗係個湯底!今次我哋就揀咗佢地最出名嘅椰子孖寶雞鍋。
店員上湯底嘅時候會連埋乾椰肉,一粒椰青同一粒椰皇一齊上,喺我哋面前將滿滿嘅椰青水加入湯底。加完之後,店員竟然仲出盡力括晒所有椰肉加埋入去,真係少啲力氣都唔得💪🏻 成個湯底都係新鮮椰青水同椰肉嘅香味,全程只係加咗少少鹽調味,完全無落味精。店員最後會將湯底包埋嘅半隻雞加落去,煲滾之後就可以開始食啦🤤
喺等緊個湯滾嘅時候,第二個重頭戲嚟啦!
龍蝦刺身🦞!!!
刺身上台嘅時候我同女朋友都嚇咗一跳,估唔到係咁大碟🤯 龍蝦食落十分新鮮,上面加咗啲蝦子增加口感,我哋一啖接一啖根本停唔到口👍🏻
拎個龍蝦頭望咗望,入面仲有少少膏,我哋仲同店員開玩笑話將個頭放埋落去滾湯🤣之後佢哋話原來頭尾可以加錢做椒鹽,但今次得兩個人真係驚食唔晒所以最後都係無加到🥲
龍蝦食到一半個湯岩岩好滾,我哋都急不及耐要即刻整返啖湯🤤 我諗呢個真係我人生飲過最好飲嘅椰子雞湯,個清甜感覺係筆墨難以形容,我直程飲湯飲到女朋友叫我要留返啲湯嚟打邊爐🤣
講埋啲火鍋配料先,呢度所有食物都係純天然、野生或者有機食品。
手切肥牛好厚切,啖啖肉又牛味十足😋
牛肉粒解凍做得好好,完全無雪味
近排開始唔係食到太多肉,見呢度係有機蔬菜所以都叫咗唔少🥬🍅🥕 菜心、皇帝菜好鮮嫩、淮山亦好爽脆👍🏻
打邊爐食到最後,通常我點都唔會再飲個湯。
但今次個椰子雞湯真係食到最後都係咁正,煲咗一段時間再加埋其他蔬菜同肉類嘅精華,成個味道係再高咗一個層次⭐️
今餐真係食得好盡興,兩個人食到捧住個肚走😋
可能餐廳位置唔係大街,所以openrice無太多評論,但呢個無論係食物定店員服務都係滿分
張貼