潮福蒸氣石鍋 (已結業)

食物還算新鮮，乳鴿不錯，說好的姬松茸燉螺肉，一粒螺肉也沒有，味道還算可以，不知道是否「師傅」出招。我們吃了388元任吃，沒有任何折扣，還加了茶芥，花生，醬油，加一，接近500元埋單。海鮮每人只得一隻，推介的象拔蚌仔沒有貨，其他海鮮只是一般，另外很多人推介的四寶丸，實在很一般，如果價錢這樣貴，不值一試。

餐廳一半做蒸汽鍋一半做小菜, 當晚食小菜 食物很一般, 基本服務都冇 ,運作好有問題.一早訂咗 星期六八點鐘 , 兩枱食生日飯, 最後我哋, 同埋另外幾家人, 企咗半個鐘, 八點半我地才能入席, 另外更早到嘅人, 唔知有冇訂枱, 依然未入席, 小朋友老人家一直等冇凳坐. 有乜可能已訂枱都要等成半個鐘?入到去卻見到有好幾張枱未整理 , 其實根本我同埋出便一直等嘅人, 唔需要全部都等咁耐. 見到執檯面嘅人個個樣寫住個攰字, 好辛苦咁, 諗住佢哋一定係好忙...但明明一直冇新枱入過去坐, 究竟點解會咁, 個個樓面做到目無表情滿面怒氣, 铺枱布飛落客塊面, set枱冇茶杯又唔記得.之後 又話要分開兩台隔開好多位坐... 訂咗位竟然叫人分開坐, 當然唔高興! 不過 派位阿姐 面對住出面好好多同我哋一樣等左好耐既人, 可能壓力爆煲, 話反生曰的老人家轉頭. 非常無奈. 後尾話 要將我哋其中一張枱轉做細枱, 其實都冇所謂, 但有乜可能當初要我哋分開好遠坐呢? 最後安排咗側邊另一張細小小嘅枱...樓面同事見到我地同另一家人嘅位已經背對背, 瘦啲嘅人都未必穿得過, 但係依然不停咁樣踢凳背穿過 去另一邊

今天MAY姐話突然好想食海鮮，係都要嚟潮福蒸氣石鍋食嘢，點咗一個海鮮餐，裏面嘅食材真係好豐富，見到個賣相都心鬱鬱想食喇！鮮雞排骨燉蜆湯味道好清甜，雞肉同埋排骨都好軟爛入味，連平時飲湯唔食湯料嘅我都忍唔住扒咗兩啖嚟試下。瑤柱鮮淮山粥由我哋自己加米同新鮮淮山瑤柱入鍋慢慢蒸，大概1個鐘頭左右已經好綿滑了，味道好鮮美。當然，蒸粥嘅同時我哋都一樣係上面蒸海鮮，蟶子皇加入咗粉絲同蒜蓉之後香氣四溢，肉質爽甜，食過返尋味。蒸南非龍蝦好大一只，一邊嘅龍蝦已經係我一只手咁大喇，蒸熟肉質都無點縮水，食落Q彈鮮嫩，MAY姐都大贊D海鮮夠新鮮吖。蒸象牙蚌仔同大連鮑魚，佢哋嘅海鮮味十足，鹹鮮之餘又唔會有腥味，爽口彈牙，味道真係無得頂。仲有其他海鮮味道都好新鮮，就唔一一介紹喇，最後再講一道小食甜品。蒸蔥花卷同紅棗糕，香軟嘅蔥花卷，趁住熱辣辣果陣放入口，口感一流，紅棗糕香糯清甜，滋補美顏。

先前book 台問左好多問題因為人數多，未覆實，仲有BB仔職員阿姐都耐人解答台夠14人坐蒸爐由一位姐姐起同分送我地叫左個餐有一堆甲殻類一人半隻龍蝦其他五款自選海鮮全部海鮮都好鮮甜 肉係頂晒殻的全部冇死 一隻都冇梅 全部彈牙有口感海鮮都擺晒係出面，廚子都係出來執的Good good 小插曲：廚子叫呀姐問我地可唔可以轉另一樣海鮮因為北寄貝唔夠但係我明明見到夠數量既北寄貝係出面喔原來數錯了嗎哈哈 我地另加左象拔蚌刺身，可以自己㨂條又大又噴水的，因為係斷隻計，唔係一斤斤計另外有糕類，牛肉，鮮蝦丸，糯米雞 ，菜拼盤等任食仲汽水啤酒任飲很不錯

食過一次潮福后就好想再去食多次，因為果度有好多品種，個肚有限，只能一次食幾種，所以一定要去幾次先可以試多幾個品種，如果有其他分店嘅話，我鐘意每次去唔同嘅分店試下有咩唔同。店內環境都系差唔多，裝修風格都係一樣，海鮮都系咁多品種。粥底今次揀左瑤柱鮮淮山粥，其實我覺得要邊種粥底都好食，只系口感會有一D差別，趁海鮮蒸緊就先飲個雲腿冬瓜粒燉海螺肉湯來填下肚，個燉湯時間燉得好足，肉都燉得化開，感覺好滋補。蒸蟶子皇及象拔蚌仔，蟶子肉好飽滿，肥美鮮甜，口感嫩，好好食，象拔蚌睇落有D細只，但唔可以只睇大細來稱量佢嘅質量，肉好厚實，今次加左D粉絲同蒜蓉蒸，蒜蓉味好香，粉絲又好有咬頭，唔錯。蒸蟲草雞、鯪魚球、污糟雞，三樣都幾好，污糟雞就第一次食，感覺同其他雞無大區別，但就可以好肯定咁講，雞肉系靚嘢，皮都彈牙，鯪魚球更系我至愛喇，爽口彈牙，口感好，味道正。今日D蟹好似特別靚，睇下就知幾得喇，肉多之作仲要有膏，搞到我食得好開心，平時我對蟹一般，覺得麻煩，但今日食下又會越食越想食，蟹肉好厚，好清甜，系其他方同樣嘅價錢好難食到咁高品質嘅蟹。

#藍田潮福蒸氣石鍋#一入門之後揀好個粥底，然後就可以將之前點咗嘅海鮮開始上蒸籠啦，仲要開埋個timer...個計時器滴滴答答嘅聲音就好似時刻都同緊你講，就快有得食啦！！！！ 到時間個計時器就會自己響，然後服務員就會過嚟幫我地開蓋。海鮮都好新鮮，想要啲乜自己可以揀~~~而且品種夠多，咁就唔洗驚搵唔到自己鐘意食果一款啦！！ 圓檯嘅中間有一個好大嘅蒸籠，所有嘅野食都系用佢嚟蒸嘎！ 象拔蚌同蟶子皇上邊都放咗好多蒜茸同埋粉絲落去蒸，蒸出嚟肉嘅味道好鮮，而且蒜茸嘅味道好重，粉絲就啱啱好混合咗蒜茸嘅香味同海鮮嘅鮮味。好味！ 聽之前嚟過嘅friend推介，話呢度嘅雲腿冬瓜粒燉海螺肉都唔錯，點咗一盅嚟試下味道。啲肉嘅精華全部都系曬湯入邊，飲落仲有一種淡淡嘅清香~~ 因為實在等唔切啦，所以就將幾樣野一齊蒸，蟲草雞、鯪魚球、肥牛片！蟲草雞真係放咗蟲草落去一齊蒸，而且蒸出嚟嘅野有好香嘅蟲草味，而且雞肉好嫩。肥牛片幾乎都系瘦嘅部分，好少有肥肉，肉鮮嫩多汁！鯪魚球仲有好香嘅魚味添，食落好彈牙！ 蒸生猛肉蟹，肉蟹經過處理之後，分開幾舊一齊放落去蒸，啲蟹仲有好多膏！！蒸龍蝦，啲龍蝦真係

之前未有任食時已吃過,因未吃過的朋友們說想試下,沒有訂位,也不用等位,星期五$388任食加一,好多款海鮮可選每款海鮮需要服務員幫你set時間明明點了排骨湯,但不見排骨,只見雞腳,問店員也回答不知道每次海鮮到也要店員幫手set時間,先來了龍蝦,拆殼花時間,未吃完上一道菜,下一道又蒸完龍蝦很大隻, 多肉, 肉厚,鮮脆滑嫩大帶子, 鮮甜好味蒸扇貝保留鮮嫩口感和原味,因每次不知道要蒸多久,叫店員又遲遲都不來,一時又要吃得快,一時又吃得慢鮑魚Q彈有嚼勁初頭店員把丸跟菜一起蒸,她說蒸到4分鐘先拿菜出來去,丸就繼續蒸到8分鐘心想,為什麼不分開蒸,那麼4分鐘後不是一定要拿走所有菜嗎...碟也沒有位放...所以要求分開蒸終於食到最後,粥其實沒有海鮮味道,但加了蔥花,幾好味上次沒有任食也是三百多,也是吃到很飽但無可否認任食是食得開心D又爽D

以下評論只限其中一分店，希望其他分店冇呢個情況，因為呢間真係嚇死人事情係提早慶祝母親節，某日晚上出街食飯，見外母同老婆都想食蒸汽火鍋而呢間又近屋企，於是喺事前兩日訂定位。到咗間舖頭話訂咗枱，但竟然冇我哋訂枱記錄就當我哋walk in,咁算數，反正有位。一坐低就大鑊，久唔久就有大小強出沒，由坐低到點嘢食約十分鐘就見到至少四五隻，於是同侍應要求換枱，但以冇枱為由拒絕咗。食食吓先發現天花板有發霉蹟象，有冇搞錯，一間食肆連衛生都可以做得咁差，d食物幾好都冇用。下次惟有去 第二d分店都唔會再去呢間分店。

Since吖欣出咗國之後，我地幾個舊朋友已經好耐無一齊出嚟聚過啦~~難得今個星期佢翻咗嚟，我唸住絕對唔可以再錯過呢個機會啦，一于約出嚟一齊食個飯啦，順便傾下呢幾年大家嘅變化~~。見到佢地之後發覺原嚟變化都好大，傾耐咗覺得好肚餓，我地幾個都點咗幾多野食。呢度嘅海鮮非常新鮮，已經唔系第一次嚟啦，食過幾次都覺得味道好好，老闆娘好熱情，而且service都幾好。食咩就蒸咩，馬拉糕，一籠好大一個，然之後切開幾舊，蒸出嚟原汁原味，有馬拉糕原本嘅甜味系入邊，而且水分啱啱好，咬落去好鬆軟，好味！ 南非龍蝦，龍蝦好新鮮，蒸之前落少少蔥花同埋蒜茸，風味更佳，而且龍蝦肉好嫩，再加上因為喺蒸嘅，所以蒜茸嘅味道會更加容易滲入龍蝦肉，好入味! 日本大元貝，講明系大元貝，啲元貝真係好大一隻，肉都好大舊，而且仲有啲粉絲蒸埋一齊食，好鮮甜！ 雖然啲海鮮蒸出嚟都好好味，不過我都係最鐘意呢個粥底，瑤柱鮮淮山粥，瑤柱同淮山好新鮮。而且蒸出嚟嘅味道好鮮甜，根本唔需要落任何調味料都已經覺得好夠味啦！ 雲腿粒冬瓜燉海螺，燉湯嘅火候啱啱好，冬瓜咬落去都有湯嘅鮮味，海螺肉有好多~！！

今日食癮又發作，好想食海鮮，海鮮仲系清蒸嘅味道正宗，所以第一時間就淋起潮福蒸氣石鍋，今日朋友話要帶我去藍田分店試下，因為上次太多人，就淋住藍田分店會唔會少D人，點知一樣咁好生意，不過我六點多D就到，唔洗等位，環境同裝修都系大同小異。今日我兩個人決定點個套餐，覺得套餐比較抵，有好多配菜都任點任食。貝殼和蟶子皇，兩個人加起嚟分量都算幾多，兩種都肉比較飽滿，都可以用一個鮮字來形容，材料新鮮，肥美鮮甜，覺得唔夠喉，兩個都搶住食。龍躉件，雖然只系切件，但切得比較厚身，魚肉鮮甜，爽口彈牙，開邊蒸南非龍蝦更系我嘅至愛，肉蝦肉好結實，口感一流，系一只靚龍蝦，都有成部手機甘長，唔算好大都唔細，重點系蝦好靚。日本大元貝好正啊，用粉絲同蒜蓉蒸，元貝好大個，粉絲蒸好好食，粉絲都好靚，唔系好容易斷嗰種，吸收曬元貝嘅海鮮味，正啊。一人一只大肉蟹，真系好多肉啊，只放左D姜去腥味，但味道一樣甘正，肉多鮮甜，好新鮮，好生猛。粥底一定唔好錯過，食得再飽都要試下，因為咁多海鮮嘅調味，再加上無干貨瑤柱，味道唔系一般嘅鮮美，食多兩碗先可以滿足。套餐中仲有好多任點嘅配料，所以根本唔洗擔心唔夠飽，可以放開肚皮食，而且配菜出品都有保

今天弟弟出了花紅，說要帶我到藍的潮福，藍田的潮福是酒樓，空間感夠大也夠灍，我和小璋坐在卡位聊天在談天說地!298一位的任點任食，可挑選五款海鮮，一個燉湯和龍蝦或大蜆一客任選!首先來了大蜆，大概有十多隻以上，因為新鮮的關係吃出鮮甜的感覺!海蝦有2隻，還在跳跳吓的，要把它放在篜爐上真有点殘忍，但没辦法，海鮮就是要吃最新鮮的! 蝦肉很甜也十分爽口!美国石蠔有一隻手掌般大，也很吸引! 因為我是生蠔的粉絲，真的很creamy, 也很有口感!日夲北海道的元貝，粉絲蒸元貝，元貝蒸完後, size 也那麼大，配上粉絲，真的百吃不厭!聖子皇一点也不欺場, 長長的又伴上粉絲清蒸，真的很入味!其餘任叫的肉圓，墨魚丸，豬肉丸也很新鮮，還有蟲草蒸雞也百吃不厭! 難怪潮福分店越開越多!

韓式九層蒸氣鍋已興起好一陣子，但吃過都知道：要同時控制九層的生熟海鮮實在不易，這層剛好，吃到下一層已發現過熟。在潮福蒸氣吃過一次蒸氣石鍋才知道：原來中式都有蒸氣鍋喔！一款款海鮮獨立蒸煮，火喉控制得烚到好相處，保證能吃到「海中鮮」！大家都知道吃海鮮還是大伙兒比較划算，話說我和朋友兩個人去吃海鮮蒸，竟沒遇上這問題。潮福蒸氣石鍋提供按人數而設的海鮮套餐，單是海鮮已經可以選八款，獨個兒吃「單身漢餐」都可以食到豐富海鮮嚕！(喂~誰想單獨吃飯)套餐唯一缺點係冇得自己行去選海鮮，新唔新鮮，大隻細隻，有膏冇膏就聽天由命~點好餐後，就到自助醬料吧拿醬料。醬料都很整備，辣椒、辣醬都有數款選擇。拿好醬料，套餐的湯水剛巧端到枱前。每人一盅自選湯水，可以各選了不同的湯水實在太好，因為一個想食西洋菜，一個想食海螺肉。燉湯的兩款選擇：西洋菜燉唐排湯、雲腿粒冬瓜燉海螺肉湯，兩款都十分足料！我的雲腿粒冬瓜燉海螺肉湯還有雞腳、冬瓜都是滿滿的。飲湯的同時，店員「手起料落」，把準備熬成粥底的米、南瓜、排骨都放進鍋內煲滾，蓋上蒸架就開始清蒸海鮮。石鍋旁的計時器倒數著蒸煮時間，聽到「嗶嗶」響就食得嚕！新鮮的蜆貝生的時間刻是合起，

第一次吃蒸氣火鍋，兩個人吃，差不多六點才電話訂座，後來發現5:30前訂座送象拔蚌仔入到座位，很舒適的卡位，看看餐牌，花多眼亂，想叫海鮮時叫極都無侍應看見，原來要親自走到海鮮處找部長落單。點了兩樣海鮮：特大肉蟹皇，很大隻，$22両，斤半，都幾貴，因為睇落好似好少，不過就幾大隻，蟹蓋有塊面咁大，蟹肉好鮮甜，好新鮮，其實兩個人食都幾奢侈，但好滿足 第二件是龍蝦，很彈牙新鮮，抵食！ 最後送上桂花糕，若是生果會更完滿 美中不足是侍應人數不足，許多時也要主動不斷呼叫才有侍應幫忙處理海鮮（其實只有兩道海鮮啊），同時若果入座時有人簡介一下不同餐牌會更好，後來才發現另外有海鮮套餐，見到另一枱出去拿醬油才知醬油的位置。

新興的蒸氣石鍋成為不少餐廳及酒樓的新賣點。雖然要重新添置不少新設備，而每一檯都需要專人來服侍，但總能帶來不少新刺激吧！這個榺製的蓋也增添了不少特色。蒸煮的好處是可以使食物的鮮味保存，而最好的食材當然就是海鮮了。第一款最特別的是由紐西蘭以來的蝴蝶蜆，外型黑黑的，形狀有點獨特。當煮好之後便明白為何叫蝴蝶蜆了，蜆殼張開真像蝴蝶。而味道也很鮮甜，肉質有嚼勁，不錯。而另一個賣點是龍蝦，因為是推廣期，每位食客送半集。因為蒸的時間有專人控制着，因此是剛剛熟，肉質新嫩，香甜。但並不是全部食材都可以，這碟蜆中就有一些不合格了，帶有一點不新鮮的味道，較失望。也是因為這樣，酒樓送來馬拉糕。這馬拉糕在蒸好後立刻進食感覺都不錯，挺鬆軟的。最後，不能忘記的當然就是粥底啦。這個粥底是南瓜排骨，味道在結合了所有海鮮的甜味後，真的超甜。

蒸海鮮呢排咁hit, 點都要去試下架不過個d幾多層， 都係一班人去先啱我得阿媽同阿囡3條友，人少少又想試下蒸海鮮，所以去左呢度酒樓既格局~，一入門口已經見到好大個魚缸同好多海鮮仲有好多不同種類的海鮮，選擇都唔少近門口放左個自助醬料，好似打邊爐咁，不過你用唔用都好，都要收番每位10蚊既醬料錢張枱係特制既，有一個計時開關制不過成個蒸野既過程都係由店員做，呢個制我地都唔識搞呢頂好似越南帽既野 大家係facebook都見唔少啦佢其實係一個蓋，不過個底有個邊位會噴d蒸汽出黎，所以放既時候要留意番唔好對住自己店員好似無sense 到呢樣野~坐底見到有張紙寫燉野38蚊一個，好似幾抵，叫左2個以為係放落去燉，但原來係一早燉好左既湯虫草花係新鮮的，第一次食，感覺很滑~螺頭較實，未燉出味不過湯味亦比較濃~另一個松茸茹就麻麻，個湯好肥好多油都係媽媽煲既湯好飲D。南非鮑魚加虫草花蒸，鮑魚係8~10頭，都幾大隻。界刂哂花幾靚口感好爽，熟得黎又唔韌，阿囡叉住成隻都咬到係鮑魚感覺味偏淡，無細隻鮑咁甜龍蝦特價98隻，每人限半隻，我地3個人就俾我地叫左2隻加蒜蓉蒸，肉好鮮嫩，唔似大龍蝦咁嚡口，感覺到食材真係好新鮮啖啖肉