瀛豐放題料理專門店 (已搬遷) 新店位置

放題係好多年輕人聚會之選，價錢平之餘，仲可以食到多款菜式。瀛豐放題位銅鑼灣地點非常方便，放題食物除左一般刺身、壽司、炸物、燒物，仲可升級任食生蠔、海膽帶子同埋任飲啤酒1664。刺身方面選擇都幾多，我最鐘意係牡丹蝦，好大隻好鮮甜。升級食物海膽帶子勁肥美，生蠔就海水味比較重，鐘意食生蠔嘅朋友一定可以回本，哈！另外，泰式生蝦都係必食，同樣都是很爽甜，配上泰式醬汁好開胃。炸物都好出色，私心推介紫心香芋丸，香芋味道好濃郁，仲好有口感。飲品同甜品都係自助形式，啤酒都可以自己斟。

人人皆知閒閒地要滿足願望，多重享受既任食放題不僅包罹萬有，任點任食勻能吃得盡興同大滿足，加上美食陣容豐富升級吃得高質一點只需加一個價錢吃得更豪氣又可滋味一眾大胃口別錯過喔！食物上菜速度快採用手機點單處理效率及食物夠有效率，平時愛吃頭炮肥美刺身冷盤選擇多亦相對花多眼亂，入口啖啖即溶，鮮味十足既不吝嗇保持厚切厚度份量，視覺上與味道讓人一口接一口有咬口同質感而熟食熱辣辣燒物串迎合超開胃，飲埋一人一盅燉湯爆燈啱曬愛吃的你

最近同朋友黎左e間放題店一聚🥰，店內以卡位為主，但都有4人枱👍🏻牆上面有唔少酒瓶作裝飾😎我地今次升級左放題嘅套餐，可以食埋生蠔🦪同帶子海膽😍燉湯，係蟲草花燉雞湯，飲落熱辣辣，味道香濃睇下生蠔幾新鮮🤓食落仲好鮮味👍🏻好肥美😋帶子海膽，我都係第一次見，大大厚肉嘅帆立貝，夾住新鮮嘅海膽，口感好滿足🥰海膽甘甜，唔會苦澀👍🏻刺身，我地點左大赤蝦，三文魚腩，油甘魚，八爪魚，蠑螺等😛當中大赤蝦最吸引，又大隻又彈牙，同埋出面放題都比較少有😍除左刺身，我地都有叫各款壽司🍣，種類都好多😋😋有一口海膽壽司好吸引😆甜蝦海膽手卷，紫菜好脆，海膽同甜蝦味道都好夾☺️熟食方面，因為主打泰式野，有炒金邊粉，炸香蕉🍌，燒菠蘿等等。味道都好正宗。當中燒蝦最出色，有少少炭燒味。仲有燒帆立貝😋😋加左調味又唔會蓋過佢本身嘅鮮味👍🏻炒一口牛柳，味道好有鑊氣，又唔會過左火，幾嫩🥳

人大左好似無咩特別想食放題，或者戰鬥力都低好多，但朋友大力推薦呢間，估唔到食物又幾唔錯，搞到我忍唔住食到個肚突突咁走用qr code點餐，方便衞生晚餐時段加百幾蚊可任食生蠔同刺身帶子同海膽😍😍生蠔有女仔手掌咁大，都算新鮮，帶子都幾厚肉，入面海膽都幾充足另外好鐘意呢款松草雞湯，入面好足材，飲落味道鮮甜，唔似得味精既感覺刺身盤好靚靚，有至少6款海鮮，最驚喜係甜蝦，超大隻，仲粗過我隻手指，味道又新鮮，我encore左幾次熟食都唔差，尤其係壽司，必點海膽三文魚卷同松露灼燒芝士三文魚壽司，入口即融，忍唔住食左幾件其他熱食選擇同份量都好多，有豬手、墨魚咀、口水雞呢啲少有既款,真係食到捧住個肚走😋

久違左同媽媽撐枱腳 今晚終於得閒同佢食下野去左食佢至愛嘅日式放題 銅鑼灣嘅瀛豐雖然地方唔大 但店員服務態度真係好好一坐底當然第一時間叫魚生啦 每樣叫啲真心每樣都好新鮮 特別係虎蝦刺身 入口勁鮮甜重有赤貝 螺肉 北寄貝 同 象拔蚌 全部都好爽口好耐都無食過啲咁鮮嘅刺身啦另外重有一款帶子夾海膽 兩樣最愛放埋一齊 無言估唔到日式放題 竟然有中湯飲 松草花湯 好清甜 一啲都唔油 好好飲另外放題當然少不了炸物啦 除左天婦羅外重有炸芝士 雞軟骨同豆腐等等推介一下佢嘅泰式炒菜 好好食 叫左幾款最尾食埋佢嘅甜品同雪糕就大滿足啦

係Openrice睇到呢間大閘蟹放題於是就滿心歡喜嚟食，前一晚都有訂咗枱，訂咗兩個人。結果去到..見到環境唔單止擠逼，仲比想像中細同唔係幾衞生。呢啲都算，經理仲要好似唔記得咗我有訂枱咁，仲要我地等多成十五分鐘先入到去⋯ 咁我訂枱嚟做咩？跟住終於入得座，我地係坐細房入面嘅角落位，個度四方八面都係啲大枱，人又多…嘈到好似去咗酒樓，加上我地嘅位係二人位 本身已經好細，同格離啲枱嘅距離都唔多，真係有少少唔舒服。接著我地枱上面嘅豉油碟係有一啲污漬同埋食物殘渣，睇到呢到我有種好想走嘅感覺，但都一場嚟到。本身好期待嘅大閘蟹原來一早無曬⋯ 但佢四周圍都仲貼緊「大閘蟹任食放題」 經理都仲可以話一早無曬了，要等唔知幾時。。咁點解仲要貼住？😅唔理啲蟹嘅質素會係點先，但真係有種比人呃嘅感覺。再到叫嘢食，其實嘢食都唔差，啲壽司食落都幾好嘅，但刺身方面無乜色質，有啲唔新鮮嘅感覺。。泰式鳳爪更加係比我想像中失望，完全唔入味，似比水沖過，勁淡味🥲之後叫咗6串燒蝦，1份燒菠蘿同埋幾串串燒，無一樣係有到嘅😅🙏🏻去到9:30 last order，有員工叫我地埋單先，我地話 串燒都無一份上咗 佢話佢會去check 結果又係

天生愛海鮮，天生愛食蠔。朋友見我早排食嘅放題雖然好正，但冇生蠔食，就介紹咗銅記京都廣場10樓畀我，因為呢度除咗日式食物之外，仲有泰式食物供應，最最最緊要係有生蠔食，喺放題之中都比較少有的食物。都知道食放題必食刺身㗎喇，所以店舖雖然用QR code自助點餐，但問咗你冇咩特别唔食嘢時，就已經好細心哋準備咗一個刺身拼盤畀客，當我點完第一輪嘢時，刺身拼盤已上枱，即刻有赤蝦，三文魚，希靈魚，螺片，象拔蚌，八爪魚，北寄貝等等好多嘢食，而泰國食品除咗有辣椒膏炒蜆，芥蘭之外，仲有泰式生蝦食，所以個豉油碟係孖嘅，一邊係芥辣，另一邊就係食泰式生蝦的酸辣sauce.太多嘢食，不能一一盡數，就話畀你知，我encore咗咩嘢，生蠔雖然大細不一，亦冇可能隻隻飽滿，但一定係隻隻新鮮，蠔有蠔味，加唔加檸檬汁，茄汁都同樣好食。三文魚，北寄貝，蝦亦有encore，仲有带子海膽，而小食涼拌海蜇亦都encore咗，好厚肉，好彈牙，極高質。燒菠蘿亦都係，好juice吖。

三十幾度既天氣特別想食生冷野，刺身生蠔一定係首選。有蠔既酒店dinner buffet，一位要六七百，budget 所限，諗起之前試過呢間放題唔錯，又可以upgrade 任食蠔，啱晒我地呢d為食鬼！ 呢度採用電子下單，先scan檯上既QR code，點餐就一目了然，方便又環保。快手先點壽司刺身刺身拼盤款式多，有齊哂想食既油甘魚、象拔蚌、北寄貝、北海道角螺、馬刀貝、八爪魚、赤貝、希靈魚。質素不單止新鮮，擺盤更加有睇頭好豐盛！兩側各有一對珍寶級赤蝦，size足成隻手咁大，肉質彈牙鮮甜，見到真係胃口大開~我地加左$118，可以任食法國生蠔、海膽火焰帶子，仲有1664 同埋Asahi啤酒。蠔味清甜帶海水味，帶子位爽口蠔肉creamy，鐘意食蠔既朋友計下數點半打，再飲返杯1664已經回晒本超值！ 海膽火焰帶子，大大粒透亮帶子肉，以半切方式夾住大量金黄海膽，先食到甘甜既帶子鮮味然後伴隨濃滑海膽，真滋味～ 海膽類仲有好幾款一口海膽壽司、海膽親子花之戀，都係海膽控既恩物。重點嘆海膽甘蝦三文魚籽手卷，食到底都有甘蝦，堅正！中式燉湯係蟲草花圓肉燉雞湯。圓肉蟲草花之多有驚喜，有埋瘦肉雞肉匯聚而成既精華，湯水

 餐廳面積雖然偏細，但好彩２個人坐到４人台，可以擺到好多食物唔會太迫。食物多元化，呢到每樣野食都算高質素同叫一份既份量係好多。仲要唔會漏單，同埋手機點餐，上菜速度都好快店員上左一份刺生拼盤，湯，升級生蠔同埋海膽帶子。海膽帶子啖啖肉，中間仲有D CREAMY 海膽，食落好滿足。生蠔都唔會有腥味都唔錯。個湯超級好飲同足料，連我唔鍾意飲湯都清埋。  呢到刺生仲有好多唔同款，有三文魚，油甘魚，馬刀貝刺身，希靈魚，赤蝦，八爪魚， 螺片最吸引莫過於係大大隻赤蝦，非常鮮甜，螺片非常爽口, 其他款式都唔錯。壽司都好有驚喜，連舊飯都細細粒，可以叫多幾舊唔怕飽，仲有我鍾意食嘅左口魚壽司🍣。仲有好多炸物／熟食等等，熟食泰式串燒，咖哩蜆🥘都覺得唔錯。可以一試。  提提大家，呢到既wasabi都幾辣，出面個D wasabi可能要勁多包先夠辣。

約一班朋友食飯最好就係食放題，因為人多可以每樣都食到嘛😜！今次朋友就選咗係銅鑼灣嘅瀛豐放題🎏有齊日、泰菜冷盤熱盤加加埋埋都過百幾款🎉，今次我地仲加錢嘆埋奢華版放題💸！⤑呢到落單都好方便，掃枱面上嘅QRcode 自助落單🔍，一打開就分門別類超過180款選擇，放題嚟講算多元化😉！⤑▫️燉湯一坐低即刻有個靚燉湯做前菜，用料都好足有蟲草花、雞、龍眼肉，味道鮮甜冇味精！⤑▫️刺身食放題當然第一時間叫個刺身拼盤啦💮，刺身溶雪做得好好，每件相當肥美又厚切，尤其隻赤蝦勁大隻💯，鮮甜到爆！🔅三文魚🔅珍寶赤蝦🔅油甘魚🔅希靈魚🔅北寄貝🔅八爪魚🔅鮑片 🔅馬刀貝🔅北海道角螺 🔅赤貝🔅象拔蚌🔅泰式生蝦單單刺身類都已經多達12款，比坊間嘅多選擇，最估唔到會有泰式生蝦😍，個汁有啲辣但都唔錯喎！⤑▫️壽司、火灸、卷物、軍艦真係好多款式食唔晒😆，特別推薦火灸左口魚壽司🍣，燒過嘅左口魚油脂味好出😍！花之戀一口一啖唔怕飽，海膽醬火炙蟹棒亦唔錯！⤑💸只要+$118就可以升級奢華版放題，任食海膽帶子、法國生蠔🦪！同任飲Blanc1664生啤、Asahi生啤🍺～▫️海膽火焰帶子呢個簡直重頭戲之一，基本上每枱都必加🤩！原粒厚帶子切開中

已經唔知幾耐無食過放題啦忍咗咁耐，今次幾經心思竟然發現，有黃店放題呀！！仲要位於銅鑼灣咁方便既地帶仲深深比佢任食生蠔同帶子海膽吸引😍一坐低like完佢個page就會送個蟲草花燉湯，呢個湯真係不得了，每碗都有超大量蟲草花同圓肉，勁濃味🥣生蠔🦪超新鮮，即叫即開所以大約要等5分鐘度肥美飽滿，尾段金屬味好出，最後仲回甜好好食，唔覺意Encore咗3次🤭帶子海膽海膽分量一d都唔少，配合帶子既甜美海膽既甘甜，簡直係人生既享受❤️刺身🦐🐙🐟有好多唔同種類既刺身有北寄貝、赤貝、牡丹蝦、馬刀貝、三文魚、希靈魚、油甘魚⋯⋯仲有好多好多牡丹蝦一定唔可以放過，大大隻，肉質爽口又肥美吞拿魚蓉、軟殼蟹手卷🐟🦀手卷即叫即造，紫菜仲係鬆脆，size適中唔會食飽你壽司🍣海膽花之圈、蟹膏蟹肉、燒左口魚等等全部都size細細但魚生多多，可以試好多款都得由於有任食生蠔，所以熱食就無試太多了，但食左雞翼等等質素都不錯300幾人頭呢個質素絕對好過好多酒店級自助餐，下次又可以同屋企人再嚟🤭

見到有雜誌推介 專登捉老公去試 大失所望 想打電話去間雜誌社鬧爆個編輯🤬 除咗d剌身叫做新鮮 但種類唔多 其他食物 尤其係甜品簡直係低水準食物 連日式放題最普遍嘅芝士年糕 一咬落去 我第一時間問老公係咪叫錯咗芝士薯蓉煎餅 <— 餐牌冇呢樣食物 嘢飲又冇食評或雜誌講到咁多選擇 又唔多甜品加上甜品真係好難食 每款甜品嘅口感都好似食緊唔同味道嘅椰汁糕口感 可能我去慣銅鑼灣廣場上面果d日式放題 呢間同佢哋簡直冇得比 感覺受騙😡😡🤬🥵

係銅鑼灣行街行到攰攰地，同朋友決定去食放題，就揾間食港、日，泰嘅放題餐廳😜一坐底店員就教我哋同手機落單，一打開超過180 款選擇😜🌠刺身併盤食得放題點少得刺身，成個併盤咁食先爽入面有齊三文魚、 赤蝦、希靈魚、北寄貝等三文魚件件都厚切， 絕不吝嗇！ 赤蝦真係超大隻，長過隻手掌，食落啖啖蝦肉，鮮味十足！🌠生蠔生蠔控點可以錯過，成盤上非常滋味！生蠔鮮味，肥大，同朋友邊食邊飲啤酒，真係好relax😂🌠 海膽火焰帶子推薦！ 必食！帶子口感豐腴，入面海膽入口即溶，2隻口感、味道非常配合！真係encore再encore~🌠 蟲草花燉湯見餐廳推薦燉湯，所以叫咗碗嚟飲😆一睇就知非常足料，味道鮮甜，唔想飲啤酒汽水嘅朋友可以叫個湯嚟飲🌠 泰式辣椒膏炒蜆食咗咁多刺身，想食啲熟食，泰式炒蜆好夠味，份量都幾多，辣就唔辣，但味道夠濃，蜆雖細小，但肉質鮮味整體：放題選擇多，而且上菜好快，飲品自取，最正係任飲啤酒😆唯一缺點就係座位較窄瀛豐放題料理專門店🌟銅鑼灣駱克道491-499號京都廣場10樓

預祝我們的520..去到不太好的埸地，食咁耐鬧咁耐。。真係第一次！好似坐喺街到食咁(坐走廊隔離係掉垃圾的地方，D人同職員不停在側邊行過，有D冇口罩，職員就拿著垃圾盆不停在我們的食物上略過，好不衛生一點防疫措施都沒有。)。。食物其實ok..只是安排坐的位置太垃圾。。所以不太建議去食。。依D咁嘅位根本就不應該坐人。。仲要本身係有較好的，問職員可否坐，卻回應果D係比一星期前已book位的人些！😡😡但俾我發現最後俾佐walk in客坐。。

餓底👭遊到銅鑼灣食好西🍶食放題 食好啲 食蠔個啲😋其實放題來來去去都係嗰啲今次睇吓有乜亮點💡除咗日式放題基本食物外仲有泰式小炒 燒物 生蝦一次過食曬日泰放題🤗升級優惠+$118.00 食埋好耐未食過即開生蠔 新鮮😌肉質爽脆鮮甜海膽帶子刺身也唔好放過佢鮮甜肉厚 加埋海膽一齊食💋仲有兩款生啤🍻🍻任飲啱曬鐘意飲番既兩杯嘅朋友🤪咁食多幾 round 生蠔 刺身回吓本先叫其他野食😆所以仲有好多款都唔夠胃食倒🤪