潮福蒸氣石鍋 (已結業)

住藍田既朋友成日講呢到既海鮮抵食又新鮮, 所以今日巧合黎到啟田就決定上黎試下!因為係商場內，所以餐廳算容易搵, 地方十分大, 唔算好多人, 仲可以坐到卡位。蒜氣火鍋係半任食叫法(1) 先選粥底和燉湯，我們選擇了瑤柱鮮淮山粥及姬崧茸燉螺肉湯(2) 每位包了"脆皮燒乳鴿 - 半隻"、"貝殼盛盆"及"生猛龍蝦 - 半隻"(3) 再自選4款海鮮，我們選擇了生猛大元貝(一隻)北韓象拔蚌 (一隻)蘇格蘭聖子皇 (一隻)美國石蠔 (一隻)(4) 再任食任點其他配料，由於之後仲有粥底，加上海鮮己經食到半飽，所以我們也沒有點太多，選擇了南瓜件、勝瓜件、手打梅菜豬肉丸、手剁鮮蝦丸、蟲草花清遠雞、手切和牛肉、馬拉糕姬崧茸燉螺肉湯真材實料，啖啖靚湯，邊吃海鮮邊飲滋潤靚湯，唔錯。脆皮燒乳鴿 - 半隻夠香脆，但油左少少，肉質嫩滑多汁。之後就開始吃蒸氣火鍋了, 值得一讚既係佢地既服務，每一款海鮮都係由店員幫忙落鍋，再計時，每樣海鮮都蒸得岩岩好，唔洗驚自己蒸得過老又怕唔熟!!! 全程我地都只係等待每款海鮮送到，每款海鮮食完後亦都會幫忙換碟，服務一等一。貝殼盛盆超鮮味，我地完全唔面要點醬油，因為怕浪費左貝殼既鮮味。生猛

之前有一段時間，蒸氣石鍋好hit我都去食過2次講起都覺自己大鄉里。。。原來而家蒸氣石鍋都有半自助餐而且可以按份量去點菜。。。唔會怕食唔晒！今晚一於同朋友去試下我地今晚食的就係呢個海鮮餐(每位$338)蒸野食之前，每人會送一盅湯我自己揀左姬松茸燉螺肉，湯味好濃郁同埋清甜飲完湯～蒸海鮮開動啦！餐廳好細心有個表會話俾你知每樣海鮮要蒸幾耐，睇住黎蒸就唔會蒸過火啦！首先食左個餐包的呢3樣野:脆皮乳鴿(每人半隻)乳鴿皮唔算好脆，但個味都幾好，肉質都幾鮮嫰生猛龍蝦(每人半邊)隻龍蝦真係好大隻大過部電話！肉質好鮮甜！好彈牙！貝殼盛盆入面有幾款貝殼類海產包括青口、大蜆、花甲我自己最欣賞個花甲十分鮮甜完全唔需要點任何醬汁個餐第2part係自選海鮮4款我地揀左以下4款：美國石蠔石蠔加咗 薑蔥個味好香 而且 蒸得啱啱好入味仲好juicy 好肥美好鮮甜北韓象拔蚌一聽呢個象拔蚌 係來自北韓 就覺得好神秘 象拔蚌好大隻 而且仲好鮮甜肉質好彈牙蘇格蘭蟶子皇呢個聖子王真係好大隻差唔多有成個鍋咁長 蒸完之後都冇縮水 好肥美好 彈牙生猛大元貝另外我哋仲叫咗 生猛 大元貝 佢用咗粉絲托底 元貝蒸後好鮮甜底層嘅粉絲吸曬蒜蓉香味

上次來這間潮福已經是一年前了, 當時仍然是要散點的. 今次再來是因為從加國回來的友人, 說未吃過蒸海鮮. 作為老同學, 當然要盡地主之誼,  帶她試試. 今次再來, 原來已經增加了套餐, 比散點抵食!這個任飲任食海鮮餐, 包括粥底, 燉湯, 乳鴿, 龍蝦, 貝殼盛盆, 自選海鮮, 其他任點食物. 除了汽水外, 連Asahi啤酒也是任飲燉湯選了西洋菜生魚燉陳腎, 足料, 味道清甜. 脆皮乳鴿上枱時還是熱的! 乳鴿皮脆肉嫩, 不過味道卻偏鹹, 美中不足.龍蝦今次的龍蝦既新鮮又大隻, 肉質彈牙, 比上次吃的好得多!貝殼盛盆有青口, 蜆和沙白. 味道不俗, 不過蜆的吐沙不足, 友人吃了幾隻都有沙....跟著是自選海鮮時間: 生猛大元貝元貝夠大粒, 味道鮮甜,  粉絲吸收了蒜蓉和元貝的精華, 更見鮮味!蘇格蘭蟶子皇原隻蟶子沒有切開來蒸, 比切開來蒸更好, 不會收縮變硬, 吃起來剛剛好.美國石蠔碩大的石蠔是近年發現好吃的海鮮. 蒸熟後仍然相當有份量, 蠔的鮮味十足!北韓鮮鮑魚肉質爽甜, 就算不加蟲草花清蒸, 相信也同樣味美.雜菜籃有菜心和黃芽白兩種, 原來蒸菜的味道頗清甜, 意外地好吃呢!蒸粟米味

寫了這麼多食評，第一次回到家的附近，今晚約了中學同學，仲話食蒸氣鍋。吓！乜藍田有啲咁嘅嘢咩？？原來啟田商場四樓開咗潮福都唔知，真係大鄉里。338食半自助的，起初真係覺得貴，但食落，發覺係自己對地點有偏見，因為除咗地點外，其他方面同油尖旺一樣，絕對超值。瑤柱鮮淮山粥，粥底二選一。玩完蒸氣鍋後，所有的精華都悄悄地留在這粥內。姫崧茸燉螺肉，時日靚湯，三選一，用料足，湯內真係有姬崧茸同螺肉，熱辣辣，味道清甜。三款已包的菜式：1. 紅燒乳鴿（半隻），每人可選半隻，上枱時，還是熱辣辣的，皮頗脆，鴿肉嫩，質量不錯。4. 龍蝦（半隻），蒜蓉青蔥開邊蒸，蒜蓉的香氣在蒸的過程慢慢漏入龍蝦肉內，令蝦肉充滿了蒜香，而且肉質鮮嫩爽口彈牙，必吃之選。3. 貝殼盛盆（花甲、青口、黃刀背），酒樓會因應每日的來貨決定盛盆的配搭。三款都很鮮甜，建議不要加任何調味料，才可以好好的享受帶點海水的味道。每枱可選4款：1. 美國大石蠔，精彩同絕爆。上枱時，已給蠔的尺寸嚇到個心都離一離，蠔肉超級無敵的肥美肉厚，而蒸的時間恰到好處，肉質仍然很嫩滑，帶有蠔香。 生猛大元貝，簡簡單單的蒜蓉粉絲蒸，其實好的海鮮，就是要配上簡單的方法，才是

  今日想同米仔去食火鍋做下節，就選嚟不一樣的火鍋 – 蒸氣石鍋，咩係蒸氣石鍋？就係以蒸氣代替明火加熱鍋子，架一個蒸架，邊蒸邊吃各樣海鮮，再利用蒸煮時落在鍋的水份，用來煮粥。枱上有一個大草帽的鍋蓋，以藤織成，大草帽很重手，密不透風，除保溫之外，還能將蒸氣水份吸收，避免倒汗水破壞美食，店員會按照不同的材料，預定鬧鐘時間，鬧鐘響起，或時鋒煙四起時，就是享受的時間！原來厚實實的石鍋，係超級傳熱，注入蒸氣時，鍋內溫度可最高逹到３８０度，食物火速蒸熟，原汁原味盡量保留著！我們先點上粥底 – 瑤柱鮮淮山粥，店員便會在鍋底放米、瑤柱及鮮淮山，讓我們吃完其他材料後，便可以品嚐這個瑤柱鮮淮山粥喇！店員先放上貝殼盛盆、生猛龍蝦，其後便陸續放上北韓鮮鮑魚、蘇格蘭蟶子皇、生猛大元貝、美國桶蠔 等。。。在等候的時間，我們先來個姬崧茸燉螺肉的滋保湯，這個湯很足料，又滋潤，我不知幾想問店員可否嚟多湯。。。生猛龍蝦。龍蝦肉完全無添加，極喜愛它的鮮味，肉厚又鮮甜，無得頂！貝殼盛盆。原隻花甲、黃刀貝、青口，一齊清蒸，原汁原味，隻隻肉厚鮮味，個人最喜歡青口及花甲！生猛大元貝。帶子肉奇厚，蒜蓉清蒸，肉質鮮甜彈牙蘇格蘭蟶子皇。

奈不奈都會蒸氣鍋, 潮福係我其中一個至愛落柯打後好快有食物上枱, 真心滿足到性急既我先飲姖凇茸燉螺肉湯, 好清甜, 每飲一口都感覺到食材既精華脆皮燒乳鴿, 皮脆肉質又夠滑, 我好鍾意食, 好味道龍蝦就有手掌般大的龍蝦,蝦味濃郁, 蒸出來保持龍蝦原汁原味，又帶惹味蒜香大元貝一啲沙都無，而且好鮮甜，都唔錯喎, 加啲蒜蓉，有埋粉絲夠perfect象拔蚌爽脆可口, 適口的甜味, 味道鮮美聖子皇鋪平放在鍋上，粉絲及蒜蓉, 鮮甜美味, 粉絲夠入味, 聖子好爽脆北韓鮑魚好Q彈, 有虫青花作調味, 味道好好瑤柱鮮淮山粥，海鮮的精華一邊滴落下層的石鍋煮粥, 但粥底綿滑，淡淡的滲着點點海鮮鮮味，最正係入面真係有蟹件同螺肉

話說今日就唔太多工作，只係巡下鋪，行下街，跟住就去接老婆放工，原來老婆就一早book定左去食蒸海鮮鍋。其實我地兩個就一向對海鮮都情有獨鐘，經常四出食海鮮，九重鮮啦，長洲啦等等等等，都去過無限次，而今次就去呢間潮福蒸氣石鍋。坐低就可以叫野食，咁我地就當然直接叫蒸氣石鍋套餐啦，套餐係有得揀料既，兩款粥底、三款敦湯、三個小菜、主要既海鮮類。任叫既仲有清遠雞、污糟雞、牛肉、花菇等等十幾種料。飲品方面仲有Asahi啤酒、汽水、竹庶水都係任飲嫁。粥底方面我地就揀左排骨粥，畫就畫左先，其實都係最後先食到個粥，因為要等d蒸野既精華都由倒汗水流番落去先係最頂級既海鮮粥底。然後等多三兩分鐘就有人攞個姬崧茸燉螺肉湯出尼比我哋飲任先，第一啖飲落正常會以為係好咸，因為味覺未適識，再飲就會知其實係因為燉足時間落足料所致既濃郁味道，而且每一盅都有螺肉，係真既燉湯，唔係用個燉盅扮。一邊飲湯既同時，其實侍應姐姐已經幫我地蒸緊野食，我極之欣賞潮福就係因為每個侍應都只係招呼幾圍客人，幫我地蒸埋夾埋落我哋個碟到，哩樣連九重鮮同好多大型既火鍋或蒸氣鍋都好難可以做到。率先蒸完食得既就係成隻碟咁大既龍蝦啦，一野抽d蝦肉出尼，記得唔

純蒸鍋看似新奇今天就來藍田一探究竟走過酒樓大堂發現有很多海鮮赤裸裸的展露出來今天我們二人世界點了半自助的海鮮餐鍋底有排骨粥作基底隨餐附上螺頭燉湯鮮甜清潤是最佳的序幕再上是貝殼盛合和燒乳鴿貝殼隻隻張開口鮮味十足再來是海鮮四重奏海蝦鮑魚象拔蚌蟶子蝦子放進蒸鍋的瞬間還在掙扎雖有惻隱之心但仍抵擋不了其鮮甜味吃罷海鮮到了自選材料選了和牛粒和和牛片蒸煮缺少了燒烤的那種肉香味卻保留了牛肉的原汁原味蒸雞同樣嫩滑如果可以配上蒸飯就更佳最後吃馬拉糕和糯米飯結束美好的一天珍饈百味不過一飽有你相伴才是無價

同一班人黎食海鮮？一定要揀潮福啦！唔係賣廣告啊！未試過一定要試下！佢地咁抵食係有原因既！而家仲有海鮮set，一齊睇下係咩東東啦！可以先揀粥底，再揀海鮮。海鮮的確唔錯，叫左蝦同石蠔等海鮮。最令我驚喜既係石蠔，好似手掌咁大，蒸完之後唔會縮太細！！而且佢地係少量調味，味道特別好食！！！食完海鮮就食飲食既野啦！聽講呢度有得蒸馬拉糕，一定要黎試下啦！！馬拉糕的確好鬆軟，唔錯既選擇！仲有一定要推介既豬肉丸，入面有梅菜，仲係手打，所以都幾彈牙！食完海鮮又食完其他配料，最後一定係要試海鮮精華粥。因為呢個粥底，集合了所有海鮮既精華，當然，如果你食得越多海鮮，粥底越甜！而且非常之棉，好好食！

已從朋友們口中, 聽過無數遍有關潮福的評語, 除了有最有霸氣的知客, 服務態度差, 也有人讚其海鮮又靚又大件云云...而今晚, 我和我的同事很幸運, 不單止遇到服務態度良好的侍應, 更吃到異常新鮮的海鮮哩.位於藍田啟田商場的潮福並不難找, 只要一出地鐵站, 沿著往啟田商場的指示牌直上便可. 這夜是星期四的晚上, 食客不多, 知客就安排我倆到四人卡座用膳.每枱都有蒸爐和草帽, 咦? 到底蒸爐是如何使用呢? 不用愁, 因為會有侍應幫你蒸的, 有她們幫你調教時間, 就免卻了把食物over cooked的煩惱.食物種類繁多, 為免選擇困難症又發作, 我們就決定享用這個任飲任食海鮮餐.套餐內有粥, 有湯, 有乳鴿, 有自選海鮮, 有任點食物, 甚為豐富. 好, 先揀瑤柱鮮淮山作為粥底材料, 侍應就把材料都倒入鍋內, 讓這個粥慢慢煮.燉湯有三款, 我們都揀了西洋菜生魚燉陳腎. 雖然生魚味道不太濃厚, 但難得是沒有味精的燉湯, 我們都把整盅燉湯喝光了. 除了湯, 每人也有脆皮乳鴿一隻, 龍蝦半隻及貝殼盛盆. 脆皮乳鴿的確是皮脆肉嫩, 記得要趁熱吃哦.還未吃完乳鴿, 侍應就把龍蝦放到蒸隔. 那一刻,

近期流行食蒸氣鍋，健康之餘，仲可以一次過食到好多海鮮。不過好多都唔會太平，想食海鮮可能一個頭都過$500。不過而家有$300幾蚊任食任飲。雖然海鮮不能任食，一人可以揀幾款，不過質素高，夠新鮮，龍蝦、鮑魚和石蠔最出色！仲有一人半隻乳鴿同埋燉湯！！非常新鮮又好味！雖然呢2款都唔係任食，但係包係套餐入面都幾抵食！除此之外，仲有養顏的蟲草花清遠雞、順德的污槽雞、自家手剁的鮮蝦丸、牛丸、鯪魚球等，呢D都係任食架！下次再食過～

潮福係蒸氣火鍋的始祖，呢句嘢聽就聽過好多次，但從未試過的起心肝去試下。感覺上只係酒樓一間應該無乜特別，但今次甘岩經過就試下喇，睇下始祖有幾勁先。枱中間有蒸氣鍋，比起外面不同的係個蓋是用草繩整出來的。感覺就係比一般的蓋透氣更好，層層都能透氣，蒸出來的食物應該有所不同。形式係半自助的，海鮮會有一定的份量，款式可以自己選擇。但份量其實已經好夠，食得唒d海鮮已經當自己贏左。如果仲想再食就有d肉類同菜類可以隨時加。調味吧都係自助形式，有十幾種調味可以選。嘢飲除了竹蔗茅根外還有汽水選擇。先來一個燉湯，滋潤下先！第一輪必有嘅係海鮮係龍蝦，貝殼，仲有乳鴿。龍蝦超新鮮，即撈起即劏。貝殼類有兩種唔同嘅類型，新鮮到個口仲識開合。另外三款海鮮我選擇了，石蠔，象拔蚌仔同鮑魚。全部都係新鮮上陣，好厚肉，好肥美。再加上落左小小蒜蓉，吊下個味，完美。海鮮一定係即撈即劏即煮先至好食，難得呢到可以做到呢一點，真係十分之好！另一推薦係拒嘅蟲草雞，蒸出嚟好滑。同埋已經一早醃過，所以味道好足。再者就岩唒牛魔王，手切肥牛都係任食加！仲有嘅就係馬拉糕。食飯後食嘅唔一定要係西式的甜品嘅，中式的甜點亦係十分好嘅選擇。鬆鬆軟軟的口感十足

朋友要OT... 俾下面佢，揀一間近佢公司既餐廳聚一聚舊啦 藍田商埸比想像中少人，即使連酒樓晚市都唔例外。靜靜地傾下計，食下野，不亦樂乎？半任飲任食。套餐已包粥底、燉湯、乳鴿、貝殼盛盆、龍蝦、同自選四款海鮮。點餐紙右面係任食項目，包括多種丸類、肉類等。新鮮排骨粥粥底配料。有瘦肉、南瓜同米。瘦肉同南瓜將會為粥底帶黎鮮甜味、口感同色澤貝殼盛盆貝殼盛盆份量不少，夠兩人食有餘。蜆肉清洗乾淨，無沙。海鮮的甘甜精華亦開始慢慢積存到粥入面生猛龍蝦原隻龍蝦好足秤！望住佢由暗灰色蒸到橙紅色，就知道係品嚐美食既時候（其實員工一早較好左時間.. 5分鐘後會過來主動拎起「蒸籠」)爽口唔痴牙，係新鮮既最佳證明！美國石蠔生蠔、焗蠔食得多，蒸蠔唔知會點架呢？中式傳統做法，利用薑蔥去腥味。蠔肉滑嫩清爽，食一隻好似唔太夠蘇格蘭蟶子皇同樣地，使用薑蔥去腥味。蟶子原隻放入口，爽脆、甘甜，配上粉絲，回味無窮。北海道元貝大大粒既元貝都都都係用薑蔥除腥味。嚼感豐富、鮮甜多汁，相信佢既肉汁亦為粥底增添不少鮮味！北韓鮮鮑魚貝殼類既王者，鮑魚仔千呼萬喚始出來！口感、鮮味，都係一等一，略嫌Size細左dd 手切和牛肉食左咁多海鮮.. 其

潮福可以話係「香港」蒸氣海鮮既始祖，無論服務到海鮮既質素都無得陣，當然都唔會便宜，自從佢開始咗任食邊爐，成件事就抵咗好多。任食邊爐既海鮮係有限既，但其實都好夠食，total有成6份9款既海鮮食。首先，每個人都會三款野食（包括龍蝦，乳鴿同貝殼盛盤）,之後再自選4款海鮮。值得注意既係，海鮮全部都好新鮮，因為一但唔新鮮，其實會有腥臭味，個粥就會唔食得了。飲品係任拿的，最surprise既係有asahi飲，我自己就主攻韓式飲品。除咗飲品，其實仲有湯同茶，任君選擇。龍蝦好大隻，同個碟一樣大，無他，肉質彈牙鮮甜，無得彈!自選海鮮揀咗蟶子皇，份量夠大，粉絲彈牙，蟶子既肉更爽口彈牙，兩個字:鮮甜!另外仲揀了大大隻既扇貝，肉質厚實彈牙，非常甜美，連粉絲都吸收了當中既精華而特別好食。另外，自選海鮮仲揀咗北韓鮑魚，夠曬特別，北韓呢個神秘既國度出產既鮑魚肉質彈牙嫩滑，鮑魚殼仲要係tiffany blue架!! 粥方面，我揀了南瓜排骨粥，由於蒸咗好多海鮮，精華通通融入係個粥入面，好甜好甜! 甜到我覺得好誇張，必食!!服務方面，個阿姐好細心咁貼身服務，幫我地蒸海鮮，熟咗又幫我地夾起，仲同我地有講有笑，最後仲幫我地