瀛豐放題料理專門店 (已搬遷) 新店位置

因為最近都好難搵到大閘蟹，一見到有大閘蟹放題，即時忍唔住過來試下，再加$118食埋生蠔，感覺都幾抵食。上菜基本無漏單，吉碟都收得快。服務態度好。下次可以再光顧_

🦀每年秋天最期待就係食爆膏大閘蟹😍呢間放題店上年都嚟過 食完感覺唔錯今年決定再黎過🥳-大閘蟹放題係包埋佢地普通放題嘅食物不過黎得就梗係主力食蟹 所以冇試到好多嘢食😂-我係上個禮拜 九月尾左右去食既佢哋供應嘅係蟹乸 主要食嘅係黃色嘅蟹黃Size大概係3-3.5兩 拎到上手又唔會話超細隻👍🏻👍🏻每隻蟹都有飽滿既蟹黃 食落軟糯鮮甜但偶然幾隻會有少許苦澀味 上年10月尾嘅時候記得佢哋每一隻都勁好食今年可能太早去 未到最適合嘅時候🤔-刺身印象最深刻係佢哋嘅珍寶赤蝦每一隻都手掌咁大隻 食落去勁甜超滿足應該冇乜放題點會咁落本 可以食多幾隻👏🏻-各款壽司質素都唔差 唔會話超大嚿飯比較好嘅係火灸三文魚壽司 油脂幾豐富😋海膽壽司都正正常常冇腥味食得過不過鵝肝帶子壽司嘅鵝肝就真係超細粒 咩味都食唔到-最欣賞係佢哋嘅上菜速度真係好快試過其他放題會以蒸蟹時間為由 每次等成半個鐘兩個鐘嘅放題最多只上到三轉 份量好似被限制但當日我去呢間食 每次落單後10分鐘內就有蟹到每次都嚟足六隻 我哋兩個人去總共食咗22隻😌再食埋赤蝦 感覺真係超抵食👍🏻員工服務態度都唔錯 自問係大胃王都可以一戰🤣好味評分😋：4.5/5🌟🌟抵

又到左一年一度食大閘蟹嘅季節❗️ 雖然未到最佳時候，不過早兩個星期已經忍不住要去拆蟹！想狂食冇負擔？緊係要揀任食啦！上年已經試過「瀛豐放題料理專門店」，大閘蟹對於任食黎講質素非常好👍🏻今年再幫趁，一樣無失望，size 唔大，膏夠多又新鮮，order完，10分鐘已經上台，新鮮熱辣😋😋😋 最後同friend 一人拆左10隻🤣🤣好滿足😎另外佢仲有好多放題食物選擇，不過由於今次目的係🦀，所以只係食左部份，刺生不錯，全部都新鮮！其他熟食就普普通通，啲蜆好多沙😫 不過其實唔係🦀，我都好少食放題，因為始終坐得比較迫，又嘈。總括來講，如果為食🦀，呢個大閘蟹任食（$450pp) CP 值非常高！況且呢間係💛店呀！

少有嘅黃店日式放題💛🇯🇵呢度係用QR code點餐的，真係冇漏過單👍🏻😍·💛刺身拼盤一嚟緊係叫個刺身拼盤，試齊哂邊款啱食再encore😚個人超級推介珍寶赤蝦刺身，大大隻又好新鮮🤤拼盤仲有油甘魚、希靈魚、象拔蚌、三文魚等等·💛壽司🍣壽司試咗好多款，食過覺得正嘅有海膽親子花之戀、火灸和牛、火灸三文魚、蟹肉蟹膏、左口魚裙邊，太多款未能盡錄了·💛炸物叫咗幾款天婦羅🍤、仲有炸芝士年糕、雞翼、一口薯、炸香蕉、炸香芋球天婦羅蝦同埋炸香蕉唔錯，其他就正常質素炸雞軟骨唔多掂，隻色好黑好似翻炸過咁🙈·💛泰式虎蝦刺身，值得食架，平時泰國菜好貴一碟的，不過啲醬汁幾辣架🤣泰式燒元貝，好多蒜茸，味道都ok啦叫咗個泰式炒菜，但冇影到相，超級辣🥵·💛甜品/飲品甜品好一般，唔太掂，飲品都係正路嘢，有韓國牌子個啲·再講環境，就係一般嘅放題餐廳，座位密密麻麻，座位之間唔算好隔得開，如果唔係疫情措施都想像到會幾迫😅不過個日早到可以2個人坐窗邊4人座就幾好啦😉·服務都幾好，每檯都有個碗裝垃圾，期間keep住有人負責清垃圾同埋收碟🤣👍🏻·🌟Tips: 平日5點-7點場係最平的，$189加一，可額外加錢升級食生蠔🦪、海膽帶子、啤酒

2/10中秋節與家人聚餐，見有大閘蟹放題，評價亦不錯，便初試這間餐廳。點知第一輪大閘蟹放低後，我開咗3隻有2隻裏面係黑色，隔離枱親戚開果隻仲好臭。個部長開頭仲叫我地繼續試吓餘下的蟹，佢話啲蟹都係要開咗先知靚唔靚，佢仲自己開隻蟹比我地睇，但之後有位女職員細細聲同佢咬耳仔之後，佢就同意取消大閘蟹升級收費。其實我哋係見有大閘蟹放題先試尼間餐廳，但見到啲蟹已經有啲中伏感覺，但見已經坐低食緊，所以冇即時離座去其他餐廳，點知就出事！餐後第二朝首先係我同囡囡又屙又嘔兼發燒，隔離枱親戚亦出現類似症狀，尋晚到我老公亦出事，我哋7個人有5個人懷疑食物中毒腸胃炎！其實衞生同清潔係好緊要，你哋啲食肆唔重視尼樣嘢知唔知會累死人！！

每人比460蚊，食到受罪咁，比個lift口位坐，通道人來人往極窄經常有人撞到，bk左9點半9點45都未有得入座，d蟹叫左半個鐘都未到，食物質素參差，d蟹拆開臭hi味熏天，完全唔值呢個價錢，中曬伏其他食物亦非常難食，一味炒蜆變左炒蜆殼，魚生不新鮮，炸物、熟食等係放題餐廳中款式實屬少之又少，乜都要加錢，eg.啤酒要加錢、生蠔要加錢，再加埋近600蚊埋單我去5星酒店都得啦。anyhow，廁所甚為經典，有d抆過屎嘅廁紙係地下，馬桶屎尿開曬花，無人清潔，超級嘔心，成個亞皆老街球場公廁咁嘅feel。唯工作人員態度尚可，主動幫你同廚房催單。

銅鑼灣瀛豐放題料理專門店除咗一般刺身、壽司、炸物、燒物，更可+$98升級食埋美國太平洋生蠔、海膽帶子、仲有兩款生啤任斟任飲🍻QR Code落單簡單方便又衞生👍🏻 值得一讚佢哋嘅上菜速度好快！泰式食品有辣椒膏炒蜆、飛天通菜、香蒜炒墨魚鬚，味道都唔錯微香帶啲啲辣，幾惹味既😊仲有幾款沙嗲串燒🤩至於飲品有成十多款選擇，罐裝氣水、果汁、茶、啤酒都有。甜點同雪糕雪條種類都幾多🤩收費二佰頭，都算係超值！

大閘蟹苦嘅啲蟹肉又無味有啲會仲煤嘅！試過就算啦唔會食第二次啦⋯⋯漏單情況都幾嚴重下，最好食就系炸物啦要讚嘅第一輪刺身都還可以接受，都算新鮮不過之後點10件來3件同埋明顯唔同左！

秋風起，又到大閘蟹季節🦀呢間大閘蟹+日式放題應該唔少人試過，上年錯過咗，等咗一年終於有得食啦😂講明放題，坐位擠逼、嘈同限時就一定嘅，呢間勝在無乜惡意漏單，大閘蟹質素唔錯，上菜亦快。大閘蟹即叫即蒸，夠熱又夠新鮮，食一次已經過足癮啦，好岩愛大閘蟹人士😁大閘蟹🦀🦀🦀全部都係軟膏😍唔算好大隻但好多膏又新鮮，好滿足。食幾隻已回本，性價比超高。刺身🦐🐚正常嘅放題等級刺身，可接受。其他食物🍣🍤🍢食蟹隻手太污糟啦，無再影相🤣。有日式前菜、壽司、熱食、串燒之類，總之放題食物，正常放題味道啦。今次只為食大閘蟹，其他隨便叫咗少少，唔太重要...

本身見有得食生蠔既放題就專登book位試。book 左9:00，首先帶位好慢，坐低叫野食都9:22，然後就一開始叫生蠔，刺身。野食選擇都唔係特別多，連甜品，雪糕（不知名牌子，牛奶公司都無😔）選擇很少。刺身同其他熱食都算上得快，生蠔就特別慢，愈等就愈眼瞓，叫左30隻，個半鐘都只係黎左16隻. 超失望，如果係怕蝕本可以唔做生蠔放題，專登上得慢等客人食唔到手段丸低手，成個放題只係2個鐘，坐得又迫。我唔會再去，亦希望其他人唔好上當。

全日時段💲409*星期五至日及公眾假期加$10/位（宵夜及星期五至日午市時長3️⃣小時，其餘時段均為2️⃣小時）事源上星期有一晚突然好想好想食放題🤭 上米豬連搵到呢間，咁啱喺大閘蟹季節，一於挑戰食量🐷先講主角大閘蟹🦀 等候時間🕧：第一輪等咗40分鐘先上枱，比海報所寫需時25分鐘長，不過之後每輪平均10分鐘就食到，3小時放題時間算充裕，2小時就比較倉猝🏃🏻戰績🤰🏻：一行三人合共叫咗3️⃣0️⃣隻，爽！自己就食咗10隻，膽固醇🆙🦀質素：餐廳標榜每隻重量3.5-4兩，個人認為實物體積偏細▫️實際重量就不得而知勝在蟹膏飽滿，膏鮮味美🤤 第一輪的質素尤佳，之後三輪時有苦澀/怪味🤔（⚠️需要自己剪繩✂️ 都幾攰）再到基本放題食物，款式唔算吸引～刺身稱唔上新鮮，最吸睛係珍寶赤蝦，份量十足🟧 奈何鮮味不足而象拔蚌第一輪質素不俗，夠爽脆，但再encore時咬口不再🥴壽司刺身同飯嘅比例適中，不過舊飯壓得幾實🍙原本叫咗幾件花之戀壽司🌺 但最後漏單，因為已經夠飽所以就無追單。涼菜不得了，師傅落手絕不手軟，圖中各為1-2客份量，下單前請三思🙏🏻（大部份都係下單一小時後送達😂 原本以為餐廳絕不漏單，無奈最後同花之戀無緣🍃）燒物原本期待

食放題一定首選呢間！平靚正！上菜速度快！服務質素好！而且係地鐵站附近 地點非常方便一坐低就可以掃枱面個QR code電子落單環保得黎又唔駛係咁叫人落單仲快好多添最重要有Free WiFiData糧尾都唔擔心Load唔到個Apps可以一邊食放題 一邊暢快上網落左單食物勁快到個靚女姐姐執枱速度都好快完全唔會有吉碗碟阻住你下一輪戰鬥總括而言職員服務優質 快靚正係幫緊你幫緊你咁好質素對住咁多好西我都頂唔住啦每樣一份唔該(о´∀`о)所以好多食物都無相機食先 XD最鍾意呢到既放題偏日式同泰式有我好鍾意飲嘅冬陰功湯同泰式炒通菜個冬陰功湯足料到想隔一隔先飲個味好濃好正仲有秋刀魚整得好靚份份好足料 會上齊曬俾你唔會叫99件三文魚上得9件所以大家叫野食要輕手啲啲如果唔係一定食唔晒😂飲品同甜品都可以自己出去拎有好多選擇任君自由選擇大家可以試下少女夢幻粉藍色嘅沖繩海鹽雪糕個味道都幾特別顏色可以打個卡最後環保豬表示食得曬 先好叫食唔晒 唔好嘥呀

今日黎到呢間係港島享負勝銘嘅日泰食放題，你到呢度睇到好多疑問可以吳家吳家錢食飯好個人覺得就真係睇budget，但其實佢加既野又幾抵幾好食😋生蠔大大隻，絕對唔係平時好頹嘅自助餐食到嘅生蠔，肉多肉厚，又有海水味，食左接近十隻😂😂而呢個又係另一個特色，海膽帶子，帶子就一般啦，但海膽勝在夠多夠甜，又唔使迫住食埋個飯，可以食多幾舊😍😍另外又有生啤飲，+$118 其實超值😍😍而食放題當然就唔少得刺身啦，呢度啲刺身都大大件，好鮮甜，又來得好足，好味仲有泰式生蝦😂😂整體來講價廉物美，就算加錢都仲係好抵，但又有好多平時食唔到嘅，超值❗️

自從五月食過之後 ，因為疫情反反覆覆 ，都冇機會再食放題 。近日疫情好似有啲好轉就約咗一位朋友 去瀛豐食放題，其實本來朋友話去嗰度食我都有啲擔心，始終上次佢哋嗰啲壽司刺身甚至泰國嘢完全唔掂，可能因為上次 太多人去食，連電梯大堂都企滿人。今次上到去，可能因為限制令，人數少咗大半，電梯大堂冇人排隊。好有緣分 ，我哋入返嗰間房仔去食。一嚟就叫番個刺身拼盤先，刺身冇上次咁凍，但係少咗個雪味，唯一慶幸嘅，就係佢哋嘅馬刀貝依然新鮮，一嚟就寫30份，一啲都唔過份。刺身方面，只有大蝦，冇左甜蝦，同埋仲有嗰個好難食嘅泰式生蝦。 赤貝叫咗成晚，先至嚟咗一盤，都叫新鮮嘅有少少腥味。三文魚就仲犀利，我懷疑佢個師傅係川菜系嘅，佢造緊「燈影牛肉」咁嘅款，真係薄到可以做間尺。至於泰菜方便就更加失望，除咗嗰個泰式炒蜆叫做有少少味，嗰個曾經令人譁然既金邊粉，已經變咗做當日一別唔會再叫嘅指定菜式，無論色水味道香料配菜麵質無一樣合乎心水， 簡單啲理解，我會叫佢做「西炒河」。另一樣失望，嘅仲有原隻嘅蝦天婦羅， 係呀佢個粉漿夠薄呀，但係一啲空氣都冇，咁你聯想下有啲乜嘢，可以包住一啲空氣都冇嘅，依家食蝦天婦羅，唔係食真空包裝。個

魚生完全唔新鮮， 一食落口成口都係水， 魚無魚味， 貝無貝味。生蠔只有咸味， 又隻隻都有蠔壳， 帶子疑似係假野， 一啲帶子既質感都無， 實的的， 好奇怪。涼拌皮蛋唔辣又唔酸， 舊皮蛋一啲皮蛋味都無。 炭烤豬頸肉可以鞋過塊豬扒。 泰式生蝦又係無蝦味， 一咬落口又係實既。 訂位話明會有短訊， 但最後要我自己打去confirm兩人晚餐食左$650，我地夾硬坐左1個鐘就走， 因為已經唔想再試佢其他野食。 6點食完走， 9點返到屋企就肚痾。