瀛豐放題料理專門店 (已搬遷) 新店位置

生日一定要食好西,老公揀選瀛豐放題料理專門店為我慶祝生日。1.黃店 2.食物質素好 3.生日驚喜好彩老公醒目預早訂枱,因為即場已經冇位.一黎到侍應送上大大盤嘅刺身,真係有驚喜,因為刺身蝦有一吋長,口感極新鮮,另外三文魚腩呢亦都好肥美,象拔蚌亦都好彈牙,因為我本身鍾意食蝦,所以點咗炸蝦同埋泰式刺身蝦,兩者都冇令我失望.老公則較喜歡肉類,所以叫咗串燒同埋一口牛,另外較為特別嘅有冬陰功湯酸酸辣辣,極為開胃.遺憾嘅係生蠔已經售罄,希望餐廳可以增加來貨,唔好令食客失望.最後令我勁極為驚喜嘅餐廳預備嘅生日蛋糕,原來係廚師特別製造嘅壽司蛋糕,無論係食同埋呃like都非常特別,所以真係要記得訂位同埋生日正日去幫襯過一個難忘嘅生日.

九龍區既放題好多都試過 今次決定過海試下 book左1900 去到一開𨋢門 😨😨真係呆左 啲位好逼呀 等安排入座 點知就係坐喺對住𨋢口😥😥 張枱好細 未開始食就話要移張枱 食食下又話要移枱 感覺好差張枱細 食完就叫侍應收 都好正常姐 佢地既態度好差囉 你話轉頭咪等你囉 語氣勁差囉食蠔要加錢 食帶子海膽又要加錢 咁加食帶子海膽啦 海膽又冇味 帶子又冇味。。。 刺身唔太新鮮 叫左既又唔黎 冇叫既又黎 溫泉蛋又變熟蛋。。

去過兩次了～好食！唔好食都唔會再去啦係咪？😁冇漏單～冬陰功好正好正😋😋赤蝦超級大隻好多膏！三文魚超級肥美，肥美都食唔到好多件😂象拔蚌刺身鮮味到不得了！係非常非常鮮甜！海膽帶子我就覺得麻麻地，唔係好食得出個味⋯生蠔都真係好肥好creamy吓～每次出六隻～雖然價錢平， 但係唔會孤寒，侍應會問你要唔要加單生蠔👍🏾👍🏾👍🏾態度係非常之積極👍🏾但可能某啲熟食好重味精，我同老公食完之後都超口乾……服務唔錯，好Nice！座位有部份枱與枱之間會好貼近，依家咁嘅疫情來講就爭咁啲

首先 講訂位方面 訂完位去到間放題到 原來訂完位都要等候 本身店舖唔大搞到個門口鬼死咁多人 仲要門口係有張枱對住升降機 如果你話小店將就下嘅話 唔好意思 不能接受第二 講食物方面 食物種類算中規中矩 畢竟250樓下嘅放題我就唔會要求種類多架啦 先評一評刺身方面基本上無咩味道 而蝦竟然無挑腸 原汁原味而壽司就係爭鮮外賣店嘅級數 燒物基本就係低下貨品 隨便一間街邊串燒舖都贏撚咁佢 人生第一次食扇貝個肉係有碎殼係上面 而且有股腥味 基本上由海鮮加工而成嘅燒物都有股腥味 可能係古老秘方 炸物就幾恐怖 每次都控制唔好 同一種炸物叫三次都有唔同感觀 唔建議 垃圾個啲咩沙律 小食真係狗也不吃 唔係難食 就達唔到基本要求第三 講服務質素 基本落單上菜速度尚可 但好恐怖同一個燒物我地都落單 但其他枱都黎咗幾次 佢都未有影 原來佢地係認識嘅唔怪得啦😂陌生客建議一次試下就算撚數唔第四 讚賞位置 飲品都幾充足 雪糕得四至五種味道一般般 可以話難得嘅正常最後一句 唔好因為黃店而盲目讚好同支持 一定量嘅評價先可以改善質素

或者揀左係5PM時段, 員工態度好好, 好有禮貌, 而且收碟速度都好快........食物質素普普通通, 刺身尚算新鮮,但沒有刺身味道,  食完沒有不適問題.....食物款式不多選擇, 味道可以的.....炒既蔬菜款式最好食, 串燒好難食, 又無味又乾, 唔知食緊咩.....環境一般般, 好彩5PM食客不太多......洗手間就無必要都唔會去........寧願食完行去SOGO方便......

要搵到生壕任食唔難，但係搵到又平又高質又好食嘅生壕任食就好難啦！估唔到咁都比我搵到🤤🤤🤤 重點係，佢係黃店嚟㗎！呢度有幾個package可以揀，普通任食、普通加帶子海膽任食同普通、海膽、帶子、生壕任食，要平要貴自己話事！唔好睇佢咁平啲質素會唔好喎，每次上生壕都有冰喺底同有跟埋檸檬，一啲都唔hea!! 每次叫幾多隻就真係比幾多隻你，所以食得哂先好嗌呀！生壕新鮮大隻肥美，帶子超厚切冇雪味，正！埋單都係每人300頭，絕對會encore!

見到個疫情持續咗大半年，好似有少少緩和嘅跡象，我同我朋友當然要睇顏色幫襯。呢一間，大家睇我嘅食評，都知我已經支持咗超過兩次，即係代表可以encall，兩次經驗都係非常好味同埋驚喜。喺我大半年嘅時候，我再去呢一間嘢放題，我只可以講三個字：對唔住，冇下次！先唔好講我最鍾意食馬刀貝，今次同埋佢嘅刺身，唔夠凍、腥味雪味重，而且有啲唔新鮮嘅味。我希望呢個只係偶然嘅有問題，我再點上次令我哋驚為天人，又新鮮又熱辣辣又夠味道㗎金邊粉。呢個泰式金邊粉，上次叫我一碟之後即刻Encore。今次，所有朋友都放低手，因為佢只係一碟茄汁金邊粉，冇蝦，好乾嘅雞肉，好多蔥。(太嬲無影)我學地食左一個鐘就走人！我明白，食嘢顏色好緊要，但係呢間嘢好多人支持，佢到今日我只會想講，我唔係抹黑，我係好如實咁講呢間嘢，好！難！食！由佢個鰻魚壽司(好似金蠔一樣)，去到手捲，去到暖嘅田螺，我再去到手捲同埋腥臭嘅海膽手捲。雞翼唔得唯一好少少係炸芝士，啲泰國野死哂！我只可以講多次，對唔住！冇下次，你令我太失望啦！仲未計人太多，訂左位都等左半個鐘。

已经不知道是第几次来这裏吃饭。可以说已经是这裏的熟客。发现星期一至星期四只要7点半前离场可以打88折，约185港元已经包加一实在非常划算。马上过来享受优惠。由于只是一个人吃饭，没有升级吃生蚝和带子。最喜爱这裏的珍宝赤虾刺身，虾真的非常大，全港独有。当然三文鱼和象拔蚌刺身亦是不可缺少。烧元贝实在非常美味。另外泰式虾饼，泰式煎鱼饼，烧大虾，冬阴功汤，泰式虾鱼生等也是我的最爱。由于这裏是数码点单，基本上不会漏单，但有时份量会减少。视乎人数决定。我5点来到基本上6点已经全场爆满。这间店一直生意非常好。

本身向openrice 訂左枱晚上7點半放題，準時去到已經一大堆人未入得座，本身等候位置細大家逼d都算，等左半個鍾終於到我，安排位置向電梯口，亦姐係大家等入座的位。根本唔係比人坐黎食野，唔係人來人往咁簡單，係長期一堆人會企向你身邊的口位，基本上一出就係0個個位。我地話唔希望坐依個位所以答反店員可以再等下個位先，個店員再問我後邊等候的人，同樣唔接受依個口位，個店員就話如果唔坐要等好耐，我地問要等幾耐，店員會等到9點同埋d已入座的坐底左唔會再有出入。姐係我訂7點半根本係無位?我book位係for book個位黎等位的意思??為左黎企1.5小時而提早訂?安排不善重要威脅唔坐就企到9點?

女朋友生日打算同佢慶祝一番，上網物色到呢間黃店放題店，見到有好多人推薦，仲知道佢有得加$118升級任食生蠔同海膽帶子同任飮生啤，二話不說即刻Wts 訂位！9：00PM入座，全電話落單，唔洗浪費紙張同節省人手。生蠔新鮮海膽帶子同泰式生蝦-呢個生蝦幾辣下，唔食得辣嘅人要小心生啤1664，飮左2大杯總括黎講，喺環境上呢間放題店係比較迫同細間，但係我上網睇過知佢喺唔重裝修，而喺重食物嘅品質食物方便完全可以，侍應亦好有禮貌，値得推介！

今日帶阿媽放風，因為媽媽鍾情生蠔，所以選了這間有生蠔供應的放題店，午市放題食三個鐘，因為加左錢食海膽帶子和生蠔🦪，結帳二人700蚊有找。環境：算乾淨，不過地板有啲「跣腳」服務：收碟好勤力，員工有善入座後，每枱會有魚生盤如下（而我因為事前唔知，所以自己又order左魚生拼盤🤦🏻‍♀️）order的魚生盤大好多👇🏻生蠔質素👍🏻 雖然唔係脹卜卜好creamy果款，不過入口鮮甜，開殼工夫幾好，我地全程無食到任何蠔殻碎炸物（炸蝦丶南瓜丶茄子丶蟹柳）燒物（蝦）熟食（豉椒炒蜆丶海南雞丶酸辣鳳爪、豬手）👆🏻無沙！惹味👆🏻唔滑，主要係食醬多過雞☝🏻都幾辣，個人覺得唔夠酸，去唔到令人欲罷不能的程度👆🏻超冧！幾入味，最欣賞係細細舊甘上，但有齊瘦肉同膠原豬皮兩部分，滿足不同口感總結: 值得推介👍🏻 我覺得好食過「神之放題」喎！建議就算卜左枱都早啲去到，因為我見後來遲入坐的人被安排很窄很逼的二人枱，坐得好辛苦。

見咁多好評又話係黃店所以去試下 滿心歡喜好大期望首先間鋪細 啲位又唔好坐 員工態度又麻麻食物質素極差 好難食 同兆萬嘅質素無分別 魚生唔新鮮 雞翼唔入味 完全唔值 得泰式生蝦、蕃薯仔天婦羅、炸芋頭波同炸芝士年糕係叫ok 叫咗兩round 最後唔想浪費食物先格硬食埋佢係咪真黃我唔知 總之就難食！！

其實我除咗鐘意帶孖寶周圍去玩，仲好鍾意周圍食野架😛。前幾日突然好想食帶子刺身同泰式鳳爪，係網上搵到一間位於銅鑼灣的「瀛豐日泰式放題」，一次過滿足晒我既慾望啦✌🏻。呢度晚市有3個時段收費，價錢$179～$239不等，飲品及食物任食任飲，另加$98有任食即開美國生蠔、海膽帶子同生啤。既然加咗錢，當然要試下個海膽帶子同美國生蠔先啦~海膽帶子真係無得頂，海膽鮮甜帶子肥美好juicy🤤，好食過好多buffet呀~如果食海膽唔夠喉，仲可以叫海膽類有一口海膽、海膽手卷同海膽花之戀~美國生蠔🦪大大隻，肥美肉滑，而且無海水味，好清甜，啱晒我口味😋~刺身黎喇! 擺盤好震撼! 超靚😍~赤蝦🦐好巨型又鮮甜，第一次食螺肉食到咁鮮味，另外赤貝、北寄貝都好好味，非常滿足😌~熟食亦有好多款式:泰式鳳爪整得好入味，微辣又好開胃~日式天婦羅炸蝦🍤、炸紫薯、炸南瓜、炸蟹柳炸得好鬆化，唔會好厚炸粉。鹽燒蝦、五香炸豆腐好有風味~新菜式咸蛋黃炸薯條🍟必食，好香口!值得一提係我地叫咗個准山炒雜菜菇有驚喜，真係好好味(不過唔好預會比好多准山你食😆)。另外仲有豉汁鮮魷、炸芝士波、炸香蕉、炸麻薯等等，已經食到好飽啦，好多款式都試唔晒。甜

支持黃色經濟圈，食放題都揀黃店👍🏻坐落銅鑼灣大廈，見到價格幾平，5:30-7:30連加一都係$185一個人有好多選擇，除左日式有泰式嘢食😋一嚟就食左2盤魚生拼盤，入面嘅生蝦好juicy!仲有叫左啲壽司，好似花之戀等等都好味😋泰式菜叫左雞肉串燒，炒雜菜等等炸香蕉脆卜卜😍都有好多甜品選擇，好似tiramisu, 紫薯jelly,布甸等等，值得一提嘅係榴連糯米糍好重榴連味👍🏻食左超級多嘢，好飽，性價比好高👍🏻

難得岀街食，梗搵間自己人開嘅嚟幫襯！放題嚟講，鋪頭唔算大，星期日lunch time, 坐到full 囇咁滯，提前有bk, 唔洗等有得入！有囇隔板，枱同枱都有空位，坐得舒服！點餐比較先進，掃QR code 係電話就可以嗌，都幾方便！放題嘢食不外乎都係果啲，就唔detail 講，個人覺得炒通菜好值得推介，魚生新鮮，樣子都企理乾淨，其他嘢食就比較一般！但漏單問題都頗嚴重，同一樣嘢嗌兩三次都一樣漏咗畀你，最尾好多嘢冇食到！價錢絕對係抵嘅，加埋一都係208，加埋服務幾好，都值得一試！