漁火海鮮刺身火鍋

營業中

休息中

天氣開始涼喇最正就係打邊爐一路拾下拾下 一路傾計食飯聽說附近開咗間新嘅漁火啲嘢都好新鮮所以約埋個朋友仔放工一齊上去 打個邊爐， 一想到你就會見到有個魚缸雖然唔係好多品種但係啲海鮮都好新鮮時間仲早 一早食越舒服唔會同咁多人迫， 一張雙卡位都幾寬敞舒服商量咗一陣點咗個 杏汁 菜乾豬肺湯底， 貪佢夠曬滋潤， 一人飲一碗湯再食埋湯渣先開始打邊爐點咗一份 手切本地牛邊位口感煙韌而且 唔會太多肥膏， 牛香味 十足， 雖然係第一次食牛邊位 的確一直愛上了豬粉腸都係我最鍾意食嘅內臟之一， 唔使放好耐，我哋都係放咗落湯底一陣間食已經夠曬腍牛骨髓唔係周圍有得食到，佢地呢度嘅牛骨髓好新鮮同埋大大碟， 又滑又綿好正呀

一個漁字你會諗到啲咩？漁民？水上人？總之都係同水有關啦！咁火呢？漁火呢？梗係打邊爐啦，火上面有水嘛XD今夜來到了銅鑼灣的漁火，門口已經流晒口水，有西班牙的巨型石蠔！！隻隻都大隻，聞落去仲好香海水味！我地叫左鴛鴦鍋，一邊係麻辣，一邊係自家鮮魚清湯，麻辣的辣很惹味，令人想一而再食，鮮魚清湯個味道似X哥米線既湯底，白色一片，無油無味精，打邊爐前我都飲左一碗。我同朋友先叫左刺身，朋友好想食龍蝦刺身，餐牌寫時價，我地都有d擔心，問一問原來今日做$388/788，抵食！刺身大大盤，龍蝦刺身呈黃橙色，每片都有3-4cm咁長，食落質感似象拔蚌，爽口彈牙，但係多左一層龍蝦味，除了有刺身食，還有原隻龍蝦伴碟，侍應哥哥很好，幫我地分好說加入湯，味道會更鮮，我地仲可以食到龍蝦膏同肉tim！之後我地再叫左個油甘魚刺身，$78一份唔貴，每片刺身都好厚身，大約有2cm，算好厚，魚油味重。鮮打靚蝦滑：蝦滑成個山丘咁，平日見通常都係一個竹筒仔，呢個幾抵食，$88，蝦肉彈牙又滑。豬仔午餐肉$45，感覺上好似幾貴，但係上枱時已有一陣香味，再睇睇樣，原來係炸的！炸午餐肉幾特別，咬既每下都係脆口，直接食又得，加入火鍋又得，我介

難得約了朋友下班後在銅鑼灣逛街，所以事先訂了在這家火鍋店吃晚飯，同時也想同時滿足我倆既想吃海鮮刺身又想吃熱騰騰的火鍋。被安排入座卡位後，職員便遞上菜單給我們。嘩！也太多選擇了吧！原來背頁也有......想不到有熟食供應！「烚下烚下」之前可以點個前菜吃呢！餐廳很有心思呢！這菜單琳琅滿目的，職員看見我們好像選好久都不知道要點什麼，於是很好心地走上前來提醒我們可以先點了「湯底」才慢慢點菜。（先點湯底也對，不然我們餓很久也沒得吃，哈哈！就沒想到湯底的選擇比起外面火鍋店的也比較豐富。）最後點了上面這個「胡椒白果豬肚湯」。（健脾祛濕呀！）職員遞上醬料料架讓我們自行調配。當然少不了吃火鍋必點的「響鈴」（$48），果然新鮮炸起，夾起時已聽到「薩薩」聲呢，超鬆脆，吃上口也超爽口的！細「什錦刺身」（$288），總共有四種不同刺身，份量一點也不「細」呢！「帶子」很新鮮很滑身，蘸上芥辣和醬油一起吃，一流呀！但我最愛「蝦刺身」，配着蝦身上的醬料吃起來酸酸甜甜的，很開胃！停不了口呢！生蠔的擺盤很精緻！西班牙生蠔（$68） VS 法國生蠔（$38），前者差不多有手掌那麼大。兩隻生蠔都非常新鮮可口，相比之下，西班牙蠔

放左工想打下邊爐，咁係openrice搵到呢間幾多好評嘅火鍋店。咁呢間餐廳非常容易搵，係正mtr站對面。咁佢湯底選擇非常多，而我地選擇左蕃茄薯仔粟米湯。另外，餐牌選擇方面有好多，包括海鮮類別，仲有d熟食選擇添。咁醬料每位要加$15，又有炸蒜又有沙茶醬，連麻油都可供選擇，非常好呀。個湯底黎到，都見到有不少配料。尤其d蕃茄，無諗過咁好食，食落係甜甜地，好新鮮。黑豚腩肉片d肥瘦均勻，唔會話勁多肥膏，而且肉味足夠，值得叫。另外，我地叫左墨魚滑同蝦滑。咁樣叫法係雙拼，抵過就咁叫一個滑食。加上，佢d滑係新鮮打，d蝦滑除左得d膠之外，仲有d蝦肉係入面，非常足料。我地亦都叫左個雙拼芝士丸加魚片頭。芝士唔單止有8粒，魚片頭每人都可以食到2粒，真係好抵食呀。打邊爐點可以唔叫菜，我地就叫左油麥菜，咁d菜好乾淨。響鈴都係打邊爐必食，咁都非常大舊。咁走嘅時候見到佢門口放左d急凍石蠔，好大隻，下次黎一定要叫。另外，佢地d待應服務態度都好好，值得讚賞。

我同朋友都咁岩係銅鑼灣放工，就相約去食一間好出名既火鍋 - 漁火😋😋😋呢間餐廳比起一般嘅火鍋店餐單項目比較豐富又豪華❤️❤️❤️ 仲有唔少比較高級嘅食材可以比顧客選擇😍😍😍每個客人一嚟到，waiter都會拿上呢一個九宮格一樣嘅調味盤😁😁 比客人調出屬於自己嘅味道😀😀😀首先我哋揀咗一個胡椒豬肚湯，好香濃嘅胡椒味而且豬肚亦都相當新鮮😊😊😊 呢個湯底可以不但可以癖除海鮮或者肉嘅蘇味🐔🐷🐮🐟🐠🦐 又可以有陣陣胡椒豬肚嘅清香味道，唔會太過濃烈而蓋過咗原有食材嘅味道😆😆😆👍🏻👍🏻其中一樣我好欣賞嘅食材就係：呢碟鮮炸響鈴😆😆😆 一問之下 原來店舖會喺客人落單之後即刻炸新鮮嘅響鈴👏🏻👏🏻👏🏻 真係好有誠意👍🏻👍🏻 現炸果然係唔同啲，非常香脆又有豆香味😎😎😎放落湯底幾秒鐘即刻拎上嚟口感非常好😛😛😛另外我哋仲叫咗一盤先雜菜🥗🥗 仲有魚皮餃 同埋魚腐🍢🍢 我朋友好鍾意食魚皮餃😙😙 佢嘅評語係呢一隻魚皮餃相當新鮮😚😚 另外我哋仲叫咗一盆雜錦刺身： 有非常新鮮嘅帶子。北寄貝。泰國鮮蝦。吞拿魚....呢個雜錦刺身嘅吞拿魚相當肥美😉😉😉相當有口感而且入口即化😎😎😎另外一樣我哋都好欣賞嘅就係呢碟新鮮即開生蠔😍😍😍😍😍 超級

上次約左舊同事去食韓國野，估唔到咁短時間我地又可以再見面食好西，換轉係以前大家仲係番晏收夜嘅時候，邊有咁嘅機會。是日收工黎到銅鑼灣，天氣涼涼地，又係我地火鍋獸出動嘅時間，選定呢間喺京都廣場嘅漁火海鮮刺身火鍋，一行四人拖住超肚餓嘅身軀坐低因為之前都去過同一棟大廈其他食肆，格局都幾唔一樣，餐廳位置唔多，我地四個被安排坐卡位，相當舒適。平日晚上客人不少，好在我地都有預訂到位置。餐牌選擇豐富，湯底方面有十多款，由比較普通嘅蕃茄薯仔、麻辣，定價$98-128，到一系列矜貴足料湯底都有，例如：花膠響螺燉豬展、花甲豬骨煲、龍皇海鮮湯等，定價$168-438，雙拼加$20。配料方面，有刺身、海鮮、豬牛羊雞、內臟、丸類、餃類、蔬菜、粉麵等，定價合理。醬料 $15/位需要嘅醬料都有齊，整齊擺放。花甲海蝦魚湯鍋 $188朋友知我鐘意食花甲，所以點左呢個鍋底，實物同期望有少少唔同，instead of滿鍋花甲仔，佢呢度用上大隻花甲，有成個湯殼咁大隻架。不過只有三隻，我地有四個人唔夠分，哈哈。花甲王又爽口又鮮甜，脹卜卜，乾淨冇沙，非常鮮味，所以湯底都會寧舍鮮甜海蝦反而有四隻，size唔係話好大，但一定非常新鮮，

銅鑼灣有好多商廈都已經改為食肆集中地，好似早期嘅金百利啦、永光中心等，呢棟京都廣場都係其中之一，有好多唔同食店，火鍋、韓國野等，我地今日就同朋友黎到8樓嘅漁火，打個邊爐，襯天氣開始涼，打多幾轉咁一出lift門已經見到佢地有個小小魚缸，放左啲龍蝦、蠔等，店員見到我地都馬上安排位置。驟眼睇佢地座位唔算好多，有啲係卡位，有啲係大枱，亦都有個位好似間開左咁，如果人多可以訂枱，都坐得舒服。食物方面，價錢中等，一般火鍋配料都有齊，選擇夠多，又有新鮮海鮮、刺身等，全部都好吸引。由於有朋友唔食牛啦，所以今晚我地就冇點牛牛喇，加一啲普通嘅火鍋配料，就特別點啲刺身或者海鮮喇。但如果有興趣都可以試下呢，因為我見隔離枱碟大刺身都幾新鮮花甲海蝦魚湯鍋：店員介紹話呢個湯底落左好多魚去煲出黎，另外我地見到有四隻大蝦、三隻大花甲。花甲勁大隻，見過最大隻，我諗自己買價錢都唔平，而且好少見街市有咁大隻。湯底因為有好多魚去熬，所以都有啲細骨碎喺裡面，要小心。裡面仲有粟米、蕃茄等配料，鮮甜好飲。極品黑豚腩肉：因為朋友唔食牛，我地揀左黑豚腩肉，好大片，但唔會太厚，所以唔洗淥太耐。腩肉唔會有肥膩感，仲有少少似食緊牛咁，正。手打鮮

今日係銅鑼灣行街，晚餐都決定'就地'解決！銅鑼灣有林林種種的餐廳，基本上想食任何國家的菜餚都可以搵到，有見天氣開始轉涼，所以決定上openrice 搵下有邊間打邊爐推介，見到漁火有不少好評，決定黎試下。到達餐廳，發現都幾乎滿座，好彩撞正有台岩岩食完，所以我地等左一陣就有位啦，强烈建議先預約位，唔好似我地咁撞手神。餐廳職員態度很好，非常純熟地將各款調味料及醬油擺係我地面前，我地好快咁自行配搭個人味道的豉油。我們點了花甲豬骨湯，由不同材料煮成，有豬骨、花甲、白蘿蔔、粟米，湯底飲落又滑又甜，花甲好大隻，好新鮮，口感好爽！我地好中意食牛肉，於是叫左個漁火特選牛盛薈。於相片可見牛的不同部位，1是牛柳粒、2係牛舌芯、3係牛肉、4係牛邊位、5係牛頸脊（店員好細心介紹比我地知）由於牛肉很新鮮，基本上各個部位都好好食， 肉質又滑，就算煮耐左都吾會鞋颯颯。但我最愛牛頸脊，好爽口！鐘意食牛肉嘅朋友一定要點呢款，一次過滿足你對食牛肉愛好！另外點左個墨魚滑：又彈牙、又煙韌，食落好新鮮，必食！食完再encore. 仲有娃娃菜同金菇：餐廳提供份量很足夠，我個人口味會將娃娃菜煮到很冧身，令菜吸晒湯底的味道！當職員發現

跟老友相聚，打邊爐是其中我們最常吃的，小至一人火鍋，大至火鍋店散叫今日佢推介既漁火令我一試愛上。點解？咪就係因為D湯囉門口位就見到新鮮既海鮮座位闊落，裝潢簡約好多選擇，兩個人但又咩都好想食我地揀左花膠響螺燉豬展大愛，好多湯料一向打邊爐唔飲湯既我都足足飲左3大碗一上湯底既時候，職員都有話可以試碗湯先打邊爐之後加湯雖然只係加清湯，但你唔會覺得淡味左叫左個一口和牛，以為煮得耐會韌啦，點知相反，帶紅既時候有D韌，煮耐D口感仲好，肉味算濃肥水大花甲，的確肥法國生蠔好鮮甜，唔算太脹卜卜，而海水味都適中，唔會咸打邊爐都唔只係食肉既之前未食過冰豆腐，個感覺好特別帶蜂巢狀，一層層咁，吸盡湯汁冬菇偏厚身但D蝦子一煮就散開雖然特色湯底有D貴，不過值呢個價

近排天氣開始轉涼，最適合就係打邊爐。聽朋友介紹呢間漁火幾好食，貨真假實，於是同男朋友一齊去試。由於時間尚早，所以去到都係吾使等。我地坐左係卡位度，好闊落，而且佢既間板設計好有特色。佢有一盒醬味料，自己配搭。湯底我地簡左：漁火花甲豬骨湯。望落啲湯色好濃，於是就畢左啖湯黎飲，好鮮甜。而且啲花甲大大隻，又吾會有沙。仲好爽口。湯底有少少胡椒粉既辣。雖然有花甲，但一啲都吾腥。點左個漁火特選牛盛薈：有牛頸脊、牛肉、牛邊位、牛柳粒、牛舌芯。上碟既裝飾好令，好吸引。啲肉都好好食，樣樣都好有口感。而且又吾羶。個人最中意食牛肉同牛邊位👍🏿之後點左粟米：好甜。食完啲粟米味仲停留係口腔內。娃娃菜同金菇涮完後完，完全吸晒啲湯的鮮甜味道。而且佢啲份量都幾多。因為2個人既胃口吾係太大，所以點適量既野，不過真係覺得佢既湯底好正，湯係打邊爐既精粹，加左好多分。

今晚約左班損友在銅鑼灣見，一於在此區尋食佢地話想食火鍋，貪佢可以坐耐d慢慢食吹吓水，呢度地方需然唔大，但勝在夠靜坐得舒服首先睇吓有乜湯底選先，除左一d經常有既湯底，還有好多特色湯底一於選個有like既湯底先，就(花膠響螺燉豬展)，再選d火鍋配料食火鍋點可以唔食牛所以我哋選左個：漁火特選牛盛薈，另外叫左：爽彈脆鯇片、漁火特色四色丸、冬菇釀墨魚、即炸鬆脆響鈴、招牌雲吞王、自家韮菜餃、窩荀、菜心苗和皇帝菜。當等待既時候，我哋叫左幾個小食醫吓肚先炸魚皮、鬼馬油條和椒鹽炸大腸。炸魚皮，大細適中，好薄好脆鬼馬油條，油條都係炸得好脆，釀在油條内既墨魚肉好彈牙椒鹽炸大腸，以為賣相同外面炸豬大腸一樣，點知出來唔一樣，好多炸蒜好香好脆，豬大腸啖啖肉，連埋椒鹽和炸蒜一齊食，口感豐富，非常嘢味食緊小食既時候，個湯底就送上花膠響螺燉豬展，睇個湯底非常足料聞已經好香，點知飲落真係不得了！俾到驚起我哋個湯好濃好鮮甜，花膠、響螺、豬展和雞腳都好淋，呢個湯底真係冇得頂如果唔係我哋忍住，就俾我哋飲晒和食晒d湯料，不過現在所剩無幾都要加清湯變左清湯火鍋漁火特選牛盛薈，賣相好靚好吸引裏面有五款唔同部位，極品牛舌心、一口和牛柳

今晩因為要同兩個同學去銅鑼灣傾project，傾完就一齊食埋飯。有人提議去打邊爐，都好喎尤其今晚又涼涼地，幾適合食火鍋於是就上openrice 搵有咩好野，發現漁火好似幾正，從相片看到火鍋料都幾新鮮就吸引左我地一行三人上來了一坐低就混醬油先我地揀左個幾特別嘅湯底一黎到已經聞到濃烈胡椒豬骨味湯滾左後每人先飲一碗湯暖一暖胃先，一個字有三隻巨花甲，食落夠鮮味呢款湯底十分推介。雖然係中size，都唔少喎，三個女仔食都足夠好新鮮！食完第一塊已經停唔到賣相已經比到人新鮮嘅感覺，當然食落都好鮮味四色丸係必點的，本人認為最正係蝦丸仲有櫻花蝦係表面，有誠意食落爽口彈牙。魚腐魚片頭都勁好味雜菜籃分別有唐生菜、冬菇、西洋菜同粟米沖洗乾淨，菜葉翠綠因為有同學菌類只吃金菇，所以我哋都點咗碟份量足！今餐真係好豐富，三個人點到一枱都係嘢食真係好開心😃我地仲點竹庶茅根水，微甜唔錯三個人$1031埋單，打邊爐來講唔算貴。總結: 地方唔算大，但都有間大房適合一大班人由於環境算靜，食材新鮮，服務唔錯，會再幫襯尤其下次會想試推介海鮮刺身

我們叫了胡椒豬肚煲，完全聞及食唔出胡椒味，根本同清水一般另外叫了西班牙生𧐢，有好多碎殼及不新鮮竹庶水又淡到爆其他食物黃喉，魚肚及手切大肥牛超小又冇味道五位每人360元，一D也不飽