漁民麵館 (已結業)

一個大雨的晚上, 一個人來到漁民麵館醫肚, 平價的花膠招來非常吸引, 尤其有咁上下年紀的女生, 更需要補補。桂花蜜皮蛋酸薑$19試了這個小食, 皮蛋味道十分濃郁, 皮蛋心是半溶狀態, 添上一些桂花乾, 可能皮蛋味太強, 桂花味道被比下去。花膠湯麵$38雖然只是$38, 但有大大件的冬菇, 肉非常厚, 口感一流, 花膠亦頗多件數, 煮到夠軟腍, 湯底是清清的味道, 不是味精味, 有點花膠的黏性, 可以喝光之後也不覺得口渴。花膠紅棗燉鮮奶$55見大雨未停, 叫多碗燉鮮奶慢慢嘆, 這個燉鮮奶是液體狀, 熱辣辣的, 味道不會太甜, 亦都有不少薄薄軟軟的花膠, 帶點薑味, 把紅棗一併吃下去, 補血補身啊。一百多元又有麵又有甜品, 還吃了不少花膠, 十分抵食, 推介!

早排見到面書有好多人都出POST 擺花膠撈面，但係我都係睇完就算，無諗過去食，直到有次一個朋友問我，話知唔知呢間漁民麵館喺元朗嘅呢間分店方唔方便泊車，先知道原來住馬鞍山嘅佢都諗住山長水遠入黎食但細問之下先知原來想食嘅唔係佢，而係佢女朋友 睇黎好多女仔都鍾意食花膠於是乎我就帶左女朋友同埋我母親大人黎呢度，食下連我朋友山長水遠都要入黎食嘅花膠撈面我就叫左花膠撈粗，因為我個人就對粗面比較有好感花膠都幾大舊同埋入味，粗面亦都煮得好好，一D "簡" 水味都食唔到，而最令我驚喜嘅竟然係冬菇，煮得勁稔勁好食搞到我忍唔住要用花膠同女朋友交換D 冬菇食佢地2個就簡左幼面食賣相真係好靚呀另外仲叫2個小食SHARE涼拌青瓜拼花膠桂花密皮蛋酸薑最後埋單都係咁多錢

今晚想食麵，但平時食果啲普通車仔麵已經食厭咗，咁諗住今日食得特別啲，試吓花膠湯麵。以往食花膠都好貴，係門口睇Menu 只係$38😳，所以即刻拉埋老公入去試吓呢個花膠麵係咩一回事先☺️我哋分別叫咗花膠雞絲魚翅$38，花膠湯麵$38，小食就Order咗秘製辣醬伴皮蛋$15，同埋2枝凍忌廉。當食物一嚟到，真係呆咗，無諗過$38嘅花膠麵真係咁鬼足料，以為門口嘅相同入到嚟食，應該會差好遠，因為始終$38咁抵⋯但我咁諗真係錯曬😹好啦，講番食物既質素先⋯秘製辣醬伴皮蛋，皮蛋流心加埋個秘製辣醬好好味，用嚟做前菜真係一流，然後到個花膠雞絲魚翅，啲菇好肥美，花膠好軟身，真心好足料，Yummy Yummy！！最後到個上湯花膠湯麵，個湯清清哋唔會太濃味喧賓奪主搶過花膠，其次花膠都係好軟身👍🏻（我好怕煲既時間唔夠，好硬食唔到落肚果啲）兼且啲餸好有份量（有2粒大菇同埋3舊大花膠）😹CP值爆燈，真心推介！！

今晚同老公2個人，唔知食咩好，於是去左試食出名既花膠撈麵。我地7點幾去到，都唔駛等位，地方細細但唔會坐得太迫。我地叫左招牌既花膠撈粗同海參麻醬撈擔擔麵。其實除咗面之外佢仲有碗仔翅、小食（秘製辣醬皮蛋、麻醬凍豆腐等等）同埋甜品（花膠燉鮮奶）。海參發得夠軟熟，可惜麻醬味唔夠出色，麵質偏淋，$58，普普通通。花菇花膠撈粗，冬菇好大隻好入味，花膠冇我想像中咁淋，但一碟都有5、6舊，都算抵食。我覺得整體份量算係細，食完都唔夠飽。

元朗平民價食之養顏花膠麵近期爆紅麵館, 個個睇到D宣傳都攻哂入黎元朗搞到上次第一次黎真係O左, 係冇預時間底下, 小丸子同豬仔都放棄左排隊今次同豬仔再黎, 拎左一陣飛排左一陣就入得去食啦~小丸子見好多人都買外賣番去食, 下次都買外賣先, 唔使等咁耐試左花膠蠔汁冬菇撈麵 花膠採用正宗北極鱈魚膠, 真材實料, 岩哂女士滋補養顏蠔汁撈麵好正 配埋超級厚身冬菇真係好好味 小丸子中意食厚身冬菇, 所以呢款冬菇岩哂口味食哂成碟真係滿足豬

係元朗開左一段時間，今日終於有時間試啦花膠向來給人名貴既感覺，要去到高級酒樓先有得食，但最近卻有間小店以花膠菜為招牌，定價大化，數十蚊已食到，當中必試既當然係招牌既花膠撈麵，而且花膠既骨膠原仲夠哂補身連張餐紙都吸引過人皮蛋我平時唔食架，但呢度既皮蛋竟然令我食唔停口，呢款係有d桂花係面，食落甜甜地，皮蛋中間仲好軟心添青瓜最岩就係夏天食，食落又爽又帶點酸辣上面仲有花膠添架花膠撈麵有冬菇、花膠、菜心、粗麵揀幼麵都得漁民麵館採用正宗既北極鱈魚膠，其實揀花膠果時，師傅都要落足眼力，檢查下花膠夠唔夠乾身，有沒有血絲，在浸發時要掌握時間及溫度，才能令花膠軟腍。最後花膠以葱汆水，入口一點就都唔腥大大隻既冬菇好厚肉，炆得夠哂入味

今晚慕名去試元朗舖嘅花膠碗仔翅及花膠幼麵。用自動登記，等二十分鐘，有秩序。招呼客人不錯，有禮貌。叫咗主菜但有啲失望。花膠碗仔翅太「傑」，應該用咗太多粉，全碗碗仔翅只有一片花膠，翅底亦冇乜味道，比一般普通碗仔翅嘅味道差。花膠幼麵有三片花膠，賣相可以接受，但花膠比較硬，麵底只是一般，湯底冇味道。只可以講句失望。冇叫花膠撈麵，但見其他客人叫咗，賣相可以但唔可以俾意見。用花膠作招徠非常聰明及明智，但食物質素有改善空間，希望公司負責人可以研究一下。

朝聖日子， 1500 下午茶時間， 都要等位，朝聖係要等下， 好在都係等10分鐘。 開頭坐左風口位， 好在都肯幫我轉。 新餐牌冷盤小食：海參肉崧豆腐$38原來豆腐加肉鬆， 甜甜地幾好食， 海參都爽口，份量唔算多， 不過平民價喎， 抵！撈麵：花膠蠔汁撈麵$48 真係有成塊花膠， 足料！ 蠔汁冬菇， 厚切， 好入味。湯麵：花膠湯麵$38湯底比較清淡， 花膠麵都一樣有睇頭， 整片上家， 亦有冬菇。 平民價食到足料花膠， 難怪過左lunch hour 都仲咁多人。 提提大家， 要按票等位。

太好味太抵食好彩我去到時間比較早 等十分鐘便有位一直好想食呢間本身諗住食花膠麵會貴點知抵食到一個點 分分鐘平過食粥同雲吞麵睇一睇餐牌 唔係啩咁平嘅 三十幾四十幾就有花膠麵食叫左個湯麵 同撈麵 仲有兩隻大冬菇如果有得揀 我應該唔會再想食雲吞麵另外仲叫左兩樣小食有皮蛋 同雲耳 $15一碟 唔係掛咁抵埋單個下 真係真心覺得好味抵食 一人60蚊麵唔駛期待再去

想食花膠去邊度？成日聽人講元朗有一間食花膠嘅撈麵。。。即刻去試一試。。。鋪頭招牌好大。。。離遠已經見到佢。。。必食嘅一定係花膠撈麵。。。佢啲花膠好林。。。又唔算話好厚。。。但係一碟花膠撈麵都有三四隻花膠。。。側邊仲有少少冬菇。。。有啲蠔油汁味。。。加埋啲撈麵撈埋一齊。。。整體來講都幾好食嘅。 。我仲叫咗個甜品。。就係花膠紅棗燉鮮奶。。。佢個餐牌寫住係3.6牛乳。。。食落口都好有牛奶味。。。我諗應該真係3.6牛乳。。。入面嘅花膠都唔腥所以食落口都OK。。但係呢個甜品價錢唔算平。。下次如果我唔食甜品，可以叫多一個花膠麵食哈哈。。但係一場黎到，點都要試吓佢既甜品，哈哈見未夠飽，仲叫咗一個碗仔翅。。。佢個名叫雞絲碗仔翅。。。唔可以話好好食，但係味道ok。。。如果鍾意食碗仔翅嘅朋友仔，應該都鍾意。。我就寧願下次叫兩個蠔汁花膠撈麵食

今日專成黎呢度食花膠!星期六下晝2點幾3點黎到, 拎飛, 要等十幾個呀!但原來可以用the gulu 遙距拎飛.因為太熱啦, 無企係門口等.等左10幾分鐘.之後返去,已經過左飛,同老闆講,可以下張補返!好快就有位啦.門口同鋪頭入面都好臭呀.有一陣怪味🙊叫左個花膠湯粗同花膠湯幼.等左一陣,碗幼麵就到左la.粗麵就等多左一陣.我本身唔食梘水麵,所以覺得d 粗麵都有d 梘水味.粗麵有咬口,如果要食淋d,要叫佢煮耐d.花膠有兩大舊,仲有幾塊碎嘅,咬落有口感,唔會好散,都有d 痴口,38蚊一碗麵黎講,真係好抵食!仲有兩件厚厚嘅花菇,同兩條菜心!下次會再黎試埋個花膠翅,希望下次黎無臭味啦!!

老公話朋友介紹左一間新開的餐廳，食花膠麵，仲要係勁抵食咁岩放假有D事要入元朗之後就特登上網搜尋下係邊到？點知原來係附近，就緊係去試下啦！講到咁吸引點知到最後因爲唔識元朗的路，行左兩轉，原來遠在天邊近在眼前其實好容易揾，只係自己睇唔到者！去到時門口都較多人等位！好彩都唔係等左好耐，好快就有位了！舖頭不是很大，坐位有點迫促，無乜冷氣，好熱！但唔緊要，為左食好野，又無乜所謂啦呢到除左花膠麵，仲有糖水，正wo我們太肚餓的關係，叫左個花膠雞絲碗仔翅好味既，同埋都好足料！花膠蠔汁撈麵，份量都多！個冬菇勁大隻，勁入味，花膠煮到剛剛好，口感柔軟，微黏，好好味啊！花膠湯麵，可以湯麵關係，味道淡一點！但都可以既！相比黎講個冬菇係比較出色

聽Facebook 介紹元朗有平靚正花膠面食，我同老公就緊係一定要試！首先睇下食評呢就好一半一半，有人話可一不可再，有人話服務態度差，有人話幾好食。好啦！唔理咁多，一試便知龍與鳳！第一次去其實覺得唔差又唔係人地講咁難食，老公叫撈面話唔錯，我就湯粉，都唔錯花膠份量都接受，不過面既份量真係好少好少，肚餓既唔好去！仲有味精超多，食完成晚都渴死！（又話自己不含味精）事隔幾日老公又話想食，於是又去，去到落單個阿姐已經好無禮貌，老公指住撈面嗌左湯粉姐，個阿姐突然勁大聲無禮貌咁喝我老公，你呢個撈面wo,成間店都望住！真係嬲！然後湯面份量一次比一次少！仲有2次入去鋪頭都覺得勁臭，臭到係好似垃圾廁所味，希望可以改善到！值得一提，辣既皮蛋好好食，大家可以試下

昨天微雨夜自己－人，路經此處，門口等位已有不少人流！慶幸用了不用＋五分鐘，以經有員工安排入座，不要期望坐位寬敞，始終小本經營， 自己－個人食飯，搭枱在所難免 ！ 裝修方面 ，帶點中國特色！ 用一些 中國風吊燈 ， 同埋 一些 中國風味嘅水牌 迎合餐廳嘅主題 。入坐後，看了－看菜單，款式並不多，試了一個48蚊嘅花膠撈麵！ 很是欣賞！ 冬菇非常之入味， 花膠並不是想像中那麽多。 但可以嘗試。 湯底比較清， 人流亦多。 不幸的是選擇比較少。 建議可以加一點肉類作為選擇。

花膠蠔汁撈粗麵($48)眼見社交網站力推呢間平價花膠 咁我就去試試佢有幾抵食 星期六午飯時間要等位 兩個人大慨等左三四個字先有位 裡面座位不算多 三十個位左右 菜單款式不多 主打花膠麵同碗仔翅入座後就點左花膠蠔汁撈粗 呢碟撈麵有三塊鱈魚花膠 四舊厚花菇 同一條菜心 花膠冇我期待中炆得咁軟身 亦都唔會特別厚身 口感有少少漿口既 花菇好夠香又厚身配蠔汁係好食 至於碗湯幾清既 不過不失啦 食完亦都冇特別口渴既感覺 不過如果係男士食可能會唔夠飽總括而言 不妨一試 但應該短期內如果冇新菜式就唔會再去