瀛豐放題料理專門店 (已搬遷) 新店位置

尋日收工同事提議食放題，我記得呢間嘢11點後有特價178$未試下囉！上到去因為星期日要加多10$188$都ok，不過未夠鐘但可以入去座住等。環境方面都可以嘅雖然地方細咗少少不過……我諗住都差唔多夠鐘問下可唔可以提早點菜，但服務員唔係九唔答八就咩都唔知最後問咗個經理定老闆話無問題咁就點啦！刺身、壽司、前菜、燒烤、串燒炸物、泰式食物選擇都唔少，而落單要用電話我哋都等咗好耐驚未落單未問下個店員，條友又唔知答咩又要捉個經理嚟問，原來真係未落到好啦有得食啦！牛柳粒一般啦！刺身都算唔錯壽司都算上得快燒三文魚好似變咗之後叫咗好多嘢食都無嚟未追囉！店員話廚房無單！用電話都可以漏單算數再點串燒又幾好食辣酒花螺唔算差食到都飽準備結帳走人差唔多200$位，而我們離開走人時之前點嘅天婦羅到咗……評語:食物唔算差，但服務差又漏單不會再來

呢間放題已經想試左好耐。。一直未有機會。。終於喺OpenRicebook咗位Boxing Day嗰晚食個早飯。。當然係因為有八折啦🤪一開始上到去起初都有點失望。。望到個環境其實幾細下。。。但係又見到服務員好殷勤咁同我地解釋如何點餐同埋俾咗個四人枱我哋兩個人坐。。所以食嘢嘅時候就唔會迫迫夾夾。。我哋當然加咗$88 可以任食海膽夾帶子。。1664啤酒和任食生蠔說時遲那時快😆😆我哋都唔執輸好快咁就用個qr code 落order叫食物。。。最緊要梗係要叫海膽夾帶子。。呢個真係一定要試😍再黎就梗係刺身拼盤啦。。。由於我倆唔係乜嘢刺身都啱食。。。所以只係盡量點着自己喜歡嘅幾款刺身。。無謂為咗打卡而浪費啦😅熟食方面都好多選擇。。我最鍾意就係雞翼。。飲品同甜品都唔少出去自己攞。。時間非常足夠。。。因為上菜非常快而且冇乜漏單。。服務員姨姨動作好快而且態度禮貌👍整頓飯我都很滿意。。。唯獨就是原來餐廳是只收現金💵💵。。其實應該未就坐就同客人要講清楚。。有機會身上真係冇咁多現金再要搭電梯落去提款就麻煩。。

早日食到間的確唔錯，$228 一條友，任食 2 個鐘，除左有基本放題野食之外，仲有好多好多特色野食，呢個放題我最 like 就係生啤任飲，唔係間間都有，比啲乜茶乜汽水就算，瘋狂喪飲，最緊要係呢到嘅特色野食都係比較重口味，送啤真係一流，咁就話說黎到見到 2 個人去就送天麻燉魚皇湯，4 個就送麻辣烤魚盆或酸菜烤魚盆或蕃茄烤魚盆或羊腩煲，果到寫話價值 $198，另外我加左 $118 任食法國皇家生蠔，我就食左一打覺得回哂本，但呢個唔係事必叫你加，但你所決定加唔加，就係你嘅臨場表演食到幾多隻 🤡-刺身系列：三文魚、油甘魚、珍寶赤蝦、馬刀貝、北海道角螺、八爪魚、泰國生蝦、鮑片、希靈魚、象拔蚌、白玉豚-壽司系列：三文魚、魷魚、象拔蚌、甜蛋、蟹棒、甘蝦、油甘魚、北寄貝、赤貝、虎蝦、熟蝦、黑松露三文魚、黑松露油甘魚、腐皮、八爪魚、一口海膽、煙燻鴨胸、三文魚火炙、火炙左口魚、和牛火炙、甜蛋火炙、露筍火炙三文魚、鵝肝帶子、海膽玻璃蝦火炙、海膽醬火炙三文魚、海膽醬火炙蟹柳、火炙芝士魚生船、一口鰻魚、櫻花魷魚軍艦、芝士蟹籽軍艦、粟米沙律軍艦、蟹籽軍艦、芥辣八爪魚軍艦、蟹肉蟹膏軍艦、吞拿魚芝士卷、牛油果菠蘿鰻魚

喺open rice見到+$88有任食生蠔、帶子同啤酒優惠，俾佢吸引左嚟試坐入口位唔知點解有陣怪味，值得一讚落單係scan QR code，環保又方便唔駛遞紙啤酒：斟法幾得意喺個底泵上嚟，但係個杯好易漏水生蠔：size都ok同肥美，不過偏咸，已經係最好食嘅嘢了！帶子夾海膽：粒帶子還可以，但係啲海膽係臭㗎🤢，臭到爆！好恐怖開頭食左呢樣之後成餐都唔開胃刺身：三文魚個樣睇落好沉色已經唔新鮮，當晚得希靈魚同白豚比較新鮮，生蝦都好難食😪沙律：蟹籽青瓜沙律因爲多沙律醬都唔錯🤷🏻‍♀️熟食：口水雞雞肉唔滑又唔入味，炒椰菜苗都勁老🤦🏻‍♀️，炒蜆多沙又唔開口天婦羅：一般啦，咬落多油，其實食完上面d嘢都冇意欲食其他野了，同埋選擇都唔多所以最後都係叫翻生蠔食算，21:30經open rice訂位有9折，埋單記住睇清楚佢㩒左個優惠俾你未！星期六去食，+$88，最後埋單計埋優惠都要$326一個人，咁嘅質素真係不了。

朋友鐘意食大閘蟹，但我唔好，所以佢全年都無食過。。。大除夕我要計劃同佢去邊到興祝，上網睇到呢到有大閘蟹放題，重點係佢係一間曰式放題，咁就可以佢食大閘蟹我食其他嘢啦！即刻訂位。。。。當晚我係訂九點，但早到，門口好多人，安排入坐亦有少少亂，大概21：10有位喇，雖然好迫，但節日無計！一入座，店員就即刻講幫我地蒸六隻蟹先，叫我地食住其他嘢先。。。佢係用電話掃QR code攞餐牌落單，好先進，好方便又環保雖然無食開集團式咁多選擇，但勝在快而又新鮮。。。食完六隻加其他嘢已經好飽，所以無再加單，但朋友已經好滿足，響2018最後一日為佢劃上完美嘅句號，大家都開心！值得大讚嘅係呢間自家經營，店員加老闆都非常有禮，笑容滿面。。。2019我地會再嚟幫襯架

雖然已提早三日在open rice 網上訂位，準時到達點知一上到去發現大批食客未走，根本係無位交到比下一個時段的人，大批人唯有企等左差不多40分鐘先有位第一次試依間，但整體食物質素好一般。日式食物品種選擇好少，菜單加左泰式野食怪怪的🤨熟食野都煮得唔好食剌身大件但唔算好新鮮，無論什麼壽司每一粒都極細粒，花之戀的三文魚不新鮮。甜品都不吸引。雖然用手機點菜算方便，不過上菜次序安排混亂，唯一優點就是落單的都有上齊。只能說揀錯日子來試！

久違既gathering了🎉🎉今次去咗銅鑼灣食放題，<<瀛豐放題料理專門店>>，呢到係要用手機落單嘅，落完勁快送到！俾個讚佢！呢度除咗正常刺身同壽司食之外，仲有泰式野嗌，呢度刺身都算正常，厚切得黎份量都跟足order，不過啲蝦就略為少咗啲鮮甜味，不過其餘都夠鮮味，我最鐘意啲鮑片，好鮮甜呢度啲熟食絕對食得過，下次再食，我會主力食佢啲熟食泰式燒元貝嘅元貝都幾大隻P.s 雖然我地七點鐘就入坐，不過都有啲已經售罄，食唔到火炙左口魚😫😫

銅鑼灣區仲食到179全包放題已非常少有。 食物水準一流。唔止有刺身，壽司，手卷。最驚喜係有生蝦，田螺，泰式食物，四川食物等。樣樣都質素好評。落落亦非常方便，只需qr落。亦可知自己叫左d乜嘢。最好係刺身，炸物，好多類都係每件計。唔會食唔晒。至於飲品方面，亦唔少種類。加錢仲有酒任飲同生蠔食。最正係仲可加錢叫大閘蟹。上食物時間快，漏單次數冇。服務亦好好。雖然地方唔大，但唔會坐到好迫，我2人去都俾4人枱我地。絕對值得一去再去

準時5點黎到 諗住未開 原來已經有人早過我地😂坐底介紹電話可以落單 點知個網頁出左問題 入唔到😂最尾交底左部pad係pad落🙈 用法好簡單 鐘意食咩就＋1 無難度可言 仲可以睇返落過咩啲🙈 落單約五分鐘 啲野就開始到🙈 由於今次係食大閘蟹放題 埋位已經幫我地蒸緊 所以我地食住刺身先🙈個蝦極有驚喜❤️ 肥美又鮮甜 真係食死都抵😂😂泰式調味料好夠味 夠酸又唔會好辣 點啲刺身好爽🙈 等左陣大閘蟹到 由於無手影相關係 淨係影左上枱個下 （見圖1）無諗過 季尾都仲可以食到夠鮮又多膏既大閘蟹 真心又再一次驚喜❤️不得不提 全店既人都好好禮貌同笑容🙋🏻‍♀️特別服務員姐姐 手腳快到唔讚唔得 🙈 一見個裝垃圾既兜滿左 就準備換個新🙈 又唔會黑面 嫌麻煩 謝謝你🙋🏻‍♀️❤️下月再有大閘蟹放題會再黎食🙈 4百幾蚊 淨係啲蟹同食蝦已經抵返（3個人食左22隻蟹😂）🙈 而架唯有食住啲放題先🙈 期待下年🙈

今天同一班朋友去吃放題、呢個季節梗係吃大閘蟹啦，除咗吃大閘蟹、呢到仲有很多刺身，加$88仲可吃埋生蠔同海膽帶子，真係好新鮮，而落單是用QR code在電話內落，既環保又方便,送餐亦很快，員工態度亦很友善。D蝦好大隻，而刺身唔係薄切架帶子非常新鮮大閘蟹超多膏這間放題真係值得一試。唯一缺點就係座位有D迫。

第一次食5:00PM放題，以為7點離座可以有折，原來係無～唔緊要，都係要食飯啦，早D食完再食其他嘢！改用左手機掃描2D Barcode落單，都好方便下，但係要登記電話姓名...上菜速度都好快，全程無漏單，職員幫手收拾碗碟、蟹殼都好快好密～+$88有海膽帶子、生蠔（要人手落單，一來就每人兩件，可惜眼寬肚窄，食唔得多）缺點：地方太細，食物無位放...總結：食蟹同埋本身放題（日、泰）都好夠，唔使加帶子生蠔，因為真係食唔哂咁多！臨走職員話下年再做大閘蟹放題，再幫親可以有折扣！

壽司 刺身 新鮮 份量剛好另外+$88 任食海膽帶子 生蠔如果海膽與帶子可以分開獨立上菜就更好。炒椰菜苗、通菜、燒菠蘿 出色大閘蟹唔算等得耐，每人首點3隻 當中有2隻唔新鮮 蟹身蟹蓋一開全黑。再叫好快就上菜，啲蟹羔😋

今次第一次大閘蟹放題 平時放題份量小又少 今次出呼意料 夠鍋氣小炒 魚生夠大塊 款式多 好味 服務都好好 還多給了我小朋友菠蘿食 而且100cm以下不收錢 覺得很好 實在d 帶小朋友既好去處 值得推薦

為任食大閘蟹而黎店員好大方，一埋位已經幫你安排每人3隻大閘蟹... 而且唔會拖好耐先比你...正宗任你食除左大閘蟹，佢仲有其他小食。我覺得泰國生蝦幾好好少放題有哩D 泰國野食！因為主要黎食大閘蟹，所以無留肚比小食！下次會再試下...點餐方面，佢係要你用手機 scan QR code 咁就可以任你點菜啦... 方便！

放假諗住同朋友仔去食放題，知道呢度仲可以有大閘蟹食，所以就試吓。大閘蟹唔算好大隻，但賣相不錯，亦都有不太少的蟹膏，而且任叫任食，尚算可以接受。放題的刺身及壽司選擇非常之少，亦不算新鮮，熟食選擇亦不多。若然不加錢食大閘蟹放題，來這裏就咁食普通的放題，真的非常浪費金錢。就算只吃大閘蟹也真的要encore很多次才能回本。說真的，我跟朋友都不是真的能吃很多，每人埋單$4xx，真的不值。結論：絕對不會再來。