潮洲滷 (已結業)

店鋪：潮洲滷 (灣仔)地址：灣仔石水渠街1-13號其發大廈地下8號舗講到潮州菜嘅話一定唔可以唔提滷味😆無論平時去打冷、食宵夜、或者家常便飯，好多時候我都會食到滷水蛋、滷水雞翼等特色潮州食物。喺灣仔軒尼詩道附近嘅石水渠街，嗰度有唔少嘅餐廳、雜貨店、藥房等，而係其發大廈地下就有一間「潮洲滷」，而今次嚟到灣仔嘅目的就係要一試呢度出名嘅潮州滷味啦😎滷水鵝脾：鵝脾啖啖肉，鵝肉嘅紋理亦都好分明，唔會好”un”，而鵝嘅鮮味亦都無被滷水汁蓋過🤓呢度嘅滷水鵝亦都係最出名嘅食物之一滷水豬大腸：呢度嘅豬大腸唔會有臭味，洗得好乾淨，加上好容易咬得開，唔會有好多筋同肥膏痴住，鍾意食豬大腸嘅不妨一試🤤滷水豆腐：以往食滷水豆腐都會好驚會吸晒啲滷水汁好鹹，不過潮洲滷嘅滷水豆腐就無呢個問題，豆腐爽口得來都只係表面吸咗少少滷水汁，唔會太濃太鹹滷水雞蛋：雞蛋黃唔會食到成個口好dry，而成隻雞蛋都唔會好散好碎濕濕，滷水汁令到雞蛋好好食啊，係補充蛋白質嘅時候🤤總括來講，呢度嘅滷水汁調製得唔錯，唔會太鹹， 食完都唔會好口乾，另外仲有特濃滷水汁同甜酸醬各一包附送，無論你鍾意食鹹啲，定係鍾意酸酸甜甜嘅感覺，都有唔同嘅選擇，因應自己嘅

迎接長假期後的小週末! 今日喺灣仔開完會, 經過見到潮州滷味聞到好香, 見價錢唔貴又幾多人買, 羊群心理的反映應該唔錯, 所以買返屋企加餸, 同媽媽一齊啤啤佢 (用潮州粥啤啤佢) 鵝肉 vs 鵝片, 好難取捨! 應該啖啖肉定有 d 骨好呢! 最後係鵝片完勝, 都係啖啖肉好! 老闆話佢哋 d 鵝每日新鮮整, 自家調配滷水料, 賣晒就收舖, 賣唔晒都唔會留隔夜, 好新鮮咁 wor!  一大盒滷水鵝片 ($123/斤) + 豆腐 ~ 滷水鵝肉質厚實細嫩, 入口嫩滑, 不肥不膩, 肉味香濃而不羶! 滷水汁亦都好香唔咸, 送潮州粥同啤酒都一流! 我同老闆講唔要豆腐, 因為一般滷水店既豆腐都係酸既, 點知原來老闆自行比左少少我, 喜出望外...咁遠拎到返屋企都無變酸, 豆腐勁香豆味, 唔係好假好滑嗰種, 堅好食啊! 再買一盒豬大腸, 鵝肝, 豬手, 鵝腎 & 腩肉拼盤! 所有內臟處理得好乾淨, 唔會有陣異味! 老闆仲送一隻好入味既滷水蛋比我食 豬大腸唔肥, 煙靭爽口! 鵝肝好厚好軟滑, 入口即溶! 鵝腎好爽口, 無筋! 腩肉同豬手都超讚, 好有肉味, 有咬口, 唔係滷到又咸又爛嗰種, 連豬手個皮都

早排喺Instagram上面見到有朋友去咗呢到買滷味俾家人，仲大讚呢到嘅老細好靚仔，搞到我到心郁郁想去試一試，但次次都唔太經灣仔！今日要去灣仔交表，終於有機會嚟喇！呢間鋪都幾近灣仔MTR，其實出咗A3出口，過條馬路再行一陣就到！我6點幾先嚟到，好多嘢都賣得七七八八！張相金剛隔離嗰個係老細，原來真人仲靚仔！呢到啲滷味係明碼實價放晒出嚟，好清晰！我同返佢講朋友讚佢靚仔，佢都大笑咗！老細推薦咗我買滷水鵝，話係呢到最出名！我屋企3個人食所以就買咗半斤，呢到啲汁係分開上嘅，唔怕會浸到太鹹！買完即刻衝返屋企食，老細切得塊塊都差唔多大細，唔會偏薄或者偏厚，夠晒整齊！屋企人都話好食，夠晒皮薄肉嫩，香料同藥材味都突出，有層次！P.S 老細同我講話如果唔知想食咩好，或者樣樣都想食，可以講個Budget同埋有咩唔食，佢幫你切夠~~！

一向好鐘意食潮洲滷水，今日嚟到呢間滷味店買咗啲滷味返屋企加餸，睇啲色水已經知滷得好入味，食落唔會得鹹味，而係又香又甜既滷水味～雞翼滷得夠味連啲骨都入味～ 腩肉肥瘦適中，唔會太過有油膩感又或者淨係得瘦肉乾巴巴，佢keep到肉質既爽口同juicy~恰到好處，送多碗白飯都無有怕～～另外紅腸同平時一樣，外皮有啲脆口，幾有口感～～想讚一讚個豬頭肉，原先佢睇落係一舊肥肉，好似好油膩，俾人食完會好濟嘅感覺🙈 但一啖咬落竟然有驚喜😀 豬頭肉好彈牙，食落一啲都唔油反而好似食緊牛筋咁，好有咬口，抵讚～～

原隻雞髀飯🍗$24 (連飲品-外賣)平時好少過海😳今日咁啱要過灣仔🙈午餐時間，唔想食雲吞麵😆結果俾我搵到間專賣滷水既小店😝望望個餐牌🧐原隻雞髀飯都係$24🤩仲送包檸檬茶🍋又幾抵食喎👍而且滷得又唔錯☺️肉質都幾嫩😋滷水鴨🦆$70/半隻-外賣完成工作後😝咁啱走個陣又經過佢地😀我決定今晚斬料加餸先😎另外叫多滷水雞翼🐔$24/4隻-外賣滷水鴨翼🐦$20/4隻-外賣夠哂入味同新鮮😏最緊要食落唔鞋口🤤而且價格又合理😛屋企人都覺得好好食☺️

👫咁啱經過灣仔，見到呢間滷水鵝好吸引咁，就斬料返屋企試下啦🤤 外賣滷味款式多，而且價錢親民，所以都幾多人嚟斬料㗎😆一一一一一一一一一一一一一一#滷水鵝 <$123/斤>鵝味香濃，鹹香適中😳而且肉質厚身又軟嫩，一啲騷味都無💕廚師切得好靚，每一塊都切到好均勻，食落啖啖肉好滿足😍買鵝仲送滷水蛋同豆腐，一樣醃得好入味，用嚟送飯一流😋用酸汁嚟蘸鵝肉酸酸甜甜幾好味，仲可以中和油膩感添😚鮮鵝肝入口夠粉同稔身，不過就有少少腥🧐一一一一一一一一一一一一一一👾驚喜指數：❗️❗️❗️🔙翻撻指數：❗️❗️❗️❗️（5個❗️最高）一一一一一一一一一一一一一一💑提提你：▪️天氣炎熱🥵要盡快雪藏🤪

Lunch 唔知食咩好，見過同事買過呢間既滷味飯，食過都讚不絕口，咁不如我都試下舖頭好細，只做外賣生意，所以你只可以買走食啦見到一隻隻大大隻滷水鵝掛晒係到，好想食呀佢賣既滷味攤晒係到，你可以睇邊啲岩食，再叫老闆斬講開滷味，鵝片一定唔少得，呢到既鵝片滷得又入味，而且唔會乾爭爭👍🏾滷大腸夠肥美，乾淨最緊要😂見到牆上貼住呢到仲有個$24 原隻雞肶飯，今次冇叫，見到相好大隻美腿架，真係糧尾恩物呀，下次一定要試♥️

上男朋友屋企食飯，梗係唔可以兩手空空🤷🏻‍♀️上去之前，順路走咗去灣仔街市嗰邊睇吓，斬啲料上去加餸。經過間滷水店聞到好香，忍唔住停低腳步，望下有咩好食。鋪面燈光光猛，望落好企理整潔，店員阿姨仲好好人，走出嚟介紹。呢度嘅選擇都唔少，有滷水鵝/鴨/腩肉/腎/大腸/豬手/豆腐/雞蛋。最後揀咗滷水鵝，鵝翼，豬大腸，仲附上兩大包醬料，滷水汁同酸醋。⭐️滷水鵝非常入味，咸香中帶點甘甜，外皮色澤亮麗，皮薄肉厚，冇多餘油脂，肉質嫩滑鮮味，師傅刀工好，每一刀清脆俐落，每件鵝嘅大細均一，亦都冇食到有碎骨。⭐️滷水鵝翼入味，肉質juicy。⭐️滷水豬腸豬大腸處理乾淨，冇騷味，唔肥膩，質感有彈性。⭐️滷水蛋滷水蛋同樣入味，蛋味香濃，餸飯一流。

星期一番工攰 藍色的星期一總是要番工帶左炒飯企又想同同事食得開懷d 決定去斬料加料 襯炒飯位置位於灣仔玩具街旁既一條街，即係街市個邊見到人龍就係潮州滷啦環境會見到佢吊住一隻有一隻肥美嘅滷水鵝已經口水都流哂痴線$24 下次糧尾之首選食物我地叫下叫下都叫左幾多下 會隨跟滷水汁同埋醋滷水汁好香，唔會太咸，點黎食好提味 配埋醋食好清新 滷水鵝：鵝肉唔會太肥，啖啖肉，鵝皮直頭想煮個米粉一齊食，搭牌必點滷水大腸：大腸洗得好乾淨，唔會有so味，反而有香香的滷水味，好彈牙，偏濃味滷水紅腸：紅腸邊唔會起渣唔會咬唔開，好入味滷水鴨腎：腎又係我地另一個必點之選，好爽口，唔會有根滷水雞翼：雞翼偏瘦，肉都幾嫩Btw, 好想飲支大啤哈哈😄咁底食同好味，放工斬料番屋企再飲過

呢日活動順利結束，有得收早心情特別好，經過呢間滷水店，見到啲滷水鵝同滷水鴨都好似好吸引咁啵睇埋價錢都係街坊價，唔算貴，所以就決定斬料加餸歸家happy下常見既豬腸豬耳、鵝掌鴨翼、紅腸豆腐雞蛋等等都有齊無食下午茶既個一刻真係樣樣都買啲返去食睇左陣就決定要“豬腩肉”、“豬大腸”、“豬耳”、“鵝腎”同“鵝肝”（老細知我係斬料返去孝敬兩老就讚我孝順，跟手仲私人醒左幾片紅腸同雞蛋俾我添）跟住仲要左1/4左右既“滷水鵝”，一向中意食滷水鵝同豬腩肉既大帝返到屋企見到之後就即刻偷笑豬腸同肝腎呢啲内臟處理得乾淨，食落唔會有異味，個鵝肝仲要好甘香又軟滑添女皇大人就至中意食脆脆既豬耳自己食滷水既時侯就中意點啲酸汁一齊食，可以平衡一下當中既膩感，跟住又可以食多兩舊xppp呢度既滷水鵝更係出色，入味而肉嫩，不肥不膩，香軟而不騷外賣飯盒既價錢都好相宜，大大隻既雞脾飯都只係24蚊炸，仲要送埋飲品！！！下次去開呢頭開工要買飯盒又多個好選擇啦

星期一晚上唔想煮飯，嚟咗灣仔呢間外賣滷水店斬料返屋企。喺門口已經聞到滷水香，價錢都好親民，唔會話因為喺灣仔而賣得比其他區貴。外賣左一盒滷味，包括有滷水鵝（約1/4隻），滷水鵝腎，滷水雞蛋同滷水豆腐。滿滿嘅一盒斬料，好豐富。隨盒附上兩款醬汁，滷水汁及酸汁，輕輕點一點令味道更提升。鵝肉厚身多肉，非常有滷水香。鵝件骨肉都有，超好送飯。滷水蛋同豆腐都一樣咁入味。鵝腎更加索晒滷水味，點一點酸汁，配杯啤酒，人生一大樂事！呢度嘅滷水會賣完即止，如果有想食嘅滷水，記得要早啲去呀。

今日收工好攰， 想喺灣仔街市買少少餸同斬料就返屋企。眼見呢間斬料舖幾多人眼望望，我又望埋一份先！呢間斬料舖全部都賣滷水肉， 由於屋企人唔食鴨鵝，所以我揀咗隻滷水雞。本來仲想揀雞翼但係已經賣曬！超搶手！ 店員建議不如試下雞髀啦！番到屋企一打開個盒， 啲滷水味飄曬出嚟，好香！個香味係持久到我煮完飯出嚟仲依然有一打開個盒嘅香味！滷水醃得好入味， 雞肉亦都細嫩！呢個係雞髀位 肥厚得嚟又超滑！除咗鹵水雞同雞髀 我仲買咗紅腸同鹵水豆腐佢嘅豆腐全部都好重大豆味，非常香濃！我同屋企人都食得津津有味以後收工攰諗唔到食咩 又多咗個好選擇啦！

平日早收工時候都會走到灣仔街市買餸菜回家，每次經過這家鹵水鵝店，門外總有2-3人在等候，看看餐牌及介紹，是由一家人打拼款式除了鹵水鵝，還有鴨或雞，更有一些豬耳，豬腩肉等等選擇，在廚窗可看到各款鹵水，按鹵水鵝的價格是按照重量計算價格的回家後，鹵水鵝的鵝肉味道香很重，廚師刀功不錯，每一片都切得很均勻，廚師還會配送豆腐或雞蛋至於豬頭肉很爽口而且很香還有豬耳，只看色澤已經知道是很入味最後是鮮鵝肝，入口夠腍，夠粉多款鹵水價格合理，下次早下班也會再光顧

潮滷水係加餸選擇之一，有肉又有豆腐今晚就你啦。滷水鵝香之外，鹹香濃，甘香醇厚。見前面都有幾個要，大小肉適中，油光又美。滷水腩肉豬皮美美發光，無豬毛好呀！層次分明，唔覺豬蘇味，反而滷味八角好香滷水鵝腎滷水帶點玫瑰露酒，不是死咸硬。帶勁咬，爽爽的，翻熱更美味。滷水鵝腸十分推薦！滿意！超級乾淨，勁爽口和香甜滷味。滷水蛋一開二夠軟綿，再入味會更加好！酸汁要加！滷水豆腐配肉食好，肉感中帶軟，中心肉當中既肥美，健康一點。18:00到嚟要排下隊，等下好熱鬧。另外，有個叔叔話鵝頭好食，肉很滑。是嗎？你們有吃過嗎？！

公司近排工作量爆煲所以同同事夾埋， 一人買啲嘢食返去分享 食下好西，旺一旺佢返工之前經過灣仔，見到潮洲佬呢間舖頭，感覺乾淨企理而且門口都有兩三個人喺度幫襯緊作為一個潮州妹～當然要支持一下～不如就買盒鹵水鵝返去開心share啦 食好西喎～點都唔會係菠蘿腸仔掛佢嘅鹵水鵝，係以斤計一百二十幾蚊一斤我對於呢啲重量就冇乜概念～咁就叫老闆幫我斬一盒靚嘅～老闆好nice呀～幫我切左啱啱好一斤～ 收咗120蚊拎上手都幾重～ 真係諗起都舐舐脷～返到公司就被同事拎咗去派一人一舊～好快就掃晒我都係食咗一嚿咋....不過都正～可以分到一嚿髀既肉～d鵝肉好滑肉質幾嫩而且滷水汁個味調得幾好～唔會太鹹～如果唔係公司多人，我諗我肯定要食四五舊先停到手呀～最後同事留左半隻滷蛋比我～yeah, 食滷蛋～令人有滿滿嘅幸福感～我都差啲唔記得咗～老闆送咗兩隻蛋畀我～～咁樣一齊分享，咩都食d都真係幾開心～