瀛豐放題料理專門店 (已搬遷) 新店位置

朋友話想食放題，於是上網search有什麼高質放題店，最後我地決定去有很多好評既瀛豐放題料理，位於銅鑼灣駱克道491-499號京都廣場10樓,港鐵銅鑼灣站 C 出口一出就好快到,完全唔會話好難揾。可能平日關係，晚市放題雖唔使排隊，但高朋滿座。出乎意料地，座位間距大，坐得超舒服，隱私度高。我地一坐低，就即刻要叫野食,呢度食物款式好多,只係壽司已經有成4種比你簡,好有新鮮感,絕對唔會悶呀,呢度D炸物其實都唔鉑,有5款天婦羅任你簡,真係好有新鮮感呀!!!!!

第一次食係上個月尾，咁岩睇到Facebook某專頁介紹緊呢間，收工即刻同男朋友去食....專頁標榜著日、泰放題，刺身新鮮，大赤蝦超好食但d野永遠都係比唔足數或漏單....泰式食品全部都唔好食連專頁介紹既生菜包都冇，超失望”涼菜馬虎，口水雞、豬耳好似求其放d辣椒油就算，完全唔好食。出餐慢，落杯熱綠茶都等左超過廿分鐘，要改善一下速度”而甜品真係完全一個個既伏食左幾款....木糠布甸似係用現成一枝枝既CREAM黎整，好難食。今日第二次食全因為超想食大赤蝦....所以抱著食日式放題的心態。首先當然點返個刺身拼盤，三文魚，帶子，油甘魚，赤蝦都好新鮮可以再點。壽司方面，我總共點三次單，等來等去，最後都只係黎左四件壽司天婦羅叫兩件都只係黎一件其實係唔係有心唔比人食！？我的日式放題幻滅了....炸物不錯，雞亦，炸蠔，雞軟骨味道很好...從未食過樟茶鴨，唔知點為知好味，但總之就係似煙鴨胸既味門外既甜品櫃甜品好精美，亦有不同既新款，但完全唔會想試，食韓國蜜瓜雪條算食到一半，竟然第一次落單既焗扇貝黎左我已經唔記得左未黎，但開殼太唔小心，食落口兩隻都有d殼碎....埋單時先發現，比第一次黎同時段每人貴左30，

闊別半年再次光臨 餐廳整體比我嘅感覺進步了不少例如 首輪我就叫左刺身食 只要遞交這張刺身纸 等同於有王牌在手 美味嘅刺身很快便會送上 呢度D效率高,果然快速製作 等左兩分鐘到就已經到,刺身味道新鮮鮮甜 選擇亦都多元化 象拔蚌及帶子最為鮮味另外 呢度有好多壽司,有手握壽司,卷物,手卷等.......我和朋友都點選了一口海膽壽司 海膽色澤金黃 入口細嫩 有種回甘既鮮甜味 齒頰留香,鍾意食海膽既朋友,千其千其唔好錯過,真係好好味!!!!!!

今次我同朋友一行兩個人，見有啲肚餓，決定食放題食到飽。黎到銅鑼灣京都廣場，都未決定食邊間就有好多放題店職員派傳單。攞起手見到呢間瀛豐放題料理比較多款式而且又係日本主題，所以決定幫襯。上到10樓唔算非常多人，可能係平日嘅關係，等咗幾分鐘就入座啦。座位寬闊，啱啱有個卡位，坐落幾舒服。環境方面，比較寧靜，可以同朋友傾計，私隱度高。畀個 menu大家睇睇。見到有十令款刺身，包括象拔蚌等等，另外每一樣海鮮都大大碟，算係surprise,會推薦比身邊朋友

瀛豐店內擺設裝潢比較有特色，卡坐位舒適寛闊,多人泥呢度食野都唔會話好迫。因為父親節關係，今日都OK多人，價錢199一位,平日5:30-6:00$189M一位,價錢唔太貴,岩曬我。好彩訂了坐位，所以好快就可以入坐，人頭擁擁我們經電話book位，可以加$88 升級。生蠔很肥美，爽口新鮮，正！一入坐食物極速送到，可能擔心不夠時間食曬所有野啦，幾乎約2分鐘左右就有新食物到。先來的是沙律，刺身， 壽司，炸物。刺身厚切，唯獨八瓜魚薄切，師傅刀功很利害。八爪魚薄切，軟腍易咬激正,一定會再來!!!!!!

朋友介紹話呢間專食泰日放題，緊係要即約黎食，地點好就腳，唔難搵嫁~!而且佢地特別在係網上落單，真係好方便，我地今次升級左，所以scan果果code要由店員提供既，同埋留意返，第一次落單要先做會員，幫自己SET 個PASSWORD。如果唔識定係有問題，可以隨時舉手問職員，都幾方便，同埋唔洗用咁多紙+$88 就可以任飲任食呢埋野，都幾抵食食物既種類都好多，而且都好新鮮，出餐快，上餐既數量都好齊，唔錯!

花姐今日帶我去咗銅鑼灣食放題。上到去見到好多人。好彩花姐有預先book位。如果唔係有排等。餐廳係用手機/平板落單。確保唔會漏單。果然真係冇漏過單 $239+$88（升級任食生蠔/帶子海胆/龍蝦仔）不過今日冇龍蝦仔開給落單，首先一定係刺身牡丹蝦~長過隻食指。好大好大隻，非常新鮮。馬刀貝~超爽帶子~大大粒，厚肉三文魚及油甘魚不過不失生蠔~愛爾蘭的。鮮味又creamy。唔需要加檸檬汁及醬已經好好食最最直得推介，就係帶子刺身配海胆。菜式新鮮。絕配。我見介紹係炭燒。咁我同花姐研究緊點鮮唔見有燒過。點知職員聽到。就話之前有客人覺得燒咗味道唔太好。所以廚師最後決定唔再燒。但職員好好咁話可以燒比我地試試。當然好啦！可以有不同味道。試試燒完嘅帶子海胆~帶子比未燒更鮮甜。海胆就冇咩轉變。（總括嚟講，都係唔燒好d）泰式鳳爪，辣味夠，鳳爪爽串燒~雞/豬各一串。味道唔錯燒菠蘿~好甜泰式椰菜苗~炒得好好，夠淋帶少少辣。日本蕃薯仔~係天婦羅做法。蕃薯仔好甜仲有其他食物. 應有盡有. 飲品任飲，仲有Asashi / 1864 啤酒任飲甜品任食。有韓國雪條呀！仲有好多款精緻蛋糕仔，榴槤糯米糍，馬卡龍有生豪, 超大牡丹蝦

今日去左銅鑼灣行街，之後黎到京都廣場食放題～平時放題係用紙仔落單，呢度係用QR code 落單, 好特別。呢度除左放題基本有既刺身, 壽司, 小食, 燒物, 炸物等, 仲有泰式料理,eg. 泰式生蝦，泰式通菜, etc 正 ！另外每人加$88, 可以有升級版, 有生蠔, 惹味小龍蝦, 海膽火焰帶子, Blanc 1664, Asahi, 任食任飲!!因為我勁中意食生蠔, 所以加左, 食多幾隻個價錢已經係返度, 好抵 =]呢度壽司, 小食, 燒物, 炸物都唔錯, 最後仲有好多甜品揀, 種類多.OVERALL 呢度新開, 坐得舒服, 環境地方又OK, 下次可以再黎!

第一次食泰日放題，都幾有驚喜😍銅鑼灣c出口一出行過對面就到，非常之方便㗎👍👍 一出𨋢就見到一大堆甜品擺咗喺度，非常之吸引， 而我自己最鍾意食士多啤梨嘅甜品🤤見唔見到有一粒粒嘅糯米糍呀，呢個係榴槤糯米糍嚟㗎，有興趣嘅可以試下❤️飲品選擇都非常之多，而且係好夠凍添👍唔夠喉仲有雪糕任君選擇，鍾意食咩就自己拎😀而且我哋今次upgrade咗個餐，所以可以任飲Asahi啤酒，擺個杯上去自動出啤酒，正呀💖啲刺身都非常之鮮甜美味，一啲都唔會霉，份量做唔少，特別佢哋個蝦尺吋真係非常之大隻🤤🤤 其他刺身味道都唔錯㗎💖而且佢哋仲有啲泰式風味嘅小炒，都做得好出色，黎到都係熱辣辣亦都非常之野味👍串燒我就最鍾意食雞肉，個汁都整得唔錯😋😋我哋嘅大愛泰式生蝦刺身，一啲都唔細隻，食落去非常之爽口彈牙，一啲雪藏味都冇定😎😎壽司一口一件，特別個蟹棒真係好大條😍😍升級咗個餐仲可以任叫呢個海膽帶子 一啲腥味都冇，亦都係好鮮甜。而且大大粒，質素絕對有保證呀😀😀另外仲可以任叫生蠔，淡淡蠔味，食落都好鮮唔錯㗎👍👍而且佢哋都好支持環保，唔用紙張落單。只要你scan佢哋個QR code，做咗會員，就可以落單㗎啦！不過唔使擔心，如果電話冇呢

兩口子行街拍拖有時諗食乜真係一個難題，好多時好食嘅餐廳要預早訂定，如果唔係無可能食到，今次男友竟然預早訂左位話同我去食放題多麼驚喜！原來佢朋友食過話正，叫佢訂黎同我食。最鐘意放題可以樣樣都食些，放縱下工作壓力都唔錯！ 竟然咁in自己嘟下QR code order, 快靚準可減少錯誤同甩漏刺身點少得好豐富呀！ 樣樣都新鮮，魚生款式也多選擇，食完唔夠再添，尤其Jumbo牡丹虾多膏質地膠口有彈牙！ 鮮帶子亦大大粒。見到隔離枱竟然還有生蠔同海膽炙帶子，好靚好想食原來係要加$88 先有的，但我兩計落$88 任食還可有生啤任飲，實在太吸引，食幾隻已回本，男人最愛生蠔，我反而被海膽帶子吸引！好好味帶子肥美夠厚身夾著鮮甜海膽，極品！食原生冷野開了胃，當然要食熱葷啦燒原隻元貝，size細左些，味道都鮮同滑的！ 蟹子沙律 較普通 好味fresh壽司細細件啱晒可多試幾款當然燒蝦必食啦 回本嘛還有沙爹添 惹味牛同雞！ 其實還有好多選擇，實在胃只有一個，大滿足夠就算！ 總算性價比高，物有所值！

一行四人訂左位去銅鑼灣食日泰式放題，較早前睇到這店的宣傳單張，$268任飲任食何其吸引仲特別在非單一日式還有泰式添，朋友問我地有無興趣，佢地竟然訂左今個星期六晚還預埋我地兩公婆真高慶，最鐘意食好野點可少得我呀！ 仲要做緊$88 加推任食生蠔，鮮帶子海膽同1664 生啤任飲，超級抵呀！人均約$350內！甜品櫃入出lift已被佢吸引！ 自選刺身都幾多款的，個人最喜愛巨型牡丹虾，鮮帶子，榮螺，其他還有三文魚，立魚，希靈魚，仿鮑片同白拖羅？所有都保全新鮮又夠凍！加推嘅海膽火焰帶子，好味到爆，大大件鮮甜香濃海膽超級夾！ 還有無限任叫即開生蠔，新鮮creamy帶鹹鹹海水味，超值之選，食一兩打都回本壽司做到細細件，食多左也不會超標，還有軍艦，手卷選擇！熟小食辣汁煮田螺，幾特別唔係間間放題店有這選擇！炒蜆惹味無比無骨泰式辣雞腳 香辣開胃汁煮尤魚鬚，微辣肉軟淋，夠味爽口！點都要提提大家，店內用上自助的1664生啤任斟，夠新鮮夠冰凍又清涼，只需如我們般升級$88就享用到，男仕們同啤酒控實會愛上！

朋友同我都係啤酒迷，今晚佢帶我去銅鑼灣這間瀛豐放題，因為只要加多$88就可以任飲Asahi及生蠔等。Asahi夠凍又夠汽，我們二人飲了3-4杯。愛爾蘭生蠔體型不大，蠔肉較薄，未算太飽滿，但有海水咸味，幾鮮甜，而且叫了幾轉都有齊沒有漏單。海膽火焰帶子體型都叫大粒，一開二中間夾著海膽，帶子鮮味一般，反而海膽鮮甜。龍蝦仔當晚就估清，所以不能一試。其他任食放題款式都幾多，而且這裏除了日式外，還有多款泰國菜。刺身方面，有三文魚、劍魚、牡丹蝦等，色澤新鮮而且都很鮮甜，放題質素算中上。炸物有天婦羅蝦、蟹柳捧、雞軟骨等，全部都新鮮炸起，不過天婦羅有點油膩。壽司方面，黑松露三文魚壽司是必食之一。其他食物都中規中矩，正常放題有的都有齊，最後當然唔少得就係甜品，款式都算多，自己出去夾，鍾意食咩夾咩，還有雪糕雪條，盡興而歸。

以為open rice 介紹，死極有限! 但真係死得好盡! 原來只係換嗰名(前身係組長), 同之前一樣差! 首先，坐位比一般窄。跟住，同店員reconfirm 價錢，同open rice寫一樣$219 八拆。(最後埋单收229, 佢話自己講錯and open rice 是old price, 啱啱呢兩日加左價,吹賬)。食物選擇少，除非你加$88! 湯好咸，燒蝦好干，其他都係一個咸字! 只有刺身ok而已! 食物追完再追就會俾你! 呆等..堅持追..再等..

今晚同老公去了Sogo買禮物比朋友的初生BB，之後去了附近的京都廣場食放題。6點多去到已經七成滿座，我們除了基本放題外，還加了$88任飲任食生蠔及啤酒等。餐廳以QR code落單，非常方便。基本放題包括刺身、壽司及卷物、沙律及小食、炸物、天婦羅、多款泰式食品及粉麵，跟外面的款式差不多，不過多了點泰國菜。刺身都幾新鮮，其中三文魚及牡丹蝦色澤都幾靚而且鮮甜有蝦膏。天婦羅蝦及蟹腳外皮粉漿都不會太厚，新鮮熱辣。生蠔味道不過不失，任食情形下還算不錯，至少有點海水咸味。海膽火焰帶子肉厚雪白，海膽都幾creamy。炸物全部都即叫即炸，外面鬆脆，送啤酒一流。甜品都有十款，賣相都吸引，還有雪糕雪條基本上食物質素中等，但勝在價錢平，還有任食生蠔及高質啤酒，飲多兩杯都回本。

今晚去銅鑼灣食放題，揀左近期新開嘅瀛豐放題料理專門店，位於京都廣場10樓，銅鑼灣地鐵站C出口對面就係，非常方便！入到去環境唔算大，但都坐得舒適，佢哋落單唔係用紙，係用QR code掃描落單，夠曬環保，而且上菜速度都幾快！加$88可以升級任食生蠔、帶子海膽，生啤！自助啤酒好有趣，放杯上去再用力按住就會發光幫你斟啤酒～海膽帶子又係非常新鮮，就算唔係加錢嘅刺身，帶子都係大粒嗰隻，不過切開左。仲有牡丹蝦、馬刀貝、象拔蚌呢啲比較貴價刺身！我最鍾意食佢個魚露燒海蝦，燒到脆卜卜，好似連皮都食得咁！蝦肉新鮮爽脆，連續點左幾轉～仲有好多泰式料理，不過我來講都係有啲辣度！炒通菜幾有鑊氣！泰式燒帶子係唔辣嘅，蒜味幾香，但燒得有啲乾身。醬鴨係煙熏鴨嘅味道，煙熏味濃香，但口感偏硬。甜品同雪糕各有一個專櫃，雪糕仲有杯裝gelato，但食得太飽都無再食～整體感覺食物質素唔錯，只係款式較少，有機會都會同朋友再黎！