潮福蒸氣石鍋 (已結業)

難得同屋企人去食飯，就當然食好d啦，老豆就鐘意食中式，成家都大食，簡自助餐就最好不過。上網見到呢潮福都有好幾間分店，又係大集團，就試下食啦。我地book左六點半食，好彩有位坐，大家都好肚餓，就拿拿聲簡野食。原來佢地係海鮮就睇你有幾多人再計個數量，甘就點左粥底先啦，我地簡左瑤柱淮山粥，每人重有好多野送，有碗湯，半隻乳鴿同龍蝦。脆皮乳鴿（半隻）口感不錯，只是味道偏鹹，也算皮脆肉滑，值得一試！生猛龍蝦（半隻）肉質鮮嫩，龍蝦肉也非常多，加上少許豉油和蔥花，就夠感受到龍蝦肉的美味！蘇格蘭蟶子皇，味道比較少許腥，如果怕腥的人未必喜歡！口感非常爽脆！配上粉絲和蔥花也是一個不錯的選擇！不過保存原有的鮮味，也不錯！生猛大元貝，元貝感覺新鮮美味，而且份量也比較大粒，清蒸過後感覺更加新鮮。肉質好嫩滑，唔韌！手切和牛粒，口感比較硬但有好香牛味，蒸嘅方法食就吾會un，仲保留到好多牛汁，熱辣辣還幾好食，喜歡食牛既朋友不能錯過！最後個粥底口感非常滑溜，軟綿綿的米令人非常回味，不用落材料已有很香的海鮮味，因為早前已蒸過的海鮮汁已落入粥底裡，啖啖海鮮粥的味道，值得讓人回味！