552
56
88
等級1
1
0
未見過咁惡劣嘅放題😅
2021-05-28 546 瀏覽
係Openrice睇到呢間大閘蟹放題於是就滿心歡喜嚟食，前一晚都有訂咗枱，訂咗兩個人。結果去到..見到環境唔單止擠逼，仲比想像中細同唔係幾衞生。呢啲都算，經理仲要好似唔記得咗我有訂枱咁，仲要我地等多成十五分鐘先入到去⋯ 咁我訂枱嚟做咩？跟住終於入得座，我地係坐細房入面嘅角落位，個度四方八面都係啲大枱，人又多…嘈到好似去咗酒樓，加上我地嘅位係二人位 本身已經好細，同格離啲枱嘅距離都唔多，真係有少少唔舒服。接著我地枱上面嘅豉油碟係有一啲污漬同埋食物殘渣，睇到呢到我有種好想走嘅感覺，但都一場嚟到。本身好期待嘅大閘蟹原來一早無曬⋯ 但佢四周圍都仲貼緊「大閘蟹任食放題」 經理都仲可以話一早無曬了，要等唔知幾時。。咁點解仲要貼住？😅唔理啲蟹嘅質素會係點先，但真係有種比人呃嘅感覺。再到叫嘢食，其實嘢食都唔差，啲壽司食落都幾好嘅，但刺身方面無乜色質，有啲唔新鮮嘅感覺。。泰式鳳爪更加係比我想像中失望，完全唔入味，似比水沖過，勁淡味🥲之後叫咗6串燒蝦，1份燒菠蘿同埋幾串串燒，無一樣係有到嘅😅🙏🏻去到9:30 last order，有員工叫我地埋單先，我地話 串燒都無一份上咗 佢話佢會去check 結果又係
更多
係Openrice睇到呢間大閘蟹放題於是就滿心歡喜嚟食，前一晚都有訂咗枱，訂咗兩個人。結果去到..見到環境唔單止擠逼，仲比想像中細同唔係幾衞生。呢啲都算，經理仲要好似唔記得咗我有訂枱咁，仲要我地等多成十五分鐘先入到去⋯ 咁我訂枱嚟做咩？
跟住終於入得座，我地係坐細房入面嘅角落位，個度四方八面都係啲大枱，人又多…嘈到好似去咗酒樓，加上我地嘅位係二人位 本身已經好細，同格離啲枱嘅距離都唔多，真係有少少唔舒服。接著我地枱上面嘅豉油碟係有一啲污漬同埋食物殘渣，睇到呢到我有種好想走嘅感覺，但都一場嚟到。本身好期待嘅大閘蟹原來一早無曬⋯ 但佢四周圍都仲貼緊「大閘蟹任食放題」 經理都仲可以話一早無曬了，要等唔知幾時。。咁點解仲要貼住？😅唔理啲蟹嘅質素會係點先，但真係有種比人呃嘅感覺。再到叫嘢食，其實嘢食都唔差，啲壽司食落都幾好嘅，但刺身方面無乜色質，有啲唔新鮮嘅感覺。。泰式鳳爪更加係比我想像中失望，完全唔入味，似比水沖過，勁淡味🥲之後叫咗6串燒蝦，1份燒菠蘿同埋幾串串燒，無一樣係有到嘅😅🙏🏻去到9:30 last order，有員工叫我地埋單先，我地話 串燒都無一份上咗 佢話佢會去check 結果又係無咗件事
跟住經理再問我地有無嘢未到，我地講多次啦結果佢都係無理到我地，口講會去睇，實際根本唔當係一回事。兩個人食咗成五舊水，淨係得啲壽司，幾舊刺身，一份雞腎，係真係食得有史以嚟最惡劣嘅放題，食到一半已經好想快啲走，環境衛生真係好差，雖然員工係會定時嚟收走枱面嘅垃圾，但抹枱完全係hea抹。。都唔理張枱係咪真係乾淨先比客入座😅嘢食方面都係無心做嘅。。我睇好多人都話order咗嘅嘢無嚟到，我未試過一間放題係咁樣🙏🏻我地最後一份串燒都無.. 成個放題一啲都唔值呢個價錢。。亦都唔可以叫做放題🥲呢次當吸取教訓 唔會再嚟。
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
3 已推介
    張貼
    評分
    味道
    環境
    服務
    衛生
    抵食
    用餐途徑
    堂食