瀛豐放題料理專門店 (已搬遷) 新店位置

Japanese x Thai x Chinese buffet with Delish stir fry Wor food!!@CWB銅鑼灣中日泰放題夠鑊氣小炒My families and I went to a restaurant called "Ying Feng buffet"(瀛豐放題料理專門店) located in 10/F, Kyoto Plaza, 491-499 Lockhart Road, Causeway Bay銅鑼灣駱克道491-499號京都廣場10樓.The restaurant uses blue as the theme colour...The buffet costs HKD$179- HKD$239 per adult depending which time slot the customers chose.A dozen of sashimi, Over 50 of sushi & rolls, a dozen of skewers, a dozen of tempera and deep fried snacks, a dozen of

今晚同朋友係銅鑼灣行街 行經京都中心見到瀛豐日式放題 決定同友人上去擦餐勁嘅日式+泰式放題喎 勁吸引 只需加$88就有埋生蠔 海膽帶子 同任飲啤酒 勁抵既然加左錢就唔好蝕啦 先黎生蠔 海膽帶子各半打生蠔大大隻 夠鮮 海膽帶子又鮮甜 正再黎一大盤魚生 真係唔好講笑樣樣都好鮮甜 厚厚嘅三文魚 真係好好食象拔蚌勁爽甜 不禁想encore食完日本野 當然要叫返啲泰國野啦 泰式炒墨魚 蝦餅 串燒 樣樣都好味當然唔少得泰式生蝦 食飽後仲有大量甜品供應 完全大滿足

同屋企人黎到呢間日本放題，因為可以又有日式，又有泰式，仲有生蠔。點菜係要去一個website，點website上的menu，唔係用寫紙，真high tech advanced。刺身好快送到上枱，三文魚，帶子，肥美，新鮮呀；蝦大隻。壽司選擇多款，好喜歡壽司嘅份量，飯吾會太多，吾會用飯塞飽你，食完個肚仲有好多空間試其他野。炸物都炸得好夠脆，炸粉唔會係好厚。燒物方面就揀咗燒菠蘿等，燒完都唔會好乾身，仲encore左幾串添。最後梗係要食甜品。

因為本人好喜歡食生蠔，不過就只食生蠔又好似太單調，所以就搵到一間放題而且可以食生蠔嘅專門店。先講佢哋嘅愛爾蘭生蠔佢哋鮮甜肥美而且好新鮮，唔會有感覺覺得唔新鮮，一定即叫即開。另外佢哋嘅刺身好肥美，而且唔係只有單一類別嘅前身係肥美，而係舊舊都咁肥美，令到我好滿足。 我食過咁多間放題專門店都冇一間好似咁肥美嘅刺身!另外佢哋嘅炸物呢唔會太粉而且 而且佢哋每一嚿炸物都可以令到肉質唔會太乾。 例如芝麻雞翼同雞軟骨，佢哋唔會流失好多水份，食落去每一啖都有肉汁保持住， 稱得上外脆內嫩。此外佢地有一道食物係我十分推介就係海膽帶子， 佢哋嘅海膽好大嚿，而且鮮甜肥美 ，每一啖都好鮮甜，加上海膽令帶子由一個平平無奇的配角立刻成為主角。胡椒海蝦係一道幾值得試嘅泰國菜， 佢哋炒得唔會令個海蝦太老。海蝦及曬所有汁， 令到有海蝦有海鮮味之餘而且又胡椒嘅味道。佢哋上菜嘅時間都好快，唔會等得好耐。 而且佢哋嘅環境都好寬闊，不會太窄或者有迫嘅感覺。 要食嘅話就要趁早啦!

響銅鑼灣，有多款放題，今次選呢間，貪佢夠多款，有日，泰，中式，超多選擇，一坐低先要用手機scan QR code，就可自助落單，夠晒環保！放題晚市每人$239加一，食盡佢，加$88升級可以任食生蠔，火焰海膽帶子同埋小龍蝦 ！先叫刺身，樣樣都非常新鮮，大大隻的赤蝦，更非常彈牙；最愛的是三文魚同海膽帶子。名貴的還有和牛壽司，入口即溶，還有黑松露油甘魚壽司，香噴噴的黑松露香味。叫左好多特色小食，有燒羊腩，芝麻雞翼，仲有呢個烤到外脆內稔的樟茶鴨，咬開仲保留肉汁驚喜地見有胡椒蝦，大大隻，好香。又叫了燒魚，比想像中大條，香口唔腥喎。泰國食品叫左半打串燒，有牛同豬，好惹味，飛天炒通菜，泰式炒椰菜同埋期待著的泰式生蝦，大愛，蝦肉爽口彈牙，尤其辣汁夠正宗，還有泰式無骨鳳爪，撈埋生洋蔥，芹菜絲好夾。當然唔少得燒菠蘿，厚切夠清甜。食完生果，可任選甜品櫃的精緻甜點例如糯米糍，mousse cake，仲有好多款杯裝雪糕，又可任取飲品櫃的汽水，非常多選擇。臨走時見到門口攝了啲傳單有列出菜單，好震撼。

第一次寫食評, 因為真係比OPENRICE既食評打手呃左, 試完後真係好難食!! 一去到大堂等LIFT時已經發覺原來係組長既前身, 都已經覺得唔對路, 估唔到真係換湯不換藥。雖然點餐用QR CODE很方便, 但款式小。升級了$88有任食生蠔及帶子海膽, 但生蠔完全唔新鮮, 各類刺身及帶子似食緊肥豬肉落口咁, 只得雪藏味。海膽非常假!熟食方面, 見有平時放題冇既口水雞諗住試下啦, 點知又係完全冇味!D肉又老!全晚最好食只係得芝麻雞翼。

同事生日提議食放題， 但有一個係唔食魚生，為左配合大家，今次搵左瀛豐放題料理專門店，泰日放題。建議提早訂位，因為店鋪唔算大，座位有限。餐廳用手機QR code落單，環保外，比出面放題更方便同雙方有紀錄，唔會有漏單情況。升級左任食生蠔，海膽帶子，任飲啤酒。愛生蠔海膽之人呢個係回本之選。生蠔鮮味十足，好creamy, 仲要有得無限encore😆我地每人都食左8隻左右呀海膽帶子又係另一令人回味無窮之作， 帶子大大粒，肉厚，味道鮮甜，海膽份量多，唔會腥，正係睇番相都流口水🤤刺身極新鮮，全部係厚切。赤蝦好大隻，非常鮮甜，仲有泰式生蝦。炸物全部都即叫即炸，推薦雞軟骨同炸豆腐。紫薯同芝士年糕放題點小得😆壽司細細粒，唔會禁易食飽肚。最後仲有榴蓮雪條食😍超滿足呀！

食物有水準,服務更是一流,我地成班13人食lunch, 服務員溫馨額外送些甜品,而且全程笑容,有"海底撈"的服務水平,且不做作,窩心的服務。下次一定再幚親試下晚上自助餐。

今次同朋友約咗喺銅鑼灣食放題加88蚊仲可以有生蠔，帶子海膽，小龍蝦同生啤任飲。中意食生蠔既我地緊係唔放過呢個機會啦。一坐低，侍應已經好識做，幫我地落半打生蠔，帶子海膽，同一杯1664我地搵唔到平時食放題落單紙，就問點樣落單。原來只要掃一掃枱面上既QR code就可以用手機落單喇！說時遲那時快啲生蠔已經喺我地面前，呢到啲生蠔十分掂，好creamy唔淡。帶子海膽亦好新鮮。杯1664都唔小野，足500ml嫁。然後就嗌其他小食，小食既菜式都幾多款嫁，包括烤仙貝，泰式蝦餅魚餅同埋炒通菜。刺身嗌咗三文魚，帶子，蝦，油甘魚，所有都超新鮮👍🏻呢間日式放題又有生蠔，上菜速度唔會慢吞吞，而且落單仲係用手機，非常環保。絕對要推薦比其他朋友嚟呀！

平時跟老婆都甚少兩個人去食放題. 感覺食來食去都是那些。最近在網上平台見到有放題任食生蠔和帶子. 全中了我的愛好. 而且放題還是日式& 泰式. 不止一款那麼單調. 就決定訂檯試試。去到門口有點擠. 有人在我們前面等檯. 建議要訂檯啊. 非常爆滿. 而且那裡沒有為位置給你WALK-IN等位. 看到很多五六人檯都吃了閉門羹.所說的任食生蠔及海膽帶子。就是要付升級價+$88才可以。而且連啤酒也可以任飲。侍應人很好。跟我們說生蠔及海膽帶子是餐牌找不到的, 要找人下單的。就兩樣都先給我們上個半打。我單價算一算。不就已經回本了嗎。說回食物。生蠔簡直是主打必吃。鮮甜肥美, 帶有海水味之餘又好creamy。我們兩人前前後後共吃了18只!海膽帶子他說是火焰。可以沒有燒過的痕跡。沒關係我們都當刺物吃。帶子很鮮甜厚肉, 肉質嫩滑。就像是外面要用三四十元一件的特大帆立貝刺身。另外夾心的海膽雖然有點水。但味道是鮮甜的。這個配搭實在很奢華。其他食品要用手機掃qr code 才能看到餐牌。沒有的話就得下載了。不過一來環保, 而且還能check單, 追縱食物到齊沒。可以接受。刺身款式算多。象拔蚌沒有腥味, 劍魚腩爽口

8月5號，同朋友一齊去食放題 約左12; 00-3; 00pm時段，因為最平，今次我哋加咗88蚊任飲啤酒， (189 + 88hkd ) 任食生蠔/帶子/海膽。 間舖頭有一樣嘢非常之特別1. 十二點鐘剛開門一入去有好臭既腥味， 不過過咗 十幾分鐘之後就冇咗， 應該係因為冷氣開咗氣流通返2. 混合泰式以及日式做放題3. 每碟炒出嚟嘅嘢都係九層塔/ 洋蔥 等,配料相約只係食物唔同咗， 欠缺新鮮感4. 無得比credit card, 唔夠錢係身， 一定要去櫃員機再攞， 店員都有道歉，佢話畀我哋聽新店開張，未有信用卡機5, 我最鍾意就係呢間舖頭購環保 ,佢哋係用 Ipad order食物， 仲要係冇漏單食物及味道方面都係普通程度，短期内都 應該就唔會再光顧多次， 不過佢碟炸豆腐皮好薄好食，值得一試，另外， 值得一食嘅仲有串燒( 豬，雞) 好食，一定要加沙嗲醬。

今日出左糧，心血來潮，想食餐好少少既~但懶人本性，吾想出到旺角甘遠，又見到銅鑼灣新開左間日+泰式放題，就把心一橫，試一試啦！我地用openrice訂左17:00，準時到，不過餐廳好似未ready好，依然系set緊枱~(建議可以遲少少，17:30到會比較好)瀛豐前身系組長，大致格局上冇咩轉變，座位闊落左，多左梳化位，整體算整潔。落單時，佢地一改用紙落單既方法，改為用智能電話落單，要先select QR code，然後揀野食，再登入佢地提供既帳戶，最後確認order。(步驟吾系話好繁複，但心諗如果有d人冇smart phone，或者有d年紀大少少既公公婆婆泥食放題，甘佢地點落單呢？)野食一開始泥得偏慢，可能系未ready好既緣故啦~刺身款式種類算齊全，而且夠凍，但凍得泥吾會話太冰搶哂d味。壽司方面，最最最推薦系火炙壽司系列，不論邊一款都系一流，入口即融，正呀！！！但花之戀系列同手卷就吾推薦啦......花之戀外層既三文魚好薄，切既位置吾靚，食落比較硬。包住手卷既紫菜好「林」，尤其軟殼蟹手卷，紫菜同軟殼蟹都系「林」。燒物方面，推薦泰式燒元貝，未食咋，聞起上泥都好香！！串燒既話雞都吾錯，咬落去

已有一段好長時間都無一班人咁食放題，年輕一輩無論是拍拖週年紀念，定係同學聚會等等，第一時間會想起吃放題，可以瘋狂食。今日來到銅鑼灣的瀛豐放題料理專門店，見到地方好乾淨好闊落，坐得舒服，仲有好多都係獨立卡位，唔似其他放題店坐到密質質。呢度落單唔係用紙落，而係掃QR CODE落，夠哂環保。加88元可以任食即開生蠔、泰式澳洲小龍蝦、火炙海膽帶子、1664&Asihi啤酒任飲任食即開生蠔，一定要試。生蠔好夠凍之餘，亦都好肥美，海水味十足。火炙海膽帶子都叫左黎試，帶子高營養，高蛋白質，低熱量，多吃也不怕。好新鮮，口感肥美。到左刺身盤，塊塊三文魚也是十分肥美，色澤均勻，加上脂肪比例適中。另外甜蝦也很美味，啖啖肉。其他左刺身的肉質也爽甜沒有發霉,食到停吾到口!壽司款式也有很多，估唔到有齊火炙壽司和軍艦，壽司飯幾好食，握得實，飯既份量亦不會太大件，一口一件剛剛好~。虎蝦有驚喜!!天婦羅蝦同年糕都好正，脆漿不會太厚，加上脆口，又沒有滲油現象，口感不錯，讚！冬陰功湯以及雞軟骨都特別，大家可以試下。還有大量不同口味的雪糕例如豆腐，益力多。 口感軟滑放題已經是港人不能或缺的飲食文化之一，幸好找到一間滿意的放題

地鐵站出口斜對面樓上就係, 可算方便。我係帶子海膽迷, 見到e間有大大隻帶子夾住海膽wo, 梗係專程來試la！😂 額外+左$88可以試蠔、帶子海膽等！見e d都係貴價貨, 就加左la! 帶子係大大隻、軟身、冇咩甜味, 味道唔算好濃, 而海膽味道濃d, 甜味亦出d！食左半打蠔, 味道都係偏淡, 冇再ncall。😐只可說, 海膽我比較喜歡, 但大隻帶子味道我覺得一般, 一個人食半打好夠了！ 原來放題任點入面, 本身已經有帶子刺身同海膽壽司, 帶子海膽迷冇妨try try 先！ 整體熱食、甜品款式不多, 味道過得去, 泰式炒野大大碟, 勝在服務員都算有禮, 日泰放題創新。我就一次夠了！😂

日🇯🇵泰🇹🇭放題🍴平日晚市💲229另加一6:30去到已經人頭湧湧👫 坐無虛席 建議大家要預早訂位🛋————⋯————⋯————⋯————⋯📱掃barcode後wechat點食物🆕夠曬環保👍🏻+💲8️⃣8️⃣可以升級任食愛爾蘭生蠔🐚、海膽火焰帶子🔥、澳洲小龍蝦🦐、任飲Asahi 生啤🍺、Blanc1664生啤🍻.✨推介海膽火焰帶子😝珍寶size嘅帶子中間放滿了鮮甜又美味嘅海膽😍超吸引😋.😝其他食物包羅萬有 主打泰式小炒用上多款泰國香料炒成☘️🌱🌿香口又惹味👅食放題 點到成枱都係是常識吧😍😍😍.⭐️推介食物⭐️✨鮮胡椒香蔥海蝦🦐✨甘葉香蒜炒墨魚鬚🐙✨泰式燒元貝🐚✨辣椒膏炒蜆🌶✨三文魚湯🐟✨馬拉盞炒通菜🌿✨火焰壽司🍣.👉🏻刺身🐟👉🏻壽司🍣👉🏻沙律🥗👉🏻涼菜🥒👉🏻串燒🔥👉🏻天婦羅🍤👉🏻炸物🍗👉🏻小炒類🍱👉🏻湯類🍲👉🏻甜品👉🏻雪糕👉🏻飲品————⋯————⋯————⋯————⋯