瀛豐放題料理專門店 (已搬遷) 新店位置

響銅鑼灣，有多款放題，今次選呢間，貪佢夠多款，有日，泰，中式，超多選擇，一坐低先要用手機scan QR code，就可自助落單，夠晒環保！放題晚市每人$239加一，食盡佢，加$88升級可以任食生蠔，火焰海膽帶子同埋小龍蝦 ！先叫刺身，樣樣都非常新鮮，大大隻的赤蝦，更非常彈牙；最愛的是三文魚同海膽帶子。名貴的還有和牛壽司，入口即溶，還有黑松露油甘魚壽司，香噴噴的黑松露香味。叫左好多特色小食，有燒羊腩，芝麻雞翼，仲有呢個烤到外脆內稔的樟茶鴨，咬開仲保留肉汁驚喜地見有胡椒蝦，大大隻，好香。又叫了燒魚，比想像中大條，香口唔腥喎。泰國食品叫左半打串燒，有牛同豬，好惹味，飛天炒通菜，泰式炒椰菜同埋期待著的泰式生蝦，大愛，蝦肉爽口彈牙，尤其辣汁夠正宗，還有泰式無骨鳳爪，撈埋生洋蔥，芹菜絲好夾。當然唔少得燒菠蘿，厚切夠清甜。食完生果，可任選甜品櫃的精緻甜點例如糯米糍，mousse cake，仲有好多款杯裝雪糕，又可任取飲品櫃的汽水，非常多選擇。臨走時見到門口攝了啲傳單有列出菜單，好震撼。