瀛豐放題料理專門店 (已搬遷) 新店位置

朋友見到我之前黎食過覺得唔錯😆成日都叫我陪佢再黎食日泰放題😇好吧..今次係我第二次再黎幫襯🤪我地6點半入座$229+升級+$118 可以任飲1664 及 朝日生啤及任食生蠔🦪海膽帶子😍一坐低來個出哂煙既刺身拼盤😬刺身我比較喜歡💕爽脆口感既馬刀貝及新鮮既三文魚🍣與及大大隻幾甜既珍寶赤蝦🦐 另外仲有希靈魚、油甘魚、赤貝、北寄貝、象拔蚌及鮑片等等…法國🇫🇷生蠔🦪生蠔🦪唔算好肥美😂不過幾重海水味！海膽帶子好少地方放題會有呢款刺身食😆每粒帶子中間界開放入小小海膽包住黎食架😝自助生啤吧呢度既生啤係我最愛既1664及朝日😎自助形式任飲真係好抵😂生啤夠哂凍🍺大大杯飲到三杯已回本😂除左啤酒仲有罐裝及紙包飲品照顧唔飲酒既朋友🙆‍♀️泰菜🇹🇭方面我就點左鮮炸蝦🍤餅..蒸元貝、泰式炒芥蘭..小食幾鍾意甜甜地既涼拌海蜇😋除此之外仲有多款壽司🍣手卷、軍艦、天婦羅等等…最後食埋雪糕已經好飽..其他10幾款蛋糕🧁甜品🍮布甸都食唔落了😎

💛💛💛係黃店放題呀🙋🏻‍♀️😍至從大喜屋系統係藍後都已經無食放題難得搵到一間黃店放題而又唔係開係勇者之塔入面 就去試下菜式選擇好多如果想食貴野 蠔呀大閘蟹之類都可以另外再加錢任食🙋🏻‍♀️除咗基本魚生之外 好鮮甜外好多東南亞嘢甚至乎鹹蛋味薯片都有得叫仲要個鹹蛋味薯片一啲都唔溜🙋🏻‍♀️如果係慶祝生日 仲有刺身蛋糕呀😋

見呢一間放題可以加錢任食生蠔🦪海膽帶子同埋生啤任飲，所以黎試下刺身不過不失，但係珍寶赤蝦既腸清潔得唔乾淨🤢🤮 佢嘅泰式食物都唔錯，值得一讚不過！上菜既時候係超級慢❗️❗️❗️❗️所以基本上就算係任食，我諗大致上都只可以食兩轉🙄️ 5:47分叫咗一次蠔， 5:28都唔到🙄️🙄️🙄️ 但係5:30last order, 六點要離座，所以叫咗職員跟進，到而家5:44都未到🤬😡 食過咁多次放題，都未試過係會唔飽地走，等嘢食嘅時間已經等到唔會飽，我諗如果餐廳要慳成本，就唔好做呢一種任食放題🥱

朋友介紹嚟銅鑼灣試吓食齊港、日、泰式嘅放題餐廳以scan 枱面QR code 落order，食物款式繁多，性價比高👍🏻-刺身拼盤有多達10款刺身😋 三文魚、北寄貝、油甘魚、希靈魚、赤貝、馬刀貝、象拔蚌、螺肉，特別鍾意赤蝦🦐 好大隻又鮮甜，食咗好多隻！整體水準都唔錯呀👍🏻+$118 升級版🤩 可以任食生蠔、海膽帶子！任飲1664同Asahi 生啤！生蠔即叫即開🦪夠新鮮！食落口感creamy帶子肥美😋 夾住海膽食超正！無雪味~好鮮甜！好少見放題有咁高質之作而尼度斟生啤嘅機器仲好盞鬼！啲啤酒會由杯底斟上去，仲有燈光效果😂 斟完之後記得擰實先好行啊！泰式熟食都好有驚喜～炒蜆、炒通菜、炒芥蘭都係熱辣辣上枱，係有鑊氣㗎！好味！另外仲有泰式生蝦、泰式鳳爪、海南雞、青瓜、皮蛋、糖心蛋～會唔會太豐富呀😍最後梗係要記得食埋個雪糕啦😆尼間放題各式各樣食物都令我好滿意呀👍🏻

位於銅鑼灣嘅日式放題，價錢便宜$180任食食足兩小時！第一次上到去個環境不是太大，但食物的味道和質素唔錯。呢度主打泰式嘅放題，用q r code點餐。出面有生啤自己任飲，如果鍾意食放題飲啤酒嘅朋友就啱曬大家。

呢間店坐得算舒服, 環境唔差, 地方比較大, 上菜速度快, 放題每位約2百多元 可以加100左右再升級食 海膽帶子.先睇下升級後菜式!海膽帶子, 整體都係貴價野, 海膽味道唔算太重, 還可以,帶子比較彈牙, 海膽帶子都係貴價野, 任食黎講質素算可以!食得十分盡興!生蠔都算新鮮, 鮮味比較重, 望落去色澤都比較光滑, 口感唔錯, 金屬味唔算多.呢到壽司我推薦火炙和牛壽司, 火炙蟹棒壽司2種都係比較正,前者和牛肉感十分彈牙,火炙只會係半邊熟, 所以另一邊比較生增加左彈牙既口感.表面有D醬, 食落會比較濃味, 加上本身牛味都重, 所以味道十分之唔錯.火炙蟹棒壽司, 主要我覺得好食既位係佢加左海膽芝士醬, 覺得味道甜甜地帶有芝士既香味.十分唔錯, 必試.放題我必試, 牛柳粒, 呢到既菜式其實有小小偏向泰式的,牛柳粒十分軟, 易咬易入口, 牛味都重, 算係好好食,但出牛柳粒速度算係比較慢, 好耐先有一碟.芝士年糕, 正正常常我覺得有點濟, 所以無叫太多, 味道正常, 玉米壽司如果加返d沙律會比較好食.刺身大部分都係好新鮮, 當中推薦蝦係當中最好食, 三文角味道都算鮮甜整體而言, 壽司係最好食,

廢話都唔多想打，直入重點：是次食物味道。幫襯時間：夜晚八點豬頸肉-賣相類似極瘦叉燒，同事餓得急忙吃了一小件，都說「可以不吃」，那我當然放棄品嚐佢嘅機會泰式燒蝦-應該與刺身珍寶大蝦是兄弟吧？燒得不錯啦～係無乜蝦味咁啫三文魚、帶子海膽刺身-「有外表，無內涵」，食落口你會覺得係次次等貨色（仲衰過超市賣果啲）炒蜆-托賴！食唔到沙粒～汁較濃 肉很細生蠔-尚算新鮮，食咗3小隻炸雞軟骨-係我全晚食得最多嘅一味😪炒什菜-一般般啦，如果咁都可以出事，我會好唔想比錢串燒，北寄貝-唔好意思🤪係無嚟過！蟹膏蟹肉軍艦-上枱時，我要大概2秒後先認到係咩嚟🤣🤣（太好笑 太圖文不符啦！！）我第一次知道⋯原來軍艦塊紫菜都可以難食ga🙃和牛壽司-真的是和牛嘛.......??泰式生蝦-我全晚食得第二多嘅菜色（5件）海膽壽司-還好，是海膽味😄鹹蛋黃薯條-不過不失，不吃也沒差甜品-雪糕杯都唔太好食呢⋯⋯總結，一路食一路諗，$400價錢，我去返xxxxxxx到食，我會滿足好多，完。

已多年沒吃過放題今日偕朋友來回味加錢升級有愛爾蘭生蠔和海膽帶子愛爾蘭生蠔味道非常新鮮海水味十足配上清新的檸檬汁可謂一絕海膽帶子亦是另一升級項目帶子配海膽絕配不會喧賓奪主帶子鮮甜有淡淡的鮮味能把海膽的鮮味充分的襯托出來甫坐下就送上刺身拼盤三文魚肥美充滿油脂油甘魚及鮑片亦鮮嫩美味牡丹蝦體積超大肉質很鮮甜壽司飯軟硬適中酸味也合宜火炙三文魚油脂味味道突出蟹肉蟹膏軍艦的蟹味濃郁海水味在口腔內齒甲留香熟食方面有日式有泰式小食除了泰式炒金邊粉外還有天婦羅等泰式燒羊腩肥瘦相間脂香味濃芝麻雞翼炸得香脆但有雪味炭燒豬頸肉香口泰式調味不錯炸物方面有皇帝蟹棒大蝦天婦茄子南瓜等炸粉香脆不會太油膩甜品方面款式略嫌少雪糕只有一款椰子菠羅口味味道清新但略嫌人工化其他甜品有粟米椰汁糕木糠布甸等

位於銅鑼灣的日式放題料理店，一般刺身、壽司、熟食小炒、燒物、炸物都有。如果想享受更加美味、奢華的食物，就可以升級到另一價錢，一嚐海膽夾帶子、生蠔任食、生啤酒任飲。下單只要在電話上掃描二維碼就行了，飲品及甜品則在外面自行拿。刺身 通常一開始第一回，總會點一大盤刺身拼盤，各式各樣的刺身都來一份，有三文魚、希靈魚、油甘魚、牡丹蝦、鮑片、角螺、北寄貝、馬刀貝等，很澎湃的排場。刺身蠻厚切，殼類刺身爽口。牡丹蝦非常大條，肥美又鮮甜。升級版：海膽火焰帶子  原粒帆立貝，粒粒大且肉厚，開半後，中間夾著海膽，海膽味濃郁甘香，一口吃掉一整粒，很滿足，還可不斷加單。生蠔 蠔新鮮，肉肥美，擠幾滴檸檬汁，更加鮮味。除了日本菜外，另一主打就是泰國菜，所以蠻多泰式菜，如泰式炒金邊粉、泰式鹹魚炒芥蘭、青木瓜沙律、泰式生蝦、泰式燒元貝等等。涼拌菜有海帶絲、豬耳、海蜇等。升級了的放題真的是物超所值，光是吃海膽帶子及生蠔都回本了。

好耐無食放題啦，前排有同事介紹咗一間日式加泰式嘅放題比我，今日閨蜜生日就去呢間慶祝下啦！ 🎉🎊我哋加咗$118可以任食海膽帶子、生蠔🦪🦪，生蠔雖然唔算好肥美，但勝在夠晒鮮甜。帶子海膽非常新鮮，超甜帶子夾住海膽食，真係無得頂！ 之後我哋開始點刺身，有珍寶赤蝦🦐、三文魚🍣、甜蝦、油甘魚、希靈魚、北寄貝、八爪魚、鮑片、馬刀貝、北海道角螺、赤貝等等，如果嫌麻煩可以叫刺身拼盤，咁就方便好多啦。除咗刺身，亦都有手握壽司、火炙壽司、卷物、手卷，呢度有我至愛嘅軟殼蟹手卷同埋火炙三文魚壽司，呢個仲加埋海膽醬，超美味！ 有啲沙律小食都好啱口味，真係樣樣都想叫，例如有尖椒皮蛋、溏心蛋、口水雞🐔... 炸物方面有各式天婦羅、芝麻雞翼、八味黃金豆腐、雞軟骨、脆皮炸香蕉🍌。 呢度除咗日式，亦都主打泰式料理，有泰式燒元貝、炭燒豬頸肉、泰式魚露燒蝦、串燒牛柳、串燒雞肉、燒菠蘿、泰式蝦餅、泰式魚餅、甘葉香蒜炒墨魚鬚、飛天炒通菜、泰式炒雜菜、辣椒膏炒蜆、鹹魚炒芥蘭、泰式滷水豬手、乾炒泰式金邊粉、冬陰公蝦湯。 甜品有芒果布甸、慕絲，雪糕🍨有兩隻味，海鹽同埋港式奶茶，個奶茶味都好香濃，真係好似飲緊絲襪奶茶咁。 當然唔少得飲品

Wow…個刺身拼盤一上枱出晒煙😍😍個賣相好得，珍寶赤蝦勁大隻，仲大隻過我隻手😬食落好鮮甜🤤北寄貝同象拔蚌好爽口每次食放題我都一定會瘋狂叫刺身….🤭🤭➕💲118升級任食海膽帶子同法國生蠔🦪，啤酒🍻🍻🍻生蠔🦪生蠔好鮮甜，有海水味🤤真係食到唔想停🦪估唔到放題都有咁高質素👍🏻唔怪得見每枱都叫生蠔食🦪另外佢嘅熱食都有好多選擇燒🍍、泰式炒🥬、🍤、🥩⋯⋯仲有仲有甜品🍮、雪糕🍦同埋飲品🧃🥤

本身想食自助餐，不過又覺得太貴，朋友介紹食呢間放題，果然抵食喎～大約三百蚊就可以食盡港、日、泰式食物，升級加錢仲可以食埋生蠔同埋大大隻帆立貝海膽，絕對值回票價～首先先叫咗一個刺身拼盤，款式繁多有三文魚、油甘魚、希靈魚、赤貝、北寄貝、赤蝦、馬刀貝、角螺同埋象拔蚌，其中最推薦象拔蚌超級鮮甜！升級嘅生蠔新鮮冇腥味，口感Creamy！帆立貝海膽勁厚切～都好鮮甜仲有好多唔同款式嘅壽司同埋手卷，不過為咗節省胃容量，我就唔食了😝芝麻雞翼炸物推薦八味黃金豆腐，外脆內軟！炸雞軟骨，非常香脆可口～份量亦都好多！炸地瓜香芋丸，同埋燒菠蘿都強烈推介，又甜又juicy~飲品款式都唔少可以自己喺冰櫃度攞，仲有飯後小甜品同埋雪糕杯。咁嘅價錢值回票價。

同朋友食生日飯，揀咗佢至愛嘅日本放題，皆因呢間有佢至愛嘅生蠔，朋友食完大讚滿足，可以食到咁新鮮好食嘅生蠔。刺身船好大盆，旁邊擺著乾冰，上枱時嘅賣相已經攞哂分，重點係好新鮮😍必食「海膽帶子」原粒帶子勁大隻，夾著海膽一齊食...好鮮甜。除咗日式野之外，仲有泰國料理，「飛天炒通菜」仲好食過泰國餐廳，超惹味，Encore咗兩碟。「泰式生蝦」配埋辣醬又係必食之選。今餐真係抵食又有驚喜，最好預早book定位。

今晚喺銅鑼灣行街 ，終於可以抽時間想來嘅生蠔日式泰式放題食，一見到有得飲生啤同生蠔刺身放題，唔使諗即刻加錢升級放題。第一輪叫咗刺身同壽司加上半打生蠔 ，食物非常之快上，見到員工好忙碌同勤力咁樣照顧客人，相刺身有好新鮮，我見到食評還有一個燉湯，但係問咗店員話而家冇做啦，真係冇湯飲，唔緊要咁我食其他嘢補返數。自己出去執咗杯生啤，一路食一路感覺真係好爽。同時間叫咗壽司手卷，加上其他泰式食物都唔錯，生蠔真係好有誠意，非常新鮮有海水味，入口爽甜，creamy ,我一共食咗18隻，你呢個食一定要升級放題。咁嘅價錢可以食到新鮮生蠔，日本及泰式食物，真係不枉此行。可以講到嘅甜品唔係重點，大家可以留返個肚叫其他嘢食啦！

好耐冇食過放題，價錢唔貴又多食物選擇，仲可以自選升級版，有埋海膽帶子生蠔任食。第一轉梗係嚟左刺身生蠔先啦，餐廳係以QR code落單，食物上枱速度好快，刺身及生蠔好新鮮，刺身選擇亦好多，赤蝦大大隻，海膽帶子食極唔膩。壽司種類都好多，最特別係有海膽同鵝肝等材料比出面多好多款式，而我覺得最好食既係蟹羔蟹肉軍艦。天婦羅亦係放題其中一樣好重要既環節，炸蝦、蟹棒、茄子都炸到啱啱好，唔會油淋淋。食到咁上下可以叫燒菠蘿，鮮甜多汁，酸酸地食完好開胃，之後又可以繼續食食食。仲有雪糕甜品飲品都係自助，款式又多，無限任食，可以試下每一款口味。