漁火海鮮刺身火鍋

營業中

休息中

朕對打火煱既要求好簡單，就係最緊要啲料夠新鮮，夠底夠好味！朕既隨從就係知道朕既心意，佢地就Book左銅鑼灣既漁火海鮮刺身火鍋，朕一上座，店小二就即刻奉上九格醬料，既然黎打邊邊，就緊係要有酒有肉啦，冰凍啤酒就緊架啦，而佐酒小食亦都不能少既，而隨從就叫左鬼馬油條，椒鹽炸大腸，即炸鬆脆響玲。鬼馬油條外層香脆可口，入面非常彈牙！即炸鬆脆響玲，上枱既時候仲出緊煙，咬落非常鬆化，朕會形容為（一陣風）椒鹽炸大腸，店小二上枱時，隨從們仲以為係椒鹽九肚^。^ 食落椒鹽味夠濃，但係大腸味更濃！朕今日叫左個花膠響螺燉豬展做湯底店小二奉上湯底時，朕問一問店小二咁多料點打邊邊呀，店小二就話可以先品嚐呢個花膠響螺燉豬展湯，然後先再加水打邊邊，不過花膠唔想煲過火，所以比較遲落，叫隨從們不要心急！最後真係渣都無！！！品嚐完靚湯，終於都到火煱時間喇，先黎今日重頭戲－漁火特選牛盛薈，裏面有手切牛頸脊，手切牛邊位，Prime牛肉，一口和牛柳粒同埋牛舌芯！朕緊係食Prime牛肉先啦，Prime入口即溶，油香味濃，打頭陣就最啱，跟住朕就試手切牛頸脊，食落爽滑，而手切牛邊位就有嚼勁，牛味香濃，而一口和牛柳粒食落油香味濃，牛舌芯食

漁火海鮮刺身火鍋 打邊爐配料選擇非常多 包括刺身類 肉類 海鮮類 自家製類 麵食 內臟配料和田園蔬菜類八點前埋單離座可享全單9折優惠或九點半後入座宵夜時段可享全單八折利道海鮮火鍋店當然要點算海鮮配料 又大又肥美嘅花甲 大半隻手掌咁大隻 肉質鮮甜 完全冇沙冬菇釀墨魚 非常特別 而且具特色嘅火鍋配料 冬菇香滑墨魚滑彈牙 好吃鹹蛋豬肉丸 又係一個非常特別嘅火鍋配料新鮮嘅手打豬肉 肥瘦適中 中間包著鹹蛋黃 味道層次豐富 我非常喜歡這個羊肉片切得非常薄 帶點羊騷味 有羊騷味才是吃洋的樂趣鮮滑牛 牛肉新鮮色澤亮麗 有咬口 又有牛味 而且牛肉非常嫩滑 完全吾鞋口泰國生蝦蝦肉鮮甜爽脆 泰國醬汁味道正宗 帶點微辣 非常惹味竹笙 吸湯之選鮮炸響鈴即叫即炸 熱辣辣 卜卜脆我哋四個人點到一枱都係嘢食 非常滿足的一餐八點半前埋單仲有九折優惠 非常抵食 火鍋配料碟碟都好大碟 而且非常新鮮 一定會再次光臨

黎到漁火打邊爐 當然一定要點算選佢地嘅新鮮海鮮配料啦 喺未打邊爐之前 先黎個刺身頭盤泰式生蝦$108有5隻蝦肉晶瑩通透 夠曬新鮮冰凍 做前菜一流 醬汁調味剛剛好 不食辣的也可以吃推薦花膠響螺燉豬展湯底打邊爐前一定要先飲湯，湯底足料，岩唒秋冬，潤而不燥響螺片非常厚肉 一啲都唔難咬 慢慢咀嚼仲有螺肉嘅鮮甜味花膠彈牙非常黏口 女士們恩物 補充骨膠原加州桂花蚌 好新鮮 淥10秒食得 質地爽脆 真係好好味呀🤗淥完之後 蚌肉仲好大舊 慢慢咀嚼之後仲有新鮮嘅海水鮮甜味新鮮肥美鵝腸 肥膏偏多 但放入湯中滾兩滾 肥膏已消減一半 爽脆甘香燈光柔和 座位舒適 設有卡位 醬料款款新鮮 同一般火鍋店差別不大竹蔗茅根水 非常冰凍 而且解渴

天氣開始轉涼又係打邊爐嘅好時機成棟大廈都係食嘢嘅 揀咗位於8樓既漁火海鮮刺身火鍋餐廳職員安排咗我哋坐卡位 梳化坐得舒服 寬敞 四個人啱啱好 仲有位置畀我哋放隨身物品急不及待要畫野食 選擇非常多 而且款款新鮮 其後職店員為我們送上自選醬料 醬料費每人15蚊火鍋湯底 總共有14種選擇$98-$438今晚我哋點算嘅湯底係響螺花膠燉豬展$198湯底嘅材料 份量十足 大大嚿響螺 大大片花膠 仲有豬展 圓肉 雞腳 蟲草等等 淡湯簡直係精華所在 非常濃郁火鍋海鮮店 當然要點選新鮮肥美嘅海鮮啦肥美大花甲 鮮甜無比 肉質鮮嫩彈牙天天鮮魚卜 個個都脹卜卜 非常新鮮 餐廳將魚卜洗得好乾淨 所以冇咩腥味滾兩滾 魚卜變得紮實 入口彈牙膠質重蘿蔔鮮甜冇渣 是我每次打邊爐必點之選自家製竹蔗茅根水 甜度適中 清熱下火好吃的數之不盡 最為出色海鮮配料 湯底亦是 靈魂所在 適合大夥兒聚餐

打邊爐可算係香港人最愛菜式之一，近年特色邊爐餐廳越開越多，好多都係以湯底黎吸引客人，今日來到以老火湯底為特色既"漁火"坐低之後當然第一時間揀湯底，好多都係一般邊爐舖無既特色湯底，但我地始終喜愛簡單既蕃茄薯仔粟米湯。同多數邊爐舖一樣，坐低後會先放低個醬料架俾你混醬，醬料款式多之餘，每樣都用蓋蓋住，非常衛生。好快湯底就送到了，上檯時香氣濃郁，即時忍唔住試返啖，湯底味道鮮甜，亦飲得出用豬骨慢慢熬製，火喉十足。雜錦刺身 :係揀火鍋料時，朋友望到話不如試下呢度既刺身，所以就叫個細既試下。雜錦刺身有三文魚，油甘魚，帶子及北寄貝，份量都幾多，兩款魚都係厚切，食落油脂豐富之餘，仲好新鮮，帶子鮮甜亦無乜腥味。係等湯底滾既時候食真係岩晒。走地清遠雞件 :走地雞件有得揀半隻或例牌，由於想食多d唔同野，我地只係叫左例牌，大約有四份一隻雞。走地雞經輕微醃過後，渌完非常鮮甜兼嫩滑，而雞腳亦可以用黎慢慢熬湯。即炸響鈴 :響鈴即叫即炸，上檯時仲熱辣辣，浸落湯度渌十零秒就食得，吸收左湯汁之餘，中間依然夠脆，六件話咁快就食晒。自家帶子餃 :雲吞及餃子係我打邊爐最愛既東西之一，平時多數都係食鮮蝦雲吞，今次見到有帶子餃梗係要

女朋友話要打邊爐，又話要試未去過嘅餐廳。呢啲難題真的好難，迫住我 openrice 咗十幾分鐘先揾到呢間位於京都廣場嘅火鍋店，見佢有咁多笑哈哈應該無死錯人掛哈～醬油收 $10/位，基本上所有醬料都有齊。即開法國生蠔 ($38/隻)估唔到呢度有生蠔食喎，呢個價錢真係掋到爛，唔試都唔得。生蠔仲好大隻添，鮮甜肥美，一啲都唔腥，而且更無沙石。點埋檸檬汁同 Cocktail sauce，酸酸甜甜好開胃，值得一試。走地清遠滑雞件 ($88)見佢推介所以嗌咗，啲雞件真係幾嫩滑喎，又啖啖肉。我哋滾咗好耐唔記得夾上嚟，仲保持到鮮味，肉質煮咗咁耐都唔鞋。自家帶子餃 ($78) 等咗一段時間先到，經理話係師傅啱啱包起。真係一睇就知係自家製，因為個帶子餃真係好大粒，平時嘅包餃可能一兩咬食晒，呢粒起碼咬咗三、四啖先食得晒。我哋都係第一次食帶子餃，鮮味十足，仲有啲帶子粒係入面令口感更豐富。做到咁皮薄餡靚仲唔會散開確實不簡單。日本稻庭烏冬 ($48)原來一客有三件，幾掋食喎！稻庭烏冬基本上係無得輸，係任何場合都咁好食。無論滾咗幾耐，個烏冬都係咁煙韌彈牙。撈埋啲醬汁仲好食。竹笙 ($48) 索晒蕃茄薯仔粟米湯啲精華，

八號風球的星期天，所有活動也被迫取消了，困在家中的我想著為什麼八號波總會挑選在週未才掛上？難道李氏力場是真有其事？一早便約了寶寶今晩去試銅鑼灣的樓上的漁火海鮮刺身火鍋，本來還擔心打風會關門，幸好餐廳還在營業，真的辛苦了所有員工了。火鍋的湯底也有14種，特别的有龍皇海鮮湯、花膠雞湯翅和白肺燉豬骨，但最後我倆也想把戰鬥力放在火鍋料上，所以便點了較清淡的蕃茄薯仔粟米湯鍋 ($98)。雖則材料簡單，卻毫不馬虎。湯底帶著香濃的蕃茄味，所以十分鮮甜。喝了也不渴，跟外面的味精湯不一樣。香甜粟米也有不少塊，所以也無需另點粟米。我們也不想喝啤酒，怕太多氣會肚脹脹 (其實就是不會喝酒)，所以點自家竹蔗茅根 ($48/渣) 就最適合不過了，可清熱下火。竹蔗茅根很解渴，味道是微甜，所以喝得舒服。還非常掋飲呢，我們二人也分到四杯。手切頂級 Prime 牛肉 ($228) 的雪花紋已令我急不及待要吃了。牛肉大約滾十秒便熟，肉質細嫩，入口既溶。味道鮮甜，其濃郁的牛香味更在口中揮之不去。絕對高質。冬菇釀墨魚 ($88) 有創意，把墨魚滑釀在冬菇裡，而上面放上魚籽。煮時僅記要把魚籽那面向天，以免魚籽下落湯裡。手打墨魚滑

打邊爐要食得美味，除左優質牛肉之外，海鮮亦係另一個非常好既選擇，而今次食到既牛同海鮮都好滋味，令我地全晚心情都好好！今日只叫左簡單既牛乳湯底，裏面有豆腐同粟米，清甜而且能夠充份發揮出食材本身既味道！首先到既係深海龍躉片，無骨龍躉片用厚厚切法，食落用啖啖肉來形容就最好不過，而且鮮味十足，口感軟滑唔嚡，正呀！雖然海鮮好味，但都唔可以唔食牛既。手切本地鮮牛頸肉，同樣用厚厚切法，如果肉質唔好，厚切反而會韌，而當然牛肉一如期望，非常柔軟，而且肉味濃郁，美味十足！鮮打靚蝦滑入面有大大粒蝦肉，鮮味充足之外肉質爽口，而且蝦滑又夠彈牙，兩重口感交雜係好味既！豬肝個人認為只有火鍋時先最好味，因為能夠把豬肝喺最適當時機放入口中既，只有火鍋，煮到岩岩好熟度就非常嫩滑，而且呢度豬肝份量很多，68蚊抵食！食物好味之餘，店員服務亦非常好，反應快不在話下，更會幫手清理鍋上既油！

天氣涼凉地最好就係去打邊爐地點好近，直頭係地鐵站對面呢到最出名其實係食剌身但我同朋友都吾係幾好所以叫個湯底食返啲普通野先蕃茄薯仔粟米湯，成鍋好足料肉類極品黑豚豬肉肉質新鮮，夠薄而不肥肉類手打墨肉丸粒粒都好彈牙份量大有有嚼口順德魚腐完全給哂湯既汁自家製韭菜餃好大隻，份量好足夠，成粒都係韭菜，我既至愛麵類就係日本稻庭烏冬滑口不粗易入口飲品自家竹䉀芧根清甜冇味精另外醬料要另15蚊，不過打很邊爐發點可以冇醬嫁

打邊爐算係我喜愛既菜式之一，因為可以慢慢坐慢慢食，係同朋友聚舊既好去處。位於銅鑼灣京都廣場8樓既「漁火」，除左有一般火鍋配料之外，仲有刺身食，更重要既賣點，當然係用老火湯黎做湯底啦！餐廳有大量醬油配料供應: 辣椒、炸蒜、蒜蓉、芝麻、芫荽、蔥、沙茶醬、花生醬、麻油，真係講得出既都有架。蕃茄薯仔粟米湯 坐低後，第一件事當然係揀左湯底先啦，其實湯底都算係火鍋既主角，一個靚既湯底，淥出黎既野食都好味d。喜歡食蕃茄既我，毫不猶豫地揀左蕃茄薯仔粟米湯，係未放任何食物落去淥之前，忍唔住先試一口，入口味道清甜，飲得出無咩味精。雜錦刺身雜錦刺身賣相震撼，非常吸引，真係令人忍唔住「相機食先」。拼盤分別係三文魚，北寄貝，帶子同油甘魚，各樣刺身都厚切，三文魚同油甘魚油脂分佈平均，帶子入口都好鮮甜，以$288 呢個價錢黎講算係性價比高。自家帶子餃 帶子餃內包住大大小小既帶子粒，非常飽滿，餃皮夠薄之餘質感仲好紮實，味道唔錯。手打鮮蝦丸手打鮮蝦丸即叫即打，粒粒大細平均，入口新鮮好味而且彈牙。不過就咁放係隻普通既碟上有點兒單調，建議可以考慮用有分格既碟，咁既話賣相會更加吸引。走地清遠滑雞件雞件吸左湯底既精華後非常入味

其實很少在銅鑼灣打邊爐，這天有點想吃海鮮，就在東角後一點的位置，有一棟大廈原來那裏食店密布，總有一間啱你食！呢間漁火雖然上到去嘅時候比較少人，但係職員嘅服務態度非常好，一上到黎就問我地口渴嗎？使唔使叫啲嘢飲。我諗咗一諗就叫咗竹庶茅根，陣間打邊爐就可以清熱氣。好快一喳嘅竹庶茅根就到左喺我面前，我二話不說就已經喝完一杯，因為十分清甜而且十分解渴，不會像加了糖水那般那麼不天然。朋友突然想喝湯，叫了那個花膠響螺湯，十分足料，裏面有很多的瘦肉和雞腳，像熬了很久的老火湯。而且花膠的數量不少，適合我這些注重保養且顏值的女士。朋友就專注吃響螺片，夾出來的時候我也被嚇到，因為螺片的體積十分大呢！職員亦叫我們先把湯喝掉，再打邊爐會較好。我們先叫了一隻生蠔和一碟帶子刺身，帶子刺身非常新鮮，而且數量十分多，每人大概約10片左右，點上日本醬油非常可口，生蠔亦不過不失，有海水味，而且附帶生蠔醬及檸檬角，適合我這個重口味人士。我們點了一些火鍋配料包括魚片頭，蟹柳，它們是以雙拼形式呈上，另外我已叫了這裏比較出名的海鮮，就是花甲，老闆說他們寧願買貴一點的花甲，大一點，好吃一點，總好過給客人吃一些太下價的花甲，體積太小的

銅鑼灣開滿大大小小數極唔完既餐廳，基本上講得出既美食都可以在這區找到今天約了很久沒見的老友在銅鑼灣聚舊，打邊爐是我們的最愛，貪佢可以慢慢坐慢慢食。於是，朋友今天帶我去他的飯堂""漁火""漁火位於銅鑼灣京都廣場8樓，輪近港鐵站位置便利一開lift門便見到各式各樣生猛海鮮入到店內看到牆身寫滿一系列的本日推介，見到都流曬口水甫坐下，店員會放下混醬，基本需要的都會有湯底有眾多選擇，想清一點的朋友可選蕃茄薯仔店或芫茜皮蛋湯這裡還有冬天恩物"胡椒白果豬肚煲"，女仕驅寒一流最後我們決定點蕃茄薯仔粟米湯，店員放下湯底，急不及待先嚐一口，吃得出是沒有味精的，清清地夠曬健康兩個女生不能點太多食物，因此只點了平時愛吃的炸魚皮、粟米、墨魚滑、雜菜藍等等當然還有火鍋必備的雪花安格斯肥牛雪花紋理清晰夠均勻沒有味精原汁原味的湯底是最能吃到食物本身的鮮味，本人最怕外間超濃味的湯底如果你想在銅鑼灣區揾間環境企理，湯底又有住家feel既打邊爐，漁火便最適合不過

諗住食評幾好中秋節同母親打邊爐食飯唉😒中伏去到諗住期望好大點知😵😵中伏伏叫了大刺身盆點知唔新鮮😖油甘魚灰灰黑黑😨只換番三文魚就算豆腐酸了🤢蔬菜籃亦唔得西洋菜苦苦地😵本地滑牛冇味吃幾片冇食😑捅蠔也🉑️最伏係👎🏻湯底菜乾🐷肺湯侍應叔叔叫我們先飲湯一人一碗飲完諗住加湯底吓😒加🐷骨湯咁咪係$168飲四碗🐷肺湯咁咩叫🐷肺湯底😖牛頸脊🉑️大扇貝4/$98深海沙巴冇🐟味$168茅根竹甘水淡淡的🥛四人埋單$1800冇下次囉🤥👎🏻

今年生日與中秋節撞期，老公真識做，提早幫我慶生，認真抵錫！原來他已經在漁火訂了位，試試這裡的特色打邊爐－用老火湯做湯底！自家製鮮魚清湯鍋開始前，先嚐了兩碗，魚湯清甜鮮美，湯內的豆腐不妨煲至變老豆腐才吃！魚我所欲也，牛則是老公的至愛，兩者可以兼得！但饞咀的我們當然會在眾多的火煱配料中多選幾樣啦！值得推介的火煱料有：手切本地牛邊位牛肉新鮮之餘，肉味濃厚，有爽脆的口感，不容錯過！牛胸爽切出薄如蟬翼的粉紅色肉片，只需在湯內拖一拖便可吃了，爽口彈牙，一流！加州桂花蚌用料正，件頭大，肉質嫩滑，爽脆鮮甜，好味！鮮鱔片魚肉甘腴豐美，齒頰留香，真是不鮮不食！即炸鬆脆響鈴自家製的響鈴，剛剛炸起，即食也可，香脆鬆化，放入湯內焯一焯，沾滿湯汁後，又多了焾甜的口感！鮮蝦丸、墨丸雙拼蝦丸爽口彈牙，蝦膠內還有大大粒的蝦肉，咀嚼時口感豐富，嗦嗦作響，不愧鎮店之寶！其他不妨一試的有：蒙古肥羊片時令什菜籃整體而言，這裡的食材新鮮，買手應記一功，至於湯底，雖然都是用心之作，但我們只是在開始時飲過湯後，焯過食物後，湯已經不能再飲了，感覺有點浪費！

朋友介紹左好耐話呢間刺身火鍋超水準超級正，今日終於有機會約埋阿媽一齊來食！一上到來座位好寬闊，沙發座位好舒服。店員好有禮貌，安排我哋坐好之後介紹我哋先點火鍋湯底。我同阿媽當然叫花膠響螺燉豬展補一補啦！隔咗一陣好快個湯底就嚟啦！店員叫我地先飲下啲湯，仲幫我地勺埋。平時煲開湯嘅阿媽都話好足料，嚮螺片夠新鮮，花膠一人都有幾隻食，仲有雞腳阿媽超鍾意，令到成煲湯好鮮味淨係飲呢個湯都令到成餐飯一開始好滿足。因為我同阿媽都唔識牛嘅緣故所以我哋主公海鮮雞同埋手打丸類我哋叫咗個清遠滑雞件，因為兩個人食，所以叫咗個例牌，但份量都好足夠。最緊要係平時買開餸嘅阿媽都話隻雞好新鮮好滑之後，當然唔少得就係我平時打邊爐一定會叫嘅雲吞。啱啱好呢度嘅雲吞好出名係招牌菜添。雲吞皮薄涵靚，用咗完隻蝦。調味啱啱好，唔似平時出面落太多味精粉，超贊！另外因為媽媽好鍾意食聖子，所以我哋帶咗幾隻食。啲聖子好新鮮，放上枱都好生猛，郁嚟郁去。老闆仲好好人提我地聖子唔可以煮得太內，10秒就夠，煮完10秒攞上嚟食，真係好爽口好鮮甜超正。另外仲叫左花枝片，好薄，爽口唔靱。另外我哋仲叫咗手打蝦丸同墨魚丸，我覺得係我食咁多間火鍋之中手打得最好嘅蝦