潮福蒸氣石鍋 (已結業)

黃氏力場 今日嚟到藍田嘅潮福 酒家飲早茶， 今日係 平日 嘅上午八點幾 ， 已經係有好多人 ， 要搭枱先有得食。 大空間仍然叫做 好寬闊， 所以搭枱都唔算擠迫！ 這裏 的點心十分抵食， 有多種配搭 的點心孖寶， 只需20蚊 已經有兩個好大嘅點心 ， 怪不得 這裏有那麼多的人！ 我們二人叫了 七個點心， 雖然這七個點心都是隨心叫， 但是出乎地 所有的點心 都非常美味！ 不過 我會特別推介大家 吃這裏的 腸粉， 這次我叫啲叉燒腸粉 皮質嫩滑 柔軟可口 但有帶少少 煙韌嘅感覺， 好少酒樓可以 以這個價錢 做出這樣的質素， 所以呢間酒樓我一定會再幫襯！ 另外我會推介大家吃 鮮竹卷， 鮮竹卷內裏 的配料 多數 是素菜， 因為我我不太喜歡吃肉， 所以 這個點心不會使我覺得 油膩感！ 而且 這裏的燒賣 用料十足， 蝦肉彈牙， 豬肉新鮮。 全部加埋 結帳 好似一百蚊樓下， 好鬼抵食！

兩個人食飯，最好打邊爐，慢慢傾慢慢講今次食呢間，係因為無限時，門口帶位阿姐話可以食到12點，而且佢推廣盤海鮮好吸引，所以在第一輪8:30前就入座選了椰子雞鍋底，兩人都有半隻雞，雞好有雞味，又滑，椰子味係有，但不算太出味之後上了指定送的魚生，象拔蚌，我生食了一塊象拔蚌，之後的都過一過鍋，但都好鮮甜指定送的海鮮盤，上枱已嘩嘩聲，估唔到咁大堆頭，食落仲好爽脆鮮甜，有誠意之作再上指定送的肥牛，好有牛味，可惜份量少左d，之後任叫的肥牛就差得遠了些啦任叫的食物，以西洋菜最好食，兩個人都要食兩盤，其他響鈴、餃子、豬頸肉之類都不過不失其實個椰子雞加指定送的都食到大半飽，其他都食唔得幾多，但用料新鮮、又大份，啤酒任飲，算抵食呀！

星期六又係肥妹仔可以訓到好晏既good Saturday, 訓醒已經差唔多12點, 肥妹仔既父親大人提議去飲茶, 眾所周知, 藍田既茶樓(包括食肆)唔係有好多,不過鑑於肥妹仔我上星期食果間海港食物質數真係差咗好多,所以今次就試下另一間茶樓, 睇下個質數又如何~手拍青瓜海哲 $38肥妹仔我如果飲茶有得選擇特式小食既話通常都會叫呢個, 因為如果成餐茶都係食點心又真係幾油膩下. 個青瓜爽脆, 每條青瓜上都沾上蒜蓉同酸醋, 味道調得不錯, 唔會太酸太重口味但又好開胃, 最重要係條條青瓜都可以保持乾爽無出水, 夠新鮮!至於個海哲, 呢個肥妹仔真係有驚喜, 因為條條海哲都屬於粗身, 有小小麻油香味, 夠爽口, 好食!!!鮮蝦炸雲吞 $15.8唔知點解次次去飲茶肥好仔個家姐一定會叫呢個鮮蝦炸雲吞食!不過好在肥妹仔我好鍾意食香口野, 一於大家開心share la~個鮮蝦炸雲吞個雲吞皮炸得卜卜脆但一D都唔油膩, 肥妹仔我非常欣賞!而隻隻內餡都包住一隻size唔細既蝦肉和小小肥豬肉, 味道不錯, 沾上甜酸醬來食都幾perfect!甜蜜雞蛋散 $12.8跟據肥妹仔近年去唔同茶樓飲茶既經驗, 蛋散呢樣點心真係

藍田真係好少食海鮮地方,團年飯多數成棚人食,中菜海鮮ㄧ定岩唒ㄧ家大細。潮福開正樓下。前2月book位。點菜前已問想海鮮定小菜。d職員介紹左任食4款海鮮餐+燉湯+任添蔬菜+馬拉糕等等。海鮮確係新鮮,龍蝦肉厚身。海蝦隻隻都好新鮮跳跳札。聖子大大啖肉。帶子好大粒好甜。鮑魚好鮮。好多款貝殼類(花甲,珍珠蜆好正,其他種類唔識xddd)時間蒸得岩岩好燉湯係響螺湯夠足料夠鲜。不過有ㄧ款燉湯唔知咩魚就好腥唔起眼既馬拉糕出奇地好味喎，食左3轉,值得ㄧ讚埋單400幾蚊ㄧ位💴💰💰

來到潮福酒家未必一定要食蒸氣火鍋嘅！可以試吓佢哋嘅一圍圍菜！我以前會去新蒲崗嗰間食佢哋嘅菜，我又搬咗屋，而家我會去藍田呢一間啊！估唔到呢間酒樓喺藍田咁受歡迎！我喺農曆新年兩星期之前已經團年飯，呢一圍菜大約2800左右啦！因為唔係我俾錢所以我都唔係好記得價錢啦！我好欣賞佢哋啲乳豬以及燒鵝，整得又鬆脆又好食！呢一間酒樓成日做海鮮蒸氣火鍋，所以佢哋啲海鮮都好新鮮！啲龍蝦伊面，有成兩隻龍蝦去整！分量十足！另外值得一讚嘅就係佢哋嘅海皇羹，你哋睇圖都見到啲料係有幾咁豐富啦！有花膠又有帶子仔！啲食物又唔係太濃味！所以我覺得二千幾蚊一圍係物有所值嘅！最後我哋都點左一籠壽包！熱辣辣好好味啊！其實一家人食飯最緊要開開心心！如果慶祝或者團年飯其實都可以考慮下呢一間酒樓！

星期日本來開開心心同屋企人去飲茶，點知個呀姐態度勁差，咩心情都比佢破壞哂，幾好食都唔會再來食，更何況唔係好好食，小朋友中意茄汁點麵，就想問下會唔會有茄汁啦，問比點心個呀姐拎碟茄汁點炒麵，冇就答我冇就算啦，我實講話唔緊要冇就冇，點知佢無啦啦發侮氣不斷up又話做左咁耐冇見過有茄汁，邊會有茄汁，茄汁用黎做咩，你自己問樓面，不斷不斷重複，態度差又臭面，如果淨講一句冇我都接受，但好似我得罪佢咁真係超無奈，用錢買難受，差評！

一大班人想食海鮮，蒸汽鍋都係一個唔錯嘅選擇﹗今次就去左食潮福蒸汽鍋。今次同班朋友揀左生猛鮑魚餐。一入門口已經見到好多種類嘅海鮮，叔已急不及待想快D開餐。另外都有唔同嘅醬料俾大家配自己鍾意嘅口味。除左海鮮之外，仲有牛雞等野食。粥底當然唔少得。有專人幫手蒸嘅時候，飲返個湯，食下乳鴿。個湯用魚翅排去煲好夠味，乳鴿都好香口。每樣海鮮都好新鮮，唔駛加醬汁都好有味。食蜆最驚有沙，今次冇人中沙，可見處理得好好。粉絲吸哂扇貝D味再加D金蒜，正! 蠔夠哂鮮甜唔會覺得腥。北海道元貝清甜D湯汁都唔放過。鮑魚時間蒸得足，唔會韌，龍躉夠哂滑。原來和牛蒸都幾好食。和牛粒好香好嫩, 每人分到好多馬拉糕香甜軟熟, 叔多多都食得落最後當然係食個粥，吸收左唔同食材嘅精華，加埋南瓜同雞去煲，又點會唔好食，極速清哂! 食左咁多真係大滿足! 

今晚丫哥升職請食飯，我地緊係吾同佢慳，一於去潮福食海鮮餐賀一賀佢啦！到步，我地比平時晚飯時間早到少少到，所以吾洗點等位就有得入去食啦，佢都有吾少套餐，最後我地選左生猛鮑魚餐。選好就坐係度等食，先嚟每人一盅燉湯，好夠料好夠味，一飲就知真材實料，冇加味精，好飲。再嚟上熟食脆皮乳鴿，皮好香脆，乳鴿吾算大隻，所以肉質好滑吾老，都吾錯。見店員放好粥料係鍋底先，就開始蒸海鮮，先嚟蟲草花蒸鮑魚，大大隻又新鮮，仲有龍躉件，就咁落少少薑葱清蒸，原汁原味，魚肉好嫩滑，骨大條好方便食，仲有一大盆貝類，有好多硯丫，每人都應該有六七粒吧，仲有青口，大大隻，全部都好新鮮我覺得海鮮中最正係蒜茸蒸北海道元貝，好大粒，蒸得岩岩好，一點都吾老，仲好鮮甜嫩滑。食完海鮮都半飽有多，仲有蠱草雞，和牛粒，瓜瓜菜菜，同馬拉糕，最後食埋碗粥，好鮮甜，好食。順帶一提，服務都吾錯，尊人幫我地蒸埋同分碟，又會幫我地換碟，我覺得幾好。另外價錢都幾平，成個套餐原來六人份量，1200都吾洗，即係每人200都吾洗，不過我地係八人去食，所以照加返錢，所以吾洗一定八人食，吾洗驚多人想食呢個套餐又吾夠，可以嗌店員安排丫，超值丫，下次再嚟先。

好開心約到一班同事一齊食晚飯，去咗潮福食蒸鍋！餐廳都好大間，而且非常光猛㗎！我哋叫咗個生猛鮑魚餐！都有好多嘢食㗎！首先有盅燉湯，係雞同魚翅燉湯，好香同足料！跟住就有海鮮上啦！哇。。。。睇落好新鮮咁㗎！😀見到都已經好想食了！😋呢度有青口，花甲同蜆。青口，花甲都係好鮮甜呀！蜆就有少少沙。呢個貴花蚌，買相吸引，大大隻好鮮甜，仲好爽口添呀！👍🏻👍🏻乳鴿暖暖地，仲有少少脆，喺等緊啲嘢食蒸好時有得食下都不錯喔！😄蒸龍躉件，大大件好厚肉㗎！我好鐘意！😋食完肉，有蒸蔬菜盤，芋頭好粉，南瓜好甜呀！粟米都很不錯，都好甜！👍🏻👍🏻跟住仲有蒸馬拉糕呀！😀😀😀😀好味呀！同喺酒樓食一樣㗎！😊😊到最後梗係唔小得碗粥啦！係南瓜排骨粥！南瓜已經煲到溶了，頭先所有嘢食嘅精華都喺晒呢碗粥，真係非常清甜呀！😀整體食物，服務都滿意！不得不提就係有專人serve㗎！真係坐定定等食！😊

之前食過其他分店，今次黎開探朋友再試下藍田嘅潮福，早兩日訂左枱，有石蠔送，yeah ! 今次唔要任食餐，因為有朋友唔食蝦蟹，所以訂左生猛鮑魚餐，每人約二百蚊，價錢黎講比任食餐更平!今日燉湯係魚翅群排骨燉雞，魚翅群好滑溜，湯嘅香氣四溢，咸度剛剛好，飯前飲胃口大增。乳鴿每人半隻，醃得好入味，皮脆肉嫩。貝殼盛合今次有蜆，花甲同青口，份量好多，每人分到6-7粒，非常鮮味，無沙，肉質爽嫩，d蜆會爆汁，正!蒜蓉蒸元貝size 好大隻，舌頭繼續被鮮甜嘅味道所俘虜，加少少甜豉油已經好夠味，粉絲吸左元貝汁嘅精華，一定唔可以錯過。鮑魚用蟲草花一齊蒸，多左一份香味，肉質爽口彈牙。訂枱送嘅石蠔size都唔細，蠔味十足，唔太腥，bonus龍躉片好厚肉，最愛龍躉皮充滿魚香又軟濡嘅味道，好新鮮唔腥。和牛粒份量驚人，每人分到7-8 粒，有用鹽同生粉醃過，可以保存肉汁，剛剛好7成熟，好香牛味，肉質爽嫩，非常滋味。食埋蒸雞同蔬菜四寶，馬拉糕係蒸鍋其中一個重要嘅食品! 食完咁多海鮮同肉，一件香甜軟熟嘅馬拉糕真係最佳甜品鍋底精華煲成粥，食過蒸氣火鍋嘅人就知道，粥嘅味道係會就每次嘅食材而有所不同，今次就特別有一陣南瓜嘅甜味同

一路都好想試，最近發現屋企附近有呢間出名嘅蒸氣。所以今晚就同屋企人來試一試，我哋叫咗個6位用生猛鮑魚餐。令到店員服務10分周到好似食殘廢餐咁⋯⋯店員會幫你較時間，蒸每一樣海鮮，服務態度超好！先來喺嗰個底加啲買南瓜同埋肉煲個粥底最後食鮑魚好新鮮一啲都唔靱！蒜蒸北海道元貝大大粒好鮮甜！貴妃螃以為好靱，點知好爽甜，正！乳鴿好香脆，但係就瘦咗啲。蟲草花蒸雞好鮮嫩，加埋蟲草花一齊蒸好養生嘅感覺！龍躉肥美鮮甜個個都爭住食。一路蒸都聞到芋頭同南瓜嘅香味，粟米大大粒好甜，如果可以多啲就好啦！芋頭可以再整耐啲，粉啲會好味啲！呢個蔗糖馬拉糕糕好有兒時嘅味道！最後食埋個粥底真係超滿足，下次一定會再來！

一向唔寫食評，但酒樓員工太差！坐低半個鐘，部長伙記明明見到都唔斟茶又冇俾卡紙！個個起度嘻嘻哈哈大笑傾計！唔止一次係咁！太睇唔過眼已經拍抬走人，只可以講死性不改！

今晚係為左同家父慶祝父親節而揀呢度，家父鍾意中菜多於西餐，但又唔想就咁叫小菜食飯就算，所以選擇未試過既，特色d既蒸汽鍋。其實潮福個名都聽唔少，蒸汽鍋亦都已經潮左好一段時間，所以我地已經潮得太遲環境同一搬屋邨酒樓無異，所以大家唔好要求太高，尤其對住佢任食個價錢$338…由於食量唔大，我地都揀食套餐，$788 有齊大部分食物，飲品另叫，感覺抵好多先上姬松茸燉湯跟住到紅燒乳鴿，味淡肉嫩，唔會過鹹海鮮用冰鎮住一盤上鍋底放米，南瓜同排骨先蒸貝殼盛盤，有活青口，活蜆，活珍珠貝有當造既奄仔蟹，鮮味多膏和牛粒，食到梳打粉味，鬆肉太重手…呢樣係全晚最失色龍蝦每位半隻，係訂位食套餐先有得送架！大大隻扇貝，超好味最後仲有蟲草花蒸雞，唔記得影，半隻份量好多，唔夠入味，但係肉質好到尾食埋個超鬆軟，唔太甜既馬拉糕，太完美鍋底既南瓜排骨粥都岩岩煮好，米好棉，就算冇加鹽，佢因為吸左海鮮既汁液，所以非常鮮味

為慶祝母親節，多日前搵食，book 好枱，決定跟家人一行五人到潮福試試蒸海鮮。Book 了8點半，一到埗就覺得中伏，跟知客交代了book 位詳情，她似理不理，手忙腳亂，5位又記錯13位。。其他食客都等得唔耐煩見有枱便自行入坐。到入坐後，5人卻安排4人位，多出的一個位只是加張凳係枱邊，要求轉圓枱（圓枱有多張吉枱），部長話安排轉枱又走左去，我地唯有坐係到等，搵另一位部長甚至態度好差，大大聲話出面仲有4枱客！想請問：我地都有book 枱，何以這樣安排！！？在等待途中，整間餐廳忙忙亂亂，碟子油立立，濕淋淋，跟無洗一樣！跟本無法用來進食！衞生情況差，碟子換左2次先正常返想下單，4樣又無2樣，成肚氣之下，與家人憤然離坐，寧願到樓下酒樓晉餐。一間多間分店既集團，於特別節日是否要加多點人手應付人潮？對部長是否應加強訓練，何以部長都是以大聲粗野既方法對待客人？

女朋友話想幫我打下氣，所以約左我去佢公司附近間<<潮福蒸氣石鍋>>話要食蒸海鮮喎。 一聽到潮福蒸氣石鍋，我腦海中自然就想起了個草帽。 今次我地兩個人，有卡位坐，一坐低就見到個"草帽"蒸爐。 劃點餐紙揀D乜，都有好多選擇。 我地揀好左後，侍應就準備好了煮粥用的米及料，我揀的粥底係<<瑤柱鮮淮山粥>>。 然後倒落鍋中，等蒸滾佢。之後落埋<<貝殼盛盆>>就要等等先。 湯好快就上左，叫的是<<姬崧茸燉螺肉>>，好足料呀，大大個螺肉，又有營養。 <<脆皮乳鴿>>一隻，開四份，乳鴿皮很脆很香。 <<貝殼盛盆>> 六分鐘左右就食得， 蜆及東方螺都好鮮甜，唔會食到沙。 龍蝦，鮑魚係我最喜愛既海鮮， 龍蝦夠哂多肉，肉質鮮嫩，加上蒜蓉既香，真係好滋味。 而鮑魚是四選一海鮮之一，都幾大隻，入口彈牙又鮮嫩。 另外三樣揀左<<大元貝>>，蒜蓉加上粉絲，真係最佳既組