影片
更多
2018-01-06
1825 瀏覽
朋友推介今晚去食漁火海鮮刺身火鍋，位於銅鑼灣鬧市區非常方便，而且好容易搵到餐廳。好彩之前都有打去餐廳訂位，上到去已經好多人等緊位，喺門口位置更有座位坐比客人等候，餐廳真係非常體貼。等座位嘅期間，睇到餐廳嘅餐牌上有好多火鍋湯底選擇，係入座之前我哋就揀好晒食乜嘢湯底同埋火鍋配料。一入到去坐低，好快啲嘢食就嚟晒啦，芫荽皮蛋豆腐湯好香，個鍋底好大，用匙羹舀起入面嘅食物果然非常足料，入面有豆腐、皮蛋同埋芫荽，份量都比較多，飲一啖湯都好清甜。醬汁配料都有九款選擇，對於喜歡吃辣椒嘅我，自己混合醬汁，將啲食物點小小辣椒，更加滋味。我最鍾意食雲吞，如果叫一碟驚食唔到其他食物，所以餐廳配有雙拼選擇，只需要加錢就可以叫雙拼食物。雲吞王拼帶子餃好有份量，驟眼睇見到帶子餃非常大隻，脹卜卜的。食落去入面果然有好大隻嘅帶子肉，皮薄饀靚，非常新鮮。除此之外，順德魚腐有八件，食落去入面嘅魚肉非常多，而且口感軟滑，魚肉非常新鮮入味，好正，必叫。重頭戲當然要叫手切PRIME牛肉，肉嘅條紋分明，食落去有質感，新鮮牛肉味香濃無比。另外，餐廳自家製嘅鹹蛋豬肉丸非常特別，外面係新鮮嘅豬肉，入面中央位置係鹹蛋黃。另外仲叫咗深海龍躉片
朋友推介今晚去食漁火海鮮刺身火鍋，位於銅鑼灣鬧市區非常方便，而且好容易搵到餐廳。
好彩之前都有打去餐廳訂位，上到去已經好多人等緊位，喺門口位置更有座位坐比客人等候，餐廳真係非常體貼。等座位嘅期間，睇到餐廳嘅餐牌上有好多火鍋湯底選擇，係入座之前我哋就揀好晒食乜嘢湯底同埋火鍋配料。
一入到去坐低，好快啲嘢食就嚟晒啦，芫荽皮蛋豆腐湯好香，個鍋底好大，用匙羹舀起入面嘅食物果然非常足料，入面有豆腐、皮蛋同埋芫荽，份量都比較多，飲一啖湯都好清甜。
醬汁配料都有九款選擇，對於喜歡吃辣椒嘅我，自己混合醬汁，將啲食物點小小辣椒，更加滋味。
我最鍾意食雲吞，如果叫一碟驚食唔到其他食物，所以餐廳配有雙拼選擇，只需要加錢就可以叫雙拼食物。雲吞王拼帶子餃好有份量，驟眼睇見到帶子餃非常大隻，脹卜卜的。食落去入面果然有好大隻嘅帶子肉，皮薄饀靚，非常新鮮。
除此之外，順德魚腐有八件，食落去入面嘅魚肉非常多，而且口感軟滑，魚肉非常新鮮入味，好正，必叫。
重頭戲當然要叫手切PRIME牛肉，肉嘅條紋分明，食落去有質感，新鮮牛肉味香濃無比。
另外，餐廳自家製嘅鹹蛋豬肉丸非常特別，外面係新鮮嘅豬肉，入面中央位置係鹹蛋黃。
另外仲叫咗深海龍躉片、炸魚皮、油麥菜、蘿蔔片同埋滑豆腐等。
餐廳更有多款飲品、啤酒提供，仲有鮮榨橙汁、加多寶涼茶同埋竹蓆茅根水，打完邊爐都唔使驚會好熱氣啦。總括而言，食物質素高而且有水準，最重要係海鮮新鮮，食物份量都幾多，我哋兩個人食完真係非常滿足，下次一定會再光臨。
張貼
